KHudawanda hamein nusrat ata kar

ḳhudāvandā hameñ nusrat 'atā kar

hameñ aslāf kī quvvat 'atā kar

kisī uftād se ghabrā na jaa.eñ

hameñ siddīq kī jur.at 'atā kar

hamārī kufr par chhā jaa.e haibat

hameñ fārūq kī satvat 'atā kar

hameñ hone na de mohtāj-e-aġhyār

hameñ 'usmān kī sarvat 'atā kar

nayā ḳhaibar hamāre sāmne hai

'alī kī quvvat-o-himmat 'atā kar

yahī 'kausar' kī yā rab iltijā hai

rasūl-e-pāk kī ulfat 'atā kar

KHudawanda hamein nusrat 'ata kar

hamein aslaf ki quwwat 'ata kar

kisi uftad se ghabra na jaen

hamein siddiq ki jurat 'ata kar

hamari kufr par chha jae haibat

hamein faruq ki satwat 'ata kar

hamein hone na de mohtaj-e-aghyar

hamein 'usman ki sarwat 'ata kar

naya KHaibar hamare samne hai

'ali ki quwwat-o-himmat 'ata kar

yahi 'kausar' ki ya rab iltija hai

rasul-e-pak ki ulfat 'ata kar