jo chahe kahe mujhko sara zamana

jo chāhe kahe mujh ko saarā zamāna

na chhūTegā mujh se tirā āstānā

na chhūTā hai ab tak na ye chhuT sakegā

tirā sañg-e-dar hī hai merā Thikāna

zamāna ko hairat hai ai tā.ir-e-jāñ

falak terā gulshan zamīñ āshiyāna

ye daanā kī tañgī ye nādāñ kī vus'at

yahī to hai taqdīr-e-rab ġhā.ebāna

ḳhatā un ke tīroñ se hai ġhair-mumkin

magar haT gayā hai jagah se nishāna

ab aa jaa.e mauj-e-karam āb-e-rahmat

tirā ghaT na jā.egā pur-dur ḳhazāna

harā ho gayā zaḳhm-e-dil yād-e-gul meñ

qafas meñ jo yaad aa gayā āshiyāna

rulātā hai majnūñ ko bulbul kā naala

batātā hai majnūñ ye morā tarāna

vajīh-e-zamāna vahī ban sakegā

jise mil ga.ī bandagī 'ājizāna

jo chahe kahe mujh ko sara zamana

na chhuTega mujh se tera aastana

na chhuTa hai ab tak na ye chhuT sakega

tera sang-e-dar hi hai mera Thikana

zamana ko hairat hai ai tair-e-jaan

falak tera gulshan zamin aashiyana

ye dana ki tangi ye nadan ki wus'at

yahi to hai taqdir-e-rab ghaebana

KHata un ke tiron se hai ghair-mumkin

magar haT gaya hai jagah se nishana

ab aa jae mauj-e-karam aab-e-rahmat

tera ghaT na jaega pur-dur KHazana

hara ho gaya zaKHm-e-dil yaad-e-gul mein

qafas mein jo yaad aa gaya aashiyana

rulata hai majnun ko bulbul ka nala

batata hai majnun ye mora tarana

wajih-e-zamana wahi ban sakega

jise mil gai bandagi 'ajizana