1. हमद
अव्वल हमद ख़ुदाय दा विरद कीजे, इशक कीता सू जग्ग दा मूल मियां ।
पहले आप है रब ने इशक कीता, माशूक है नबी रसूल मियां ।
इशक पीर फ़कीर दा मरतबा है, मरद इशक दा भला रंजूल मियां ।
खिले तिन्हां दे बाग़ कलूब अन्दर, जिन्हां कीता है इशक कबूल मियां ।
2. रसूल दी सिफ़त
दूई नाअत रसूल मकबूल वाली, जैंदे हक्क नज़ूल लौलाक कीता ।
ख़ाकी आख के मरतबा वडा दित्ता, सभ ख़लक दे ऐब थीं पाक कीता ।
सरवर होइके औलियां अम्बियां दा, अग्गे हक्क दे आप नूं ख़ाक कीता ।
करे उम्मती उम्मती रोज़ क्यामत, खुशी छड्ड के जीउ ग़मनाक कीता ।
3. रसूल दे चौहां साथियां दी सिफ़त
चारे यार रसूल दे चार गौहर, सभ्भे इक्क थीं इक्क चड़्हन्दड़े ने ।
अबू बकर ते उमर, उसमान, अली, आपो आपने गुणीं सोहन्दड़े ने ।
जिन्हां सिदक यकीन तहकीक कीता, राह रब दे सीस विकन्दड़े ने ।
ज़ौक छड्ड के जिनां ने ज़ुहद कीता, वाह वाह उह रब्ब दे बन्दड़े ने ।
4. पीर दी सिफ़त
मदह पीर दी हुब दे नाल कीचै, जैंदे ख़ादमां दे विच्च पीरियां नी ।
बाझ ओस जनाब दे पार नाहीं, लख ढूंडदे फिरन फ़कीरियां नी ।
जेहड़े पीर दी मेहर मनज़ूर होए, घर तिन्हां दे पीरिया मीरियां नी ।
रोज़ हशर दे पीर दे तालिबां नूं, हत्थ सजड़े मिलणगियां चीरियां नी ।
5. बाबा फरीद शकर गंज दी सिफ़त
मौदूद दा लाडला पीर चिशती, शकर-गंज मसउद भरपूर है जी ।
ख़ानदान विच्च चिशत दे कामलियत, शहर फकर दा पटन मामूर है जी ।
बाहियां कुतबां विच्च है पीर कामल, जैंदी आजज़ी ज़ुहद मनज़ूर है जी ।
शकर गंज ने आण मुकाम कीता, दुख दरद पंजाब दा दूर है जी ।
6. किस्सा हीर रांझा लिखन बारे
यारां असां नूं आण सवाल कीता, किस्सा हीर दा नवां बणाईए जी ।
एस प्रेम दी झोक दा सभ किस्सा, जीभ सुहनी नाल सुणाईए जी ।
नाल अजब बहार दे शियर कह के, रांझे हीर दा मेल कराईए जी ।
यारां नाल बह के विच मजलिसां, मज़ा हीर दे इशक दा पाईए जी ।
7. वाक कवी
हुकम मन्न के सज्जणां प्यार्यां दा, किस्सा अजब बहार दा जोड़्या ए ।
फ़िकरा जोड़ के ख़ूब दरुसत कीता, नवां फुल गुलाब दा तोड़्या ए ।
बहुत जीउ दे विच्च तदबीर करके, फ़रहाद पहाड़ नूं तोड़्या ए ।
सभ्भा वीन के ज़ेब बणाय दित्ता, जेहा इतर गुलाब नचोड़्या ए ।
8. किस्से दा आरंभ, तख़त हज़ारा अते रांझे बारे
केही तख़त हज़ारे दी सिफ़त कीजे, जित्थे रांझ्यां रंग मचायआ ए ।
छैल गभ्भरू, मसत अलबेलड़े नी, सुन्दर हिक्क थीं हिक्क सवायआ ए ।
वाले कोकले, मुन्दरे, मझ लुंङी, नवां ठाठ ते ठाठ चड़्हायआ ए ।
केही सिफ़त हज़ारे दी आख सकां, गोया बहशत ज़मीन ते आया ए ।
9. रांझे दा बाप
मौजू चौधरी पिंड दी पांध वाला, चंगा भाईआं दा सरदार आहा ।
अट्ठ पुत्तर दो बेटियां तिस दियां सन, वड्ड-टब्बरा ते शाहूकार आहा ।
भली भाईआं विच्च परतीत उसदी, मन्न्या चौंतरे 'ते सरकार आहा ।
वारिस शाह इह कुदरतां रब दियां नी, धीदो नाल उस बहुत प्यार आहा ।
10. रांझे नाल भाईआं दा साड़ा
बाप करे प्यार ते वैर भाई, डर बाप दे थीं पए संगदे ने ।
गुझे मेहने मार दे सप्प वांङूं, उस दे कालजे नूं पए डंगदे ने ।
कोई वस्स ना चल्ले जो कढ्ढ छडन, देंदे मेहने रंग बरंग दे ने ।
वारिस शाह इह गरज़ है बहुत प्यारी, होर साक न सैन ना अंग दे ने ।
11. मौजू दी मौत
तकदीर सेती मौजू फ़ौत होया, भाई रांझे दे नाल खहेड़दे ने ।
खाएं रज्ज के घूरदा फिरें रन्नां, कढ्ढ रिक्कतां धीदो नूं छेड़दे ने ।
नित्त सज्जरा घाउ कलेजड़े दा, गल्लां त्रिक्खियां नाल उचेड़दे ने ।
भाई भाबियां वैर दियां करन गल्लां, एहा झंझट नित्त नबेड़दे ने ।
12. भों दी वंड
हाज़िर काज़ी ते पैंच सदाय सारे, भाईआं ज़िमीं नूं कच्छ पवाई आही ।
वढ्ढी दे के ज़िमीं लै गए चंगी, बंजर ज़िमीं रंझेटे नूं आई आही ।
कच्छां मार शरीक मज़ाख करदे, भाईआं रांझे दे बाब बणाई आही ।
गल्ल भाबियां एह बणाय छड्डी, मगर जट्ट दे फक्कड़ी लाई आही ।
13. भाबियां दे मेहणे
मूंह चट्ट जो आरसी नाल वेखन, तिन्हां वाहन केहा हल वाहुना ई ।
पिंडा पाल के चोपड़े पटे जिन्हां, किसे रन्न की उन्हां तों चाहुना ई ।
जेहड़ा भुइं दे मामले करे बैठा, एस तोड़ ना मूल निबाहुना ई ।
प्या वंझली वाहे ते राग गावे, कोई रोज़ दा इह प्राहुना ई ।
14. रांझे दा हल वाह के आउणा
रांझा जोतरा वाह के थक्क रहआ, लाह अरलियां छाउं नूं आंवदा ए ।
भत्ता आण के भाबी ने कोल धर्या, हाल आपना रो सुणांवदा ए ।
छाले पए ते हत्थ ते पैर फुट्टे, सानूं वाही दा कंम ना भांवदा ए ।
भाबी आखदी लाडला बाप दा सैं, वारिस शाह प्यारा ही माउं दा ए ।
15. रांझा
रांझा आखदा भाबीउ वैरनो नी, तुसां भाईआ नालों विछोड़्या जे ।
ख़ुशी रूह नूं बहुत दिलगीर कीता, तुसां फुल्ल गुलाब दा तोड़्या जे ।
सके भाईआं नालों विछोड़ मैनूं, कंडा विच्च कलेजेड़े पोड़्या जे ।
भाई जिगर ते जान सां असीं अट्ठे, वक्खो वक्ख ही चाय निखोड़्या जे ।
नाल वैर दे रिक्कतां छेड़ भाबी, सानूं मेहना होर चिमोड़्या जे ।
जदों सफ़ां हो टुरनगियां तरफ जन्नत, वारिस शाह दी वाग ना मोड़्या जे ।
16. भाबी
करें आकड़ां खाय के दुद्ध चावल, इह रज्ज के खान दियां मसतियां ने ।
आखन देवरे नाल नेहाल होईआं, सानूं सभ शरीकणियां हस्सदियां ने ।
इह रांझे दे नाल हन घ्यु-शक्कर, पर जीउ दा भेत ना दस्सदियां ने ।
रन्नां डिगदियां वेख के छैल मुंडा, जिवें शहद विच मक्खियां फसदियां ने ।
इक्क तूं कलंक हैं असां लग्गा, होर सभ सुखालियां वसदियां ने ।
घरों निकलसें ते जदों मरें भुखा, भुल जान तैनूं सभ्भे ख़रमसतियां ने ।
वारिस जिन्हां नूं आदतां भैड़ियां नी, सभ ख़लकतां उन्हां तों नसदियां ने।
17. रांझा
तुसां छत्तरे मरद बना दित्ते, सप्प रस्सियां दे करो डारीउ नी ।
राजे भोज दे मूंह लगाम दे के, चड़्ह दौड़ियां हो टूने हारीउ नी ।
कैरो पांडवां दी सफ़ा गाल सुट्टी, ज़रा गल्ल दे नाल बुर्यार्यु नी ।
रावन लंक लुटायके ग़रक होया, कारन तुसां दे ही हैंस्यारीउ नी ।
18. भाबी
भाबी आखदी गुंड्या मुंड्या वे, साडे नाल की रिक्कतां चाईआं नी ।
वली जेठ ते जिन्हां दे फ़तू देवर, डुब्ब मोईआं उह भरजाईआं नी ।
घरो घरी विचारदे लोक सारे, सानूं केहियां फाहियां पाईआं नी ।
तेरी गल्ल ना बणेगी नाल साडे, जा परना ल्या स्यालां दियां जाईआं नी ।
19. रांझा
मूंह बुरा दिसन्दड़ा भाबीए नी, सड़े होए पतंग क्युं साड़नी एं।
तेरे गोचरा कंम की प्या मेरा, सानूं बोलियां नाल क्युं मारनी एं।
कोठे चाड़्ह के पौड़ियां लाह लैंदी, केहे कलह दे महल उसारनी एं।
वारिश शाह दे नाल सरदारनी तूं, पर पेक्यां वल्लों गवारनी एं।
20. भाबी
सिद्धा होइ के रोटियां खाह जट्टा, अड़ियां कास नूं एडियां चाईआं नी ।
तेरी पनघटां दे उत्ते पेउ पेई, धुंमां त्रिंञणां दे विच्च पाईआं नी ।
घर-बार विसार के ख़वार होईआं, झोकां प्रेम दियां जिन्हां ने लाईआं नी ।
ज़ुलफां कालियां कुंढियां नाग़ काले, जोकां हिक ते आण बहाईआं नी ।
वारिस शाह एह जिन्हां दे चन्न देवर, घोल घत्तियां सभ भरजाईआं नी ।
21. भाबी
अठखेल्या अहल दीवान्यां वे, थुक्कां मोढ्यां दे उत्तों स्ट्टना एं ।
चीरा बन्न्ह के भिन्नड़े वाल चोपड़, विच्च त्रिंञणां फेरियां घत्तना एं ।
रोटी खांद्यां लून जे पवे थोड़्हा, चा अंङने विच्च पलट्टना एं ।
कंम करें नाहीं हच्छा खाएं पहनें, जड़्ह आपने आप दी पट्टना एं ।
22. रांझा
भुल गए हां वड़े हां आण वेहड़े सानूं बख़श लै डारीए वासता ई ।
हत्थों तेर्युं देस मैं छड्ड जासां, रख घर हैंस्यारीए वासता ई ।
देहें रात तैं ज़ुलम ते लक्क बद्धा, अनी रूप शिंगारीए वासता ई ।
नाल हुसन दे फिरें गुमान लद्दी, समझ मसत हंकारीए वासता ई ।
जदे जिसे दे नाल ना गल्ल करें, किबर वालीए मारीए वासता ई ।
वारिस शाह नूं मार ना भाग भरीए, अनी मुनस प्यारीए वासता ई ।
23. भाबी
साडा हुसन पसन्द ना ल्यावना एं, जा हीर स्याल व्याह ल्यावीं ।
वाह वंझली प्रेम दी घत जाली, काई नढ्ढी स्यालां दी फाह ल्यावीं ।
तैंथे वल्ल है रन्नां विलावणें दा, रानी कोकलां महल तों लाह ल्यावीं ।
दिनें बूहउं कढ्ढणीं मिले नाहीं, रातीं कंध पिछवाड़्युं ढाह ल्यावीं ।
वारिस शाह नूं नाल लै जाय के ते, जेहड़ा दाउ लग्गे सोई ला ल्यावीं ।
24. रांझा
नढ्ढी स्यालां दी व्याह ल्यावसां मैं, करो बोलियां क्युं ठठोलियां नी ।
बहे घत्त पीड़्हा वांग महरियां दे, होवन तुसां जेहियां अग्गे गोलियां नी ।
मझ्झु वाह विच्च बोड़ीए भाबियां नूं, होवन तुसां जेहियां बड़बोलियां नी ।
बस करो भाबी असीं रज्ज रहे, भर दित्तियां जे तुसां झोलियां नी ।
25. भाबी अते रांझा
केहा भेड़ मचायउ ई कच्च्या वे, मत्था डाहउ सौंकणां वांङ केहा ।
जाह सज्जरा कंम गवा नाहीं, होइ जासिया जोबना फेर बेहा ।
रांझे खा गुस्सा सिर धौल मारी, केही चम्बड़ी आण तूं वांङ लेहा ।
तुसीं देस रक्खो असीं छड्ड चल्ले, लाह झगड़ा भाबीए गल्ल एहा ।
हथ पकड़ के जुत्तियां मार बुक्कल, रांझा होइ टुर्या वारिस शाह जेहा ।
26. रांझे दे घरों जान दी भरावां नूं ख़बर मिलणी
ख़बर भाईआं नूं लोकां जाय दित्ती, धीदो रुस्स हज़ार्युं चल्या जे ।
हल वाहुना ओस तों होए नाहीं, मार बोलियां भाबियां सल्ल्या जे ।
पकड़ राह टुर्या, हंझू नैन रोवन, जिवें नदी दा नीर उछल्ल्या जे ।
वारिस शाह अग्गों वीर दे वासते भाईआं ने, अधवाट्यु राह जा मल्ल्या जे ।
27. वाक कवी
रूह छड्ड कलबूत ज्युं विदाय हुन्दा, तिवें एह दरवेश सिधार्या ई ।
अन्न पानी हज़ारे दा कसम करके, कसद झंग स्याल चितार्या ई ।
कीता रिज़क ने आण उदास रांझा, चलो चली ही जीउ पुकार्या ई ।
कच्छे वंझली मार के रवां होया, वारिस शाह ने वतन विसार्या ई ।
28. रांझे दे भरा
आख रांझ्या भा की बनी तेरे, देस आपना छड्ड सिधार नाहीं ।
वीरा अम्बड़ी जायआ जाह नाहीं, सानूं नाल फ़िराक दे मार नाहीं ।
एह बांदियां ते असीं वीर तेरे, कोई होर विचार विचार नाहीं ।
बख़श इह गुनाह तूं भाबियां नूं, कौन जंम्या जो गुनाहगार नाहीं ।
भाईआं बाझ ना मजलसां सोंहदियां ने, अते भाईआं बाझ बहार नाहीं ।
भाई मरन ते पैंदियां भज बाहां, बिनां भाईआं पर्हे परवार नाहीं ।
लक्ख ओट है कोल वसेंद्यां दी, भाईआं ग्यां जेडी कोई हार नाहीं ।
भाई ढांवदे भाई उसारदे ने, भाईआं बाझ बाहां बेली यार नाहीं ।
29. रांझा
रांझे आख्या उठ्या रिज़क मेरा, मैथों भाईयो तुसीं की मंगदे हो ।
सांभ ल्या जे बाप दा मिलख सारा, तुसीं साक ना सैन ना अंग दे हो ।
वस लग्गे तां मनसूर वांङूं, मैनूं चाय सूली उते टंगदे हो ।
विच्चों ख़ुशी हो असां दे निकलने 'ते, मूंहों आखदे गल्ल क्युं संगदे हो ।
30. भाबियां
भरजाईआं आख्या रांझ्या वे, असीं बांदियां तेरियां हुन्नियां हां ।
नाउं ल्या है जदों तूं जावने दा, असीं हंझूआं रत्त दियां रुन्नियां हां ।
जान माल कुरबान है तुध उतों, अते आप वी चोखने हुन्नियां हां ।
सानूं सबर करार ना आंवदा है, वारिस शाह थों जदों विछुन्नियां हां ।
31. रांझा
भाबी रिज़क उदास जां हो टुर्या, हुन कास नूं घेर के ठगदियां हो ।
पहलां साड़ के जीऊ निमानड़े दा, पिच्छों मल्हमां लावने लगदियां हो ।
भाई साक सन सो तुसां वक्ख कीते, तुसीं साक की साडियां लगदियां हो ।
असीं कोझड़े रूप करूप वाले, तुसीं जोबने दिया नईं वगदियां हो ।
असां आब ते तुआम हराम कीता, तुसीं ठगणियां सारड़े जग्गदियां हो ।
वारिश शाह इकल्लड़े की करना, तुसीं सत इकट्ठियां वगदियां हो ।
32. रांझे दा मसीत विच्च पुज्जणा
वाह लाय रहे भाई भाबियां भी, रांझा रुठ हज़ार्युं धायआ ए ।
भुख नंग नूं झाग के पंध करके, रातीं विच्च मसीत दे आया ए ।
हथ वंझली पकड़ के रात अद्धी, रांझे मज़ा भी ख़ूब बणायआ ए ।
रन्न मरद ना पिंड विच्च रहआ कोई, सभा गिरद मसीत दे आया ए ।
वारिस शाह मियां पंड झगड़्यां दी, पिच्छों मुल्लां मसीत दा आया ए ।
33. मसीत दी सिफ़त
मसजिद बैतुल-अतीक मिसाल आही, ख़ाना काअब्युं डौल उतार्या ने ।
गोया अकसा दे नाल दी भैन दूई, शायद सन्दली नूर उसार्या ने ।
पड़्हन फाज़िल दरस दरवेश मुफती, ख़ूब कढ्ढी इलहानि-पुरकार्या ने ।
ताअलील मीज़ान ते सरफ वाही, सरफ़ मीर भी याद पुकार्या ने ।
काज़ी कुतब ते कनज़ अनवाह चौदां, मसऊदियां जिलद सवार्या ने ।
ख़ानी नाल मजमूआ सुलतानियां दे, अते हैरतुल-फिका नवार्या ने ।
फ़तव बरहना मनज़ूम शाहां, नाल ज़बदियां हिफ़ज़ करार्या ने ।
मारज़ुल नबुवतां अते फ़लास्यां तों, रौज़े नाल इख़लास पसार्या ने ।
ज़र्रादियां दे नाल शर्हा मुल्लां, ज़िनजानियां नहव नतार्या ने ।
करन हिफज़ कुरान तफ़सीर दौरां, ग़ैर शर्हा नूं दुर्र्यां मार्या ने ।
34. बच्चे जो पड़्हदे हन
इक्क नज़म दे दरस हरकरन पड़्हदे, नाम हक्क अते ख़ालिक बारियां ने ।
गुलिसतां बोसतां नाल बहार-दानिश, तूतीनाम्युं वाहद-बारियां ने ।
मुनशात नसाब ते अब्बुलफ़ज़लां, शाहनाम्युं राज़क-बारियां ने ।
किरानुल सादैन दीवान हाफिज़, शीरीं ख़ुसरवां लिख सवारियां ने ।
35. बच्च्यां दा पड़्हना
कलमदान दफ़तैन दवात पट्टी, नावें एमली वेखदे लड़क्यां दे ।
लिखन नाल मसौदे स्याक ख़सरे, स्याे अवारज़े लिखदे वरक्यां दे ।
इक्क भुल के ऐन दा ग़ैन वाचन, मुल्लां जिन्द कढ्ढे नाल कड़क्यां दे ।
इक्क आंवदे शौक जुज़दान लै के, विच्च मकतबां दे नाल तड़क्यां दे ।
36. मुल्लां ते रांझे दे सवाल-जवाब
मुल्लां आख्या चूनियांचूंड्यां देखद्यां ई ग़ैर शर्हा तूं कौन हैं दूर हो ओए ।
एथे लुच्यां दी काई जा नाहीं ,पटे दूर कर हक्क मनज़ूर हो ओए ।
अनलहक्क कहावना किबर करके, ओड़क मरेंगा वांङ मनसूर हो ओए ।
वारिस शाह ना हिंग दी बास छुपदी, भावें रसमसी विच्च काफ़ूर हो ओए ।
37. रांझा
दाड़्ही शेख़ दी अमल शैतान वाले, केहा राण्यो जांद्यां राहियां नूं ।
अग्गे कढ कुरान ते बहे मिम्बर ,केहा अड्यो मकर दियां फाहियां नूं ।
एह पलीत ते पाक दा करो वाकिफ़, असीं जाणीएं शर्हा गवाहियां नूं ।
जेहड़े थांयों नापाक दे विच्च वड़्यों, शुकर रब दियां बेपरवाहियां नूं ।
वारिस शाह विच्च हुजर्यां फ़िअल करदे, मुल्ला जोतरे लांवदे वाहिया नूं ।
38. मुल्लां
घर रब दे मसजिदां हुन्दियां ने, एथे ग़ैर शर्हा नाहीं वाड़ीए ओए ।
कुत्ता अते फ़कीर पलीत होवे, नाल दुर्र्यां बन्न्ह के मारीए ओए ।
तारक हो सलात दा पटे रक्खे, लब्बां वाल्यां मार पछाड़ईए ओए ।
नीवां कपड़ा होवे तां पाड़ सुट्टीए, लब्बां होन दराज़ तां साड़ीए ओए ।
