pani

saiñkaḌoñ saal hue jab na milā thā paanī

aaj tak hai lab-e-shabbīr kā pyāsā paanī

karbalā sāmne aatī jo vo lāshe le kar

aañkh to aañkh hai patthar se bhī ristā paanī

kaisī bastī meñ mohammad kā musāfir Thahrā

dhuup ḳhema thī darī ret nazzāra paanī

tishnagī us kī samundar ko bulā saktī thī

kaaT saktā thā vo talvār se chaltā paanī

kis ke sar fat.h kā tārīḳh ne sehrā bāñdhā

surḳh-rū kaun hai donoñ meñ lahū yā paanī

maut ke ghaaT utarte hī raheñge pyāse

jab tak is dajla-e-duniyā meñ rahegā paanī

jab bhī zikr-e-shohadā dil ne 'muzaffar' chheḌā

aañkh ik zaḳhm banī zaḳhm se Tapkā paanī

sainkaDon sal hue jab na mila tha pani

aaj tak hai lab-e-shabbir ka pyasa pani

karbala samne aati jo wo lashe le kar

aankh to aankh hai patthar se bhi rista pani

kaisi basti mein mohammad ka musafir Thahra

dhup KHema thi dari ret nazzara pani

tishnagi us ki samundar ko bula sakti thi

kaT sakta tha wo talwar se chalta pani

kis ke sar fath ka tariKH ne sehra bandha

surKH-ru kaun hai donon mein lahu ya pani

maut ke ghaT utarte hi rahenge pyase

jab tak is dajla-e-duniya mein rahega pani

jab bhi zikr-e-shohada dil ne 'muzaffar' chheDa

aankh ek zaKHm bani zaKHm se Tapka pani