تولیدن شیر از دیر آمدن خرگوش

خرگوش کے دیر میں آنے سے شیر کا رنجیدہ ہونا

اُس خرگوش کی طرح جس نے شیر پر حملہ کیا

اس کی روح، قد کے مطابق کب تھی؟

شیر، تندی اور غصّہ سے کہہ رہا تھا

دشمن نے میرے کان کے راستہ سے آنکھیں بند کر دیں

جبر کا عقیدہ رکھنے والوں کے مکرنے مجھے مجبور کر دیا

اُن کی لکڑی کی تلوار نے میرے جسم کو زخمی کر دیا

اِس کے بعد میں اُس مکر کو نہ سنوں گا

وہ سب شیطانوں اور بھوتوں کی آواز ہے

اے دل! تو اُن کو پھاڑ ڈال، نہ رُک

اُنکی چمڑی اُدھیڑ دے وہ چھلکے کے سوا کچھ نہیں ہیں

چھلکا کیا ہوتا ہے؟ رنگا رنگ باتیں

جیسے پانی کی زرہ کہ وہ تھوڑی دیر بھی باقی نہیں رہتی

یہ بات چھلکے کی طرح ہے، معنیٰ کو مغز سمجھ

یہ بات صورت کی طرح ہے اور معنٰی جان کی طرح ہیں

چھلکا، خراب گری کا عیب پوش ہوتا ہے

اچّھی گری کے لیے غیرت کی وجہ سے ‘غائب رکھکر پوشیدہ رکھنے والا ہوتا ہے

جب تیرا قلم ہوا کا ہے اور دفتر پانی کا

تو جو کچھ لکھیگا وہ جلد فنا ہو جائیگا

وہ نقش بر آب ہے اگر تو اُس سے وفا چاہیگا

اپنے ہاتھ کو کاٹتا ہوا (پشیمان) واپس لوٹیگا

انسانوں میں ہوا، خواہش اور آرزو ہے

جب تونے خواہش کو ترک کیا (بس یہی) اللہ کا پیغام ہے

خدا کے پیغام مبارک ہوتے ہیں

جو سَر سے پیر تک پائیدار ہوتے ہیں

بادشاہوں کے خطبے اور ان کی سرداری بد ل جاتی ہے

بخلاف نبیوں کے قصّوں اور سرداری کے

اِسلئے کہ بادشاہوں کی کرّ و فر خواہشِ نفسانی ہے

انبیاء کی عزّت خدا کی جانب سے ہے

بادشاہوں کے نام، سکّوں سے مٹا دیتے ہیں

احمد (صلی اللہ علیہ وسلم) کا نام قیامت تک منقش کرتے رہیں گے

احمد (صلی اللہ علیہ وسلّم) کا نام ، تمام انبیاء کا نام ہے

جب سو آئے تو نوّے بھی ہمارے سامنے ہے