بالا بلند عشوہ گر سرو ناز من

میرے بلند قامت عشوہ گر، سر وناز معشوق نے میرے زہد راز کا قصہ تمام کردیا (یعنی میں معشوق کے حسن پر ایسا فریفتہ ہوا کہ زہد کا نام ونشان مجھ میں باقی نہیں رہا، میرے زہد کی شہرت ختم ہوگئی)۔

اے دل! تونے دیکھا کہ پیری ، زہد اور علم میں معشوق کی نیم باز آنکھوں نے میرے ساتھ کیا کیا (یعنی محبوب کی بیدار اور کھلی آنکھوں نے عمر کی آخری منزل میں زہد وعلم کے باوجود مجھے عشق میں مبتلا کردیا اور سرمایۂ عمر کو تلف کردیا)۔

حافظ فرط غم واندوہ سے جل گیا، اے صبا! اس کا یہ حال میرے دوست پروربادشاہ اور جلنے والے دشمن کو بتا دے۔