vo sham.a ujaalaa jis ne kiyaa chaaliis baras tak Gaaro.n me.n
vo sham.a ujaalaa jis ne kiyaa chaaliis baras tak Gaaro.n me.n
Zafar Ali Khan
MORE BYZafar Ali Khan
vo sham.a ujaalaa jis ne kiyaa chaaliis baras tak Gaaro.n me.n
ik roz jhalakne vaalii thii sab duniyaa ke darbaaro.n me.n
rahmat kii ghaTaa.e.n phail ga.ii.n aflaak ke gumbad-gumbad par
vahdat kii tajallii kau.nd ga.ii aafaaq ke senaa-zaaro.n me.n
gar arz-o-samaa kii mahfil me.n lau-laak-lammaa kaa shor na ho
ye ra.ng na ho.n gulzaaro.n me.n ye nuur na ho sayyaaro.n me.n
vo jins nahii.n iimaan jise le aa.e.n dukaan-e-falsafa se
Dhuu.nDe se mile gii 'aaqil ko ye qur.aa.n ke siipaaro.n me.n
jo falsafiyo.n se khul na sakaa aur nukta-varvo.n se hal na hu.aa
vo raaz ik kamlii vaale ne batlaa diyaa chand ishaaro.n me.n
jis mai-kade kii ek buu.nd se bhii lab kaj-kulho.n ke tar na hue
hai.n aaj bhii ham be-maaya gadaa is mai-kade ke sarshaaro.n me.n
ham haq ke ’alam-bardaaro.n kaa hai ab bhii niraalaa ThaaT vahii
baadal kii garaj takbiiro.n me.n bijlii kii ta.Dap talvaaro.n me.n
hai.n kirne.n ik hii mash.al kii abuu-bakr-o-'omer 'usmaan 'alii
ham-martaba hai.n yaaraan-e-nabii kuchh farq nahii. in chaaro.n me.n
vo sham.a ujaalaa jis ne kiyaa chaaliis baras tak Gaaro.n me.n
ik roz jhalakne vaalii thii sab duniyaa ke darbaaro.n me.n
rahmat kii ghaTaa.e.n phail ga.ii.n aflaak ke gumbad-gumbad par
vahdat kii tajallii kau.nd ga.ii aafaaq ke senaa-zaaro.n me.n
gar arz-o-samaa kii mahfil me.n lau-laak-lammaa kaa shor na ho
ye ra.ng na ho.n gulzaaro.n me.n ye nuur na ho sayyaaro.n me.n
vo jins nahii.n iimaan jise le aa.e.n dukaan-e-falsafa se
Dhuu.nDe se mile gii 'aaqil ko ye qur.aa.n ke siipaaro.n me.n
jo falsafiyo.n se khul na sakaa aur nukta-varvo.n se hal na hu.aa
vo raaz ik kamlii vaale ne batlaa diyaa chand ishaaro.n me.n
jis mai-kade kii ek buu.nd se bhii lab kaj-kulho.n ke tar na hue
hai.n aaj bhii ham be-maaya gadaa is mai-kade ke sarshaaro.n me.n
ham haq ke ’alam-bardaaro.n kaa hai ab bhii niraalaa ThaaT vahii
baadal kii garaj takbiiro.n me.n bijlii kii ta.Dap talvaaro.n me.n
hai.n kirne.n ik hii mash.al kii abuu-bakr-o-'omer 'usmaan 'alii
ham-martaba hai.n yaaraan-e-nabii kuchh farq nahii. in chaaro.n me.n
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