जेहड़ा फ़िका असूल दा नहीं वाकिफ़, उहनूं तुरत सूली उत्ते चाड़्हीए ओए ।
वारिस शाह ख़ुदा द्यां दुशमणां नूं, दूरों कुत्त्यां वांग दुरकारीए ओए ।
39. रांझा
सानूं दस्स नमाज़ है कासदी जी, कास नाल बणाय के सारिया ने ।
कन्न नक नमाज़ दे हैन कितने, मत्थे किन्हां दे धुरों इह मारिया ने ।
लम्बे कद्द चौड़ी किस हान दी है, किस चीज़ दे नाल सवारिया ने ।
वारिस किल्लियां कितनियां उस दियां ने, जिस नाल इह बन्न्ह उतारिया ने ।
40. मुल्लां
असां फ़िक्का असूल नूं सही कीता, ग़ैर शर्हा मरदूद नूं मारने आं ।
असां दस्सने कंम इबादतां दे पुल सरात तों पार उतारने आं ।
फरज़ सुन्नतां वाजबां नफल वितरां, नाल जायज़ा सच नितारने आं ।
वारिस शाह जमायत दे तारकां नूं, ताज़्यान्यां दुर्र्यां मारने आं ।
41. रांझा
बास हलव्यां दी ख़बर मुरद्यां दी नाल दुआई दे जींवदे मारदे हो ।
अन्न्हे कोड़्हआं लूल्यां वांग बैठे, कुर्हा मरन जमान दा मारदे हो ।
शर्हा चाय सरपोश बणायआ जे, रवादार वड्डे गुन्हागार दे हो ।
वारस शाह मुसाफरां आयां नूं, चल्लो चली ही पए पुकारदे हो ।
42. मुल्लां
मुल्लां आख्या नामाकूल जट्टा, फ़ज़र कट्ट के रात गुज़ार जाईं ।
फ़ज़र हुन्दी थों अग्गे ही उठ एथों, सिर कज्ज के मसजदों निकल जाईं ।
घर रब्ब दे नाल ना बन्न्ह झेड़ा, अज़ग़ैब दियां हुजत्तां ना उठाईं ।
वारिस शाह ख़ुदा दे ख़ान्यां नूं, इह मुल्ला भी चम्बड़े हैन बलाईं ।
43. रांझे दा मसीतों जाणां अते नदी ते पुज्जणा
चिड़ी चूहकदी नाल जां टुरे पांधी, पईआं दुध दे विच्च मधाणियां नी ।
उठ ग़ुसल दे वासते जा पहुते, सेजां रात नूं जिन्हां ने माणियां नी ।
रांझे कूच कीता आया नदी उते, साथ लद्द्या पार मुहाण्यां ने ।
44. रांझा मलाह दे तरले करदा है
रांझे आख्या पर लंघा मियां, मैनूं चाड़्ह लै रब्ब दे वासते ते ।
हथ जोड़ के मिन्नता करे रांझा, तरला करां मैं झब्ब दे वासते ते ।
तुसीं चाड़्ह लवो मैनूं विच बेड़ी, चप्पू धिकसां दब्ब दे वासते ते ।
रुस्स आया हां नाल भाबियां दे, मिन्नतां करां सबब्ब दे वासते ते ।
45. मलाह
पैसा खोल्ह के हत्थ जो धरे मेरे, गोदी चाय के पार उतारना हां ।
अते ढेक्या ! मुफ़त जे कन्न खाएं, चाय बेड़ीउं ज़िमीं ते मारना हां ।
जेहड़ा कप्पड़ा दए ते नकद मैनूं, सभ्भो ओस दे कंम सवारना हां ।
ज़ोरावरी जो आण के चड़्हे बेड़ी, अधवाटड़े डोब के मारना हां ।
डूमां अते फ़कीरां ते मुफ़तख़ोरां, दूरों कुत्त्यां वांग दुरकारना हां ।
वारिस शाह जेहआं पीर ज़ाद्यां नूं, मुढ्ढों बेड़ी दे विच्च ना वाड़ना हां ।
46. वाक कवी
रांझा मिन्नतां करके थक्क रहआ, अंत हो कंधी पर्हां जाय बैठा ।
छड अग्ग बेगानड़ी हो गोशे, प्रेम ढांडड़ी वक्ख जगाय बैठा ।
गावे सद्द फ़िराक दे नाल रोवे, उते वंझली शबद वजाय बैठा ।
जो को आदमी त्रीमतां मरद है सन, पत्तन छड्ड के ओस थे जाय बैठा ।
रन्नां लुड्डन झबेल दियां भरन मुट्ठी, पैर दोहां दी हिक टिकाय बैठा ।
गुस्सा खायके लए झबेल झईआं, अते दोहां नूं हाक बुलाय बैठा ।
पिंडा ! बाहुड़ीं जट लै जाग रन्नां, केहा शुगल है आण जगाय बैठा ।
वारिस शाह इस मोहियां मरद रन्नां, नहीं जाणदे कौन बलाय बैठा ।
47. लुड्डन मलाह दा हाल पाहर्या
लुड्डन करे बकवास ज्युं आदमी नूं, यारो वसवसा आण शैतान कीता ।
देख शोर फसाद झबेल सन्दा, मीएं रांझे ने जीउ हैरान कीता ।
बन्ह सिरे ते वाल त्यार होया, तुर ठिल्ल्हने दा सम्यान कीता ।
रन्नां लुड्डन दियां देख रहम कीता, जो कुझ्झ नबी ने नाल महमान कीता ।
इहो जेहे जे आदमी हत्थ आवन, जान माल परवार कुरबान कीता ।
आउ करां हैं एस दी मिन्नत ज़ारी, वारिस कास थों दिल परेशान कीता ।
48. मलाह दियां रन्ना दा रांझे नूं तसल्ली देणा
सैईं वंझीं झनाउं दा अंत नाहीं, डुब मरेंगा ठिल्ह ना सज्जना वो ।
चाड़्ह मोढ्यां ते तैनूं असीं ठिल्ल्हां, कोई जान तों ढिल ना सज्जना वो ।
साडा अकल शऊर तूं खस्स लीता, रेहआ कुखड़ा हिल ना सज्जना वो ।
साडियां अक्खियां दे विच्च वांग धीरी, डेरा घत बहु हिल ना सज्जना वो ।
वारस शाह मियां तेरे चौखने हां, साडा कालजा सल्ल ना सज्जना वो ।
49. मलाह दियां रन्नां ने रांझे नूं किशती विच्च चाड़्हना
दोहां बाहां तों पकड़ रंझेटड़े नूं, मुड़ आण बेड़ी विच्च चाड़्हआ ने ।
तकसीर मुआफ कर आदमे दी, मुड़ आण बहशत विच्च वाड़्या ने ।
गोया ख़ाब दे विच्च अज़ाज़ील ढट्ठा, हेठों फेर मुड़ अरश ते चाड़्हआ ने ।
वारिस शाह नूं तुरत नुहायके ते, बीवी हीर दे पलंघ ते चाड़्हआ ने ।
50. रांझे दा पलंघ बारे पुच्छणा
यारो पलंघ केहा सुंञी सेज आही, लोकां आख्या हीर जटेटड़ी दा ।
बादशाह स्यालां दे त्रिंञणां दी, महर चूचके ख़ान दी बेटड़ी दा ।
शाह-परी पनाह नित लए जिस थों, एह थाउं उस मुशक लपेटड़ी दा ।
असीं सभ झबेल ते घाट पत्तन, सभ्भा हुकम है ओस सलेटड़ी दा ।
51. मलाह दा गुस्सा अते बेकरारी
बेड़ी नहीं इह जंञ दी बनी बैठक, जो को आंवदा सद्द बहावन्दा है ।
गडा-वड अमीर फ़कीर बैठे, कौन पुछदा केहड़े थांव दा है ।
जिवें शम्हां ते डिगन पतंग धड़ धड़, लंघ नईं मुहायना आवन्दा है ।
ख़वाजा ख़िजर दा बालका आण लत्था, जना खना शरीनियां ल्यांवदा है ।
लुड्डन ना लंघायआ पार उस नूं, ओस वेलड़े नूं पच्छोतांवदा है ।
यारो झूठ ना करे ख़ुदाय सच्चा, रन्नां मेरियां इह खिसकांवदा है ।
इक्क सद्द दे नाल इह जिन्द लैंदा, पंखी डेगदा मिरग फहांवदा है ।
ठग सुने थानेसरों आंवदे ने, इह तां ज़ाहरा ठग झनांवदा है ।
वारिस शाह मियां वली ज़ाहरा है, वेख हुने झबेल कुटांवदा है ।
52. रांझे दे आउन दी ख़बर
जाय माहियां पिंड विच्च गल्ल टोरी, इक्क सुघड़ बेड़ी विच्च गांवदा है ।
उहदे बोल्यां मुख थीं फुल्ल किरदे, लक्ख लक्ख दा सद्द उह लांवदा है ।
सने लुड्डन झबेल दियां दोवें रन्नां, सेज हीर दी ते अंग लांवदा है ।
वारिस शाह कवारियां आफ़तां ने, वेख केहा फ़तूर हुन पांवदा है ।
53. लोकां दा रांझे नूं पुच्छणा
लोकां पुच्छ्या मियां तूं कौन हुन्दा, अन्न किसे ने आण खवाल्या ई ।
तेरी सूरत ते बहुत मलूक दिस्से, एड जफ़र तूं कास ते जाल्या ई ।
अंग साक क्युं छड के नस्स आइउं, बुढ्ढी मां ते बाप नूं गाल्या ई ।
ओहले अक्खियां दे तैनूं किवें कीता, किन्हां दूतियां दा कौल पाल्या ई ।
54. रांझे दा हीर दे पलंघ ते बैठणा
हस्स खेड के रात गुज़ारिया सू, सुब्हा उठ के जीउ उदास कीता ।
राह जांदड़े नूं नदी नज़र आई, डेरा जाय मलाहां दे पास कीता ।
अग्गे पलंघ बेड़ी विच्च विछ्या सी, उते ख़ूब विछावना रास कीता ।
बेड़ी विच्च वजाय के वंझली नूं, जा पलंघ उते आम ख़ास कीता ।
वारिस शाह जा हीर नूं ख़बर होई, तेरी सेज दा जट्ट ने नास कीता ।
55. हीर दा आउना ते गुस्सा
लै के स्ट्ठ सहेलियां नाल आई, हीर मत्तड़ी रूप गुमान दी जी ।
बुक मोतियां दे कन्नीं झुमकदे सन, कोई हूर ते परी दी शान दी जी ।
कुड़ती सूही दी हिक्क दे नाल फब्बी, होश रही ना ज़िमीं असमान दी जी ।
जिस दे नक्क बुलाक ज्युं कुतब तारा, जोबन भिन्नड़ी कहर तूफान दी जी ।
आ बुन्द्यां वालीए टलीं मोईए, अग्गे गई केती तम्बू ताणदी जी ।
वारिस शाह मियां जट्टी लोड़्ह लुट्टी, परी किबर हंकार ते मान दी जी ।
56. हीर दे रूप दी तारीफ़
केही हीर दी करे तारीफ शायर, मत्थे चमकदा हुसन महताब दा जी ।
ख़ूनी चूंडियां रात ज्यु चन्न गिरदे, सुरख रंग ज्युं रंग शहाब दा जी ।
नैन नरगसी मिरग ममोलड़े दे, गल्ल्हां टहकियां फुल्ल गुलाब दा जी ।
भवां वांङ कमान लाहौर दे सन, कोई हुसन ना अंत हिसाब दा जी ।
सुरमा नैणां दी धार विच्च फब रहआ, चड़्हआ हिन्द ते कटक पंजाब दा जी ।
खुल्ल्ही त्रिंञणां विच्च लटकदी है, हाथी मसत ज्युं फिरे नवाब दा जी ।
चेहरे सुहने ते ख़त ख़ाल बणदे, ख़ुश ख़त ज्युं हरफ किताब दा जी ।
जेहड़े वेखने दे रीझवान आहे, वड्डा फ़ायदा तिन्हां दे बाब दा जी ।
चलो लैलातुलकदर दी करो ज़्यारत, वारिस शाह इह कंम सवाब दा जी ।
57. तथा
होठ सुरख़ याकूत ज्युं लाल चमकन, ठोडी सेउ विलायती सार विच्चों ।
नक्क अलिफ़ हुसैनी दा पिपला सी, ज़ुलफ़ नाग़ ख़ज़ाने दी बार विच्चों ।
दन्द चम्बे दी लड़ी कि हंस मोती, दाने निकले हुसन अनार विच्चों ।
लिखी चीन कशमीर तसवीर जट्टी, कद सरू बहशत गुलज़ार विच्चों ।
गरदन कूंज दी उंगलियां रव्हां फलियां, हत्थ कूलड़े बरग चनार विच्चों ।
बाहां वेलने वेलियां गुन्न्ह मक्खन, छाती संग मर मर गंग धार विच्चों ।
छाती ठाठ दी उभरी पट खेनूं, स्यु बलख़ दे चुने अम्बार विच्चों ।
धुन्नी बहशित दे हौज़ दा मुशक कुब्बा, पेटू मख़मली ख़ास सरकार विच्चों ।
काफ़ूर शहनां सरीन बांके, साक हुसन सतून मीनार विच्चों ।
सुरख़ी होठां दी लोड़्ह दन्दासड़े दा, खोजे ख़तरी कतल बाज़ार विच्चों ।
शाह परी दी भैन पंज फूल राणी, गुझी रहे ना हीर हज़ार विच्चों ।
सई्ईआं नाल लटकदी मान मत्ती, जिवें हरनियां तुट्ठियां बार विच्चों ।
अपराध अवध दलत मिसरी, चमक निकली तेग़ दी धार विच्चों ।
फिरे छणकदी चाउ दे नाल जट्टी, चड़्हआ ग़ज़ब दा कटक कंधार विच्चों ।
लंक बाग़ दी परी कि इन्दराणी, हूर निकली चन्द परवार विच्चों ।
पुतली पेखने दी नकश रूम दा है, लद्धा परी ने चन्द उजाड़ विच्चों ।
एवें सरकदी आंवदी लोड़्ह लुट्टी, जिवें कूंज टुर निकली डार विच्चों ।
मत्थे आण लग्गन जेहड़े भौर आशक, निक्कल जान तलवार दी धार विच्चों ।
इशक बोलदा नढी दे थांउं थांईं, राग निकले ज़ील दी तार विच्चों ।
कज़लबाश असवार जल्लाद ख़ूनी, निक्कल ग्या ए उड़द बाज़ार विच्चों ।
वारिस शाह जां नैणां दा दाउ लग्गे, कोई बचे ना जूए दी हार विच्चों ।
58. हीर दी मलाहां ते सखती ते उन्हां दा उत्तर
पकड़ लए झबेल ते बन्न्ह मुशकां, मार छमकां लहू लुहान कीते ।
आन पलंघ ते कौन सवाल्या जे, मेरे वैर ते तुसां सामान कीते ।
कुड़ीए मार ना असां बेदोस्यां, नूं कोई असां ना इह महमान कीते ।
चैंचर-हारीए रब तों ड्रीं मोईए, अग्गे किसे ना एड तूफ़ान कीते ।
एस इशक दे नशे ने नढ्ढीए नी, वारिस शाह होरीं परेशान कीते ।
59. हीर
जवानी कमली राज एे चूचके दा, ऐवें किसे दी की परवाह मैनूं ।
मैं तां धरूह के पलंघ तों चाय सुट्टां, आयां किधरों इह बादशाह मैनूं ।
नाढू शाह दा पुत्त कि शेर हाथी, पास ढुक्क्यां लएगा ढाह मैनूं ।
नाहीं पलंघ ते एस नूं टिकन देणा, लाय रहेगा लख जे वाह मैनूं ।
इह बोदला पीर बग़दाद गुग्गा, मेले आइ बैठा वारिस शाह मैनूं ।
60. हीर रांझे नूं जगाउंदी है
उठीं सुत्त्या सेज असाडड़ी तों, लंमा सुस्सरी वांङ की प्या हैं वे ।
रातीं किते उनींदरा कट्ट्योई, ऐडी नींद वाला लुड़्ह ग्या हैं वे ।
सुंञी वेख नखसमड़ी सेज मेरी, कोई आहलकी आण ढह प्या हैं वे ।
कोई ताप कि भूत कि जिन्न लग्गा, इक्के डायन किसे भख ल्या हैं वे ।
वारिस शाह तूं ज्युंदा घूक सुतों, इक्के मौत आई मर ग्या हैं वे ।
61. हीर दा मेहरवान होणा
कूके मार ही मार ते पकड़ छमकां, परी आदमी ते कहरवान होई ।
रांझे उठ के आख्या 'वाह सज्जण', हीर हस्स के ते मेहरबान होई ।
कच्छे वंझली कन्नां दे विच्च वाले, ज़ुलफ़ मुखड़े ते परेशान होई ।
भिन्ने वाल चूने मत्थे चन्द रांझा, नैणीं कज्जले दी घमसान होई ।
सूरत यूसफ़ दी वेख तैमूस बेटी, सने मालके बहुत हैरान होई ।
नैन मसत कलेजड़े विच्च धाणे, जिवें तिक्खड़ी नोक सनान होई ।
आइ बग़ल विच्च बैठ के करे गल्लां, जिवें विच्च किरबान कमान होई ।
भला होया मैं तैनूं ना मार बैठी, काई नहीं सी गल्ल बेशान होई ।
रूप जट्ट दा वेख के जाग लधी, हीर घोल घत्ती कुरबान होई ।
वारिस शाह ना थाउं दम मारने, दी चार चशम दी जदों घमसान होई ।
62. रांझा
रांझा आखदा इह जहान सुफ़ना, मर जावना ईं मतवालीए नी ।
तुसां जेहआं प्यार्यां इह लाज़म, आए गए मुसाफरां पालीए नी ।
एडा हुसन दा ना गुमान कीजे, इह लै पलंघ हई सने नेहालीए नी ।
असां रब्ब दा आसरा रक्ख्या ए उट्ठ जवानां ईं नैणां वालीए नी ।
वारिस शाह दे मगर ना पईं मोईए, एस भैड़े दी गल्ल नूं टालीए नी ।
63. हीर
इह हीर ते पलंघ सभ थाउं तेरा, घोल घत्तियां ज्यूड़ा वार्या ई ।
नाहीं गाल्ह कढ्ढी हत्थ जोड़नी हां, हथ लाय नाहीं तैनूं मार्या ई ।
असीं मिन्नतां करां ते पैर पकड़ां, तैथों घोल्या कोड़ममां सार्यां ई ।
असां हस के आण सलाम कीता, आख कास नूं मकर पसार्या ई ।
सुंञे पर्हे सन त्रिंञणीं चैन नाहीं, अल्ल्हा वाल्या तूं सानूं तार्या ई ।
वारिस शाह शरीक है कौन उस दा, जिस दा रब्ब ने कंम सवार्या ई ।
64. रांझा
मान-मत्तीए रूप गुमान भरीए, अठखेलीए रंग रंगीलीए नी ।
आशक भौर फ़कीर ते नाग काले, बाझ मंतरों मूल ना कीलीए नी ।
एह जोबना ठग बाज़ार दा ई टूणे-हारीए छैल छबीलीए नी ।
तेरे पलंघ दा रंग ना रूप घट्या, ना कर शुहद्यां नाल बख़ीलीए नी ।
वारिस शाह बिन कारदों ज़िब्हा करीए, बोल नाल ज़बान रसीलीए नी ।
65. रांझे तो हीर ने हाल पुच्छणा
घोल घोल घत्ती तैंडी वाट उत्तों, बेली दस्स खां किधरों आवना एं ।
किस मान-मत्ती घरों कढ्युं तूं, जिस वासते फेरियां पावना एं ।
कौन छड आइउं पिच्छे मेहर वाली, जिस दे वासते पच्छोतावना एं ।
कौन ज़ात ते वतन की साईआं दा, अते जद्द दा कौन सदावनां एं ।
तेरे वारने चौखने जानियां मैं, मंङू बाबले दा चार ल्यावना एं ।
मंङू बाबले दा ते तूं चाक मेरा, इह वी फंध लग्गे जे तूं लावना एं ।
वारिस शाह चहीक जे नवीं चूपें, सभे भुल जाणीं जेहड़ियां गावनां एं ।
66. रांझा
तुसां जहे माशूक जे थीन राज़ी, मंगू नैणां दी धार विच्च चारीए नी ।
नैणां तेर्यां दे असीं चाक होए, जिवें जीउ मन्ने तिवें सारीए नी ।
कित्थों गल्ल कीचै नित नाल तुसां, कोई बैठ विचार विचारीए नी ।
गल्ल घत जंजाल कंगाल मारें, जाय त्रिंञणीं वड़ें कुआरीए नी ।
67. हीर
हत्थ बद्धड़ी रहां गुलाम तेरी, सने त्रिंञणां नाल सहेलियां दे ।
होसन नित बहारां ते रंग घणे,विच्च बेलड़े दे नाल बेलियां दे ।
सानूं रब्ब ने चाक मिलाय दित्ता, भुल्ल गए प्यार अरबेलियां दे ।
दिने बेल्यां दे विच्च करीं मौजां, रातीं खेडसां विच्च हवेलियां दे ।
68. रांझा
नाल नढ्ढियां घिन्न के चरखड़े नूं, तुसां बैठना विच्च भंडार हीरे ।
असीं रुलांगे आण के विच्च वेहड़े, साडी कोई ना लएगा सार हीरे ।
टिक्की देइ के वेहड़्युं कढ छड्डें, सानूं ठग के मूल ना मार हीरे ।
