family planning

hind ko aur bhī ḳhush-hāl banāne ke liye

desh se ġhurbat-o-iflām miTāne ke liye

gaañv aur shahar kī tauqīr baḌhāne ke liye

apne ghar ke dar-o-dīvār sajāne ke liye

asr-e-hāzir kī hukūmat ne baḌe kaam kiye

kitnī tārīk fazāoñ meñ jalā.e haiñ diye

naunihāloñ ke liye sab kā yahī manshā hai

aaj bhī un kī mohabbat meñ yahī sochā hai

un ke haq meñ ye qadam aaj bahut achchhā hai

sāhib-e-fahm-o-firāsat kā yahī kahnā hai

jo bhī bachcha ho vo bhārat kā nigahbān bane

apnī dhartī kā vo raajā bane sultān bane

ye hai tajvīz amal is pe kareñge ham sab

apne dāman ko masarrat se bhareñge ham sab

raah āsāñ hai qadam is meñ dhareñge ham sab

buz-dilī hogī jo is rah se Dareñge ham sab

farz ab ye hai ki aulād kī kasrat se bacheñ

shād-o-masrūr hamāre bhī dil-o-jān raheñ

asr-e-hāzir kī fazāoñ kā taqāza hai yahī

apnī millat kī rivāyāt kā manshā hai yahī

sāmne ahal-e-basīrat ke bhī naqsha hai yahī

sab ke hamrāh aziiz apnā irāda hai yahī

merā bhārat bhī to ḳhush-hāl vatan kahlā.e

aise hālāt hoñ ābādī na baḌhne paa.e

hind ko aur bhi KHush-haal banane ke liye

desh se ghurbat-o-iflam miTane ke liye

ganw aur shahar ki tauqir baDhane ke liye

apne ghar ke dar-o-diwar sajaane ke liye

asr-e-hazir ki hukumat ne baDe kaam kiye

kitni tarik fazaon mein jalae hain diye

naunihaalon ke liye sab ka yahi mansha hai

aaj bhi un ki mohabbat mein yahi socha hai

un ke haq mein ye qadam aaj bahut achchha hai

sahib-e-fahm-o-firasat ka yahi kahna hai

jo bhi bachcha ho wo bhaarat ka nigahban bane

apni dharti ka wo raja bane sultan bane

ye hai tajwiz amal is pe karenge hum sab

apne daman ko masarrat se bharenge hum sab

rah aasan hai qadam is mein dharenge hum sab

buz-dili hogi jo is rah se Darenge hum sab

farz ab ye hai ki aulad ki kasrat se bachen

shad-o-masrur hamare bhi dil-o-jaan rahen

asr-e-hazir ki fazaon ka taqaza hai yahi

apni millat ki riwayat ka mansha hai yahi

samne ahal-e-basirat ke bhi naqsha hai yahi

sab ke hamrah aziz apna irada hai yahi

mera bhaarat bhi to KHush-haal watan kahlae

aise haalat hon aabaadi na baDhne pae