husn-e-amal
hai jā-e-amal duniyā aur manzar-e-ibrat bhī
kar aap bhī kuchh aur de auroñ ko nasīhat bhī
duniyā kī mohabbat hī hai asl burā.ī kī
āġhāz meñ zillat hai anjām meñ hasrat bhī
jazbāt kī sab qaideñ ehsās ke dam se haiñ
ārām kī ghaḌiyāñ bhī ayyām-e-musībat bhī
vaaq.e meñ nahīñ kuchh bhī sab hadd-e-nazar tak hai
ābādī kī raunaq bhī vīrāne kī vahshat bhī
afsāna hai aur vo bhī ma.alūm nahīñ kab tak
jamshed kī ishrat bhī qārūn kī daulat bhī
anjām ko dekho to zillat kī numā.ish thī
fir.aun kī izzat bhī namrūd kī satvat bhī
be-rañg se ḳhāke the tasvīr-e-javānī ke
vo ishq-e-zuleḳhā bhī yūsuf kī sabāhat bhī
be-kār haiñ sab bāteñ juz husn-e-amal ġhāfil
ye jism kī zīnat hai aur ruuh kī rāhat bhī
hai ja-e-amal duniya aur manzar-e-ibrat bhi
kar aap bhi kuchh aur de auron ko nasihat bhi
duniya ki mohabbat hi hai asl burai ki
aaghaz mein zillat hai anjam mein hasrat bhi
jazbaat ki sab qaiden ehsas ke dam se hain
aaram ki ghaDiyan bhi ayyam-e-musibat bhi
waqe mein nahin kuchh bhi sab hadd-e-nazar tak hai
aabaadi ki raunaq bhi virane ki wahshat bhi
afsana hai aur wo bhi malum nahin kab tak
jamshed ki ishrat bhi qarun ki daulat bhi
anjam ko dekho to zillat ki numaish thi
firaun ki izzat bhi namrud ki satwat bhi
be-rang se KHake the taswir-e-jawani ke
wo ishq-e-zuleKHa bhi yusuf ki sabahat bhi
be-kar hain sab baaten juz husn-e-amal ghafil
ye jism ki zinat hai aur ruh ki rahat bhi
- Book : Maikada (Pg. 11)
- Author : Maikash Akbarabadi
- Publication : Agra Akhbar, Agra (1931)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.