साडे नाल जे तोड़ निबाहुनी एं, सच्चा देह खां कौल करार हीरे ।
69. हीर
मैनूं बाबले दी सौंह रांझना वे, मरे माउं जे तुध थीं मुख मोड़ां ।
तेरे बाझ तुआम हराम मैनूं, तुध बाझ ना नैन ना अंग जोड़ां ।
ख़ुआजा खिज़र ते बैठ के कसम खाधी, थीवां सूर जे प्रीत दी रीत तोड़ां ।
कुहड़ी हो के नैन परान जावन, तेरे बाझ जे कौंत मैं होर लोड़ां ।
70. रांझे दा हीर नूं इशक विच्च पक्का करना
चेता मुआमले पैन ते छड्ड जाएं, इशक जालना खरा दुहेलड़ा ई ।
सच आखना ई हुने आख मैनूं, एहो सच ते झूठ दा वेलड़ा ई ।
ताब इशक दी झल्लनी खरी औखी, इशक गुरू ते जग सभ चेलड़ा ई ।
एथों छड्ड ईमान जे नस्स जासें, अंत रोज़ क्यामते मेलड़ा ई ।
71. हीर दा रांझे नूं चूचक कोल लिजाणा
तेरे नाउं तों जान कुरबान कीती, माल जीउ तेरे उतों वार्या ई ।
पासा जान दा सीस दी लायी बाज़ी, तुसां जित्त्या ते असां हार्यां ई ।
रांझा जीउ दे विच्च यकीन करके, महर चूचके पास सिधार्या ई ।
अग्गे पैंचनी होइ के हीर चल्ली, कोल रांझे नूं जाय खल्हार्या ई ।
72. हीर आपने बाप नूं
हीर जाय के आखदी बाबला वे, तेरे नाउं तों घोल घुमाईआं मैं ।
जिस आपने राज दे हुकम अन्दर, विच्च सांदल-बार खिडाईआं मैं ।
लासां पट्ट दियां पाय के बाग़ काले, पींघां शौक दे नाल पींघाईआं मैं ।
मेरी जान बाबल जीवे धौल राजा, माही महीं दा ढूंड ल्याईआं मैं ।
73. हीर दा बाप चूचक ते हीर
बाप हस के पुच्छदा कौन हुन्दा, इह मुंडड़ा कित सरकार दा है ।
हत्थ लायआं पिंडे ते दाग़ पैंद, इह महीं दे नहीं दरकार दा है ।
सुघड़ चतर ते अकल दा कोट नढ्ढा, मझ्झीं बहुत संभाल के चारदा है ।
माल आपना जान के सांभ ल्यावे, कोयी कंम ना करे वगार दा है ।
हक्के नाल प्यार दी हूंग दे के, सोटा सिंग ते मूल ना मारदा है ।
दिसे नूर अल्लाह दा मुखड़े ते, मनों रब ही रब चितारदा है ।
74. हीर दे बाप दा पुच्छणा
केहड़े चौधरी दा पुत कौद ज़ातों, केहा अकल शऊर दा कोट है नी ।
कीकूं रिज़क ने आण उदास कीता, एहनूं केहड़े पीर दी ओट है नी ।
फ़ौजदार वांगूं कर कूच धाणा, मार जिवें नकारे ते चोट है नी ।
किन्हां जट्टां दा पोतरा कौन कोई, केहड़ी गल्ल दी एस नूं त्रोट है नी ।
75. हीर ने बाप नूं दस्सणा
पुत्तर तख़त हज़ारे दे चौधरी दा, रांझा ज़ात दा जट्ट असील है जी ।
उहदा बूपड़ा मुख ते नैन निम्हे, कोयी छैल जेही उहदी डील है जी ।
मत्था रांझे दा चमकदा नूर भर्या, सख़ी जीउ दा नहीं बख़ील है जी ।
गल्ल सोहनी पर्हे दे विच्च करदा, खोजी लायी ते न्यांउं वकील है जी ।
76. चूचक
केहे डोगरां जट्टां दे न्याउं जाणे, पर्हे विच्च विलावड़े लाईआं दे ।
पाड़ झीड़ कर आंवदा कित्त देसों, लड़्या कास तों नाल इह भाईआं दे ।
किस गल्ल तों रुसके उठ आया, लड़्या कास तों नाल भरजाईआं दे ।
वारिस शाह दे दिल ते शौक आया वेखन मुख स्यालां दियां जाईआं दे ।
77. हीर
लायी होइ के मामले दस्स देंदा, मुनसफ हो वढ्ढे फाहे फेड़्यां दे ।
बाहों पकड़ के कंढे दे पार लावे, हथों कढ देंदा खोज झेड़्यां दे ।
वर्ही घत के कही दे पाड़ लाए, सत्थों कढ्ढ देंदा खोज झेड़्यां दे ।
धाड़ा धाड़वी तों मोड़ ल्यांवदा है, ठंड पांवदा विच्च बखेड़्यां दे ।
सभ रही रहुन्नी नूं सांभ ल्यावे, अक्खीं विच्च रखे वांग हेड़्यां दे ।
वारिस शाह जवान है भला रांझा, जित्थे नित्त पौंदे लख भेड़्यां दे ।
78. चूचक दी मनज़ूरी
तेर आखना असां मनज़ूर कीता, महीं दे संभाल के सारियां नी ।
ख़बरदार रहे मझीं विच्च खड़ा, बेले विच्च मुसीबतां भारियां नी ।
रला करे नाहीं नाल खंध्यां दे, एस कदे नाहीं मझीं चारियां नी ।
मतां खेड रुझ्झे खड़ियां जान मझ्झीं, होवन पिंड दे विच्च ख़ुआरियां नी ।
79. हीर ने मां नूं ख़बर दस्सणी
पास माउं दे नढड़ी गल्ल कीती, माही मझीं दा आण के छेड़्या मैं ।
नित्त पिंड दे विच्च विचार पौंदी, एह झगड़ा चाय निबेड़्या मैं ।
सुंञा नित्त रुले मंगू विच्च बेले, माही सुघड़ है आण सहेड़्या मैं ।
माएं करम जागे साडे मंगूआं दे, साऊ असल जटेटड़ा घेर्या मैं ।
80. रांझे नूं हीर दा उत्तर
मक्खन खंड परउंठे खाह मियां, महीं छेड़ दे रब दे आसरे ते ।
हस्सन गभ्भरू रांझ्या जाल मियां, गुज़र आवसी दुध दे कासड़े ते ।
हीर आखदी रब रज़्ज़ाक तेरा, मियां जाईं ना लोकां दे हासड़े ते ।
मझीं छेड़ दे झल्ल दे विच्च मियां, आप हो बहीं इक्क पासड़े ते ।
81. पंजां पीरां नाल मुलाकात
बेले रब दा नाउं लै जाय वड़्या, होया धुप दे नाल ज़हीर मियां ।
उहदी नेक सायत रुजू आण होई, मिले राह जांदे पंज पीर मियां ।
बच्चा खाह चूरी चोइ मझ बूरी, जीऊ विच्च ना होइ दिलगीर मियां ।
कायी नढड़ी सोहनी करो बख़शिश, पूरे रब दे हो तुसीं पीर मियां ।
बख़शी हीर दरगाह थीं तुध ताईं, याद करीं सानूं पवे भीड़ मियां ।
82. पीरां दी बखशिश
खुआजा ख़िज़र ते सक्कर गंज बोज़ घोड़ी, मुलतान दा ज़करिया पीर नूरी ।
होर सईअद्द जलाल बुख़ारिया सी, अते लाल शाहबाज़ बहशत हूरी ।
तुर्रा ख़िज़र रुमाल शक्कर गंज दित्ता, अते मुन्दरी लाल शहबाज़ नूरी ।
खंजर सईअद्द जलाल बुखख़ारीए ने, खूंडी ज़करीए पीर ने हिक्क बूरी ।
तैनूं भीड़ पवें करीं याद जट्टा, वारिस शाह ना जानना पलक दूरी ।
83. हीर दा भत्ता लै के बेले नूं जाणा
हीर चाय भत्ता खंड खीर मक्खन, मियां रांझे दे पास लै धांवदी है ।
तेरे वासते जूह मैं भाल थक्की, रो रो आपना हाल सुणांवदी है ।
कैदों ढूंडदा खोज नूं फिरे भौंदा, बास चूरी दी बेल्युं आंवदी है ।
वारिस शाह मियां वेखो टंग लंगी, शैतान दी कल्हा जगांवदी है ।
84. कैदो रांझे कोल
हीर गई जां नदी वल लैन पाणी, कैदो आण के मुख विखावांदा है ।
असीं भुख ने बहुत हैरान कीते, आन सवाल ख़ुदाय दा पांवदा है ।
रांझे रुग भर के चूरी चाय दित्ती, लै के तुरत ही पिंड नूं धांवदा है ।
रांझा हीर नूं पुच्छदा इह लंङां, हीरे कौन फ़कीर किस थाउं दा है ।
वारिस शाह मियां जिवें पच्छ के ते, कोयी उप्परों लून चा लांवदा है ।
85. हीर
हीर आख्या रांझ्या बुरा कीतो, साडा कंम है नाल वैराईआं दे ।
साडे खोज नूं तक के करे चुगली, दिने रात है विच्च बुर्याईआं दे ।
मिले सिरां नूं इह विछोड़ देंदा, भंग घत्तदा विच्च कुड़माईआं दे ।
बाबाल अंमड़ी ते जाय ठिठ करसी, जा आखसी पास भरजाईआं दे ।
86. तथा
हीर आख्या रांझ्या बुरा कीतो, तैं तां पुच्छना सी दुहरायके ते ।
मैं तां जाणदा नहीं सां इह सूहां, ख़ैर मंग्या सू मैथों आइके ते ।
खैर लैंदे ही पिछांह नूं परत भन्ना, उठ वग्या कंड वलायके ते ।
नेड़े जांदा हई जाय मिल नढ्ढीए नी, जाह पुच्छ लै गल्ल समझायके ते ।
वारिस शाह मियां उस थों गल्ल पुच्छीं, दो तिन्न अड्डियां हिक विच लायके ते ।
87. हीर दा कैदो नूं टक्करना
मिली राह विच्च दौड़ दे आ नढी, पहले नाल फ़रेब दे चट्ट्या सू ।
नेड़े आण के शीहनी वांग गज्जी ,अक्खीं रोह दा नीर पलट्ट्या सू ।
सिरों लाह टोपी गलों तोड़ सेल्ही, लक्कों चायके ज़िमीं ते स्ट्ट्या सू ।
पकड़ ज़मी ते मार्या नाल गुस्से, धोबी पटड़े ते खेस नूं छट्ट्या सू ।
वारिस शाह फरिशत्यां अरश उत्तों, शैतान नूं ज़िमीं ते स्ट्ट्या सू ।
88. हीर ने कैदों नूं ड्राउणा
हीर ढाय के आख्या मियां चाचा, चूरी देह जे जीव्या लोड़ना हैं ।
नहीं मार के जिन्द गवा देसां, मैनूं किसे ना हटकना होड़ना हैं ।
बन्न्ह पैर ते हत्थ लटकाय देसां, लड़ लड़कियां नाल की जोड़ना हैं ।
चूरी देह खां नाल हया आपे, काहे असां दे नाल अजोड़ना हैं ।
89. कैदों दा पर्हआ विच्च फ़र्याद करना
अद्धी डुल्ल्ह पई अद्धी खोह लई, चुन मेल के पर्हे विच ल्यांवदा ई ।
केहा मन्नदे नहीं साउ मूल मेरा, चूरी पल्ल्युं खोल विखांवदा ई ।
नाहीं चूचके नूं कोयी मत देंदा, नढी मार के नहीं समझांवदा ई ।
चाक नाल इकल्लड़ी जाए बेले, अज्ज कल कोयी लीक लांवदा ई ।
वारिस शाह जदोकना चाक रक्ख्या, ओस वेलड़े नूं पछोतांवदा ई ।
90. चूचक
चूचक आख्या कूड़ियां करें गल्लां, हीर खेडदी नाल सहेलियां दे ।
पींघां पइके सई्ईआं दे नाल झूटे, त्रिंञन जोड़दी विच्च हवेलियां दे ।
इह चुग़ल जहान दा मगर लग्गा, फ़क्कर जाणदे हो नाल सेल्हियां दे ।
कदी नाल मदारियां भंग घोटे, कदी जाय नच्चे नाल चेलियां दे ।
नहीं चूहड़े दा पुत्त होए सईअद, घोड़े होन नाहीं पुत्त लेलियां दे ।
वारिस शाह फ़कीर भी नहीं हुन्दे, बेटे जट्टां ते मोचियां तेलियां दे ।
91. हीर दी मां कोल औरतां वल्लों चुग़ली
मां हीर दी थे लोक करन चुग़ली, महरी मलकीए धी ख़राब है नी ।
असीं मासियां फुफियां लज मोईआं, साडा अन्दरों जीउ कबाब है नी ।
शमसुद्दीन काज़ी नित करे मसले, शोख़ धी दा व्याह सवाब है नी ।
चाक नाल इकल्लियां जान धियां, होया माप्यां धुरों जवाब है नी ।
तेरी धी दा मग़ज़ है बेग़मां दा, वेखो चाक ज्युं फिरे नवाब है नी ।
वारिस शाह मूंह उंगलां लोक घत्तन, धी मलकी दी पुज्ज ख़राब है नी ।
92. कैदो दी हीर दी मां कोल चुग़ली
कैदो आखदा धी व्याह मलकी, धरोही रब दी मन्न लै डायने नी ।
इक्के मार के वढ्ढ के करसु बेरे, मूंह सिर भन्न चोआं साड़ सायने नी ।
वेख धी दा लाड की दन्द कढ्ढें, बहुत झूरसें रन्ने कसायने नी ।
इक्के बन्न्ह के भोहरे चा घत्तो, लिम्ब वांग भड़ोले दे आयने नी ।
93. मलकी दा ग़ुस्सा
ग़ुस्से नाल मलकी तप लाल होई, झब्ब दौड़ तूं मिट्ठीए नायने नी ।
सद ल्या तूं हीर नूं ढूंड के ते, तैनूं माउं सदेंदी है डायने नी ।
नी खड़दुम्बीए मूने पाड़्हीए नी, मुशटंडीए बार दीए वायने नी ।
वारिस शाह वांगूं किते डुब मोएं, घर आ स्यापे दीए नायने नी ।
94. हीर दा मां कोल आउणा
हीर आइ के आखदी हस्स के ते, अनी झात नी अम्बड़ीए मेरीए नी ।
तैनूं डूंघड़े खूह विच्च चाय बोड़ां, कुल्ल पट्टीउ बचड़ीए मेरीए नी ।
धी जवान जे किसे दी बुरी होवे, चुप कीतड़े चा नबेड़ीए नी ।
तैनूं वड्डा उदमाद आ जाग्या ए तेरे वासते मुनस सहेड़ीए नी ।
धी जवान जे निकले घरों बाहर, लग्गे वस्स तां खूह नघेरीए नी ।
वारिस ज्युंदे होन जे भैन भाई, चाक चोबरां नांह सहेड़ीए नी ।
95. मां ने हीर नूं ड्राउणा
तेरे वीर सुलतान नूं ख़बर होवे, करे फिकर उह तेरे मुकावने दा ।
चूचक बाप दे राज नूं लीक लाईआ, केहा फ़ायदा माप्यां तावने दा ।
नक वढ्ढ के कोड़मां गाल्यु ई होया फ़ायदा लाड लडावने दा ।
रातीं चाक नूं चाय जवाब देसां, नहीं शौक ए महीं चरवाने दा ।
आ मिट्ठीए लाह नी सभ गहणे, गुन की है गहण्यां पावने दा ।
वारिस शाह मियां छोहरी दा, जीउ होया ई लिंग कुटावने दा ।
96. हीर दा उत्तर
माए रब्ब ने चाक घर घल्ल्या सी, तेरे होन नसीब जे धुरों चंगे ।
इहो जहे जे आदमी हत्थ आवन, सारा मुलक ही रब थीं दुआ मंगे ।
जेहड़े रब कीते कंम होइ रहे, सानूं मांयों क्युं ग़ैब दे दएं पंगे ।
कुल्ल स्याण्यां मलक नूं मत्त दित्ती, तेग़ महरियां इशक ना करो नंगे ।
नहीं छेड़ीए रब्ब द्यां पूर्यां नूं, जिन्हां कप्पड़े ख़ाक दे विच्च रंगे ।
जिन्हां इशक दे मामले सिरीं चाए, वारिस शाह ना किसे थों रहन संगे ।
97. हीर दे मां प्यु दी सलाह
मलकी आख़दी चूचका बनी औखी, सानूं हीर द्यां मेहण्यां ख़ुआर कीता ।
ताहने देन शरीक ते लोक सारे, चौतरफ्युं खुआर संसार कीता ।
वेखो लज्ज स्यालां दी लाह सुट्टी, नढी हीर ने चाक नूं यार कीता ।
जां मैं मत्त दित्ती अग्गों लड़न लग्गी, लज्ज लाह के चशम नूं चार कीता ।
कढ्ढ चाक नूं खोह लै महीं सभ्भे, असां चाक थों जीउ बेज़ार कीता ।
इक्के धी नूं चाघड़े डोब करीए, जाणों रब ने चा गुन्हागार कीता ।
झब्ब व्याह कर धी नूं कढ्ढ देसों, सानूं ठिठ है एस मुरदार कीता ।
वारिस शाह नूं हीर फ़ुआर कीता, नहीं रब्ब सी साहब सरदार कीता ।
98. चूचक
चूचक आखदा मलकीए जंमदी नूं, गल घुटके काहे ना मार्यु ई ।
घुट्टी अक्क दी घोल ना दित्तिया ई उह अज्ज सवाब नितार्यु ई ।
मंझ डूंघड़े वहन ना बोड़्या ई वढ्ढ बोड़ के मूल ना मार्यु ई ।
वारिस शाह ख़ुदा दा ख़ौफ़ कीतो, कारूं वांग ना ज़िमीं निघार्यु ई ।
99. चूचक रांझे नूं
रातीं रांझे ने महीं जां आण ढोईआं, चूचक स्याल मत्थे वट्ट पायआ ई ।
भायी छड्ड महीं उठ जा घर नूं, तेरा तौर बुरा नज़र आया ई ।
स्याल कहे भायी साडे कंम नाहीं, जाए उधरे जिधरों आया ई ।
असां सान्ह ना रख्या नढ्ढियां दा, धियां चारनियां किस बतायआ ई ।
'इत्तकव्वा मवाज़ि अतुहम', वारिस शाह इह धुरों फ़ुरमायआ ई ।
100. चूचक ते रांझा
'वल्लो बसत अलहु रिज़क लइबादह', रज्ज खायके मसतियां चाईआं नी ।
'कुलू वशरबू' रब्ब ने हुकम दित्ता, नहीं मसतियां लिखियां आईआं नी ।
कित्थों पचन इहनां मुशटंड्यां नूं, नित्त खाणियां दुध मलाईआं नी ।
'वमा मिन दआबत्तनि फ़िल अरज़', इह आइतां धुरों फ़ुरमाईआं नी ।
वारिस शाह मियां रिज़क रब्ब देसी, इह लै सांभ मझ्झीं घर आईआं नी ।
101. रांझे ने चूचक दे घरों चले जाणा
रांझा स्ट्ट खूंडी उतों लाह भूरा, छड्ड चल्या सभ मंगवाड़ मियां ।
जेहा चोर नूं थड़े दा खड़क पहुंचे छड्ड टुरे है सन्न्ह दा पाड़ मियां ।
दिल चायआ देस ते मुलक उतों, उहदे भाय दा बोल्या हाड़ मियां ।
तेरियां खोलियां चोरां दे मिलन सभे, खड़े कट्टियां नूं कायी धाड़ मियां ।
मैनूं मझीं दी कुझ्झ परवाह नाहीं, नढ्ढी पई सी इत्त रेहाड़ मियां ।
तेरी धी नूं असीं की जाणने हां, तैनूं आउंदी नज़र पहाड़ मियां ।
तेरियां मझ्झां दे कारने रात अद्धी, फिरां भन्नदा कहर दे झाड़ मियां ।
मंगू मगर मेरे सभो आंवदा ई मझीं आपणियां महर जी ताड़ मियां ।
घुट बहें चरायी तूं माहियां दी, सही कीतो ई कोयी किराड़ मियां ।
महीं चारदे नूं हो गए माह बारां, अज्ज उठ्या अन्दरों साड़ मियां ।
वही खतरी दी रही खतरी ते, लेखा ग्या ई होइ पहाड़ मियां ।
तेरी धी रही तेरे घरे बैठी, झाड़ा मुफ़त दा ल्या ई झाड़ मियां ।
हट्ट भरे भकुन्ने नूं सांभ ल्या, कढ्ढ छड्ड्यो नंग किराड़ मियां ।
वारिस शाह अग्गों पूरी ना पईआ, पिच्छों आया सैं पड़तने पाड़ मियां ।
102. गाईआं मझ्झां दा रांझे बिना ना चुगणा
मझीं चरन ना बाझ रंझेटड़े दे, माही होर सभे झख़ मार रहे ।
कायी घुस जाए कायी डुब जाए, कायी सन्ह रहे कायी पार रहे ।
स्याल पकड़ हथ्यार ते हो खुंमां, मगर लग के खोलियां चार रहे ।
वारिस शाह चूचक पछोतांवदा ई मंगू ना छिड़े, असीं हार रहे ।
103. मां नूं हीर दा उत्तर
माए चाक तराहआ चाय बाबे, एस गल्ल उते बहुत खुशी हो नी ।
