kar mad.h shah-e-jinn-o-bashar aur ziyaada

kar mad.h shah-e-jinn-o-bashar aur ziyaada

jaa.egii terii fikr nikhar aur ziyaada

jiitaa huu.n tire saay-e-altaaf-o-karam me.n

sarkaar inaayat kii nazar aur ziyaada

aivaan-e-suKHan ko mire kar diijiye raushan

ai sham-e-haram rashk-e-qamar aur ziyaada

kar diije du.aa ai sha-e-bathaa ki hamaaraa

allaah kare ilm-o-hunar aur ziyaada

vo fikr-o-nazar mujh ko 'ataa ho ki kahe.n log

allaah kare fikr-o-nazar aur ziyaada

'ahmad' tuu ba-sad shauq luTaa ahl-e-adab me.n

tausiif payambar ke guhar aur ziyaada

har shaKHs kHudaa-bkHsh nazar aa.e jo ham me.n

phir kyuu.n na kitaabo.n kaa zaKHiira ho mayassar

kar mad.h shah-e-jinn-o-bashar aur ziyaada

jaa.egii terii fikr nikhar aur ziyaada

jiitaa huu.n tire saay-e-altaaf-o-karam me.n

sarkaar inaayat kii nazar aur ziyaada

aivaan-e-suKHan ko mire kar diijiye raushan

ai sham-e-haram rashk-e-qamar aur ziyaada

kar diije du.aa ai sha-e-bathaa ki hamaaraa

allaah kare ilm-o-hunar aur ziyaada

vo fikr-o-nazar mujh ko 'ataa ho ki kahe.n log

allaah kare fikr-o-nazar aur ziyaada

'ahmad' tuu ba-sad shauq luTaa ahl-e-adab me.n

tausiif payambar ke guhar aur ziyaada

har shaKHs kHudaa-bkHsh nazar aa.e jo ham me.n

phir kyuu.n na kitaabo.n kaa zaKHiira ho mayassar