تو ہی خاتم_نبوت ہے تو ہی خاتم_رسالت کا

تو ہی خاتم نبوت ہے تو ہی خاتم رسالت کا

خدا سے سلسلہ ملتا ہے جب تیری نجابت کا

نشاں عالم میں قایم ہے تری تعلیم و تلقیں کا

پھریرا اڑ رہا ہے آج تک تیری ہدایت کا

نہ ویسا بن پڑا ہرگز کسی اہل نبوت سے

دکھایا جیسا تو نے راستہ ملک حقیقت کا

دہل اٹھے ہیں دل جس کی صدا سے اہل کثرت کے

بجایا تو نے نقارا جہاں میں ایسا وحدت کا

جھکاتا سب کے آگے سر کو زاہد گر خبر رکھتا

نہ سمجھا کچھ بھی وہ مطلب ترے راز حقیقت کا

جلاتی کیسے ابراہیم کو وہ نار نمرودی

جما تھا نقشہ ان کے سامنے تیری جمالت کا

رہے گا وہ جدا حق سے اسدؔ لا ریب دنیا میں

جو سمجھے گا تجھے منکر محمد کی اطاعت کا