रब्ब ओस नूं रिज़क है देन हारा, कोयी ओस दे रब्ब ना तुसीं हो नी ।
महीं फिरन खराब विच्च बेल्यां दे, खोल दस्सो केही बुस बुसी हो नी ।
वारिस शाह औलाद ना माल रहसी, जेहदा हक्क खुत्था ओह नाखुशी हो नी ।
104. मलकी चूचक नूं
मलकी गल्ल सुणांवदी चूचके नूं, लोक बहुत दिन्दे बद दुआ मियां ।
बारां बरस उस मझियां चारियां ने, नहीं कीती सू चूं चरा मियां ।
हक्क खोह के चा जवाब दित्ता, महीं छड के घरां नूं जा मियां ।
पैरीं लग के जा मना उस नूं, आह फ़क्कर दी बुरी पै जा मियां ।
वारिस शाह फ़कीर ने चुप कीती, उहदी चुप ही देग लुड़्हा मियां ।
105. चूचक
चूचक आख्या जाह मना उसनूं, व्याह तीक तां महीं चराय लईए ।
जदों हीर पा डोली टोर देईए, रुस पवे जवाब तां चाय देईए ।
साडी धीउ दा कुझ्झ ना लाह लैंदा, सभ टहल टकोर कराय लईए ।
वारिस शाह असीं जट हां सदा खोटे, जटका फन्द एथे हिक लाय लईए ।
106. मलकी दा रांझे नूं लभ्भणा
मलकी जा वेहड़े विच्च पुच्छदी है, जेहड़ा जेहड़ा सी भाईआं सांव्यां दा ।
साडे माही दी ख़बर है किते अड़्यु, किधर मार्या ग्या पछताव्यां दा ।
ज़रा हीर कुड़ी उहनूं सद्ददी है, रंग धोवे पलंघ दे पाव्यां दा ।
रांझा बोल्या सत्थरों भन्न आकड़, इह जे प्या सरदार निथाव्यां दा ।
सिर पटे सफ़ा कर हो रहआ, जेहा बालका मुन्न्यां बाव्यां दा ।
वारिस शाह ज्युं चोर नूं मिले वाहर, उभे साह भरदा मारा हाव्यां दा ।
107. मलकी दा रांझे नूं तसल्ली देणा
मलकी आखदी लड़्युं जे नाल चूचक, कोयी सख़न ना जीऊ ते ल्यावना ई ।
केहा माप्यां पुतरां लड़न हुन्दा, तुसां खट्टना ते असां खावना ई ।
छिड़ माल दे नाल मैं घोल घत्ती, शामो शाम रातीं घरीं आवना ई ।
तूं ही चोइके दुध जमावना ई तूं ही हीर दा पलंघ विछावना ई ।
कुड़ी कल्ह दी तेरे तों रुस बैठी, तूं ही ओस नूं आइ मनावना ई ।
मंगू माल स्याल ते हीर तेरी, नाले घूरना ते नाले खावना ई ।
मंगू छेड़ के झल्ल विच्च मियां वारिस, असां तखत हज़ारे ना जावना ई ।
108. रांझे दा हीर नूं कहणा
रांझा आखदा हीर नूं माउं तेरी, सानूं फेर मुड़ रात दी चंमड़ी है ।
मियां मन्न लए ओस दे आखने नूं, तेरी हीर प्यारी दी अंमड़ी है ।
की जाणीए उट्ठ किस घड़ी बहसी, अजे व्याह दी वित्थ तां लंमड़ी है ।
वारिस शाह इस इशक दे वनज विच्चों, किसे पल्ले नहीं बद्धड़ी दंमड़ी है ।
109. रांझे दा मलकी दे आखे फेर मझियां चारना
रांझा हीर दी माउं दे लग आखे, छेड़ मझ्झियां झल्ल नूं आंवदा है ।
मंगू वाड़ दित्ता विच्च झांगड़े दे, आप नहायके रब्ब ध्यांवदा है ।
हीर सत्तूआं दा मगर घोल छन्ना, वेखो रिज़क रंझेटे दा आंवदा है ।
पंजां पीरां दी आमदन तुरत होई, हथ बन्न्ह सलाम करांवदा है ।
रांझा हीर दोवें होए आण हाज़र, अग्गों पीर हुन इह फरमांवदा है ।
110. पीरां दा उत्तर
बच्चा दोहां ने रब नूं याद करना, नाहीं इशक नूं लीक लगावना ई ।
बच्चा खा चूरी चोए मझ बूरी, ज़रा ज्यु नूं नहीं वलावना ई ।
अट्ठे पहर ख़ुदाय दी याद अन्दर, तुसां ज़िकर ते ख़ैर कमावना ई ।
वारिस शाह पंजां पीरां हुकम कीता, बच्चा इशक तों नहीं डुलावना ई ।
111. काज़ी अते मां बाप वल्लों हीर नूं नसीहत
हीर वत्त के बेल्युं घरीं आई, मां बाप काज़ी सद्द ल्याउंदे ने ।
दोवे आप बैठे अते विच्च काज़ी, अते साहमने हीर बहाउंदे ने ।
बच्चा हीर तैनूं असीं मत्त दिन्दे, मिट्ठी नाल ज़बान समझाउंदे ने ।
चाक चोबरां नाल ना गल्ल कीजे, इह मेहनती केहड़े थाउं दे ने ।
त्रिंञन जोड़ के आपने घरीं बहीए, सुघड़ गाउं के जीउ परचाउंदे ने ।
लाल चरखड़ा डाह के छोप पाईए, केहे सुहने गीत झनाउं दे ने ।
नीवीं नजर ह्या दे नाल रहीए, तैनूं सभ स्याने फ़रमाउंदे ने ।
चूचक स्याल होरीं हीरे जाननी हैं, सरदार इह पंज गराउं दे ने ।
शरम माप्यां दी वल ध्यान करीए, बाला शान इह जट सदाउंदे ने ।
बाहर फिरन ना सुंहदा जट्टियां नूं, अज्ज कल्ह लागी घर आउंदे ने ।
एथे व्याह दे वड्डे सामान होए, खेड़े पए बना बणाउंदे ने ।
वारिस शाह मियां चन्द रोज़ अन्दर, खेड़े जोड़ के जंज लै आउंदे ने ।
112. हीर
हीर आखदी बाबला अमलियां तों, नहीं अमल हटायआ जाय मियां ।
जेहड़ियां वादियां आदि दियां जान नाहीं, रांझे चाक तों रहआ ना जाय मियां ।
शींह चितरे रहन ना मास बाझों, झुट नाल ओह रिज़क कमाय मियां ।
इह रज़ा तकदीर हो रही वारिद, कौन होवनी दे हटाय मियां ।
दाग़ अम्ब ते सार दा लहे नाहीं, दाग़ इशक दा भी ना जाय मियां ।
मैं मंग दरगाह थीं ल्या रांझा, चाक बखश्या आप ख़ुदाय मियां ।
होर सभ गल्लां मंज़ूर होईआं, रांझे चाक थीं रहआ ना जाय मियां ।
एस इशक दे रोग दी गल्ल एवें, सिर जाए ते इह ना जाय मियां ।
वारिस शाह मियां जिवें गंज सिर दा, बारां बरस बिनां नाहीं जाय मियां ।
113. चूचक
इहदे वढ लुड़्हके खोह चूंड्यां थों, गल घुट के डूंघड़े बोड़ीए नी ।
सिर भन्न सू नाल मधाणियां दे, ढूईं नाल खड़लत्त दे तोड़ीए नी ।
इहदा दातरी नाल चा ढिड पाड़ो, सूआ अक्खियां दे विच्च पोड़ीए नी ।
वारिस चाक तों इह ना मुड़े मूले, असीं रहे बहुतेरड़ा होड़ीए नी ।
114. मलकी
सिर बेटियां दे चाय जुदा करदे, जदों ग़ुस्स्यां ते बाप आंवदे ने ।
सिर वढ के नईं विच्च रोड़्ह दिन्दे, मास काउं कुत्ते बिल्ले खांवदे ने ।
सस्सी जाम जलाली ने रोड़्ह दित्ती, कई डूम ढाडी पए गांवदे ने ।
औलाद जेहड़ी कहे ना लग्गे, मापे ओस नूं घुट लंघांवदे ने ।
जदों कहर ते आंवदे बाप ज़ालम, बन्न्ह बेटियां भोहरे पांवदे ने ।
वारिस शाह जे मारीए बदां ताईं, देने ख़ून ना तिनां दे आंवदे ने ।
115. हीर
जिन्हां बेटियां मारियां रोज़ क्यामत, सिरीं तिन्हां दे वड्डा गुनाह माए ।
मिलन खाणियां तिन्हां नूं फाड़ करके, जीकूं मारियां जे तिवें खा माए ।
कहे माउं ते बाप दे असां मन्ने, गल पल्लूड़ा ते मूंह घाह माए ।
इक्क चाक दी गल्ल ना करो मूले, ओहदा हीर दे नाल निबाह माएं ।
116. हीर दा भरा सुलतान
सुलतान भायी आया हीर सन्दा, आखे माउं नूं धीउ नूं ताड़ अंमां ।
असां फेर जे बाहर इह कदे डिट्ठी, सुट्टां एस नूं जान थीं मार अंमां ।
तेरे आख्यां सतर जे बहे नाहीं, फेरां एस दी धौन तलवार अंमां ।
चाक वड़े नाहीं साडे विच्च वेहड़े, नहीं डक्करे करां सू चार अंमां ।
जे धी ना हुकम विच्च रक्ख्या ई सभ साड़ स्ट्टूं घर बार अंमां ।
वारिस शाह जेहड़ी धीउ बुरी होवे, देईए रोड़्ह समुन्दरों पार अंमां ।
117. हीर आपने भरा नूं
अखीं लग्गियां मुड़न ना वीर मेरे, बीबा वार घत्ती बलहारियां वे ।
वहन पए दर्या ना कदी मुड़दे, वड्डे लाय रहे ज़ोर ज़ारियां वे ।
लहू निकलनो रहे ना मूल वीरा, जित्थे लग्गियां तेज़ कटारियां वे ।
लग्गे दसत इक्क वार ना बन्द कीजन, वैद लिखदे वैदगियां सारियां वे ।
सिर दित्त्यां बाझ ना इशक पुग्गे, एह नहीं सुखालियां यारियां वे ।
वारिस शाह मियां भायी वरजदे ने, देखो इशक बणाईआं ख़ुआरियां वे ।
118. हीर नूं काज़ी दी नसीहत
काज़ी आख्या ख़ौफ़ ख़ुदाय दा कर, मापे जिद्द चड़्हे चाय मारनीगे ।
तेरी क्याड़ीउं जीभ खिचा कढ्ढन, मारे शरम दे ख़ून गुज़ारनीगे ।
जिस वकत असां दित्ता चा फ़तवा, ओस वकत ही पार उतारनीगे ।
मां आखदी लोड़्ह खुदाय दा जे, तिक्खे शोख दीदे वेख पाड़नीगे ।
वारिस शाह कर तरक बुर्याईआं तों, नहीं अग्ग दे विच्च निघारनीगे ।
119. रांझे दा पंजां पीरां नूं याद करना
पंजां पीरां नूं रांझने याद कीता, जदों हीर सुनेहड़ा घल्ल्या ई ।
मां बाप काज़ी सभ गिरद होए, गिला सभना दा असां झल्ल्या ई ।
आए पीर पंजे अग्गे हथ जोड़े, नीर रोंद्यां मूल नाल ठल्ल्हआ ई ।
बच्चा कौन मुसीबतां पेश आईआं, विच्चों ज्यु साडा थरथल्ल्या ई ।
मेरी हीर नूं वीर हैरान कीता, काज़ी माउं ते बाप पथल्ल्या ई ।
मदद करो खुदाय दे वासते जी, मेरा इशक ख़राब हो चल्ल्या ई ।
बहुत प्यार दिलासड़े नाल पीरां, मीएं रांझे दा जीउ तसल्ल्या ई ।
तेरी हीर दी मद्दते मियां रांझा, मख़दूम जहानियां घल्ल्या ई ।
दो सद्द सुना खां वंझली दे, साडा गावने ते जीउ चल्ल्या ई ।
वारिस शाह अग्गे जट गांवदा ई वेखो राग सुन के जीउ हल्ल्या ई ।
120. पीरां नूं रांझे दा राग गा के सुणाउणा
शौक नाल वजाय के वंझली नूं, पंजां पीरां अग्गे खड़्हा गांवदा ए ।
कदी ऊधो ते कान्ह दे बिशनपदे, कदे माझ पहाड़ी दी लांवदा ए ।
कदी ढोल ते मारवन छोह दिन्दा, कदी बूबना चाय सुणांवदा ए ।
मलकी नाल जलाली नूं ख़ूब गावे, विच्च झ्यूरी दी कली लांवदा ए ।
कदी सोहनी ते महींवाल वाले, नाल शौक दे सद्द सुणांवदा ए ।
कदी धुरपदां नाल कबित छोहे, कदी सोहले नाल रलांवदा ए ।
सारंग नाल तलंग शहानियां दे, राग सूही दा भोग चा पांवदा ए ।
सोरठ गुजरियां पूरबी ललित भैरों, दीपक राग दी ज़ील वजांवदा ए ।
टोडी मेघ मल्हार गौंड धनासरी, जैतसरी भी नाल रलांवदा ए ।
मालसरी ते परज बेहाग बोले, नाल मारवा विच्च वजावन्दा ए ।
केदारा बेहागड़ा ते राग मारू, नाले कान्हड़े दे सुर लांवदा ए ।
कल्यान दे नाल मालकौंस बोले, अते मंगलाचार सुणांवदा ए ।
भैरों नाल पलासियां भीम बोले, नट राग दी ज़ील वजांवदा ए ।
बरवा नाल पहाड़ झंझोटियां दे, होरी नाल आसाखड़ा गांवदा ए ।
बोले राग बसंत हिंडोल गोपी, मुन्दावनी दियां सुरां लांवदा ए ।
पलासी नाल तरान्यां रामकली, वारिस शाह नूं खड़ा सुणांवदा ए ।
121. पीरां दा रांझे ते ख़ुश होणा
राज़ी हो पंजां पीरां हुकम कीता, बच्चा मंग लै दुआ जो मंगनी है ।
अजी हीर जट्टी मैनूं बखश देवो, रंगन शौक दे विच्च जो रंगनी है ।
तैनूं लाए भबूत मलंग करीए, बच्चा ओह वी तेरी मलंगनी है ।
जेहे नाल रली तेही हो जाए, नंगां नाल लड़े सो भी नंगनी है ।
वारिस शाह ना लड़ीं ना छड्ड जाईं, घर माप्यां दे नाहीं टंगनी है ।
122. पीरां ने रांझे नूं असीस देणी
रांझे पीरां नूं बहुत खुशहाल कीता, दुआ दित्तिया ने जाह हीर तेरी ।
तेरे सभ मकसूद हो रहे हासल, मद्दद हो गए पंजे पीर तेरी ।
जाह गूंज तूं विच्च मंगवाड़ बैठा, बख़श लई है सभ तकसीर तेरी ।
वारिस शाह मियां पीरां कामलां ने, कर छड्डी है नेक तदबीर तेरी ।
123. हीर रांझे दी मिट्ठी नायन नाल सलाह
रांझे आख्या आ खां बैठ हीरे, कोयी ख़ूब तदबीर बणाईए जी ।
तेरे माउं ते बाप दिलगीर हुन्दे, किवें उन्हां तों बात छुपाईए जी ।
मिट्ठी नैन नूं सद के बात गिणीए, जे तूं कहें तेरे घर आईए जी ।
मैं स्यालां दे वेहड़े वड़ां नाहीं, साथे हीर नूं नित्त पहुंचाईए जी ।
दिने रात तेरे घर मेल साडा, साडे सिरीं अहसान चड़्हाईए जी ।
हीर पंज मुहरां हत्थ दित्तियां ने, जीवें मिठीए डौल बणाईए जी ।
कुड़ियां नाल ना खोल्हना भेद मूले, सभा जीउ दे विच्च लुकाईए जी ।
वारिस शाह छुपाईए ख़लक कोलों, भावे आपना ही गुड़ खाईए जी ।
124. नाईआं दे घर
फल्हे कोल जित्थे मंगू बैठदा सी, ओथे कोल हैसी घर नाईआं दा ।
मिट्ठी नायन घरां सन्दी खसमनी सी, नायी कंम करदे फिरन साईआं दा ।
घर नाईआं दे हुकम रांझने दा, जिवें साहुरे घरीं जवाईआं दा ।
चां भां मट्ठी फिरन वाल्यां दी, बारा खुल्हदा लेफ़ तलाईआं दा ।
मिट्ठी सेज विछाए के फुल्ल पूरे, उत्ते आंवदा कदम ख़ुदाईआं दा ।
दोवें हीर रांझा रातीं करन मौजां, खड़ियां खान मझ्झीं सिर साईआं दा ।
घड़ी रात रहन्दे घरीं हीर जाए, रांझा भात पुछदा फिर धाईआं दा ।
आपो आपनी कार विच्च जाय रुझ्झन, बूहा फेर ना वेखदे नाईआं दा ।
125. हीर अते सहेलियां दियां रांझे नाल खेडां
दिंहु होवे दुपहर तां आवे रांझा, अते ओधरों हीर वी आंवदी है ।
इह महीं ल्या बहांवदा ए ओह नाल सहेलियां ल्यांवदी है ।
उह वंझली नाल सरोद करदा, इह नाल सहेलियां गांवदी है ।
कायी ज़ुलफ नचोड़दी रांझने दी, कायी आण गले नाल लांवदी है ।
कायी चम्बड़े लक नूं मशकबोरी, कायी मुख नूं मुख छुहांवदी है ।
कायी 'मीरी आं' आख के भज्ज जांदी, मगर पवे तां टुभ्भियां लांवदी है ।
कायी आखदी माहिया माहिया वे, तेरी मझ कटी कट्टा जांवदी है ।
कायी मामे द्यां ख़रबूज़्यां नूं, कौड़े बकबके चा बणांवदी है ।
कायी आखदी झात है रांझ्या वे, मार बाहुली पार नूं धांवदी है ।
कुत्ते तारियां तरन चवाय करके, इक्क छाल घड़ंम दी लांवदी है ।
मुरदे-तारियां तरन चौफाल पै के, कोयी नौल निस्सल रुड़्ही आंवदी है ।
इक्क शरत बद्धी टुभी मार जाए, ते पताल दी मिट्टी ल्यांवदी है ।
इक्क बनन चतरांग मुग़ाबियां वी, सुरख़ाब ते कूंज बण आंवदी है ।
इक्क ढींग मुरगायी ते बने बगला, इक्क किलकिला हो विखांवदी है ।
इक्क वांग ककोहआं संघ टड्डे, इक्क ऊद दे वांग बुलांवदी है ।
औगत बोलदी इक्क टटीहरी हो, इक्क संग जलकावनी आंवदी है ।
इक्क लुधर होइके कुड़कुड़ावे, इक्क होइ संसार शूकांवदी है ।
इक्क दे पसलेटियां होइ बुल्हन, मशक वांगरां ओह फूकांवदी है ।
हीर तरे चौतरफ ही रांझने दे, मोर मछली बण बण आंवदी है ।
आप बने मछली नाल चावड़ां दे, मीएं रांझे नूं कुरल बणांवदी है ।
एस तख़त हज़ारे दे डम्बड़े नूं, रंग रंग दियां जालियां पांवदी है ।
वारिस शाह जट्टी नाज़ न्याज़ करके, नित यार दा जीउ परचांवदी है ।
126. कैदों दा मलकी कोल लूतियां लाउणा
कैदो आखदा मलकीए भैड़ीए नी, तेरी धीउ वड्डा चच्चर चायआ ई ।
जाय नईं ते चाक दे नाल घुलदी, एस मुलक दा रच्छ गवायआ ई ।
मां बाप काज़ी सभे हार थक्के एस इक्क ना ज्यु ते लायआ ई ।
मूंह घुट रहे वाल पुट रहे, लिंग कुट रहे मैनूं तायआ ई ।
हक्क हुट्ट रहे झाटा पुट रहे, अंत हुट्ट रहे ग़ैब चायआ ई ।
लिटां पुट रहे ते निखुट्ट रहे, लत्तीं जुट रहे ते लटकायआ ई ।
मत्तीं दे रहे पीर सेंव रहे, पैरीं पै रहे लोड़्हा आया ई ।
वारिस शाह मियां सुत्ते मामले नूं, लंङे रिच्छ ने मोड़ जगायआ ई ।
127. मलकी दा काम्यां नूं हुकम
मलकी आखदी सद्द तूं हीर ताई, झब हो तूं औलिया नाईआ वे ।
अलफू मोचिया मौजमा वागिया वे, धद्दी माछिया भज तूं भाईआ वे ।
खेडन गई मूंह सोझले घरों निकली, निंम्ही शाम होयी नहीं आईआ वे ।
वारिस शाह माही हीर नहीं आए, महड़ मंगूआं दी घरीं आईआ वे ।
128. हीर नूं सद्दन लई बन्दे दौड़े
झंगड़ डूम ते फत्तू कलाल दौड़े, बेला चूहड़ा ते झंडी चाक मियां ।
जा हीर अग्गे धुंम घत्तिया ने, बच्चा केही उडायी आ ख़ाक मियां ।
तेरी मांउं तेरे उते बहुत ग़ुस्से, जानों मारसी चूचक बाप मियां ।
रांझा जाह तेरे सिर आण बणियां, नाले आखदे मारीए चाक मियां ।
स्याल घेर घेरन पवन मगर तेरे, गिणें आप नूं बहुत चलाक मियां ।
