از گریباں چند تارے ماندہ است

1. اے عشق کے ہاتھوں وارفتگی اور شوریدہ سری کا یہ حال ہے کہ گریبان کے چند تار ہی باقی رہ گئے ہیں، اے جنون و وارفتگی مدد کر کیونکہ ابھی کام باقی رہ گیا ہے (یعنی اس محبوب کو آرام کرنے کا کام ابھی باقی رہ گیا ہے، اس لئے اے جنون اپنی شوریدہ سری کو اور بڑھا تاکہ کام انجام کو پہنچ جائے)۔

2. کوئے محبوب میں اے صبا! تیز نہ چل ، کیونکہ در محبوب پر ہمارے وجود کا غبار پڑا ہوا ہے، وہ اڑ کر یہاں جدا ہوجائے گا (محبوب سے وفاداری اور تعلق کا یہاں اظہار ہے کہ عاشق اپنے معشوق کے در سے خاک ہوجانے کے بعد بھی جدا ہونا پسند نہیں کرتا)۔

3. محبوب ومطلوب کے در و دیوار پر میرے خون سے بنے ہوئے نقش و نگار ابھی تک موجود ہیں (اس شعر کا عمومی مفہوم یہ ہے کہ عشق میں ہماری قربانیوں اور ایثار کے اثرات ابھی تک مٹے نہیں ہیں)۔

4. آشنا نے اپنے اندر رنگ وبو پیدا کرلیا، اس کی وجہ یہ ہے کہ کسی پھول سے چہرے والے معشوق کی صحبت اٹھائی ہے (یعنی پھولوں جیسی رنگینی اور خوشبو آشنا میں پیدا ہوگئی اور جمال ہم نشیں در من اثر کرد کے مصداق اس گلاب جیسے رخ والے محبوب کی ہم نشینی نے گلاب کی طرح معطر کردیا)۔