nauha-e-pur-gham
arz kartī thī ro ro ke suġhrā mujh ko lete chalo saath baabā
chhoḌe jaate ho yaañ kis pe tanhā mujh ko lete chalo saath baabā
haiñ madīna kī sunsān galiyāñ yaañ birādar na ḳhvāhar na ammāñ
kaun be-kas ko degā dilāsā mujh ko lete chalo saath baabā
tum se koī savārī na lūñgī karbalā tak maiñ paidal chalūñgī
ab judā.ī nahīñ hai gavārā mujh ko lete chalo saath baabā
apne mahmil tū Thahrā.iyega aaoge kab ye farmā.iyegā
be-tumhāre rahūñgī na zinda mujh ko lete chalo saath baabā
kaun faryād-zārī sunegā kaun be-kas ko taskīn degā
mujh ko lete chalo saath baabā mujh ko lete chalo saath baabā
rāste meñ karāhūñ to kahnā kuchh davā tum se chāhūñ to kahnā
ab nahīñ huuñ maiñ bīmār hāshā mujh ko lete chalo saath baabā
ghar meñ kis tarh tanhā rahūñgī maiñ to suġhrā ko jaane na dūñgī
yā to is ko chhoḌo yahīñ yā mujh ko lete chalo saath baabā
kyā likhūñ ġham-e-'akbar' fasāna ho gayā qāfila sab ravāna
rah ga.ī kahtī haihāt suġhrā mujh ko lete chalo saath baabā
arz karti thi ro ro ke sughra mujh ko lete chalo sath baba
chhoDe jate ho yan kis pe tanha mujh ko lete chalo sath baba
hain madina ki sunsan galiyan yan biradar na KHwahar na amman
kaun be-kas ko dega dilasa mujh ko lete chalo sath baba
tum se koi sawari na lungi karbala tak main paidal chalungi
ab judai nahin hai gawara mujh ko lete chalo sath baba
apne mahmil tu Thahraiyega aaoge kab ye farmaiyega
be-tumhaare rahungi na zinda mujh ko lete chalo sath baba
kaun faryaad-zari sunega kaun be-kas ko taskin dega
mujh ko lete chalo sath baba mujh ko lete chalo sath baba
raste mein karahun to kahna kuchh dawa tum se chahun to kahna
ab nahin hun main bimar hasha mujh ko lete chalo sath baba
ghar mein kis tarh tanha rahungi main to sughra ko jaane na dungi
ya to is ko chhoDo yahin ya mujh ko lete chalo sath baba
kya likhun gham-e-'akbar' fasana ho gaya qafila sab rawana
rah gai kahti haihat sughra mujh ko lete chalo sath baba
- Book : Riyaz-e-Akbar: Asli Diwan-e-Akbar (Pg. 102)
- Author : Mohammad Akbar Warsi
- Publication : Matba Majidi, Meerut
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.