'iid miilaad-un-nabii

kufr ke zulmat-kade me.n nuur paidaa kar diyaa

nuur-e-vahdat se a.ndhere me.n ujlaa kar diyaa

shaahid-e-husn-e-haqiiqat ko tamaashaa kar diyaa

har tamaashaa.ii ko ik jalve ne muusaa kar diyaa

aa.nkh kii putlii ko ik hairat kaa putlaa kar diyaa

qasr-e-kisraa aaj ke din ho gayaa thaa sar-niguu.n

mil gayaa miTTii me.n qaisar kii zalaalat kaa junuu.n

ho gayaa baatil buto.n kii shaan-e-hashmat kaa fusuu.n

ruk gayaa ilhaad kii shiryaan me.n dauraan-e-kHuu.n

kufr ko islaam ke tiiro.n ne 'anqaa kar diyaa

’iid-e-miilaad-e-mohammad jaam-e-mai bardosh hai

mast idhar 'aabid udhar zaahid bhii ’ishrat-kosh hai

aaj vaa'iz bhii hai mai-kash shaiKH bhii mai-nosh hai

dekhiye mahfil kii mahfil be-piye mad.hosh hai

zikr-e-hazrat ne 'ajab vo kaif paidaa kar diyaa

kyaa mohabbat kyaa muravvat kyaa saKHaavat kiyaa 'ataa

har adaa pyaarii hai har andaaz hai raahat-fazaa

husn-e-dilkash ke karishme hai.n nihaayat dil-rubaa

aur chashm-e-kaif-zaa hai kis qadar mo’jiz-numaa

har nazar ko jis ne rashk-e-mauj-e-sahbaa kar diyaa

chhaa gayaa abr-e-karam uTh kar gul-o-gulzaar par

husn ne kii jalva-rezii shaaKH-o-barg-o-baar par

nuur kii baarish hu.ii har suu dar-o-diivaar par

gauhar aa ga.ii.n abr barsaa daaman-e-kohsaar par

aap ne sahraa ko ik rahmat kaa dariyaa kar diyaa

aap kii KHaatir bane the ye zamiin-o-aasmaa.n

aap kii hastii kaa shaahid manzar-e-kaun-o-makaa.n

aap kaa darbaar-e-aqdas sajda-gaah-e-ins-o-jaa.n

sar-ba-sajda aap ke qadmo.n pe hai.n shaahaan-e-jahaa.n

aap ne zarre ko mehr adnaa ko 'aalaa kar diyaa

jo haqiiqat-aashnaa hai.n haq se hai.n jo baa-KHabar

’ilm-e-taariiKH-e-mazaahib par jo rakhte hai.n nazar

nukta-haa-e-daanish-o-hikmat se hai.n jo bahra-var

jaante hai.n maante hai.n ho gayaa Tuk.De qamar

aap ne jis vaqt a.ngulii se ishaaraa kar diyaa

murde zinda ho ga.e the ’iisvii e'jaaz se

bol uThe muTThii me.n patthar aap kii aavaaz se

tuur par muusaa na vaaqif ho sake jis raaz se

aap ko KHalvat me.n bulvaa kar 'ajab andaaz se

haq ne har raaz-e-haqiiqat aashkaaraa kar diyaa

baa’is-e-takviin-e-maujuudaat hai jis kaa vujuud

jis kii hastii kaa tufailii hai jahaan-e-hast-o-buud

gulshan-e-’aalam me.n jis ke husn kii hai sab numuud

bhej ab ai 'qais' us par tu dil-o-jaa.n se duruud

gumraho.n ko jis ne manzil se shanaasaa kar diyaa

kufr ke zulmat-kade me.n nuur paidaa kar diyaa

nuur-e-vahdat se a.ndhere me.n ujlaa kar diyaa

shaahid-e-husn-e-haqiiqat ko tamaashaa kar diyaa

har tamaashaa.ii ko ik jalve ne muusaa kar diyaa

aa.nkh kii putlii ko ik hairat kaa putlaa kar diyaa

qasr-e-kisraa aaj ke din ho gayaa thaa sar-niguu.n

mil gayaa miTTii me.n qaisar kii zalaalat kaa junuu.n

ho gayaa baatil buto.n kii shaan-e-hashmat kaa fusuu.n

ruk gayaa ilhaad kii shiryaan me.n dauraan-e-kHuu.n

kufr ko islaam ke tiiro.n ne 'anqaa kar diyaa

’iid-e-miilaad-e-mohammad jaam-e-mai bardosh hai

mast idhar 'aabid udhar zaahid bhii ’ishrat-kosh hai

aaj vaa'iz bhii hai mai-kash shaiKH bhii mai-nosh hai

dekhiye mahfil kii mahfil be-piye mad.hosh hai

zikr-e-hazrat ne 'ajab vo kaif paidaa kar diyaa

kyaa mohabbat kyaa muravvat kyaa saKHaavat kiyaa 'ataa

har adaa pyaarii hai har andaaz hai raahat-fazaa

husn-e-dilkash ke karishme hai.n nihaayat dil-rubaa

aur chashm-e-kaif-zaa hai kis qadar mo’jiz-numaa

har nazar ko jis ne rashk-e-mauj-e-sahbaa kar diyaa

chhaa gayaa abr-e-karam uTh kar gul-o-gulzaar par

husn ne kii jalva-rezii shaaKH-o-barg-o-baar par

nuur kii baarish hu.ii har suu dar-o-diivaar par

gauhar aa ga.ii.n abr barsaa daaman-e-kohsaar par

aap ne sahraa ko ik rahmat kaa dariyaa kar diyaa

aap kii KHaatir bane the ye zamiin-o-aasmaa.n

aap kii hastii kaa shaahid manzar-e-kaun-o-makaa.n

aap kaa darbaar-e-aqdas sajda-gaah-e-ins-o-jaa.n

sar-ba-sajda aap ke qadmo.n pe hai.n shaahaan-e-jahaa.n

aap ne zarre ko mehr adnaa ko 'aalaa kar diyaa

jo haqiiqat-aashnaa hai.n haq se hai.n jo baa-KHabar

’ilm-e-taariiKH-e-mazaahib par jo rakhte hai.n nazar

nukta-haa-e-daanish-o-hikmat se hai.n jo bahra-var

jaante hai.n maante hai.n ho gayaa Tuk.De qamar

aap ne jis vaqt a.ngulii se ishaaraa kar diyaa

murde zinda ho ga.e the ’iisvii e'jaaz se

bol uThe muTThii me.n patthar aap kii aavaaz se

tuur par muusaa na vaaqif ho sake jis raaz se

aap ko KHalvat me.n bulvaa kar 'ajab andaaz se

haq ne har raaz-e-haqiiqat aashkaaraa kar diyaa

baa’is-e-takviin-e-maujuudaat hai jis kaa vujuud

jis kii hastii kaa tufailii hai jahaan-e-hast-o-buud

gulshan-e-’aalam me.n jis ke husn kii hai sab numuud

bhej ab ai 'qais' us par tu dil-o-jaa.n se duruud

gumraho.n ko jis ne manzil se shanaasaa kar diyaa