جس کی ہمت دین کی طرف مصروف ہوتی ہے اس کے تمام کاروبار اس کی برکت سے سر انجام پاتے ہیں۔

خدا کی محبت اس کا ذکر دوام کرنے میں ہے اور اس کا پاک کلام پڑھنا سب سے بڑا ذکر ہے۔

عاجزی صرف اسی کے سامنے کرنی چاہیے جس کی شہنشاہی سے ہم باہر نہیں جا سکتے۔

میں جب صبح کو اٹھتا ہوں تو نہیں جانتا کہ کس نے لقمۂ حلال کھایا ہے اور کس نے حرام لیکن جس کسی کو نیکو کاری اور یادِ خدا میں پاتا ہوں تو اس کے متعلق سمجھتا ہوں کہ اس نے حلال لقمہ کھایا ہے لیکن جس کو بے ہودگی اور بدکاری و غیبت میں مبتلا پاتا ہوں تو خیال کرتا ہوں کہ اس کے پیٹ میں لقمۂ حرام ہے۔

یہ عجب معاملہ ہے کہ آدمی جس کسی سے ڈرتا ہے تو اس سے دور بھاگتا ہے مگر جب خدا سے ڈرتا ہے تو اسی کی طرف لپکتا ہے۔