nara-e-mastana

illā-hū illā-hū illā-hū illā-hū

thā kahāñ chāñd-o-sūraj ye arz-o-samā

zāt-e-haq ke sivā pahle kuchh bhī na thā

kis ne kun kah ke duniyā ko paidā kiyā

DhūñD dil meñ tū apne milegā pata

illā-hū illā-hū illā-hū illā-hū

apne nuur se ḳhāliq-e-dūsrā

phir to nūr-e-mohammad paidā kiyā

paidā hote hī vo nūr-e-haq-āshnā

rakh ke sajde meñ sar us ko barsoñ paḌhā

illā-hū illā-hū illā-hū illā-hū

kis ne qārūñ ko daulat dī be-intihā

batn-e-māhī meñ yūnus kā hamdam banā

kis ne fir.aun par qahr nāzil kiyā

hāh-e-kan.āñ meñ yūsuf kā monis huā

illā-hū illā-hū illā-hū illā-hū

kis ne muusā kā rutba do-bālā kiyā

nār-e-namrūd ko kis ne ThanDā kiyā

kis ne iisā ko be-bāp paidā kiyā

kis ne murdoñ ko dam-bhar meñ zinda kiyā

illā-hū illā-hū illā-hū illā-hū

ek kāmil se fāriġh ye maiñ ne kahā

haq se mere liye kuchh to kiije duā

merī bātoñ ko sun kar vo kahne lagā

ye vazīfa paḌhā kar tū sub.h-o-masā

illā-hū illā-hū illā-hū illā-hū

illa-hu illa-hu illa-hu illa-hu

tha kahan chand-o-suraj ye arz-o-sama

zat-e-haq ke siwa pahle kuchh bhi na tha

kis ne kun kah ke duniyā ko paida kiya

DhunD dil mein tu apne milega pata

illa-hu illa-hu illa-hu illa-hu

apne nur se KHaliq-e-dusra

phir to nur-e-mohammad paida kiya

paida hote hi wo nur-e-haq-ashna

rakh ke sajde mein sar us ko barson paDha

illa-hu illa-hu illa-hu illa-hu

kis ne qarun ko daulat di be-intiha

batn-e-mahi mein yunus ka hamdam bana

kis ne firaun par qahr nazil kiya

hah-e-kanan mein yūsuf ka monis hua

illa-hu illa-hu illa-hu illa-hu

kis ne musa ka rutba do-baala kiya

nar-e-namrud ko kis ne ThanDa kiya

kis ne isa ko be-bap paida kiya

kis ne murdon ko dam-bhar mein zinda kiya

illa-hu illa-hu illa-hu illa-hu

ek kaamil se farigh ye main ne kaha

haq se mere liye kuchh to kije dua

meri baaton ko sun kar wo kahne laga

ye wazifa paDha kar tu subh-o-masa

illa-hu illa-hu illa-hu illa-hu