sehra
lillāh al-hamd dikhātā hai vo manzar sehrā
rahmat-e-ḳhāliq-e-akbar hai sarāsar sehrā
ḳhuld se laa.ī haiñ hūreñ banā kar sehrā
mushk-o-ambar se bhī ḳhushbū meñ hai baḌh kar sehrā
paḌh ke al-hamd hasīnoñ ne use gūñdhā hai
kyuuñ na sab sehroñ se behtar ho ye behtar sehrā
bulbuleñ mast ho jaa.eñ phuul khile chhā.ī ghaTā.eñ
sar pe dūlhā ke jo bāñdhā gayā gā kar sehrā
auj par hai tirī qismat kā sitārā
rahmat-e-haq se bañdhā aaj tire sar sehrā
sham.a-rū mahfil-e-shādī kā ujālā tū hai
chāñd kī tarah se raushan hai tire sar sehrā
fazl ḳhāliq kā ghaTā ban ke hai chhāyā har-sū
bārisheñ phūloñ kā kartī haiñ nichhāvar sehrā
tujh ko shāhī milī bajtī hai tire ghar naubat
taaj shādī kā tire sar hai to ruḳh par sehrā
apne begāne bhī dil se duā karte haiñ
raas laa.e tujhe ye ḳhāliq-e-akbar sehrā
dūlhā-dūlhan se mile shaad ho dil donoñ kā
zīnat-e-ishq bane husn kā zevar sehrā
jhuum kar sehre kī har ek laḌī kahtī hai
dil se dil aaj milā.egā ye dilbar sehrā
kyuuñ na dil-shād ḳhushī se ho tar vālid kā
haq ne dikhlāyā jo aulād ke sar par sehrā
ahl-e-mahfil ne sunā jab gul-e-mazmūñ merā
kahe uThe ḳhuub likhā aap ne 'sanjar' sahrā
lillah al-hamd dikhata hai wo manzar sehra
rahmat-e-KHaliq-e-akbar hai sarasar sehra
KHuld se lai hain huren bana kar sehra
mushk-o-ambar se bhi KHushbu mein hai baDh kar sehra
paDh ke al-hamd hasinon ne use gundha hai
kyun na sab sehron se behtar ho ye behtar sehra
bulbulen mast ho jaen phul khile chhai ghaTaen
sar pe dulha ke jo bandha gaya ga kar sehra
auj par hai teri qismat ka sitara
rahmat-e-haq se bandha aaj tere sar sehra
shama-ru mahfil-e-shadi ka ujala tu hai
chand ki tarah se raushan hai tere sar sehra
fazl KHaliq ka ghaTa ban ke hai chhaya har-su
barishen phulon ka karti hain nichhawar sehra
tujh ko shahi mili bajti hai tere ghar naubat
taj shadi ka tere sar hai to ruKH par sehra
apne begane bhi dil se dua karte hain
ras lae tujhe ye KHaliq-e-akbar sehra
dulha-dulhan se mile shad ho dil donon ka
zinat-e-ishq bane husn ka zewar sehra
jhum kar sehre ki har ek laDi kahti hai
dil se dil aaj milaega ye dilbar sehra
kyun na dil-shad KHushi se ho tar walid ka
haq ne dikhlaya jo aulad ke sar par sehra
ahl-e-mahfil ne suna jab gul-e-mazmun mera
kahe uThe KHub likha aap ne 'sanjar' sahra
- Book : Diwan-e-Sanjar Al-Maruf Guldasta-e-Kalam-e-Sanjar (Pg. 145)
- Author : Sanjar Ghazipuri
- Publication : Shaikh Ghulam Hsuain and Sons Tajiran-e-Kutub, Kashmiri Bazar, Lahaur
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.