तोता अम्ब दी डाल ते करे मौजां, ते गुलेलड़ा पौस पटाक मियां ।
अज्ज स्यालां ने चुल्ल्हीं ना अग्ग घत्ती, सारा कोड़मा बहुत ग़मनाक मियां ।
वारिस शाह यतीम दे मारने नूं, सभा जुड़ी झनाउं दी ढाक मियां ।
129. हीर दा मां कोल आउणा
हीर मां नूं आण सलाम कीता, माउं आखदी आ नी नहरीए नी ।
यरोलीए गोलीए बेहआए, घुंढ वीणीए ते गुल पहरीए नी ।
उधलाक टूम्बे अते कड़मीए नी, छलछिद्दरीए ते छाईं जहरीए नी ।
गोला दिंगीए उज़बके मालज़ादे, ग़ुस्से मारीए ज़हर दीए ज़हरीए नी ।
तूं अकायके साड़ के लोड़्ह दित्ता, लिंग घड़ूंगी नाल मुतहरीए नी ।
आ आखनी हां टल जा हीरे, महर रांझे दे नाल दीए महरीए नी ।
सान्हां नाल रहें देहुं रात खहन्दी, आ टलीं नी कट्टीए वहड़ीए नी ।
अज्ज रात तैनूं मझो वाह डोबां, तेरी सायत आंवदी कहरीए नी ।
वारिस शाह तैनूं कप्पड़ धड़ी होसी, वेखीं नील डाडां उट्ठे लहरीए नी ।
130. हीर
अंमां चाक बेले असीं पींघ पींघां, कैसे ग़ैब दे तूतीएे बोलनी हैं ।
गन्दा बहुत मलूक मूंह झूठड़े दा, ऐडा झूठ पहाड़ क्युं तोलनी हैं ।
शुला नाल गुलाब त्यार कीता, विच्च प्याज़ क्यूं झूठ दा घोलनी हैं ।
गदां किसे दी नहीं चुरा आंदी, दानी होइके ग़ैब क्युं बोलनी हैं ।
अणसुण्यां नूं चा सुणायआ ई मोए नाग़ वांगूं विस घोलनी हैं ।
वारिस शाह गुनाह की असां कीता, एडे ग़ैब तूफान क्युं तोलनी हैं ।
131. मलकी
सड़े लेख साडे कज्ज पए तैनूं, वड्डी सोहनी धीउ नूं लीक लग्गी ।
नित करें तौबा निक करें यारी, नित करें पाखंड ते वड्डी ठग्गी ।
असीं मन्हा कर रहे हां मुड़ी नाहीं, तैनूं किसे फ़कीर दी केही वग्गी ।
वारिस शाह इह दुध ते खंड खांदी, मारी फिटक दी गई जे हो बग्गी ।
132. हीर
अंमां बस कर गाल्हियां दे नाहीं, गाल्ही दित्तियां वड्डड़ा पाप आवे ।
न्युं रब दी पट्टनी खरी औखी, धियां मार्यां वड्डा सराप आवे ।
लै जाए मैं भई्ईआं पिटड़ी नूं, कोयी ग़ैब दा सूल जां ताप आवे ।
वारिस शाह ना मुड़ां रंझेटड़े तों, भावें बाप दे बाप दा बाप आवे ।
133. कैदों दा स्यालां नूं कहणा
कैदो आइके आखदा सौहर्यो वो, मैथों कौन चंगा मत्त देसिया वोइ ।
महीं मोहियां ते नाले स्याल मुठे, अज्ज कल विगाड़ करेसिया वोइ ।
इह नित दा प्यार ना जाए ख़ाली, पिंज गड्ड दा पास ना वैसिया वोइ ।
सत्थों मार स्यालां ने गल्ल टाली, पर्हा छड्ड झेड़ा बहु भेसिया वोइ ।
रग इक्क वधीक है लंङ्यां दी, किरतघन फ़रफ़ेज़ मलघेसिया वोइ ।
134. तथा
कोयी रोज़ नूं मुलक मशहूर होसी, चोरी यारी है ऐब कवारियां नूं ।
जिन्हां बान है नच्चने कुदने दी, रक्खे कौन रन्नां हर्यारियां नूं ।
एस पाय भुलावड़ा ठग लीते, कंम पहुंचसी बहुत ख़ुआरियां नूं ।
जदों चाक उधाल लै जाग नढ्ढी, तदों झूरसों बाज़ियां हारियां नूं ।
वारिस शाह मियां जिन्हां लाईआं नी, सेयी जाणदे दारियां यारियां नूं ।
135. हीर नूं सहेलियां ने कैदों बाबत दस्सणा
किस्सा हीर नूं तुरत सहेलियां ने, जा कन्न दे विच्च सुणायआ ई ।
तैनूं मेहना चाक दा दे कैदों, विच्च पर्हे दे शोर मचायआ ई ।
वांग ढोल हराम शैतान दे ने, डग्गा विच्च बाज़ार दे लायआ ई ।
इह गल्ल जे जायसी अज्ज ख़ाली, तूं हीर क्युं नाउं सदायआ ई ।
कर छड्ड तूं एस दे नाल एही, सुने देस जो कीतड़ा पायआ ई ।
वारिस शाह अपराधियां रहन चड़्हियां, लंङे रिच्छ ने मामला चायआ ई ।
136. हीर दा सहेलियां नूं उत्तर
हीर आख्या वाड़ के फल्हे अन्दर, गल पा रस्सा मूंह घुट घत्तो ।
लै के कुतके ते कुढ्ढन माछियां दे, धड़ा धड़ ही मार के कुट घत्तो ।
टंगों पकड़ के लक्क विच्च पा जफ्फी, किसे टोभड़े दे विच्च सुट घत्तो ।
मार एस नूं लायके अग्ग झुग्गी, साड़ बाल के चीज़ सभ लुट घत्तो ।
वारिस शाह मियां दाड़्ही भम्बड़ी दा, जे को वाल दिसे सभो पुट घत्तो ।
137. हीर दी सहेलियां नाल कैदो नूं चंडन दी सलाह
सईआं नाल रल के हीर मता कीता, खिंड-पुंड के गलियां मल्लियां ने ।
कैदों आण वड़्या जदों फल्हे अन्दर, ख़बरां तुरत ही हीर थे घल्लियां ने ।
हत्थीं पकड़ कांबां वांग शाह परियां, ग़ुस्सा खायके सारियां चल्लियां ने ।
कैदों घेर ज्युं गधा घम्यार पकड़े, लाह सेल्हियां पकड़ पथल्लियां ने ।
घाड़ घड़न ठठ्यार ज्युं पौन धमकां, धाईं छट्टदियां जिवें मुहल्लियां ने ।
138. तथा
गल पायके सेल्हियां लाह टोपी, पाड़ जुल्लियां संघ नूं घुट्ट्यु ने ।
भन्न कौर ते कुतके छड़न लत्तीं, रोड़्ह विच्च खुड़ल्ल दे सुट्ट्यु ने ।
झंझोड़ सिर तोड़ के घत मूधा, लांगड़ पाड़ के धड़ा धड़ कुट्ट्यु ने ।
वारिस शाह दाड़्ही पुट पाड़ लांगड़, एह अखट्टड़ा ही चा खुट्ट्यो ने ।
139. तथा
हिक मार लत्तां दूयी ला छमकां, त्रीयी नाल चटाक्यां मारदी है ।
कोयी इट्ट वट्टा जुत्ती ढीम पत्थर, कोयी पकड़ के धौन भोइं मारदी है ।
कोयी पुट दाड़्ही दुब्बर विच्च देंदी, कोयी डंडका विच्च गुज़ारदी है ।
चोर मारीदा वेखीए चलो यारो, वारिस शाह एह ज़बत सरकार दी है ।
140. कैदों कुड़ियां नाल उलझ्या
पाड़ चुन्नियां सुत्थणां कुड़तियां नूं, चक्क वढ्ढ के चीकदा चोर वांगूं ।
वत्ते फिरन परवार ज्युं चन्न दवाले, गिरद पायलां पाउंदियां मोर वांगूं ।
शाहूकार दा माल ज्युं विच्च कोटां, दवाले चौंकियां फिरन लाहौर वांगूं ।
वारिस शाह अंग्यारियां भखदियां नी, उहदी प्रीत है चन्न चकोर वांगूं ।
141. कैदों दी झुग्गी साड़नी
उहनूं फाट के कुट चकचूर कीता, स्यालीं लायके पासना धाईआं नी ।
हत्थीं बाल मवातड़े काह काने, वड्डे भांबड़े बाल लै आईआं नी ।
झुघ्घी साड़ के भांडड़े भन्न सारे, कुक्कड़ कुत्त्यां चाय भजाईआं नी ।
फौज़ां शाह दियां वारसा मार मथरा, मुड़ फेर लाहौर नूं आईआं नी ।
142. कैदों दी पंचां अग्गे फ़र्याद
कैदो लित्थड़े पत्थड़े ख़ून वहन्दे, कूके बाहुड़ी ते फ़र्याद मियां ।
मैनूं मार के हीर ने चूर कीता, पैंचो पिंड द्यु, द्यु खां दाद मियां ।
कफ़न पाड़ बादशाह थे जा कूकां, मैं तां पुट सुटां बन्याद मियां ।
मैं तां बोलणों मार्या सच्च पिच्छे, शीरीं मार्या जिवें फ़रहाद मियां ।
चलो झगड़ीए बैठ के पास काज़ी, एह गल्ल ना जाए बरबाद मियां ।
वारिस अहमकां नूं बिना फाट खाधे, नहीं आंवदा इशक दा सवाद मियां ।
143. चूचक दा कैदों नूं उत्तर
चूचक आख्या लंङ्या जा साथों, तैनूं वल्ल है झगड़्यां झेड़्यां दा ।
सरदार हैं चोर उचक्क्यां दा, सूहां बैठा हैं साहआं फेड़्यां दा ।
तैनूं वैर है नाल अंञाण्यां दे, ते वल्ल है दब्ब दरेड़्यां दा ।
आप छेड़ के पिच्छों दी फिरन रोंदे, इहो चज्ज जे माहणूआं भैड़्यां दा ।
वारिस शाह अबलीस दी शकल कैदो, एहो मूल है सभ बखेड़्यां दा ।
144. कैदों ने आपनी हालत दस्सणा
मैनूं मार के उधलां मुंज कीता, झुग्गी ला मुआतड़े साड़िया ने ।
दौर भन्न के कुतके साड़ मेरे, पैवन्द जुल्लियां फोल के पाड़िया ने ।
कुक्कड़ कुत्तियां भंग अफीम लुट्टी, मेरी बावनी चा उजाड़िया ने ।
धड़वैल धाड़े मार लुट्टन, मेरा देस लुट्या एन्हां लाड़ियां ने ।
145. स्यालां दा उत्तर
झूठियां सच्चियां चुगलियां मेल के ते, घरों घरीं तूं लूतियां लावना हैं ।
प्यु पुत्तरां तों यार यार कोलों, मावां धियां नूं पाड़ विखावना हैं ।
तैनूं बान है बुरा कमावने दी, ऐवें टक्करां प्या लड़ावना हैं ।
पर्हां जाह जट्टा पिच्छा छड साडा, ऐवें कास नूं प्या अकावना हैं ।
146. कैदो
धरोही रब दी न्याउं कमाउ पैंचो, भरे देस च फाट्या कुट्ट्या हां ।
मुरशद बखश्या सी ठूठा भन्न्या ने, धुरों जड़्हां थीं ला मैं पुट्ट्या हां ।
मैं मार्यां देखदे मुलक सारे, धरूह करंग मोए वांगूं सुट्ट्या हां ।
हड्ड गोडड़े भन्न के चूर कीते, अड़ीदार गद्दों वांग कुट्ट्या हां ।
वारिस शाह मियां वड्डा ग़ज़ब होया, रो रो के बहुत नखुट्ट्या हां ।
147. स्यालां ने कुड़ियां तों पुच्छणा
कुड़ियां सद के पैंचां ने पुच्छ कीती, लंङा कास नूं ढाह के मार्या जे ।
ऐवें बाझ तकसीर गुनाह लुट्या, इक्के कोयी गुनाह नितार्या जे ।
हाल हाल करे पर्हे विच्च बैठा, एडा कहर ते ख़ून गुज़ार्या जे ।
कहो कौन तकसीर फ़कीर अन्दर, फड़े चोर वांगूं घुट मार्या जे ।
झुग्गी साड़ के मार के भन्न भांडे, एस फ़कर नूं मार उतार्या जे ।
वारिस शाह मियां पुच्छे लड़कियां नूं, अग्ग ला फ़कीर क्युं साड़्या जे ।
148. कुड़ियां दा उत्तर
मूंह उंगलां घत्त के कहन सभ्भे, कारे करन थीं इह ना संगदा ए ।
साडियां मंमियां टोंहदा तोड़ गल्ल्हां, पिच्छे होइके सुत्थणां सुंघदा ए ।
सानूं कट्टियां करे ते आप पिच्छों, सान्ह होइके टप्पदा रिंगदा ए ।
नाले बन्न्ह के जोग नूं जो दिन्दा, गुत्तां बन्न्ह के खिच्चदा तंगदा ए ।
तेड़ों लाह कहायी वत्ते फिरे भौंदा, भौं भौं मूतदा ते नाल त्रिंगदा ए ।
वारिस शाह उजाड़ विच्च जायके ते, फलगणां असाडियां सुंघदा ए ।
149. स्यालां दा कुड़ियां नूं उत्तर
उह आखदा मार गवा दित्ता, हड्ड गोडड़े भन्न के चूर कीते ।
झुग्गी साड़ भांडे भन्न खोह दाड़्ही, लाह भाग पट्टे पुट दूर कीते ।
टंगों पकड़ घसीट के विच्च खाई, तुसां मार के ख़लक रजूर कीते ।
वारिस शाह गुनाह थों पकड़ काफ़र, हड्ड पैर मलायकां चूर कीते ।
150. कुड़ियां दा उत्तर
वार घत्त्या कौन बला कुत्ता, धिरकार के पर्हां ना मारदे हो ।
असां भई्ईड़े पिट्टियां हथ लायआ, तुसीं एतनी गल्ल ना सारदे हो ।
फ़रफ़जियां मकर्यां ठकर्यां नूं, मूंह लायके चा विगाड़दे हो ।
मुट्ठी मुट्ठी हां एड अपराध पौंदे, धियां सद्द के पर्हे विच्च मारदे हो ।
इह लुच्च मुशटंडड़ा असीं कुड़ियां, इहे सच्च ते झूठ नितारदे हो ।
पुरश होइके नढ्ढियां नाल घुलदा, तुसां गल्ल की चा निखारदे हो ।
वारिस शाह मियां मरद सदा झूठे, रन्ना सच्चियां सच्च की तारदे हो ।
151. कैदों दा फ़र्याद करना
कैदंो बाहुड़ी ते फ़र्याद कूके, धियां वाल्यु करो न्याउं मियां ।
मेरा हट्ट पसारी दा लुट्या ने, कोल वेखदा पिंड गिराउं मियां ।
मेरी भंग अफीम ते पोसत लुड़्हआ, होर न्यामतां दे केहा नाउं मियां ।
मेरी तुसां दे नाल ना सांझ काई, पिन्न टुकड़े पिंड दे खाउं मियां ।
तोते बाग़ उजाड़दे मेव्यां दे, अते फाह ल्यांवदे काउं मियां ।
वारिस शाह मियां वड्डे माल लुट्टे, केहड़े केहड़े दा लवां नाउं मियां ।
152. स्यालां ने कैदों नूं तसल्ली देणी
पैंचां कैदो नूं आख्या सबर कर तूं, तैनूं मार्या ने झक्ख मार्या ने ।
हाए हाए फ़कीर ते कहर होया, कोयी वड्डा ही ख़ून गुजार्या ने ।
बहुत दे दिलासड़ा पूंझ अक्खीं, कैदो लंङे नूं ठग्ग के ठार्या ने ।
कैदो आख्या धियां दे वल हो के, वेखो दीन ईमान निघार्या ने ।
वारिस अंध राजा ते बेदाद नगरी, झूठा वेख जो भांबड़ा मार्या ने ।
153. चूचक ते कैदों
चूचक आख्या अक्खीं विखाल मैनूं, मुंडी लाह सुट्टां मुंडे मुंडियां दी ।
इक्के द्यां तराह मैं तुरत माही, साडे देस ना थांउ है गुंड्यां दी ।
सरवाहियां छिक्क के अलख लाहां, असीं सथ ना पर्हे हां टुंड्यां दी ।
कैदो आख्या वेख फड़ावना हां, भला माउं केहड़ी इहनां लुंड्यां दी ।
अक्खीं वेख के फेर जे करो टाला, तदों जाणसां पर्हे दो बुंड्यां दी ।
एस हीर दी पड़छ दी भंग लैसां, सेल्ही वटसां चाक दे जुंड्यां दी ।
वारिस शाह मियां एथे खेड पौंदी, वेखो बुढ्ढ्यां दी अते मुंड्यां दी ।
154. कैदों ने बेले विच्च लुक के बहणा
वड्डी होयी उशेर तां जा छहआ, पोह माघ कुत्ता विच्च कुन्नूआं दे ।
होया शाह वेला तदों विच्च बेले, फेरे आण पए सस्सी पुन्नूआं दे ।
पोना बन्न्ह के रांझे ने हत्थ मल्या, ढेर आ लग्गे रत्ते चुन्नूआं दे ।
बेला लालो ही लाल पुकारदा सी, कैदो पै रहआ वांग हो घुनूंआं दे ।
155. सईआं दे जान पिच्छों हीर ते रांझे दा इकट्ठे पै जाणा
जदों लाल खजूर्युं खेड सई्ईआं, सभे घरो घरी उठ चल्लियां नी ।
रांझा हीर न्यारड़े हो सुत्ते, कंधां नदी दियां महीं ने मल्लियां नी ।
पए वेख के दोहां इकट्ठ्यां नूं, टंगां लंङे दियां तेज़ हो चल्लियां नी ।
पर्हे विच्च कैदो आण पग्ग मारी, चलो वेख लउ गल्लां अवल्लियां नी ।
156. चूचक घोड़े चड़्ह के बेले नूं
पर्हे विच्च बेग़ैरती कुल्ल होई, चोभ विच्च कलेजड़े चसकदी ए ।
बेशरम है टप्प के सिरे चड़्हदा, भले आदमी दी जान धसकदी ए ।
चूचक घोड़े ते तुरत असवार होया, हत्थ सांग ज्युं बिजली लिशकदी ए ।
सुम्ब घोड़े दे काड़ ही काड़ वज्जन, सुणद्यां हीर रांझे तों खिसकदी ए ।
उठ रांझना वे बाबल आंवदा ई नाले गल्ल करदी नाले रिशकदी ए ।
मैनूं छड्ड सहेलियां नस्स गईआं, मकर नाल हौली हौली बुसकदी ए ।
वारिस शाह ज्युं मोरचे बैठ बिल्ली, साह घुट जांदी नाहीं कुसकदी ए ।
157. चूचक ने बेले विच्च हीर नूं रांझे नाल देखणा
महर वेख के दोहां इकल्ल्यां नूं, ग़ुस्सा खायके होया ई रत्त वन्ना ।
इह वेख निघार ख़ुदाय दा जी, बेले विच्च इकल्लियां फिरन रन्नां ।
अखीं नीवियां रक्ख के ठुमक चल्ली, हीर कच्छ विच्च मार के थाल छन्ना ।
चूचक आखदा रख तूं जम्हां ख़ातर, तेरे सोट्यां नाल मै लिंङ भन्नां ।
158. हीर दा बाप नूं उत्तर
महीं छड माही उठ जाए भुक्खा, उस दे खाने दी ख़बर ना किसे लीती ।
भत्ता फेर ना किसे ल्यावना ई एदूं पिछली बाबला होयी बीती ।
मसत हो बेहाल ते महर खला, जिवें किसे अबदाल ने भंग पीती ।
किते नढ्ढी दा चाय विवाह कीचै, इह महर ने ज्यु दे विच्च कीती ।
159. रांझे दे भरावां ते भाबियां दा चूचक ते हीर नाल चिट्ठी-पत्तर
जदों रांझना जाय के चाक लग्गा, महीं सांभियां चूचक स्याल दियां ।
लोकां तख़त हज़ारे विच्च जा केहा, कूंमां ओस अग्गे वड्डे माल दियां ।
भाईआं रांझे द्यां स्यालां नूं ख़त लिख्या, ज़ातां महरम ज़ात दे हाल दियां ।
मौजू चौधरी दा पुत्त चाक लायउ, इह कुदरतां जल्ल-जलाल दियां ।
साथों रुस आया तुसीं मोड़ घल्लो, इहनूं वाहरां रात दिंह भालदियां ।
जिनां भोएं तों रुस्स के उठ आया, क्यारीं बनी पईआं एस लाल दियां ।
साथों वाहियां बीजियां लए दाणे, अते मानियां पिछले साल दियां ।
साथों घड़ी ना विसरे वीर प्यारा, रो रो भाबियां एस दियां जालदियां ।
महीं चारद्यां वढ्योसु नक्क साडा, साथे खूहणियां एस दे माल दियां ।
मझ्झीं कटक नूं दे के खिसक जासी, साडा नहीं ज़िंमां फिरो भालदियां ।
इह सूरतां ठग जो वेखदे हो, वारिस शाह फ़कीर दे नाल दियां ।
160. रांझे दे भरावां दा चूचक नूं ख़त
तुसीं घल देहो तां अहसान होवे, नहीं चल मेला असीं आवने हां ।
