gufta-e-u

har baat ik sahīfa thī ummī rasūl kī

alfāz the ḳhudā ke zabāñ thī rasūl kī

vahdāniyat ke phuul khile garm ret par

dī sañg-e-be-zabāñ ne gavāhī rasūl kī

bahbūdī-o-falāh ke jugnū nikal paḌe

tārīkiyoñ meñ jab khulī muTThī rasūl kī

parcham the naqsh-e-pā ke sitāroñ ke haath meñ

guzrī jo kahkashāñ se savārī rasūl kī

sīḌhī lagā.e arsh-e-ḳhudā par nabī kī yaad

chaltī hai saañs thaam ke añgulī rasūl kī

dekheñge mere sar kī taraf log hashr meñ

chamkegī taaj ban ke ġhulāmī rasūl kī

pahlā qadam azal hai abad āḳhir-e-safar

phailī hai kā.enāt pe hastī rasūl kī

khulte haiñ dar kuchh aur 'muzaffar' shu.ūr ke

kartā huuñ jab maiñ baat ḳhudā kī rasūl kī

har baat ek sahifa thi ummi rasul ki

alfaz the KHuda ke zaban thi rasul ki

wahdaniyat ke phul khile garm ret par

di sang-e-be-zaban ne gawahi rasul ki

bahbudi-o-falah ke jugnu nikal paDe

tarikiyon mein jab khuli muTThi rasul ki

parcham the naqsh-e-pa ke sitaron ke hath mein

guzri jo kahkashan se sawari rasul ki

siDhi lagae arsh-e-KHuda par nabi ki yaad

chalti hai sans tham ke anguli rasul ki

dekhenge mere sar ki taraf log hashr mein

chamkegi taj ban ke ghulami rasul ki

pahla qadam azal hai abad aaKHir-e-safar

phaili hai kaenat pe hasti rasul ki

khulte hain dar kuchh aur 'muzaffar' shuur ke

karta hun jab main baat KHuda ki rasul ki