ya pir al-ghiyas

laayā tumhāre paas huuñ yā piir al-ġhiyās

kar aah ke qalam se maiñ tahrīr al-ġhiyās

lāhūt se utar ke huuñ nāsūt meñ paḌā

kyā kuchh huī maqām kī ta.abīr al-ġhiyās

hirs-o-havā-e-nafas hai zanjīr pā-e-dil

paatā nahīñ najāt kī tadbīr al-ġhiyās

aajiz huuñ aur bekas-o-nā-chār-o-nā-tavāñ

mazmūn-e-āh-e-dil kī hai tafsīr al-ġhiyās

ham aap ke kahāte haiñ yā pīr-e-dast-gīr

sun lo murīd apne kī yā piir al-ġhiyās

mushkil-kushā-e-ḳhalaq ho tum shāh-e-auliyā

hai is liye tumhārī qazā giir al-ġhiyās

karte hue mushkilāt jahāñ ek pal meñ hal

kyoñ haq meñ mere itnī hai tāḳhīr al-ġhiyās

soz-o-gudāz-o-āh-o-tapish nāla-e-fuġhāñ

sab kuchh huā vale nahīñ tāsīr al-ġhiyās

gar sun ke al-ġhiyās 'niyāz' aap daad deñ

duniyā-o-dīñ meñ paatī hai tauqīr al-ġhiyās

yā ġhaus-ul-āzam aap sivā kaun hai mirā

kis ke kane maiñ jā karūñ taqrīr al-ġhiyās

dekho to maiñ 'niyāz' huuñ le sar se paañv tak

yā huuñ maiñ al-ġhiyās kī tasvīr al-ġhiyās

laya tumhaare pas hun ya pir al-ghiyas

kar aah ke qalam se main tahrir al-ghiyas

lahut se utar ke hun nasut mein paDa

kya kuchh hui maqam ki tabir al-ghiyas

hirs-o-hawa-e-nafas hai zanjir pa-e-dil

pata nahin najat ki tadbir al-ghiyas

aajiz hun aur bekas-o-na-chaar-o-na-tawan

mazmun-e-ah-e-dil ki hai tafsir al-ghiyas

hum aap ke kahate hain ya pir-e-dast-gir

sun lo murid apne ki ya pir al-ghiyas

mushkil-kusha-e-KHalaq ho tum shah-e-auliya

hai is liye tumhaari qaza gir al-ghiyas

karte hue mushkilat jahan ek pal mein hal

kyon haq mein mere itni hai taKHir al-ghiyas

soz-o-gudaz-o-ah-o-tapish nala-e-fughan

sab kuchh hua wale nahin tasir al-ghiyas

gar sun ke al-ghiyas 'niyaz' aap dad den

duniya-o-din mein pati hai tauqir al-ghiyas

ya ghaus-ul-azam aap siwa kaun hai mera

kis ke kane main ja karun taqrir al-ghiyas

dekho to main 'niyaz' hun le sar se panw tak

ya hun main al-ghiyas ki taswir al-ghiyas