tuu nuur-e-rabbul-'aalamii.n aafaaq me.n shohra tiraa
tuu nuur-e-rabbul-'aalamii.n aafaaq me.n shohra tiraa
aa.iina hai ki chaa.nd hai mus.haf hai ki chehra tiraa
yaasiin hai.n dandaa.n tire taahaa qad-e-zebaa tiraa
vashshams chehre kii chamak vnnajm naqsh-e-paa tiraa
la.al-e-yaman durr-e-'adan mushk-e-KHutan husn-e-chaman
utran hai tere husn kii vaaran hai yaa sadqa tiraa
huur-o-malaa.ik dekh ke hairat-zada se rah ga.e
kahne lage ye kaun hai rab ne kahaa aaqaa tiraa
qaanuun-e-rab manshuur-e-haq aadaab-e-dil dastuur-e-jaa.n
goyaa nisaab 'ishq hai vo aaKHirii KHutba tiraa
chaahat tirii rab kii razaa chaahe magar teraa KHudaa
terii KHushii KHvaahish tirii marzii tirii manshaa tiraa
tuu maalik-e-kaunain hai tuu haasil-e-daarain hai
TuuTe dilo.n kaa chain hai har lafz har jumla tiraa
puuchhe.n jo vo tuu kaun hai KHam kar ke sar kahnaa 'ziyaa'
shaa.ir tiraa ma.ngtaa tiraa KHaadim tiraa banda tiraa
tuu nuur-e-rabbul-'aalamii.n aafaaq me.n shohra tiraa
aa.iina hai ki chaa.nd hai mus.haf hai ki chehra tiraa
yaasiin hai.n dandaa.n tire taahaa qad-e-zebaa tiraa
vashshams chehre kii chamak vnnajm naqsh-e-paa tiraa
la.al-e-yaman durr-e-'adan mushk-e-KHutan husn-e-chaman
utran hai tere husn kii vaaran hai yaa sadqa tiraa
huur-o-malaa.ik dekh ke hairat-zada se rah ga.e
kahne lage ye kaun hai rab ne kahaa aaqaa tiraa
qaanuun-e-rab manshuur-e-haq aadaab-e-dil dastuur-e-jaa.n
goyaa nisaab 'ishq hai vo aaKHirii KHutba tiraa
chaahat tirii rab kii razaa chaahe magar teraa KHudaa
terii KHushii KHvaahish tirii marzii tirii manshaa tiraa
tuu maalik-e-kaunain hai tuu haasil-e-daarain hai
TuuTe dilo.n kaa chain hai har lafz har jumla tiraa
puuchhe.n jo vo tuu kaun hai KHam kar ke sar kahnaa 'ziyaa'
shaa.ir tiraa ma.ngtaa tiraa KHaadim tiraa banda tiraa
- Book : Jalwa-e-Gul Lafz-ba-Lafz (Pg. 22)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
