asdaq piya asdaq piya dil mera pukare dil mera pukare

ai ḳhudāvandā tu zāt-e-kibriyā ke vāste

rahm kar mujh par mohammad mustafā ke vāste

maiñ huā huuñ saḳht zaar us band mehnat meñ asiir

khol de mushkil 'alī-e-murtazā ke vāste

vālī-e-hindostāñ ḳhvāja mu'īnuddīñ hasan

de mujhe apnī vilā us shāh-e-hudā ke vāste

'ishq apnā de mujhe ai mere maulā-e-karīm

shāh-nizāmuddīn mahbūb-e-auliyā ke vāste

qibla-gāh-e-vāsilān-o-kā’ba-e-jān-e-hazīñ

asdaq-e-sidq-e-numā nūr-e-ḳhudā ke vāste

de mujhe apnī mohabbat aur qat' mā-sivā

vāsta pīrān-e-shajra-e-chishtiyā ke vāste

is bashīr-e-nā-tavāñ kā ḳhātima-bil-ḳhair ho

sayyad-e-kaunain-o-shāh-o-karbalā ke vāste

ai KHudawanda tu zat-e-kibriya ke waste

rahm kar mujh par mohammad mustafa ke waste

main hua hun saKHt zar us band mehnat mein asir

khol de mushkil 'ali-e-murtaza ke waste

wali-e-hindostan KHwaja mu'inuddin hasan

de mujhe apni wila us shah-e-huda ke waste

'ishq apna de mujhe ai mere maula-e-karim

shah-nizamuddin mahbub-e-auliya ke waste

qibla-gah-e-wasilan-o-ka’ba-e-jaan-e-hazin

asdaq-e-sidq-e-numa nur-e-KHuda ke waste

de mujhe apni mohabbat aur qat' ma-siwa

wasta piran-e-shajra-e-chishtiya ke waste

is bashir-e-na-tawan ka KHatima-bil-KHair ho

sayyad-e-kaunain-o-shah-o-karbala ke waste