یہ گھرانا ہے علی کا مرتبہ کچھ اور ہے

یہ گھرانا ہے علی کا مرتبہ کچھ اور ہے

سب سے اونچا یہ گھرانا باخدا کچھ اور ہے

ہاں ابو طالب عمر حمزہ کا ڈر تو ہے مگر

کافروں میں مرتضیٰ کا دبدبہ کچھ اور ہے

تجربے سے میں بتاؤں یہ کہیں لکھا نہیں

جو علی کو ہے سنا اس سے سوا کچھ اور ہے

عشق والے، یہ علی کو دیکھ کر کہنے لگے

ان کے قدموں میں بھلا ہے، فائدہ کچھ اور ہے

کچھ نہ کچھ تو روشنی ہے سب کے کنبے میں مگر

اس گھرانے کی زمانے میں ضیا کچھ اور ہے

یوں تو زہرا کے ہیں شوہر، پنجتن میں بھی ہیں وہ

خم کے منبر پر، علی کا مرتبہ کچھ اور ہے

سب سے لڑکر جان تو اپنی بچا لے گا عدو

جنگ میں تنہاؔ علی سے سامنا کچھ اور ہے