kaise bayaa.n ho vasf-e-risaalat-e-ma.aab kaa

kaise bayaa.n ho vasf-e-risaalat-e-ma.aab kaa

duniyaa-e-ra.ng-o-buu ke hasii.n intiKHaab kaa

ruuh-ul-amiin mashriq-o-maGrib kha.ngaal kar

bole nahii.n javaab hai is laa-javaab kaa

lutf-o-karam kii buu.nd se chhi.Dkaav kiijiye

ba.Dhtaa hii jaa rahaa hai dhu.aa.n iztiraab kaa

sairaab kar rahaa hai zamaane kii khetiyaa.n

mat puuchh haal un ke karam ke sahaab kaa

qurbaan jaa.uu.n husn-e-tadabbur pe aap ke

ruKH pher Daalaa vaqt ke har inqalaab kaa

aa jaa.e.n muskuraate hu.e jab vo qabr me.n

aasaan marhala ho savaal-o-javaab kaa

mahshar me.n un ke saayaa-e-rahmat ko dekh kar

dahshat se chehra zard hu.aa aaftaab kaa

hai jis ke dil me.n ashk shah-e-ambiyaa use

mahshar kaa KHauf hai na lahad ke azaab kaa

naam-o-numuud fan kaa zariiya na samjho tum

hai qasd meraa na.at se kaar-e-savaab kaa

laa-raib sinf-e-na.at-e-nabii ke sabab 'tufail'

chehra khulaa-khulaa saa hai fan ke gulaab kaa

kaise bayaa.n ho vasf-e-risaalat-e-ma.aab kaa

duniyaa-e-ra.ng-o-buu ke hasii.n intiKHaab kaa

ruuh-ul-amiin mashriq-o-maGrib kha.ngaal kar

bole nahii.n javaab hai is laa-javaab kaa

lutf-o-karam kii buu.nd se chhi.Dkaav kiijiye

ba.Dhtaa hii jaa rahaa hai dhu.aa.n iztiraab kaa

sairaab kar rahaa hai zamaane kii khetiyaa.n

mat puuchh haal un ke karam ke sahaab kaa

qurbaan jaa.uu.n husn-e-tadabbur pe aap ke

ruKH pher Daalaa vaqt ke har inqalaab kaa

aa jaa.e.n muskuraate hu.e jab vo qabr me.n

aasaan marhala ho savaal-o-javaab kaa

mahshar me.n un ke saayaa-e-rahmat ko dekh kar

dahshat se chehra zard hu.aa aaftaab kaa

hai jis ke dil me.n ashk shah-e-ambiyaa use

mahshar kaa KHauf hai na lahad ke azaab kaa

naam-o-numuud fan kaa zariiya na samjho tum

hai qasd meraa na.at se kaar-e-savaab kaa

laa-raib sinf-e-na.at-e-nabii ke sabab 'tufail'

chehra khulaa-khulaa saa hai fan ke gulaab kaa