tuu hii KHaatam-e-nubuvvat hai tuu hii KHaatam-e-risaalat kaa

tuu hii KHaatam-e-nubuvvat hai tuu hii KHaatam-e-risaalat kaa

KHudaa se silsila miltaa hai jab terii najaabat kaa

nishaa.n 'aalam me.n qaayam hai tirii taa'liim-o-talqii.n kaa

phareraa u.D rahaa hai aaj tak terii hidaayat kaa

na vaisaa ban pa.Daa hargiz kisii ahl-e-nubuuvat se

dikhaayaa jaisaa tuu ne raasta mulk-e-haqiiqat kaa

dahal aTThe hai.n dil jis kii sadaa se ahl-e-kasrat ke

bajaayaa tuu ne naqqaaraa jahaa.n me.n aisaa vahdat kaa

jhukaataa sab ke aage sar ko zaahid gar KHabar rakhtaa

na samjhaa kuchh bhii vo matlab tire raaz-e-haqiiqat kaa

jalaatii kaise ibraahiim ko vo naar-e-namruudii

jamaa thaa naqsha un ke saamne terii jamaalat kaa

rahegaa vo judaa haq se 'asad' laa-raib duniyaa me.n

jo samjhegaa tujhe munkir mohammad kii itaa’at kaa

tuu hii KHaatam-e-nubuvvat hai tuu hii KHaatam-e-risaalat kaa

KHudaa se silsila miltaa hai jab terii najaabat kaa

nishaa.n 'aalam me.n qaayam hai tirii taa'liim-o-talqii.n kaa

phareraa u.D rahaa hai aaj tak terii hidaayat kaa

na vaisaa ban pa.Daa hargiz kisii ahl-e-nubuuvat se

dikhaayaa jaisaa tuu ne raasta mulk-e-haqiiqat kaa

dahal aTThe hai.n dil jis kii sadaa se ahl-e-kasrat ke

bajaayaa tuu ne naqqaaraa jahaa.n me.n aisaa vahdat kaa

jhukaataa sab ke aage sar ko zaahid gar KHabar rakhtaa

na samjhaa kuchh bhii vo matlab tire raaz-e-haqiiqat kaa

jalaatii kaise ibraahiim ko vo naar-e-namruudii

jamaa thaa naqsha un ke saamne terii jamaalat kaa

rahegaa vo judaa haq se 'asad' laa-raib duniyaa me.n

jo samjhegaa tujhe munkir mohammad kii itaa’at kaa