गल पलड़ा पाए के वीर सभ्भे, असीं रुट्ठड़ा वीर मनावने हां ।
असां आयां नूं तुसीं जे ना मोड़ो, तदों पए पका पकावने हां ।
नाल भाईआं पिंड दे पैंच सारे, वारिस शाह नूं नाल ल्यावने हां ।
161. चूचक दा उत्तर
चूचक स्याल ने लिख्या रांझ्यां नूं, नढ्ढी हीर दा चाक उह मुंडड़ा जे ।
सारा पिंड ड्रदा ओस चाक कोलों, सिर माहियां दे ओहदा कुंडड़ा जे ।
असां जट है जान के चाक लायआ, देईए तराह जे जाणीए गुंडड़ा जे ।
इह गभ्भरू घरों क्युं कढ्या जे, लंङा नहीं कंमचोर ना टुंडड़ा जे ।
सिर सोंहदियां बोदियां नढ्ढड़े, दे कन्नीं लाडले दे बने बुन्दड़ा जे ।
वारिस शाह ना किसे नूं जाणदा है, पास हीर दे रात दिंहु हुन्दड़ा जे ।
162. रांझे दियां भाबियां नूं हीर दा उत्तर
घर आईआं दौलतां कौन मोड़े, कोयी बन्न्ह पिंडों किसे टोर्या ई ।
असां ज्युंद्यां नहीं जवाब देणा, साडा रब्ब ने जोड़ना जोड़्या ई ।
ख़तां चिट्ठियां अते सुनेहआं ते, किसे लुट्या माल ना मोड़्या ई ।
जाए भाईआं भाबियां पास जम जम, किसे नाहीउं हटक्या होड़्या ई ।
वारिस शाह स्यालां दे बाग़ विच्चों, असां फुल्ल गुलाब दा तोड़्या ई ।
163. हीर नूं चिट्ठी दा उत्तर
भरजाईआं रांझे दियां तंग हो के, ख़त हीर स्याल नूं लिख्या ई ।
साथों छैल सो अद्ध वंडाए सुत्ती, लोक यारियां किधरों सिख्या ई ।
देवर चन्न साडा साथों रुस्स आया, बोल बोल के खरा त्रिख्या ई ।
साडा लाल मोड़ो सानूं ख़ैर घत्तो, जाणों कमलियां नूं पायी भिख्या ई ।
कुड़ीए सांभ नाहीं माल रांझ्यां दा, कर सारदा दीदड़ा त्रिख्या ई ।
झुट कीत्यां लाल ना हथ आवन, सोयी मिले जो तोड़ दा लिख्या ई ।
कोयी ढूंड वडेरड़ा कंम जोगा, अजे इह ना यारियां सिख्या ई ।
वारिस शाह लै चिट्ठियां दौड़्या ई कंम कासदां दा मियां सिख्या ई ।
164. हीर नूं चिट्ठी मिली
जदों ख़त दित्ता ल्या कासदां ने, नढ्ढी हीर ने तुरत पड़्हायआ ई ।
सारे मुआमले अते वंझाप सारे, गिला लिख्या वाच सुणायआ ई ।
घल्लो मोड़ के देवर असाडड़े नूं, मुंडा रुस्स हज़ार्युं आया ई ।
हीर सद्द के रांझने यार ताईं, सारा मुआमला खोल्ह सुणायआ ई ।
165. भाबियां नूं रांझे ने आप उत्तर लिखाउणा
भाईआं भाबियां चा जवाब दित्ता, सानूं देस थीं चा त्राहउ ने ।
भोएं खोह के बाप दा ल्या विरसा, मैनूं आपने गलों चा लाहउ ने ।
मैनूं मार के बोलियां भाबियां ने, कोयी सच्च ना कौल निभाहउ ने ।
मैनूं देह जवाब ते कढ्ढ्यु ने, हल जोड़ क्यारड़ा वाहउ ने ।
रल रन्न ख़समां मैनूं ठिठ कीता, मेरा अरश दा किंगरा ढाहउ ने ।
नित बोलियां मारियां जा स्यालीं, मेरा कढना देस थीं चाहउ ने ।
असीं हीर स्याल दे चाक लग्गे, जट्टी महर दे नाल दिल फाहउ ने ।
हुन चिट्ठियां लिख के घल्लदियां ने, राखा खेतड़ी नूं जदों चाहउ ने ।
वारिस शाह समझा जटेटियां नूं, साडे नाल मत्था केहा डाहउ ने ।
166. हीर ने उत्तर लिखणा
हीर पुछ के माहीड़े आपने तों, लिखवा जवाब चा टोर्या ई ।
तुसां लिख्या सो असां वाच्या ए सानूं वाचद्यां ई लग्गा झोर्या ई ।
असीं धीदों नूं चा महींवाल कीता, कदी तोड़ना ते नहीं तोड़्या ई ।
कदी पान ना वल थे फेर पहुंचे, शीशा चूर होया किस जोड़्या ई ।
गंगा गईआं ना हड्डियां मुड़दियां ने, वकत गए नूं फेर किस मोड़्या ई ।
हत्थों छुटड़े वाहरीं नहीं मिलदे, वारिस छड्डना ते नाहीं छोड़्या ई ।
167. भरजाईआं दा उत्तर
जे तूं सोहनी होइके बणें सौकन, असीं इक्क थीं इक्क चड़्हन्दियां हां ।
रब जाणदा है सभे उमर सारी, असीं एस महबूब दियां बन्दियां हां ।
असीं एस दे मगर दीवानियां हां, भावें चंगियां ते भावें मन्दियां हां ।
योह असां दे नाल है चन्न बणदा, असीं खित्तियां नाल सोहन्दियां हां ।
उह मारदा गालियां देह सानूं, असीं फेर मुड़ चौखने हुन्दियां हां ।
जिस वेलड़े दा साथों रुस आया, असीं हंझरों रत्त दियां रुन्नियां हां ।
इहदे थां ग़ुलाम लउ होर साथों, ममनून अहसन दियां हुन्नियां हां ।
रांझे लाल बाझों असीं ख़ुआर होईआं, कूंजां डार थीं असीं विछुन्नियां हां ।
जोगी लोकां नूं मुन्न के करन चेले, असीं एस दे इशक ने मुन्नियां हां ।
वारिस शाह रांझे अग्गे हथ जोड़ीं, तेरे प्रेम दी अग्ग ने भुन्नियां हां ।
168. हीर दा उत्तर
चूचक स्याल तों लिख के नाल चोरी, हीर स्याल ने कही बतीत है नी ।
साडी ख़ैर तुसाडड़ी ख़ैर चाहां, जेही ख़त दे लिखन दी रीत है नी ।
होर रांझे दी गल्ल जो लिख्या जे, एहा बात बुरी अनानीत है नी ।
रक्खां चाय मुसहफ़ कुरआन इस नूं, कसम खायके विच्च मसीत है नी ।
तुसीं मगर क्युं एस दे उठ पईआं, इहदी असां दे नाल प्रीत है नी ।
असीं त्रिंञणां विच्च जां बहनियां हां, सानूं गावना एस दा गीत है नी ।
दिंहें छेड़ मझ्झीं वड़े झल बेले, एस मुंडड़े दी एहा रीत है नी ।
रातीं आन अल्लाह नूं याद करदा, वारिस शाह नाल एहदी मीत है नी ।
169. तथा
नी मैं घोल घत्ती इहदे मुखड़े तों, पाउ दुध चावल इहदा कूत है नी ।
इल्ल-लिलाह दियां जल्ल्यां पांवदा है, ज़िकर हय्य ते 'लायमूत' है नी ।
नहीं भाबियां थीं करतूत काई, सभ्भा लड़न नूं बनी मज़बूत है नी ।
जदों तुसां दे सी गालियां देंदियां साउ, इहतां औतनी दा कोयी ऊत है नी ।
मार्या तुसां दे मेहने गाल्हियां दा, इह तां सुक के होया ताबूत है नी ।
सौंप पीरां नूं झल्ल विच्च छेड़न महियां, इहदी मद्दते खिज़र ते लूत है नी ।
वारिस शाह फिरे उहदे मगर लग्गा, अज्ज तक ओह रेहा अणछूत है नी ।
170. रांझे दियां भरजाईआं दा उत्तर
साडा माल सी सो तेरा हो ग्या, ज़रा वेखना बिरा ख़ुदाईआं दा ।
तूं ही चट्ट्या सी तूं ही पाल्या सी, ना इह भाबियां दा ते ना भाईआं दा ।
शाहूकार हो बैठी एं मार थैली, खोह बैठी है माल तूं साईआं दा ।
अग्ग लैन आई घर सांभ्युई, एह तेरा है, बाप ना माईआं दा ।
गुंडा हत्थ आया तुसां गुंडियां नूं ,अन्न्हीं चूही ते थोथियां धाईआं दा ।
वारिस शाह दी मार ई वग्गे हीरे, जेहा खोहउ ई वीर तूं भाईआं दा ।
171. हीर दा उत्तर
तुसीं एस दे ख़्याल ना पवो अड़ीउ ! नहीं खट्टी कुझ्झ एस वपार उतों ।
नी मैं ज्युंदी एस बिन रहां कीकूं, घोल घोल घत्ती रांझे यार उत्तों ।
झल्लां बेल्यां विच्च इह फिरे भौंदा, सिर वेचदा मैं गुनाहगार उत्तों ।
मेरे वासते कार कमांवदा है, मेरी जिन्द घोली इहदी कार उत्तों ।
तदों भाबियां साक ना बणदियां सन, जदों स्ट्ट्या पकड़ पहाड़ उत्तों ।
घरों भाईआं चा जवाब दित्ता, एन्हां भोएं दियां पत्तियां चार उत्तों ।
नाउमीद हो वतन नूं छड टुर्या, मोती तुरे ज्युं पट्ट दी तार उत्तों ।
बिना मेहनतां मसकले लक्ख फेरो, नहीं मोरचा जाए तलवार उत्तों ।
इह मेहना लहेगा कदे नाहीं, एस स्यालां दी सभ्भ सलवाड़ उत्तों ।
नढ्ढी आखसन झगड़दी नाल लोकां, एस सोहने भिन्नड़े यार उत्तों ।
वारिस शाह समझा तूं भाबियां नूं, हुन मुड़े ना लक्ख हज़ार उत्तों ।
172. चूचक दी अपने भरावां नाल सलाह
चूचक सद्द भायी पर्हे ला बैठा, किते हीर नूं चा परनाईए जी ।
आखो रांझे नाल विवाह देसां, इक्के बन्नड़े चा मुकाईए जी ।
हत्थीं आपनी किते सामान कीचे, जान बुझ के लीक ना लाईए जी ।
भाईआं आख्या चूचका इह मसलत, असीं खोल के चा सुणाईए जी ।
वारिस शाह फ़कीर प्रेम शाही, हीर ओस थों पुछ मंगाईए जी ।
173. भाईआं दा चूचक नूं उत्तर
रांझ्यां नाल ना कदी है साक कीता, नहीं दित्तियां असां कुड़माईआं वो ।
कित्थों रुलद्यां गोल्यां आयां नूं, देसो एह स्यालां दियां जाईआं वो ।
नाल खेड़्यां दे इह साक कीचे, दित्ती मसलत सभनां भाईआं वो ।
भल्यां साकां दे नाल चा साक कीचे, धुरों इह जे हुन्दियां आईआं वो ।
वारिस शाह अंग्यारियां भखद्यां भी, किसे विच्च बारूद छुपाईआं वो ।
174. खेड़्यां ने कुड़मायी लई नायी भेजणा
खेड़्यां भेज्यां असां थे इक्क नाई, करन मिन्नतां चा अहसान कीचै ।
भले जट बूहे उत्ते आ बैठे, इह छोकरी उन्हां नूं दान कीचै ।
असां भाईआं इह सलाह दित्ती, केहा असां सो सभ परवान कीचै ।
अन्न धन दा कुझ्झ वसाह नाहीं, अते बाहां दा ना गुमान कीचै ।
जित्थे रब दे नाउं दा ज़िकर आया, लख बेटियां चा कुरबान कीचै ।
वारिस शाह मियां नाहीं करो आकड़, फ़रऊन जेहआं वल ध्यान कीचै ।
175. चूचक ने पैंचा नूं सद्दणा
चूचक फेर के गंढ सद्दा घल्ले, आवन चौधरी सार्यां चक्करां दे ।
हत्थ दे रुपईआ पल्ले पा शक्कर, सवाल पांवदे छोहरां बक्करां दे ।
लागियां आख्या सन्न नूं सन्न मिल्या, तेरा साक होया नाल ठक्करां दे ।
धर्या ढोल जटेटियां देन वेलां, छन्ने ल्यांवदियां दाण्यां शक्करां दे ।
रांझे हीर सुण्या दिलगीर होए, दोवें देन गालीं नाल अक्करां दे ।
176. खेड़्यां नूं वधाईआं
मिली जाय वधायी जां खेड़्यां, नूं लुड्डी मार के झुंमरां घत्तदे नी ।
छालां लान अपुट्ठियां खुशी होए, लाय मजलसां खेडदे वत्तदे नी ।
भले कुड़म मिले सानूं शरम वाले, रज्जे जट्ट वड्डे अहल पत्त दे नी ।
वारिस शाह दी शीरनी वंड्या ने, वड्डे देगचे दुद्ध ते भत्त दे नी ।
177. हीर दा मां नाल कलेश
हीर माउं दे नाल आ लड़न लग्गी, तुसां साक कीता नाल ज़ोरियां दे ।
कदो मंग्या मुनस मैं आख तैनूं, वैर कढ्ढ्युयी किन्हां खोरियां दे ।
हुन करें वला क्युं असां कोलों, इह कंम ना हुन्दे नी चोरियां दे ।
जेहड़े होन बेअकल चा लांवदे नी, इट्ट माड़ियां दी विच्च मोरियां दे ।
चाय चुग़द नूं कूंज दा साक दित्तो, परी बधिया जे गल ढोरियां दे ।
वारिस शाह मियां गन्ना चक्ख सारा, मज़े वक्ख ने पोरियां पोरियां दे ।
178. हीर ने रांझे नाल सलाह करनी
हीर आखदी रांझ्या कहर होया, एथों उठ के चल जे चल्लना ई ।
दोनों उठ के लंमड़े राह पईए, कोयी असां ने देस ना मल्लना ई ।
जदों झुग्गड़े वड़ी मैं खेड़्यां दे, किसे असां नूं मोड़ ना घल्लना ई ।
मां बाप ने जदों व्याह टोरी, कोयी असां दा वस्स ना चल्लना ई ।
असीं इशके दे आण मैदान रुधे, बुरा सूरमे नूं रणों हल्लना ई ।
वारिस शाह जे इशक फ़िराक छुट्टे, इह कटक फिर आख किस झल्लना ई ।
179. रांझे दा हीर नूं उत्तर
हीरे इशक ना मूल सवाद दिन्दा, नाल चोरियां अते उधाल्यां दे ।
किड़ां पौंदियां मुठे सां देस विच्चों, किसे सुने सन खूहणियां गाल्यां दे ।
ठग्गी नाल तूं मझीं चरा लईआं, एहो राह ने रन्नां दियां चाल्यां दे ।
वारिस शाह सराफ सभ जाणदे नी, ऐब खोट्यां भन्न्यां राल्यां दे ।
180. हीर दे व्याह दी त्यारी
चूचक स्याल ने कौल वसार घत्ते, जदों हीर नूं पायआ माईआं ने ।
कुड़ियां झंग स्याल दियां धुंमला हो, सभे पास रंझेटे दे आईआं ने ।
उहदे व्याह दे सभ सामान होए, गंढीं फेरियां देस ते नाईआं ने ।
हुन तेरी रंझेट्या गल्ल कीकूं, तूं भी रात दिंहु महीं चराईआं ने ।
आ वे मूरखा पुच्छ तूं नढड़ी नूं, मेरे नाल तूं केहियां चाईआं ने ।
हीरे कहर कीतो रल नाल भाईआं, सभा गलो गल चा गवाईआं ने ।
जे तूं अंत मैनूं पिच्छा देवना सी, एडियां मेहनतां काहे कराईआं ने ।
एही हद्द हीरे तेरे नाल साडी, महल चाड़्ह के पौड़ियां चाईआं ने ।
तैनूं व्याह दे हार शिंगार बद्धे, अते खेड़्यां घरीं वधाईआं ने ।
खा कसम सौगन्द तूं घोल पीती, डोब सुट्यु्उ पूरियां पाईआं ने ।
बाहों पकड़ के टोर दे कढ देसों, ओवें तोड़ नैणां जिवें लाईआं ने ।
यार यार थीं जुदा कर दूर होवे, मेरे बाब तकदीर लिखाईआं ने ।
वारिस शाह नूं ठग्यु दग़ा दे के, जेहियां कीतियां सो असां पाईआं ने ।
181. रांझे दा उत्तर
रांझे आख्या मूंहों की बोलना एं, घुट वट्ट के दुखड़ा पीवना एं ।
मेरे सबर दी दाद जे रब्ब दित्ती, खेड़ीं हीर स्याल ना जीवना एं ।
सबर दिलां दे मार जहान पट्टन, उच्ची कासनूं असां बकीवना एं ।
तुसीं कमलियां इशक थीं नहीं वाकफ, नेहुं लावना निंम दा पीवणां एं ।
वारिस शाह जी चुप थीं दाद पाईए, उच्ची बोल्यां नहीं वहीवना एं ।
182. सहेलियां ने हीर कोल आउणा
रल हीर ते आईआं फेर सभ्भे, रांझे यार तेरे सानूं घल्ल्या ई ।
सोटा वंझली कम्बली सुट के ते, छड्ड देस परदेस नूं चल्ल्या ई ।
जे तूं अंत उहनूं पिच्छा देवना सी, उस दा कालजा कास नूं सल्ल्या ई ।
असां एतनी गल्ल मालूम कीती, तेरा निकल ईमान हुन चल्ल्या ई ।
बेसिदक होईंए सिदक हार्युई, तेरा सिदक ईमान हुन हल्ल्या ई ।
उहदा वेखके हाल अहवाल सारा, साडा रोंद्यां नीर ना ठल्ल्या ई ।
हाए हाए मुठी फिरें ठग्ग है नी, उहनूं सक्खना कास नूं घल्या ई ।
निरास वी रास लै इशक कोलों, सकलात दे बईआं नूं चल्ल्या ई ।
वारिस हक्क दे थों जदों हक्क खुत्था, अरश रब्ब दा तदों तरथल्ल्या ई ।
183. हीर दा उत्तर
हीर आख्या ओस नूं कुड़ी करके, बुक्कल विच्च लुका ल्याया जे ।
मेरी माउं ते बाप तों करो परदा, गल्ल किसे ना मूल सुणायआ जे ।
आहमों-साम्हना आइके करे झेड़ा, तुसीं मुनसफ होइ मुकायआ जे ।
जेहड़े होन सच्चे सोयी छुट जासन, डन्न झूठ्यां नूं तुसीं लायआ जे ।
मैं आख थक्की ओस कमलड़े नूं, लै के उठ चल वकत घुसायआ जे ।
मेरा आखना ओस ना कन्न कीता, हुन कास नूं डुसकना लायआ जे ।
वारिस शाह मियां इह वकत घुत्था, किसे पीर नूं हत्थ ना आया जे ।
184. रांझे दा हीर कोल आउणा
रातीं विच्च रलायके माहीड़े नूं, कुड़ियां हीर दे पास लै आईआं नी ।
हीर आख्या जांदे नूं बिसमिल्ला, अज्ज दौलतां मैं घरीं पाईआं नी ।
लोकां आख्या हीर दा व्याह हुन्दा, असीं देखने आईआं माईआं नी ।
सूरज चड़्हेगा मग़रबो जिवें क्यामत, तौबा तरक कर कुल बुराईआं नी ।
जिन्हां मझ्झीं दा चाक सां सने नढ्ढी, सोयी खेड़्यां दे हत्थ आईआं नी ।
ओसे वकत जवाब है मालकां नूं, हिक धाड़वियां दे अग्गे लाईआं नी ।
इह सहेलियां साक ते सैन तेरे, सभे मासियां फुफियां ताईआं नी ।
तुसां वहुटियां बनन दी नीत बद्धी, लीकां हद्द ते पुज्ज के लाईआं नी ।
असां केही हुन आस है नढ्ढीए नी, जित्थे खेड़्यां ज़रां विखआईआं नी ।
वारिस शाह अल्लाह नूं सौंप हीरे, सानूं छड्ड के होर धिर लाईआं नी ।
185. खेड़्यां दा ब्राहमणां तों साहा कढाउणा
खेड़्यां साहा सुधायआ बाहमणां तों, भली तित्थ महूरत ते वार मियां ।
नावें सावणों रात सी वीरवारी, लिख घल्या इह निरवार मियां ।
पहर रात नूं आण निकाह लैणा, ढिल लावनी नहीं ज़िनहार मियां ।
ओथे खेड़्यां पुज सामान कीते, एथे स्याल भी होए त्यार मियां ।
रांझे दुआ कीती जंञ आंवदी नूं, पए ग़ैब दा कटक कि धाड़ मियां ।
वारिस शाह सरबालड़ा नाल होया, हत्थ तीर कानी तलवार मियां ।
186. शीरनी दी त्यारी
