uswa-e-risalat

jo baat zulm se na huī pyaar se huī

tahzīb-e-zindagī tire kirdār se huī

jo mehr-o-māh bhī na zamāne ko de sake

vo raushnī tire dar-o-dīvār se huī

imkān kī hadoñ se pare tak tire qadam

paimā.ish-e-jahāñ tirī purkār se huī

sāhil kī aarzū nahīñ ta.alīm-e-mustafā

ye naav to rozāna hī mañjdhār se huī

mazlūm ke lahū kā muqaddar bhī jaag uThā

us kī bhī qadr aap kī talvār se huī

patthar bhī khaa.e mere rasūl-e-karīm ne

me.arāj-e-haq bhī zīna-e-īsār se huī

taḳhlīq-e-kā.enāt bhī sadqa huzūr kā

tazīn-e-kā.enāt bhī sarkār se huī

izzat huī jahāñ meñ 'muzaffar' kī aap se

zar se huī na jubba-o-dastār se huī

jo baat zulm se na hui pyar se hui

tahzib-e-zindagi tere kirdar se hui

jo mehr-o-mah bhi na zamane ko de sake

wo raushni tere dar-o-diwar se hui

imkan ki hadon se pare tak tere qadam

paimaish-e-jahan teri purkar se hui

sahil ki aarzu nahin talim-e-mustafa

ye naw to rozana hi manjdhaar se hui

mazlum ke lahu ka muqaddar bhi jag uTha

us ki bhi qadr aap ki talwar se hui

patthar bhi khae mere rasul-e-karim ne

mearaj-e-haq bhi zina-e-isar se hui

taKHliq-e-kaenat bhi sadqa huzur ka

tazin-e-kaenat bhi sarkar se hui

izzat hui jahan mein 'muzaffar' ki aap se

zar se hui na jubba-o-dastar se hui