خبرت ہست کہ در مصر شکر ارزاں شد

خبر یہ ہے کہ مصر میں شکر سستی ہوگئی ہے

خبر یہ ہے کہ جاڑے کا موسم گزر گیا ہے اور گرمی آ گئی ہے

خبر یہ ہے کہ بلبل سفر سے واپس آ گئی ہے

وہ اب سماع میں مصروف ہے اور تمام پرندوں کی استاد ہوگئی ہے

خبر ہے کہ اب باغ میں درخت کی ڈالی نے پھول سے

نئی خوش خبری سنی ہے اور وہ رقص کر رہی ہے

خبر ہے کہ بہار کی خوشبو سے جان مست ہوگئی ہے اور

سرو رقص کرتے ہوئے حرم کا سلطان بن گیا ہے

پھول جیسے چہرے والے لوگ عدم سے رقص کرتے آئے ہیں

آسمان کے ستارے ان کے قدموں میں نثار ہو گئے ہیں

اس نے کہا کہ خاموش رہو، میں اس کی تشریح کرتا ہوں

میں نے اپنی زبان بند کر لی، اس نے سارا راز ظاہر کر دیا

اے شمس تبریز جب تمہارے رخسار کا گل کھلا

تو بلبل شوق میں آ کر نغمہ سرائی کرنے لگی