azizo haalat ye hai hamari ilahi tauba ilahi tauba

'azīzo hālat ye hai hamārī ilāhī tauba ilāhī tauba

ḳhabar na apnī na kuchh tumhārī ilāhī tauba ilāhī tauba

duī kā rishta na ham ne toḌā ḳhudī na bholī ḳhudā ko chhoḌā

kaTī yuuñ hī apnī 'umr saarī ilāhī tauba ilāhī tauba

batāo shaitāñ kī kyā ḳhatā hai vahī muzill hai vahī hai haadī

hai kārsāzī usī kī saarī ilāhī tauba ilāhī tauba

ġharīq-e-dariyā-e-mā’siyat haiñ ye us pe turra ki kah rahe haiñ

nahīñ hai is meñ ḳhatā hamārī ilāhī tauba ilāhī tauba

rakhā jo roza to dil meñ samjhe ki ab hai jannat kī ham ko shāhī

sivā tumhāre ye sab haiñ naarī ilāhī tauba ilāhī tauba

namāz paḌh ke ye ḳhayāl aayā ham hī haiñ farmāñ-ravā-e-’ālam

ḳhudā.ī ab hai ye sab tumhārī ilāhī tauba ilāhī tauba

na shauq-e-jannat na ḳhauf-e-dozaḳh na fikr-e-dīñ ho na zikr-e-duniyā

rahe zabāñ par ye shams' jaarī ilāhī tauba ilāhī tauba

'azizo haalat ye hai hamari ilahi tauba ilahi tauba

KHabar na apni na kuchh tumhaari ilahi tauba ilahi tauba

dui ka rishta na hum ne toDa KHudi na bholi KHuda ko chhoDa

kaTi yun hi apni 'umr sari ilahi tauba ilahi tauba

batao shaitan ki kya KHata hai wahi muzill hai wahi hai hadi

hai karsazi usi ki sari ilahi tauba ilahi tauba

ghariq-e-dariya-e-ma’siyat hain ye us pe turra ki kah rahe hain

nahin hai is mein KHata hamari ilahi tauba ilahi tauba

rakha jo roza to dil mein samjhe ki ab hai jannat ki hum ko shahi

siwa tumhaare ye sab hain nari ilahi tauba ilahi tauba

namaz paDh ke ye KHayal aaya hum hi hain farman-rawa-e-’alam

KHudai ab hai ye sab tumhaari ilahi tauba ilahi tauba

na shauq-e-jannat na KHauf-e-dozaKH na fikr-e-din ho na zikr-e-duniya

rahe zaban par ye shams' jari ilahi tauba ilahi tauba