kaash ham suu-e-madiina kabhii jaate-jaate

kaash ham suu-e-madiina kabhii jaate-jaate

haal-e-dil sayyad-e-’aalam ko sunaate jaate

nazar us gumbad-e-kHazraa pe jamaate jaate

dekhte jalva-e-diidaar ko aate-jaate

gul-e-nazaara ko aa.nkho.n se uThaate jaate

kuchh dino.n jaa ke madiina me.n iqaamat karte

dil-e-diivaana ko masruuf-e-’ibaadat karte

ham bhii itnii kabhii isbaat-e-itaa'at karte

har sahr rauza-e-at.har kii ziyaarat karte

daaG-e-hijraa.n dil-e-mahzuu.n se miTaate jaate

'aashiqii kaa kabhii dam ham bhii ilaahii bharte

jin ke saude me.n pareshaa.n hai.n unhii.n par marte

kyuu.n pareshaanii-e-ilzaam jahaa.n se Darte

sar-e-shoriida ko gesuu pe tasadduq karte

dil-e-diivaana ko zanjiir pahnaate jaate

teraa ehsaan thaa gar hind me.n aatii aatii

ai sabaa KHaak madiine kii u.Daatii laatii

jaan-e-mahzuu.n ye kisii tarh se raahat paatii

qadam-e-paak kii gar KHaak bhii haath aa jaatii

chashm-e-mushtaaq me.n bhar-bhar ke lagaate jaate

miltaa gar taale'-e-vaazhuu.n saa madad-gaar hame.n

ra.nj furqat kaa na hotaa kabhii dushvaar hame.n

hotaa hazrat ke ruKH-e-paak kaa diidaar hame.n

miltii gar KHvaab me.n vo daulat-e-bedaar hame.n

baKHt-e-KHvaabiida ko Thokar se jagaate jaate

jaa.e.n ham rauza-e-at.har ko to tirchhe-tirchhe

laila-e-naaqa ke saude me.n tire matvaale

dau.De phirte har ik vaadii me.n aa.De pa.Dte

dasht-e-yasrib me.n tire naaqe ke piichhe-piichhe

dhajjiyaa.n jeb-o-garebaa.n kii u.Daate jaate

hasrat-e-haal-e-hasn hai yahii marte-marte

sar tire rauze ke chaukhaT pe kabhii ham dharte

kyaa 'ajab aap masiihaa.ii kaa gar dam bharte

kaafii-e-kushta-e-diidaar ko zinda karte

lab-e-e.ajaaz agar aap jaate jaate

kaash ham suu-e-madiina kabhii jaate-jaate

haal-e-dil sayyad-e-’aalam ko sunaate jaate

nazar us gumbad-e-kHazraa pe jamaate jaate

dekhte jalva-e-diidaar ko aate-jaate

gul-e-nazaara ko aa.nkho.n se uThaate jaate

kuchh dino.n jaa ke madiina me.n iqaamat karte

dil-e-diivaana ko masruuf-e-’ibaadat karte

ham bhii itnii kabhii isbaat-e-itaa'at karte

har sahr rauza-e-at.har kii ziyaarat karte

daaG-e-hijraa.n dil-e-mahzuu.n se miTaate jaate

'aashiqii kaa kabhii dam ham bhii ilaahii bharte

jin ke saude me.n pareshaa.n hai.n unhii.n par marte

kyuu.n pareshaanii-e-ilzaam jahaa.n se Darte

sar-e-shoriida ko gesuu pe tasadduq karte

dil-e-diivaana ko zanjiir pahnaate jaate

teraa ehsaan thaa gar hind me.n aatii aatii

ai sabaa KHaak madiine kii u.Daatii laatii

jaan-e-mahzuu.n ye kisii tarh se raahat paatii

qadam-e-paak kii gar KHaak bhii haath aa jaatii

chashm-e-mushtaaq me.n bhar-bhar ke lagaate jaate

miltaa gar taale'-e-vaazhuu.n saa madad-gaar hame.n

ra.nj furqat kaa na hotaa kabhii dushvaar hame.n

hotaa hazrat ke ruKH-e-paak kaa diidaar hame.n

miltii gar KHvaab me.n vo daulat-e-bedaar hame.n

baKHt-e-KHvaabiida ko Thokar se jagaate jaate

jaa.e.n ham rauza-e-at.har ko to tirchhe-tirchhe

laila-e-naaqa ke saude me.n tire matvaale

dau.De phirte har ik vaadii me.n aa.De pa.Dte

dasht-e-yasrib me.n tire naaqe ke piichhe-piichhe

dhajjiyaa.n jeb-o-garebaa.n kii u.Daate jaate

hasrat-e-haal-e-hasn hai yahii marte-marte

sar tire rauze ke chaukhaT pe kabhii ham dharte

kyaa 'ajab aap masiihaa.ii kaa gar dam bharte

kaafii-e-kushta-e-diidaar ko zinda karte

lab-e-e.ajaaz agar aap jaate jaate