लग्गे नुगदियां तलन ते शकर पारे, ढेर ला दित्ते वड्डे घ्युरां दे ।
तले ख़ूब जलेब गुल बहशत बून्दी, लड्डू टिक्कियां भम्बरी म्युरां दे ।
मैदा खंड ते घ्यु पा रहे जफ्फी, भाबी लाडली नाल ज्युं द्युरां दे ।
कलाकन्द मखाण्यां सवाद मिट्ठे, पकवान गुन्न्हे नाल त्युरां दे ।
टिक्का वालियां नत्थ हमेल झांजर, बाज़ूबन्द माला नाल न्युरां दे ।
187. तथा
मट्ठी होर खजूर पराकड़ी वी, भरे खौंचे नाल समोस्यां दे ।
अन्दरसे कचौरियां अते लुच्ची, वड़े खंड दे खिरनियां खोस्यां दे ।
पेड़े नाल ख़ताईआं होर गुपचुप्प, बेदान्यां नाल पलोस्यां दे ।
रांझा जोड़ के पर्हे फ़र्याद करदा, देखो खसदे साक बेदोस्यां दे ।
वारिस शाह नसीब ही पैन झोली, करम ढैन नाहीं नाल झोस्यां दे ।
188. रोटी दित्ती
मंडे मास चावल दाल दहीं धग्गड़, इह माहियां पाहियां राहियां नूं ।
सभो चूहड़े चप्पड़े रज्ज थक्के, राखे जेहड़े सांभदे वाहियां नूं ।
कामे चाक चोबर सीरी धग्गड़ां नूं, दहीं रोटी दे नाल भलाहियां नूं ।
दाल शोरबा रसा ते मट्ठा मंडे, डूमा ढोलियां कंजरां नाईआं नूं ।
189. फ़र्याद रांझे दी
साक माड़्यां दे खोह लैन ढाडे, अणपुज्जदे उह ना बोलदे ने ।
नहीं चलदा वस लाचार हो के, मोए सप्प वांङू विस्स घोलदे ने ।
कदी आखदे मारीए आप मरीए, पए अन्दरों बाहरों डोलदे ने ।
गुन माड़्यां दे सभे रहन विच्चे, माड़े माड़्यां थे दुक्ख फोलदे ने ।
शानदार नूं करे ना कोयी झूठा, माड़ा कंगला झूठा कर टोरदे ने ।
वारिस शाह लुटायन्दे खड़े माड़े, मारे खौफ दे मूंहों ना बोलदे ने ।
190. चौलां दियां किसमां
मुशकी चावलां दे भरे आण कोठे, सोइन पत्तीए झोनड़े छड़ीदे नी ।
बासमती मुसाफ़री बेग़मी सन, हरिचन्द ते ज़रदीए धरीदे नी ।
सट्ठी करचका सेउला घरत कंटल, अनोकीकला तीहरा सरी दे नी ।
बारीक सफ़ैद कशमीर काबल, ख़ुरश जेहड़े हूर ते परी दे नी ।
गुल्लियां सुच्चियां नाल खोहरियां दे, मोती चूर लम्बोहां जड़ीदे नी ।
वारिस शाह इह ज़ेवरां घड़न ख़ातर, पिंड पिंड सुन्यारड़े फड़ीदे नी ।
191. गहण्यां दी सजावट
कंङन नाल ज़ंजीरियां पंज मणियां, हार नाल लौंगेर पुरायउ ने ।
तरगां नाल कपूरां दे जुट्ट सुच्चे, तोड़े पाउंटे गजरियां छायउ ने ।
पहुंची चौंकियां नाल हमेल माला, मुहर बिछूए नाल घड़ायउ ने ।
सोहणियां अल्लियां पान पाज़ेब पक्खे, घुंगर्यालड़े घुंगरू लायउ ने ।
जिवें नाल नौग्रेही ते चौंप कलियां, कान फूल ते सीस बणायउ ने ।
वारिस शाह गहना ठीक चाक आहा, सोयी खट्टड़े चा पवायउ ने ।
192. तथा
असकन्दरी नेवरां बीर-बलियां, पिप्पल पत्तरे झुमके सार्यां ने ।
हस कड़े छड़कंङना नाल बूलां, वद्धी डोल म्यांनड़ा धार्यां ने ।
चन्नणहार लूहलां टिक्का नाल बीड़ा, अते जुगनी चा सवार्या ने ।
बांकां चूड़ियां मुशक-बलाईआं भी, नाल मछलियां वालड़ो सार्यां ने ।
सोहनी आरसी नाल अंगूठियां दे, इतर-दान लटकन हर्यार्या ने ।
दाज घत्त के तौंक सन्दूक बद्धे, सुनो की की दाज रंगायआ ने ।
वारिस शाह मियां असल दाज रांझा, इक उह बदरंग करायआ ने ।
193. कप्पड़्यां दियां भांतां
लाल पंखियां अते मताह लाचे, खन्न रेशमी खेस सलारियां ने ।
मांग चौंक पटांगलां चूड़ीए सन, बून्दां अते पंजदाणियां सारियां ने ।
चौंप छायलां ते नाल चार सूती, चन्दां मोरां दे बान्हणूं छारियां ने ।
सालू पत्तरे चादरां बाफते दियां, नाल भोछणां दे फुलकारियां ने ।
वारिस शाह चिकनी सिरोपाउ ख़ासे, पोशाकियां नाल दियां भारियां ने ।
194. दाज दा सामान
लाल घग्गरे काढवें नाल मशरू, मुशकी पग्गां दे नाल तसीलड़े नी ।
दर्यायी दियां चोलियां नाल महते, कीमख़ाब ते चुन्नियां पीलड़े ने ।
बोक बन्द ते अम्बरी बादला सी, ज़री ख़ास चौतार रसीलड़े नी ।
चारख़ानीए डोरीए मलमलां सन, चौंप छायलां निपट सुखीलड़े नी ।
इलाह ते जालियां झिंमियां सन, शीर शक्कर गुलबदन रसीलड़े नी ।
वारिस शाह दो ओढणियां हीर रांझा, सुक्के तीलड़े ते बुरे हीलड़े नी ।
195. भांड्यां दी सजावट
सुरमेदानियां थालियां थाल छन्ने, लोह कड़छ दे नाल कड़ाहियां दे ।
कौल नाल सन बुगुने सन तबलबाज़ां, काब अते परात बरवाहियां दे ।
चमचे बेलूए वद्धने देगचे भी, नाल खौंचे तास बादशाहियां दे ।
पट उने पटेहड़ां दाज रत्ते, जिगर पाट गए वेख के राहियां दे ।
घुम्यारां ने मट्टां दे ढेर लाए, ढुक्के बहुत बालन नाल काहियां दे ।
देगां खिचदे घत ज़ंजीर रस्से, तोपां खिचदे कटक बादशाहियां दे ।
वारिस शाह मियां चाउ व्याह दा सी, सुंञे फिरन खंधे मंगू माहियां दे ।
196. स्यालां दा मेल
डारां ख़ूबां दियां स्यालां दे मेल आईआं, हूर परी दे होश गवाउंदियां ने ।
लख जट्टियां मुशक लपेटियां ने, अत्तन पदमनी वांग सुहाउंदियां ने ।
बारां ज़ात ते सत्त सनात ढुक्की, रंग रंग दियां सूरतां आउंदियां ने ।
उत्ते भोछन सन पंज टूलीए दे, अते लुंगियां तेड़ झनाउुं दियां ने ।
लक्ख सिट्ठनी देन ते लैन गालीं, वाह वाह कीह सेहरा गांउदियां ने ।
परीज़ाद जटेटियां नैन ख़ूनीं नाल, हेक महीन दे गाउंदियां ने ।
नाल आरसी मुखड़ा वेख सुन्दर, खोल्ह आशकां नूं तरसाउंदियां ने ।
इक खोल्ह के चादरां कढ्ढ छाती, उपरवाड़्युं झातियां पाउंदियां ने ।
इक्क वांग बसातियां कढ्ढ लाटू, वीराराध दी नाफ़ विखाउंदियां ने ।
इक्क ताड़ियां मारदियां नच्चदियां ने, इक्क हस्सदियां घोड़ियां गाउंदियां ने ।
इक्क गाउं के कोइलां कांग होईआं, इक्क राह विच्च दोहरड़े लाउंदियां ने ।
इक आखदियां मोर ना मार मेरा, इक विच ममोलड़ा गाउंदियां ने ।
वारिस शाह ज्युं शेर गड़्ह पटन मक्के, लख संगतां ज़्यारतीं आउंदियां ने ।
197. तथा
जिवें लोक नगाहे ते रतन हाजी, ढोल मारदे ते रंग लांवदे ने ।
भड़थू मार के फुमणियां घत्तदे ने, इक्क आंवदे ते इक्क जांवदे ने ।
जेहड़े सिदक दे नाल चल आंवदे ने, कदम चुंम मुराद सभ पांवदे ने ।
वारिस शाह दा चूरमा कुट के ते, दे फ़ातेहा वंड वंडांवदे ने ।
198. खेड़्यां दी जंञ दी चड़्हत
चड़्ह घोड़्यां खेड़्यां गंढ फेरी, चड़्हे गभरू डंक वजाय के जी ।
काठियां सुरख़ बनात दियां हत्थ नेज़े, दारू पी के धरग वजायके जी ।
घोड़ीं पाखरां सोने दियां साखतां ने, लूहलां होर हमेल छणकायके जी ।
केसर भिन्नड़े पग्गां दे पेच बद्धे, विच्च कलगियां जिगा लगायके जी ।
सेहरे फुल्लां दे तुर्र्यां नाल लटकन, टके दित्ते नी लख लुटायके जी ।
ढाडी भुगतीए कंजरियां नकलीए सन, अते डूम सरोद वजायके जी ।
कशमीरी ते दखनी नाल वाजे, भेरी तूतियां वज्जियां चायके जी ।
वारिस शाह दे मुख ते बन्न्ह मुकटा, सोइन सेहरे बन्न्ह बन्न्हायके जी ।
199. आतिशबाज़ी
आतिश बाज़ियां छुटदियां फुल झड़ियां, फूही छुट्टे ते बाज़ हवा मियां ।
हाथी मोर ते चरखियां झाड़ छुट्टन, ताड़ ताड़ पटाक्यां पा मियां ।
सावन भादों कमचियां नाल चहके, टिंड चूहआं दी करे ता मियां ।
महताबियां टोटके चादरां सन, देवन चक्कियां वड्डे रसा मियां ।
200. खेड़े जंञ लै के ढुक्के
मिले मेल स्यालणां जंज आंदी, लग्गियां सौन सुपत्त करावने नूं ।
घत्त सुरम सलाईआं देन गाल्हीं, अते खडुक्कने नाल खिडावने नूं ।
मौली नाल चा कछ्या गभरू नूं रोड़ी लग्गियां आन खोवावने नूं ।
भरी घड़ी-घड़ोली ते कुड़ी न्हाती, आईआं फेर निकाह पड़्हावने नूं ।
मौली नाल चा कच्छ्या गभ्भरू नूं, रोड़ी लग्गियां आण खवावने नूं ।
वारिस शाह व्याह दे गीत मिट्ठे, काज़ी आया मेल मिलावने नूं ।
201. तथा
भेटक मंगदियां सालियां चीच छल्ला, दुध दे अणयधड़ी चिड़ी दा वे ।
दुध दे गोहीरे दा चो जट्टा, नाले दच्छना खंड दी पुड़ी दा वे ।
लौंगां मंजड़ा नदी विच्च कोट करदे, घट घुट्ट छल्ला कुड़ी चिड़ी दा वे ।
बिनां बलदां दे खूह दे गेड़ सानूं, वेखां किक्करां उह वी गिड़ी दा वे ।
तम्बू तान दे खां सानू बाझ थंमां, पहुंचा दे खां सोइने दी चिड़ी दा वे ।
इक्क मुनस कसीरे दा खरी मंगे, हाथी पाय कुज्जे विच्च फड़ी दा वे ।
साडे पिंड दे चाक नूं दे अंमां, लेखा नाल तेरे इवें वरी दा वे ।
202. सैदा
अनी सोहणीए छैल मलूक कुड़ीए, साथों एतना झेड़ ना झिड़ी दा नी ।
सईआं तिन्न सौ स्ट्ठ बलकीस राणी, इह लै चीच छल्ला इस दी पिड़ी दा नी ।
चड़्हआ सावन ते बाग़ बहार होई, दभ काह सरकड़ा खिड़ी दा नी ।
टंगीं पा ढंगा दोहनीं पूर कढ्ढी, इह लै दुध अणयधड़ी चिड़ी दा नी ।
दुध ल्या गोहीरे दा चो कुड़ीए, इह लै पी जे बाप ना लड़ी दा नी ।
सूहियां सावियां नाल बहार तेरी, मुशक आंवदा लौंगां दी धड़ी दा नी ।
खंड पुड़ी दी दच्छना द्यां तैनूं, तुक्का लावीए विचली धड़ी दा नी ।
चाल चलें मुरगाईआं ते तरें तारी, बोल्यां फुल गुलाब दा झड़ी दा नी ।
कोट नदी विच्च लै सने लौंग मंजा, तेरे सौन नूं कौन लौ वड़ी दा नी ।
इक्क गल्ल भुल्ली मेरे याद आई, रोट सुख्या पीर दा धड़ी दा नी ।
बाझ बलदां दे खूह भजा दित्ता, अड्डा खड़कदा काठ दी कड़ी दा नी ।
झब नहा लै बुक्क भर छैल कुड़ीए, चाउ खूह दा नाल लै खड़ी दा नी ।
होर कौन है नी जेहड़ी मुनस मंगे, असां मुनस लद्धा जोड़ जुड़ी दा नी ।
असां भाल के सारा जहान आंदा, जेहड़ा साड़्यां मूल ना सड़ीदा नी ।
इक्क चाक दी भैन ते तुसीं सभ्भे, चलो नाल मेरे जोड़ जुड़ी दा नी ।
वारिस शाह घेरा काहनूं घत्यु जे, जेहा चन्न परवार विच्च वड़ीदा नी ।
203. काज़ी नाल हीर दे सवाल जवाब
काज़ी सद्द्या पड़्हन नकाह नूं जी, नढ्ढी वेहर बैठी नहीं बोलदी है ।
मैं तां मंग रंझेटे दी हो चुक्की, माउं कुफ़र ते ग़ैब क्युं तोलदी है ।
नज़ाय वकत शैतान ज्युं दे पाणी, पई जान ग़रीब दी डोलदी है ।
असां मंग दरगाह थीं ल्या रांझा, सिदक सच्च ज़बान थीं बोलदी है ।
मक्खन नज़र रंझेटे दे असां कीता, सुंञी माउं क्युं छाह नूं रोलदी है ।
वारिस शाह मियां अन्न्हे मेउ वांगूं, पई मूत विच्च मच्छियां टोलदी है ।
204. काज़ी
काज़ी महकमे विच्च इरशाद कीता, मन्न शर्हा दा हुकम जे जीवना ई ।
बाअद मौत दे नाल ईमान हीरे, दाख़ल विच्च बहशत दे थीवना ई ।
नाल ज़ौक दे शौक दा नूर शरबत विच्च जन्नतुल-अदन दे पीवना ई ।
चादर नाल ह्या दे सतर कीजे, काह दरज़ हराम दी सीवना ई ।
205. हीर
हीर आखदी जीवना भला सोई, जेहड़ा होवे भी नाल ईमान मियां ।
सभो जग्ग फ़ानी हिक्को रब बाकी, हुकम कीता है रब रहमान मियां ।
'कुले शैहइन ख़लकना ज़ोजईने', हुकम आया है विच्च कुरान मियां ।
मेरे इशक नूं जाणदे धौल बाशक, लौह कलम ते ज़िमीं आसमान मियां ।
206. काज़ी
जोबन रूप दा कुझ्झ वसाह नाहीं, मान मत्तीए मुशक पलट्टीए नी ।
नबी हुकम नकाह फरमा दित्ता, 'फ़इनकेहू' मन लै जट्टीए नी ।
कदी दीन इसलाम दे राह टुरीए, जड़्ह कुफ़र दी जीउ तों पट्टीए नी ।
जेहड़े छड हलाल हराम तक्कन, विच्च हावीए दोज़खे स्ट्टीए नी ।
खेड़ा हक्क हलाल कबूल कर तूं, वारिस शाह बण बैठीएं वहुटीए नी ।
207. हीर
कलूबुल-मोमनीन अरश अल्लाह ताल्हा, काज़ी अरश खुदाय दा ढाह नाहीं ।
जित्थे रांझे दे इशक मुकाम कीता, ओथे खेड़्यां दी कोयी वाह नाहीं ।
एही चड़्ही गोलेर मैं इशक वाली, जित्थे होर कोयी चाड़्ह लाह नाहीं ।
जिस जीवने कान ईमान वेचां, एहा कौन जो अंत फ़नाह नाहीं ।
जेहा रंघड़ां विच्च ना पीर कोई, अते लुद्धड़ां विच्च बादशाह नाहीं ।
वारिस शाह मियां काज़ी शर्हा दे नूं, नाल अहल-तरीकतां राह नाहीं ।
208. काज़ी
दुर्रे शर्हा दे मार उधेड़ देसां, करां उमर ख़िताब दा न्याउं हीरे ।
घत कक्खां दे विच्च मैं साड़ सुट्टां, कोयी वेखसी पिंड गिराउं हीरे ।
खेड़ा करें कबूल तां ख़ैर तेरी, छड्ड चाक रंझेटे दा नाउं हीरे ।
अक्खीं मीट के वकत लंघा मोईए, इह जहान है बद्दलां छाउं हीरे ।
वारिस शाह हुन आसरा रब दा है, जदों विट्टरे बाप ते माउं हीरे ।
209. हीर
रले दिलां नूं पकड़ विछोड़ देंदे, बुरी बान है तिन्हां हत्यार्यां नूं ।
नित शहर दे फ़िकर ग़लतान रहन्दे, एहो शामतां रब्ब द्यां मार्यां नूं ।
खावन वढ्ढियां नित ईमान वेचन, एहो मार है काज़ियां सार्यां नूं ।
रब दोज़खां नूं भरे पा बालन, केहा दोस है असां विचार्यां नूं ।
वारिस शाह मियां बनी बहुत औखी, नहीं जाणदे सां एहनां कार्यां नूं ।
210. काज़ी
जेहड़े छड्ड के राह हलाल दे नूं, तक्कन नज़र हराम दी मारियनगे ।
कबर विच्च बहायके नाल गुरज़ां, ओथे पाप ते पुन्न नवारियनगे ।
रोज़ हशर दे दोज़खी पकड़ के ते, घत्त अग्ग दे विच्च नघारियनगे ।
कूच वकत ना किसे है साथ रलणा, ख़ाली दसत ते जेब भी झाड़ियनगे ।
वारिस शाह इह उमर दे लाल मुहरे, इक्क रोज़ नूं आकबत हारियनगे ।
211. हीर
'कालू-बला' दे दिंहु निकाह बद्धा, रूह नबी दी आप पड़्हायआ ई ।
कुतब होइ वकील विच्च आइ बैठा, हुकम रब्ब ने आप करायआ ई ।
जबराईल मेकाईल गवाह चारे, अज़राईल असराफ़ील आया ई ।
अगला तोड़ के होर निकाह पड़्हना, आख रब्ब ने कदों फ़ुरमायआ ई ।
212. तथा
जेहड़े इशक दी अग्ग दे ताउ तपे, तिन्न्हां दोज़खां नाल की वासता ई ।
जिन्हां इक्क दे नाउं ते सिदक बद्धा, ओन्हां फ़िकर अन्देसड़ा कास दा ई ।
आखिर सिदक यकीन ते कंम पौसी, मौत चरग़ इह पुतला मास दा ई ।
दोज़ख़ मोरियां मिलन बेसिदक झूठे, जिन्हां बान तक्कन आस पास दा ई ।
213. काज़ी
लिख्या विच्च कुरान किताब दे है, गुनाहगार ख़ुदा दा चोर है नी ।
हुकम माउं ते बाप दा मन्न लैणा, इहो राह तरीकत दा ज़ोर है नी ।
जिन्हां ना मन्न्या पच्छोताय रोसन, पैर वेख के झूरदा मोर है नी ।
जो कुझ्झ माउं ते बाप ते असीं करीए, ओथे तुध दा कुझ्झ ना ज़ोर है नी ।
214. हीर
काज़ी माउं ते बाप इकरार कीता, हीर रांझे दे नाल व्याहुनी है ।
असां ओस दे नाल चा कौल कीता, लबे-गोर दे तीक निबाहुनी है ।
अंत रांझे नूं हीर परना देणी, कोयी रोज़ दी इह प्राहुनी है ।
वारिस शाह ना जाणदी मैं कमली, ख़ुरश शेर दी गधे नूं डाहुनी है ।
215. काज़ी
कुरब विच्च दरगाह दा तिन्न्हां नूं है, जेहड़े हक्क दे नाल निकाहियनगे ।
माउं बाप दे हुकम दे विच्च चल्ले, बहुत ज़ौक दे नाल विवाहियनगे ।
जेहड़े शर्हा नूं छड्ड बेहुकम होए, विच्च हावीए जोज़ख़े लाहियनगे ।
जेहड़े हक्क दे नाल प्यार वंडन, अट्ठ बहशत भी उहनां नूं चाहियनगे ।
जेहड़े नाल तकब्बरी आकड़नगे, वांग ईद दे बक्करे ढाहियनगे ।
तन पाल के जिन्हां ख़ुद-रूयी कीती, अग्गे अग्ग दे आकबत डाहियनगे ।
वारिस शाह मियां जेहड़े बहुत स्याणे, काउं वांग पलक विच्च फाहियनगे ।
216. हीर
जेहड़े इक्क दे नांउं ते महव होए, मनज़ूर खुदा दे राह दे ने ।
