rakhi
chali aatī hai ab to har kahīñ bāzār kī rākhī
sunahrī sabz resham zard aur gulnār kī rākhī
banī hai go ki nādir ḳhuub har sardār kī rākhī
silonoñ meñ ajiib rañgīñ hai us dildār kī rākhī
na pahoñche ek gul ko yaar jis gulzār kī rākhī
ayaañ hai ab to rākhī bhī chaman bhī gul bhī shabnam bhī
jhamak jaatā hai motī aur jhalak jaatā hai resham bhī
tamāshā hai ahāhāhā ġhanīmat hai ye aalam bhī
uThānā haath pyāre vāh-vā Tak dekh leñ ham bhī
tumhārī motiyoñ kī aur zarī ke taar kī rākhī
machī hai har taraf kyā kyā silonoñ kī bahār ab to
har ik gul-rū phire hai rākhī bāñdhai haath meñ ḳhush ho
havas jo dil meñ guzre hai kahūñ kyā aah meñ tum ko
yahī aatā hai jī meñ ban ke bāmhan aaj to yaaro
maiñ apne haath se pyāre ke bāñdhūñ pyaar kī rākhī
huī hai zeb-o-zīnat aur ḳhūbāñ ko to rākhī se
o lekin tum se ab jaan aur kuchh rākhī ke gul phūle
divānī bulbuleñ hoñ dekh gul chunñe lagīñ tinke
tumhāre haath ne mehñdī ne añgushtoñ ne nāḳhun ne
gulistāñ kī chaman kī baaġh kī gulzār kī rākhī
adā se haath uThne meñ gul rākhī jo hilte haiñ
kaleje dekhne vāloñ ke kyā kyā aah chhilte haiñ
kahāñ nāzuk ye pahūñchī aur kahāñ rañg milte haiñ
chaman meñ shāḳh par kab is tarah ke phuul khilte haiñ
jo kuchh ḳhūbī meñ hai is shoḳh gul-ruḳhsār kī rākhī
phireñ haiñ rākhiyāñ bāñdhai jo har-dam husn ke maare
to un kī rākhiyoñ ko dek ai jaañ chaav ke maare
pahan zunnār aur qashqa lagā māthe upar baare
'nazīr' aayā hai bāmhan ban ke rākhī bāñdhne pyāre
bañdhā lo us se tum hañs kar ab is tyauhār kī rākhī
chali aati hai ab to har kahin bazar ki rakhi
sunahri sabz resham zard aur gulnar ki rakhi
bani hai go ki nadir KHub har sardar ki rakhi
silonon mein ajib rangin hai us dildar ki rakhi
na pahonche ek gul ko yar jis gulzar ki rakhi
ayan hai ab to rakhi bhi chaman bhi gul bhi shabnam bhi
jhamak jata hai moti aur jhalak jata hai resham bhi
tamasha hai ahahaha ghanimat hai ye aalam bhi
uThana hath pyare wah-wa Tak dekh len hum bhi
tumhaari motiyon ki aur zari ke tar ki rakhi
machi hai har taraf kya kya silonon ki bahaar ab to
har ek gul-ru phire hai rakhi bandhai hath mein KHush ho
hawas jo dil mein guzre hai kahun kya aah mein tum ko
yahi aata hai ji mein ban ke baamhan aaj to yaro
main apne hath se pyare ke bandhun pyar ki rakhi
hui hai zeb-o-zinat aur KHuban ko to rakhi se
o lekin tum se ab jaan aur kuchh rakhi ke gul phule
diwani bulbulen hon dekh gul chunne lagin tinke
tumhaare hath ne mehndi ne angushton ne naKHun ne
gulistan ki chaman ki bagh ki gulzar ki rakhi
ada se hath uThne mein gul rakhi jo hilte hain
kaleje dekhne walon ke kya kya aah chhilte hain
kahan nazuk ye pahunchi aur kahan rang milte hain
chaman mein shaKH par kab is tarah ke phul khilte hain
jo kuchh KHubi mein hai is shoKH gul-ruKHsar ki rakhi
phiren hain rakhiyan bandhai jo har-dam husn ke mare
to un ki rakhiyon ko dek ai jaan chaw ke mare
pahan zunnar aur qashqa laga mathe upar bare
'nazir' aaya hai baamhan ban ke rakhi bandhne pyare
bandha lo us se tum hans kar ab is tyauhaar ki rakhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.