jogi ka baran

jogī kā baran ham ne liyā yaar kī ḳhātir

kyuuñ yaar kī ḳhātir hai dil-e-zār kī ḳhātir

allāh re husn-e-ruḳh-e-jānāñ tere jalve

jo dekh le ik baar vo dil kaise na taḌpe

ik lamha bhī ārām se jo us kā na guzre

jo kuchh vo kare thoḌā hai dīdār kī ḳhātir

kyuuñ yaar kī ḳhātir dil-e-zār kī ḳhātir

fursat ise kab hogī tirī yaad se jānāñ

jis dil pe huā naqsh ḳhayāl-e-ruḳh-e-tābāñ

kyā khāne kī hājat hai use ġham se jo mehmāñ

haañ bhiik jo māñgegā to dīdār kī ḳhātir

kyuuñ yaar kī ḳhātir hai dil-e-zār kī ḳhātir

kyā hogī sadā us kī ki ai jaañ tire qurbāñ

dīdār kā bhūkā huuñ na huuñ vasl kā ḳhvāhāñ

hā utnī hī siine meñ rahe ātish-e-sozāñ

ik aur jhalak husn-e-tarah-dār kī ḳhātir

kyuuñ yaar kī ḳhātir hai dil-e-zār kī ḳhātir

sadqe tere ye ātish-e-dil bujhne na paa.e

phuk jaaye kaleja magar uf lab pe na aa.e

ho jā.ūñ agar ḳhaak to vo ḳhaak bhī uḌ jaa.e

bas itnī tavāzo.a hai dil-e-zār kī ḳhātir

kyuuñ yaar kī ḳhātir hai dil-e-zār kī ḳhātir

'hairat' hai agar koī hai muḳhtār-e-mohabbat

kyuuñ kar na ḳharīde koī āzār-e-mohabbat

rag rag se kare kaise na iz.hār-e-mohabbat

dil vaqf rahe roye pur-anvār kī ḳhātir

kyuuñ yaar kī ḳhātir hai dil-e-zār kī ḳhātir

jogi ka baran hum ne liya yar ki KHatir

kyun yar ki KHatir hai dil-e-zar ki KHatir

allah re husn-e-ruKH-e-jaanan tere jalwe

jo dekh le ek bar wo dil kaise na taDpe

ek lamha bhi aaram se jo us ka na guzre

jo kuchh wo kare thoDa hai didar ki KHatir

kyun yar ki KHatir dil-e-zar ki KHatir

fursat ise kab hogi teri yaad se jaanan

jis dil pe hua naqsh KHayal-e-ruKH-e-taban

kya khane ki hajat hai use gham se jo mehman

han bhik jo mangega to didar ki KHatir

kyun yar ki KHatir hai dil-e-zar ki KHatir

kya hogi sada us ki ki ai jaan tere qurban

didar ka bhuka hun na hun wasl ka KHwahan

ha utni hi sine mein rahe aatish-e-sozan

ek aur jhalak husn-e-tarah-dar ki KHatir

kyun yar ki KHatir hai dil-e-zar ki KHatir

sadqe tere ye aatish-e-dil bujhne na pae

phuk jaye kaleja magar uf lab pe na aae

ho jaun agar KHak to wo KHak bhi uD jae

bas itni tawazoa hai dil-e-zar ki KHatir

kyun yar ki KHatir hai dil-e-zar ki KHatir

'hairat' hai agar koi hai muKHtar-e-mohabbat

kyun kar na KHaride koi aazar-e-mohabbat

rag rag se kare kaise na izhaar-e-mohabbat

dil waqf rahe roye pur-anwar ki KHatir

kyun yar ki KHatir hai dil-e-zar ki KHatir