Sufinama

tuu vo ma.ashuuq ki aashiq ho yazdaa.n teraa

Afzal Warsi

tuu vo ma.ashuuq ki aashiq ho yazdaa.n teraa

Afzal Warsi

MORE BYAfzal Warsi

    tuu vo ma.ashuuq ki aashiq ho yazdaa.n teraa

    vaah kyaa husn-e-atam ai shah-e-KHuubaa.n teraa

    KHulq aajiz na ho kyuu.n haqq-e-sanaa-KHvaanii se

    maalik-ul-mulk azal se hai sanaa-KHvaa.n teraa

    ambiyaa aur rusul sab hai.n mukarram lekin

    rutba sab se ba.Daa KHatm-e-rasuulaa.n teraa

    zaat-e-baarii kii tajallii kaa saraapaa maz.har

    ek ik jalva-e-husn ruKH-e-taabaa.n teraa

    haadii-e-kaun-o-makaa.n ko.ii ba-juz tere ho kyaa

    diin teraa hai sharii.at terii qur.aa.n teraa

    is qadar kaamil-o-akmal hai mubaarak hastii

    ho faqat aarif-e-billaah hii ko irfaa.n teraa

    tere siddiiq-o-umar aur vo usmaan-o-alii

    sar-ba-sar qudsii sifat halqa-e-yaaraa.n teraa

    saltanat terii hai muhiit-e-had-e-har-do-aalam

    tuu vo sultaan ki jibriil hai darbaa.n teraa

    siina-e-kufr me.n paivast hu.aa tiir-e-qazaa

    na.ara-e-da.avat-e-haq bar sar-e-faaraa.n teraa

    garmii-e-hashr me.n kaam aa.e.n to bas ye dono.n

    saaya-e-rahmat-e-haq yaa saaya-e-daamaa.n teraa

    baa.is-e-ziinat-o-zebaa.ish-e-baaG-e-aalam

    mushk afshaa.n vo siyah-gesuu-e-paimaa.n teraa

    rashk-e-firdaus na kyuu.n-kar ho.n fazaa.e.n terii

    hai gul-e-tar se hasii.n KHaar-e-muGiilaa.n teraa

    ashraf-ul-KHalq hu.aa hai ye badaulat terii

    nau-e-insaa.n pe hai kitnaa ba.Daa ehsaa.n teraa

    kashtii-e-ziist kaa ruKH mo.D le jo tuu suu-e-haram

    raasta KHud hii ta.ayyun kar le tuufaa.n teraa

    muztarib yaad me.n rahte hai.n dil-o-jaa.n din-bhar

    shab ko sone nahii.n detaa Gam-e-hijraa.n teraa

    chal dar-e-shaafe.a-e-mahshar pe ba-ujlat 'afzal'

    ho vahaa.n KHuub ilaaj-e-Gam-e-isyaa.n teraa

    tuu vo ma.ashuuq ki aashiq ho yazdaa.n teraa

    vaah kyaa husn-e-atam ai shah-e-KHuubaa.n teraa

    KHulq aajiz na ho kyuu.n haqq-e-sanaa-KHvaanii se

    maalik-ul-mulk azal se hai sanaa-KHvaa.n teraa

    ambiyaa aur rusul sab hai.n mukarram lekin

    rutba sab se ba.Daa KHatm-e-rasuulaa.n teraa

    zaat-e-baarii kii tajallii kaa saraapaa maz.har

    ek ik jalva-e-husn ruKH-e-taabaa.n teraa

    haadii-e-kaun-o-makaa.n ko.ii ba-juz tere ho kyaa

    diin teraa hai sharii.at terii qur.aa.n teraa

    is qadar kaamil-o-akmal hai mubaarak hastii

    ho faqat aarif-e-billaah hii ko irfaa.n teraa

    tere siddiiq-o-umar aur vo usmaan-o-alii

    sar-ba-sar qudsii sifat halqa-e-yaaraa.n teraa

    saltanat terii hai muhiit-e-had-e-har-do-aalam

    tuu vo sultaan ki jibriil hai darbaa.n teraa

    siina-e-kufr me.n paivast hu.aa tiir-e-qazaa

    na.ara-e-da.avat-e-haq bar sar-e-faaraa.n teraa

    garmii-e-hashr me.n kaam aa.e.n to bas ye dono.n

    saaya-e-rahmat-e-haq yaa saaya-e-daamaa.n teraa

    baa.is-e-ziinat-o-zebaa.ish-e-baaG-e-aalam

    mushk afshaa.n vo siyah-gesuu-e-paimaa.n teraa

    rashk-e-firdaus na kyuu.n-kar ho.n fazaa.e.n terii

    hai gul-e-tar se hasii.n KHaar-e-muGiilaa.n teraa

    ashraf-ul-KHalq hu.aa hai ye badaulat terii

    nau-e-insaa.n pe hai kitnaa ba.Daa ehsaa.n teraa

    kashtii-e-ziist kaa ruKH mo.D le jo tuu suu-e-haram

    raasta KHud hii ta.ayyun kar le tuufaa.n teraa

    muztarib yaad me.n rahte hai.n dil-o-jaa.n din-bhar

    shab ko sone nahii.n detaa Gam-e-hijraa.n teraa

    chal dar-e-shaafe.a-e-mahshar pe ba-ujlat 'afzal'

    ho vahaa.n KHuub ilaaj-e-Gam-e-isyaa.n teraa

    Source :
    • Book : Tazkira Shora-e-Warsia (Pg. 213)
    • Publication : Fine Books Printers (1993)
    • Edition : First
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now