بہ فگن بر صف رنداں نظرے بہتر ازیں

اے محبوب! رندوں کی صف پر اس سے بہتر نظر ڈال (یعنی صف عشاق پر) میکدے میں ا سے بہتر انداز میں داخل ہو۔

میرے حق میں اس معشوق کے لب نے جو مہربانی کی ہے وہ اگرچہ خوب ہے لیکن اس سے کچھ بہتر لطف کر۔

وہ جس کی فکر دنیا کے لئے کارکشا ہے، اس سے کہو کہ اس نکتۂ عشق پر ذرا اس سے بہتر طریقے پر غور وفکر کرے۔

میں اس فرزند گرامی (مراد رسول اللہ کی ذات گرامی ہے کیونکہ یہی مفہوم حقیقت سے قریب ہے) کو دل نہ دوں تو کیا کروں، مادرِ دہر (زمانے کی ماں یعنی کسی زمانے نے) اس سے بہتر بیٹا پیدا نہیں کیا (یعنی رسول اللہ سے بہتر کوئی کسی زمانے میں پیدا نہیں ہوا، اس لئے آپ سے بڑھ کر محبوب کون ہوگا جس کو دل نذر کیا جائے)۔