main juya-e-mustafa

sayyāh-e-arsh naqsh-e-kaf-e-pā-e-mustafā

kaun-o-makāñ safīna-e-dariyā-e-mustafā

ik boriyā-nashīñ ne bāñTī hukūmateñ

sairāb kar gayā hameñ sahrā-e-mustafā

palte haiñ āftāb mohammad ke saa.e meñ

hotā hai zī-shu.ūr ko saudā-e-mustafā

jalte raheñge mere lahū ke charāġh bhī

maiñ bhī huuñ ik shahīd-e-tamannā-e-mustafā

rañgīniyoñ kā zindagī lālach na de mujhe

tujh ko mirī talāsh maiñ jūyā-e-mustafā

un kā karam na ho to maiñ ek pal na jī sukūñ

chaltī hai merī saañs ba-īmā-e-mustafā

mirrīḳh-o-māhatāb haiñ duniyā kī manzileñ

merā uruuj gumbad-e-ḳhazrā-e-mustafā

sayyah-e-arsh naqsh-e-kaf-e-pa-e-mustafa

kaun-o-makan safina-e-dariya-e-mustafa

ek boriya-nashin ne banTi hukumaten

sairab kar gaya hamein sahra-e-mustafa

palte hain aaftab mohammad ke sae mein

hota hai zi-shuur ko sauda-e-mustafa

jalte rahenge mere lahu ke charagh bhi

main bhi hun ek shahid-e-tamanna-e-mustafa

ranginiyon ka zindagi lalach na de mujhe

tujh ko meri talash main juya-e-mustafa

un ka karam na ho to main ek pal na ji sukun

chalti hai meri sans ba-ima-e-mustafa

mirriKH-o-mahatab hain duniya ki manzilen

mera uruj gumbad-e-KHazra-e-mustafa