meri shan wo hai ki main ja-ba-ja hun

merī shaan vo hai ki maiñ jā-ba-jā huuñ

jahāñ DhūñDiye har jagah barmalā huuñ

jahān-e-tajassus meñ nūr-e-ḳhudā huuñ

ḳhudā.ī hai merī maiñ uqda-kushā huuñ

har ik ruup meñ huuñ maiñ an-rūpiyā huuñ

merā ruup goyā hai ik nūr-e-vahdat

kahāñ nuur meñ sāya-e-ādamiyat

samajh kaun saktā hai merī mashiyyat

jo mere haiñ maiñ un kā mushkil-kushā huuñ

har ik ruup meñ huuñ maiñ an-rūpiyā huuñ

maiñ sattār huuñ aur ġhaffār huuñ maiñ

maiñ jabbār huuñ aur qahhār huuñ maiñ

samajh meñ na aa.e vo asrār huuñ maiñ

jo samjhe mujhe us ke dil kī sadā huuñ

har ik ruup meñ huuñ maiñ an-rūpiyā huuñ

mere nuur se donoñ aalam haiñ raushan

sitāroñ meñ raunaq-falak hai muzayyan

chamakne lagā mujh se duniyā kā gulshan

maiñ har shai meñ huuñ aur jalva-numā huuñ

har ik ruup meñ huuñ maiñ an-rūpiyā huuñ

aqīdat se jis ne mujhe jab pukārā

diyā maiñ ne har Dūbte ko sahārā

merī rahmatoñ kā vo bahtā hai dhārā

ki mañjdhār meñ sab kā maiñ nā-ḳhudā huuñ

har ik ruup meñ huuñ maiñ an-rūpiyā huuñ

meri shan wo hai ki main ja-ba-ja hun

jahan DhunDiye har jagah barmala hun

jahan-e-tajassus mein nur-e-KHuda hun

KHudai hai meri main uqda-kusha hun

har ek rup mein hun main an-rupiya hun

mera rup goya hai ek nur-e-wahdat

kahan nur mein saya-e-adamiyat

samajh kaun sakta hai meri mashiyyat

jo mere hain main un ka mushkil-kusha hun

har ek rup mein hun main an-rupiya hun

main sattar hun aur ghaffar hun main

main jabbar hun aur qahhaar hun main

samajh mein na aae wo asrar hun main

jo samjhe mujhe us ke dil ki sada hun

har ek rup mein hun main an-rupiya hun

mere nur se donon aalam hain raushan

sitaron mein raunaq-falak hai muzayyan

chamakne laga mujh se duniya ka gulshan

main har shai mein hun aur jalwa-numa hun

har ek rup mein hun main an-rupiya hun

aqidat se jis ne mujhe jab pukara

diya main ne har Dubte ko sahaara

meri rahmaton ka wo bahta hai dhaara

ki manjdhaar mein sab ka main na-KHuda hun

har ek rup mein hun main an-rupiya hun