zuhuur-e-haq hai iz.haar-e-mohammad

zuhuur-e-haq hai iz.haar-e-mohammad

KHudaa kii diid diidaar-e-mohammad

gul-e-tar hai.n jo ruKHsaar-e-mohammad

hai nargis chashm-e-biimaar-e-mohammad

lab-e-iisaa ko nisbat kuchh nahii.n hai

vo hai.n la.al-e-guhar-baar-e-mohammad

hu.aa hai baal se laaGar ziyaada

asiir-e-zulf-e-KHamdaar-e-mohammad

hai mehraab-e-ibaadat aashiqo.n ko

zahe abruu-e-KHamdaar-e-mohammad

bichhaa dete the par apne adab se

farishte vaqt-e-raftaar-e-mohammad

abuu-bakr-o-umar usmaan-o-haidar

hai.n yaaraan-e-vafaadaar-e-mohammad

mohammad vaaqif-e-asraar-e-haq hai.n

KHudaa aagaah-e-asraar-e-mohammad

hazaaro.n rashk-e-yuusuf jal bujhe.nge

ye hai garmii-e-baazaar-e-mohammad

gul-e-firdaus aa.nkho.n me.n kab aa.e

dil apnaa hai talabgaar-e-mohammad

habiib-e-haq shafii-e-roz-e-mahshar

shafaa.at hai sazaa-vaar-e-mohammad

kahaa.n mumkin ki nii.nd aa.nkho.n me.n aa.e

jise hai shauq-e-diidaar-e-mohammad

ilaahii baKHsh 'aajiz' kii KHataa.e.n

baraa.e aal-e-athaar-e-mohammad

zuhuur-e-haq hai iz.haar-e-mohammad

KHudaa kii diid diidaar-e-mohammad

gul-e-tar hai.n jo ruKHsaar-e-mohammad

hai nargis chashm-e-biimaar-e-mohammad

lab-e-iisaa ko nisbat kuchh nahii.n hai

vo hai.n la.al-e-guhar-baar-e-mohammad

hu.aa hai baal se laaGar ziyaada

asiir-e-zulf-e-KHamdaar-e-mohammad

hai mehraab-e-ibaadat aashiqo.n ko

zahe abruu-e-KHamdaar-e-mohammad

bichhaa dete the par apne adab se

farishte vaqt-e-raftaar-e-mohammad

abuu-bakr-o-umar usmaan-o-haidar

hai.n yaaraan-e-vafaadaar-e-mohammad

mohammad vaaqif-e-asraar-e-haq hai.n

KHudaa aagaah-e-asraar-e-mohammad

hazaaro.n rashk-e-yuusuf jal bujhe.nge

ye hai garmii-e-baazaar-e-mohammad

gul-e-firdaus aa.nkho.n me.n kab aa.e

dil apnaa hai talabgaar-e-mohammad

habiib-e-haq shafii-e-roz-e-mahshar

shafaa.at hai sazaa-vaar-e-mohammad

kahaa.n mumkin ki nii.nd aa.nkho.n me.n aa.e

jise hai shauq-e-diidaar-e-mohammad

ilaahii baKHsh 'aajiz' kii KHataa.e.n

baraa.e aal-e-athaar-e-mohammad