जिन्हां सिदक यकीन तहकीक कीता, मकबूल दरगाह अल्लाह दे ने ।
जिन्हां इक्क दा राह दरुसत कीता, तिन्न्हां फ़िकर अन्देसड़े काह दे ने ।
जिन्हां नाम महबूब दा विरद कीता, ओ साहब मरतबा जाह दे ने ।
जेहड़े रिशवतां खाय के हक्क रोड़्हन, ओह चोर उचक्कड़े राह दे ने ।
इह कुरान मजीद दे मायने ने, जेहड़े शियर मियां वारिस शाह दे ने ।
217. काज़ी दा स्यालां नूं उत्तर
काज़ी आख्या इह जे रोड़ पक्का, हीर झगड़्यां नाल ना हारदी है ।
ल्याउ पड़्हो नकाह मूंह बन्न्ह इसदा, किस्सा गोयी फ़साद गुज़ारदी है ।
छड्ड मसजिदां दायर्यां विच्च वड़दी, छड्ड बक्करियां सूरियां चारदी है ।
वारिस शाह मधानी है हीर जट्टी, इशक दहीं दा घ्यु नितारदी है ।
218. काज़ी वल्लों निकाह करके हीर नूं खेड़्यां नाल तोर देणा
काज़ी पड़्ह निकाह ते घत्त डोली, नाल खेड़्यां दे दित्ती टोर मियां ।
तेवर ब्युरां नाल जड़ाऊ गहणे, दम दौलतां निअमतां होर मियां ।
टमक महीं ते घोड़े उठ दित्ते, गहना पत्तरा ढग्गड़ा ढोर मियां ।
हीर खेड़्यां नाल ना टुरे मूले, प्या पिंड दे विच्च है शोर मियां ।
खेड़े घिन्न के हीर नूं रवां होए, ज्युं माल नूं लै वगे चोर मियां ।
219. रांझे बिनां गाईआं मझ्झां दा काबू ना आउणा
महीं टुरन ना बाझ रंझेटड़े दे, भूहे होइके पिंड भजायउ ने ।
पुट्ट झुग्गियां लोकां नूं ढुड्ड मारन, भांडे भन्न के शोर घतायउ ने ।
चौर चायके बूथियां उतांह करके, शूकाट ते धुंमला लायउ ने ।
लोकां आख्या रांझे दी करो मिन्नत, पैर चुंम के आण जगायउ ने ।
चशमा पैर दी ख़ाक दा ला मत्थे, वांग सेवकां सख़ी मनायउ ने ।
भड़थू मार्यु ने दवाले रांझने दे, लाल बेग दा थड़ा पुजायउ ने ।
पकवाल ते पिन्निया रक्ख अग्गे, भोलू राम नूं खुशी करायउ ने ।
मगर महीं दे छेड़ के नाल शफ़कत, सिर टमक चा चवायउ ने ।
वाहो दाही चले रातो रात खेड़े, दिंहु जायके पिंड चड़्हायउ ने ।
दे चूरी ते खिचड़ी दियां सत्त बुरकां, नढा देवरा गोद बहायउ ने ।
अग्गों लैन आईआं सईआं वहुटड़ी नूं, 'जे तूं आंदड़ी वे वीर्या' गायउ ने ।
सिरों लाह टमक भूरा खस्स लीता, आदम बहशत थीं कढ्ढ त्राहउ ने ।
वारिस शाह मियां वेख कुदरतां नी, भुखा जन्नतों रूह कढायउ ने ।
220. हीर ने रांझे नूं केहा
लै वे रांझ्या वाह मैं ला थक्की, साडे वस्स थीं गल्ल बेवस्स होयी ।
काज़ी माप्यां ज़ालमां बन्न्ह टोरी, साडी तैंदड़ी दोसती भस्स होयी ।
घर खेड़्यां दे नहीं वस्सना मैं साडी उन्हां दे नाल ख़रख़स्स होयी ।
जाह जीवांगी मिलांगी रब मेले, हाल साल तां दोसती बस्स होयी ।
लग्गा तीर जुदायी दा मियां वारिस, साडे विच कलेजड़े धस्स होयी ।
221. रांझे दा उत्तर
जो कुझ्झ विच्च रज़ाय दे लिख छुट्टा, मूंहों बस्स ना आखीए भैड़ीए नी ।
सुंञा सक्खना चाक नूं रक्ख्योुई, मत्थे भौरीए चन्दरीए बहड़ीए नी ।
मंतर कील ना जाणीए डूमने दा, ऐवें सुत्तड़े नाग ना छेड़ीए नी ।
इक्क यार दे नां ते फ़िदा होईए, महुरा दे के इक्के नबेड़ीए नी ।
दग़ा देवना ई होवे जेहड़े नूं, पहले रोज़ ही चा खदेड़ीए नी ।
जे ना उतरीए यार दे नाल पूरे, एडे पिट्टने ना सहेड़ीए नी ।
वारिस शाह जे प्यास ना होवे अन्दर, शीशे शरबतां दे नाहीं छेड़ीए नी ।
222. हीर दा उत्तर
तैनूं हाल दी गल्ल मैं लिख घल्लां, तुरत होइ फ़कीर तैं आवना ई ।
किसे जोगी थे जायके बणीं चेला, सवाह लायके कन्न पड़ावना ई ।
सभ्भा ज़ात सिफ़ात बरबाद करके, अते ठीक तैं सीस मुनावना ई ।
तूं ही जींवदा दीदना दएं सानूं, असां वत्त ना ज्युंद्यां आवना ई ।
223. रांझे ने स्यालां नूं गाल्हां कढ्ढणियां
रांझे आख्या स्याल गल गए सारे, अते हीर वी छड ईमान चल्ली ।
सिर हेठां कर ल्या फेर महर चूचक, जदों सत्थ विच्च आण के गल्ल हल्ली ।
धियां वेचदे कौल ज़बान हारन, महराब मत्थे उत्ते धौन चल्ली ।
यारो स्यालां दियां दाड़्हियां वेखदे हो, जेहा मुंड मंगवाड़ दी मसर पली ।
वारिस शाह मियां धी सोहनी नूं, गल विच्च चा पांवदे हैन टल्ली ।
224. तथा
यारो जट्ट दा कौल मनज़ूर नाहीं, ग़ोज़ शुतर है कौल गुसताईआं दा ।
पत्तां होन इक्की जिस जट ताईं, सोयी असल भरा है भाईआं दा ।
जदों बहन अरूड़ी ते अकल आवे, जिवें खोतड़ा होवे गुसाईआं दा ।
सिरों लाह के चित्तड़ां हेठ दिन्दे, मज़ा आवनै तदों सफ़ाईआं दा ।
जट्टी जट दे सांग 'ते होन राज़ी, फड़े मुग़ल ते वेस गीलाईआं दा ।
धियां देणियां करन मुसाफ़रां नूं वेचन, होर धरे माल जवाईआं दा ।
वारिस शाह ना मुहतबर जाणना जे, कौल जट्ट सुन्यार कसाईआं दा ।
225. तथा
पैंचां पिंड दियां सच्च थीं तरक कीता, काज़ी रिशवतां मार के कोर कीते ।
पहलां होरनां नाल इकरार करके, तुअमा वेख दामाद फिर होर कीते ।
गल्ल करीए ईमान दी कढ्ढ छड्डन, पैंच पिंड दे ठग ते चोर कीते ।
अशराफ़ दी गल्ल मनज़ूर नाहीं, चोर चौधरी अते लंडोर कीते ।
काउं बाग़ दे विच्च कलोल करदे, कूड़ा फोलने दे उते मोर कीते ।
ज़ोरो ज़ोर व्याह लै गए खेड़े, असां रो बहुते रड़े शोर कीते ।
वारिस शाह जो अहल ईमान आहे, तिन्न्हां जा डेरे विच्च गोर कीते ।
226. तथा
यारो ठग्ग स्याल तहकीक जाणो, धियां ठग्गणियां सभ सिखांवदे जे ।
पुत्तर ठग्ग सरदारां दे मिट्ठ्यां हो, उहनूं महीं दा चाक बणांवदे जे ।
कौल हार ज़बान दा साक खोहन, चा पैवन्द हन होर धिर लांवदे जे ।
दाड़्ही शेख़ दी छुरा कसाईआं दा, बैठ पर्हे विच्च पैंच सदांवदे जे ।
जट्ट चोर ते यार तिराह मारन, डंडी मोंहदे ते सन्न्हां लांवदे जे ।
वारिस शाह इह जट्ट ने ठग्ग सभ्भे, तरी ठग्ग ने जट्ट झन्हां दे जे ।
227. तथा
डोगर जट्ट ईमान नूं वेच खांदे, धियां मारदे ते पाड़ लांवदे जे ।
तरक कौल हदीस दे नित करदे, चोरी यारियां व्याज कमांवदे जे ।
जेहे आप थीवन तेहियां औरतां ने, बेटे बेटियां चोरियां लांवदे जे ।
जेहड़ा चोर ते राहज़न होवे कोई, उस दी वड्डी तारीफ़ सुणांवदे जे ।
जेहड़ा पड़्हे नमाज़ हलाल खावे, उहनूं मेहना मशकरी लांवदे जे ।
मूंहों आख कुड़माईआं खोह लैंदे, वेखो रब्ब ते मौत भुलांवदे जे ।
वारिस शाह मियां दो दो ख़सम देंदे, नाल बेटियां वैर कमांवदे जे ।
228. हीर दे गाने दी रसम
जदों गानड़े दे दिन आण पुग्गे, लस्सी मुन्दरी खेडने आईआं ने ।
पयी धुम केहा गानड़े दी, फिरन खुशी दे नाल सवाईआं ने ।
सैदा लाल पीहड़े उते आ बैठा, कुड़ियां वहुटड़ी पास बहाईआं ने ।
पकड़ हीर दे हत्थ परात पाए, बाहां मुरद्यां वांग पलमाईआं ने ।
वारिस शाह मियां नैणां हीर द्यां, वांग बद्दलां झम्बरां लाईआं ने ।
229. हीर दे जान पिच्छों रांझा हैरान ते भाबियां दा ख़त
घर खेड़्यां दे जदों हीर आई, चुक गए तगादड़े अते झेड़े ।
विच्च स्यालां दे चुप चांग होई, अते ख़ुशी हो फिरदे ने सभ खेड़े ।
फ़ौजदार तग़ई्ईयर हो आण बैठा, कोयी ओस दे पास ना पाए फेरे ।
विच्च तख़त हज़ारे दे होन गल्लां, अते रांझे दियां भाबियां करन झेड़े ।
चिट्ठी लिख के हीर दी उज़रख़ाही, जिवें मोए नूं पुछीए हो नेड़े ।
होयी लिखी रज़ा दी रांझ्या वे, साडे अल्लड़े घा सन तूं उचेड़े ।
मुड़ के आ ना विगड़्या कंम तेरा, लटकन्दड़ा घरीं तूं पा फेरे ।
जेहड़े फुल्ल दा नित्त तूं रहें राखा, ओस फुल्ल नूं तोड़ लै गए खेड़े ।
जैंदे वासते फिरें तूं विच्च झल्लां, जित्थे बाघ बघेले ते शींह बेड़्हे ।
कोयी नहीं वसाह कंवारियां दा, ऐवें लोक निकंमड़े करन झेड़े ।
तूं तां मेहनतां सैं दिंहु रात करदा, वेख कुदरतां रब्ब दियां कौन फेरे ।
योस जूह विच्च फेर ना पीन पाणी, खुस जान जां खप्परां मूंहों हेड़े ।
कलस ज़री दा चाड़्हीए जा रोज़े, जिस वेलड़े आण के वड़ें वेहड़े ।
वारिस शाह इह नज़र सी असां मन्नी, ख़ुआजा ख़िज़र चिराग़ दे लए पेड़े ।
230. रांझे दा उत्तर
भाबी ख़िज़ां दी रुत्त जां आण पुन्नी, भौर आसरे ते पए जालदे नी ।
सेवन बुलबुलां बूट्यां सुक्क्यां नूं, फेर फुल्ल लग्गन नाल डालदे नी ।
असां जदों कदों उन्हां पास जाणा, जेहड़े महरम असाडड़े हाल दे नी ।
जिन्हां सूलियां 'ते लए जाय झूटे, मनसूर होरीं साडे नाल दे नी ।
वारिस शाह जो गए सो नहीं मुड़दे, लोक असां थों आवना भालदे नी ।
231. तथा
मौजू चौधरी दा पुत्त चाक लग्गा, इह पेखने जल्ल-जलाल दे नी ।
एस इशक पिच्छे मरन लड़न सूरे, सफ़ां डोबदे खूहणियां गालदे नी ।
भाबी इशक थों नस्स के उह जांदे, पुत्तर होन जो किसे कंगाल दे नी ।
मारे बोलियां दे घरीं नहीं वड़दे, वारिस शाह होरीं फिरन भालदे नी ।
232. रांझा जग्ग दी रीत बारे
गए उमर ते वकत फिर नहीं मुड़दे, गए करम ते भाग ना आंवदे नी ।
गयी गल्ल ज़बान थीं तीर छुट्टा, गए रूह कलबूत ना आंवदे नी ।
गयी जान जहान थीं छड्ड जुस्सा, गए होर स्याने फ़रमांवदे नी ।
मुड़ एतने फेर जे आंवदे नी, रांझे यार होरीं मुड़ आंवदे नी ।
वारिस शाह मियां सानूं कौन सद्दे, भायी भाबियां हुनर चलांवदे नी ।
233. तथा
अग्गे वाहीउं चा गवायउ ने, हुन इशक थीं चा गवांवदे ने ।
रांझे यार होरां एहा ठाठ छड्डी, किते जायके कन्न पड़ांवदे ने ।
इक्के आपनी जिन्द गवांवदे ने, इक्के हीर जट्टी बन्न्ह ल्यांवदे ने ।
वेखो जट्ट हुन फंध चलांवदे ने, बण चेलड़े घोन हो आंवदे ने ।
234. हीर दे सौहर्यां दी सलाह
मसलत हीर द्यां सौहर्यां इह कीती, मुड़ हीर ना पेईअड़े घल्लनी जे ।
मत चाक मुड़ चम्बड़े विच्च स्यालां, इह गल्ल कुसाख दी चल्लनी जे ।
आख़र रन्न दी ज़ात बेवफ़ा हुन्दी, जाय पेईअड़े घरीं इह मल्लनी जे ।
वारिस शाह दे नाल ना मिलन दीजे, इह गल्ल ना किसे उथल्लनी जे ।
235. इक्क वहुटी हत्थ हीर दा सुनेहा
इक्क वहुटड़ी साहवरे चल्ली स्यालीं, आई हीर थे लै सनेहआं नूं ।
तेरे पेईअड़े चली हां देह गल्लां, खोल्ह किस्स्यां जेहआं केहआं नूं ।
तेरे सहुर्यां तुध प्यार केहा, करो गरम सुनेहआं बेहआं नूं ।
तेरी गभ्भरू नाल है बनी केही, वहुटियां दसदिया ने असां जेहआं नूं ।
हीर आख्या ओस दी गल्ल ऐवें, वैर रेशमां नाल ज्युं लेहआं नूं ।
वारिस काख़ ते अलिफ़ ते लाम बोले, की आखना एहआं तेहआं नूं ।
236. हीर दा सुनेहा
हत्थ बन्न्ह के गल विच्च पा पल्ला, कहीं देस नूं दुआ सलाम मेरा ।
घुट वैरियां दे वस्स पायउ ने, सईआं चाय विसार्या नाम मेरा ।
मझो वाह विच्च डोब्या माप्यां ने, ओहनां नाल नाहीं कोयी काम मेरा ।
हत्थ जोड़ के रांझे दे पैर पकड़ीं, इक्क एतना कहीं पैग़ाम मेरा ।
वारिस नाल बेवारिसां रहम कीजे, मेहरबान हो के आउ शाम मेरा ।
237. हीर नूं रांझे दी तलब
तरुट्टे कहर कलूर सिर तत्तड़ी दे, तेरे बिरहा फ़िराक दी कुठियां मैं ।
सुंञी तराट कलेजड़े विच्च धानी ,नहीं ज्युना मरन ते उट्ठियां मैं ।
चोर पौन रातीं घर सुत्त्यां दे, वेखो देहें बाज़ार विच्च मुट्ठियां मैं ।
जोगी होइके आ जे मिले मैनूं, किसे अम्बरों मेहर दीउं तरुट्ठियां मैं ।
नहीं छड घर बार उजाड़ वैसां, नहीं वस्सना ते नाहीं वुट्ठियां मैं ।
वारिस शाह परेम दियां छटियां ने, मार फट्टियां जुट्टियां कुट्ठियां मैं ।
238. वहुटी दी पुच्छ गिच्छ
वहुटी आण के साहुरे वड़ी जिस दिन, पुच्छे चाक स्यालां दा केहड़ा नी ।
मंगू चारदा सी जेहड़ा चूचके दा, मुंडा तख़त हज़ारे दा जेहड़ा नी ।
जेहड़ा आशकां विच्च मशहूर रांझा, सिर ओस दे इशक दा सेहरा नी ।
किते दायरे इक्के मसीत हुन्दा, कोयी ओस दा किते है वेहड़ा नी ।
इशक पट्ट तरट्टियां गालियां ने, उज्जड़ गईआं दा वेहड़ा केहड़ा नी ।
239. स्यालां दियां कुड़ियां
कुड़ियां आख्या छैल है मस्स भिन्ना, छड्ड बैठा है जग दे सभ झेड़े ।
सट्ट वंझली अहल फ़कीर होया, जिस रोज़ दे हीर लै गए खेड़े ।
विच्च बेल्यां कूकदा फिरे कमला, जित्थे बाघ बघेले ते शींह बेड़्हे ।
कोयी ओस दे नाल ना गल्ल करदा, बाझ मंतरों नाग नूं कौन छेड़े ।
कुड़ियां आख्या जाउ विलाउ उस नूं, किवें घेर के मांदरी करो नेड़े ।
240. कुड़ियां उहनूं रांझे कोल लै गईआं
कुड़ियां जाय विलायआ रांझने नूं, फिरे दुख ते दरद दा लद्द्या ई ।
आ घिन सुनेहड़ा सज्जणां दा, तैनूं हीर स्याल ने सद्द्या ई ।
तेरे वासते माप्यां घरों कढ्ढी, असां साहुरा पेईअड़ा रद्द्या ई ।
तुध बाझ नहीं ज्युना होग मेरा, विच्च स्यालां दे ज्यु क्युं अड्या ई ।
झब्ब हो फ़कीर ते पहुंच मैंथे, ओथे झंडड़ा कास नूं गड्ड्या ई ।
वारिस शाह इस इशक दी नौकरी ने, दंमां बाझ ग़ुलाम कर छड्ड्या ई ।
241. रांझे ने हीर नूं चिट्ठी लिखवाई
मीएं रांझे ने मुल्लां नूं जा केहा, चिट्ठी लिखो जी सज्जणां प्यार्यां नूं ।
तुसां साहुरे जा आराम कीता, असीं ढोए हां सूल अंग्यार्यां नूं ।
अग्ग लग्ग के ज़िमीं असमान साड़े, चा लिक्खां जे दुखड़्यां सार्यां नूं ।
मैथों ठग के महीं चराय लईउं, रन्नां सच्च ने तोड़दियां तार्यां नूं ।
चाक होके वत्त फ़कीर होसां, केहा मार्यु असां विचार्यां नूं ।
गिला लिखो जे यार ने लिख्या ए सज्जन लिखदे जिवें प्यार्यां नूं ।
वारिस शाह ना रब्ब बिन टांग काई, किवें जित्तीए मामल्यां हार्यां नूं ।
242. तथा
तैनूं चा सी वड्डा व्याह वाला, भला होया जे झब्ब वहीजीएं नी ।
ऐथों निकल गईएं बुरे देहां वांगूं, अंत साहुरे जा पतीजीएं नी ।
रंग रत्तीए वहुटीए खेड़्यां दीए, कैदो लंङे दी साक भतीजीएं नी ।
चुलीं पा पानी दुक्खां नाल पाली, करम सैदे दे माप्यां बीजीएं नी ।
कासद जायके हीर नूं ख़त दित्ता, इह लै चाक दा लिख्या लीजीएं नी ।
243. उत्तर हीर
तेरे वासते बहुत उदास हां मैं, रब्बा मेल तूं चिरीं विछुन्न्यां नूं ।
हत्थीं माप्यां दित्ती सां ज़ालमां नूं, लग्गा लून कलेज्यां भुन्न्यां नूं ।
मौत अते संजोग ना टले मूले, कौन मोड़दा साहआं पुन्न्यां नूं ।
जोगी होइके आ तूं सज्जणां वो, कौन जाणदा जोगियां मुन्न्यां नूं ।
किसे तत्तड़े वकत सी नेहुं लग्गा, वारिस बीज्या दाण्यां भुन्न्यां नूं ।
244. तथा
कायद आबखोर दे खिच्ची वांग किसमत, कोइल लंक दे बाग़ दी गई दिल्ली ।
मैना लई बंगालिओं चाक कमले, खेड़ा प्या अज़ग़ैब दी आण बिल्ली ।
चुसती आपनी पकड़ ना हार हिंमत, हीर नाहीउं इशक दे विच्च ढिल्ली ।
कोयी जायके पकड़ फ़कीर कामिल, फ़कर मारदे विच्च रज़ा किल्ली ।
वारिस शाह मसतानड़ा हो लल्ल्ही, सेल्ही गोदड़ी बन्न्ह हो शेख़ चिल्ली ।
245. हीर दी चिट्ठी
दित्ती हीर लिखायके इह चिट्ठी, रांझे यार दे हत्थ लै जा देनी ।
किते बैठ निवेकला सद्द मुल्लां, सारी खोल्ह के बात सुना देनी ।
हत्थ बन्न्ह के मेर्यां सज्जणां नूं, रो रो सलाम दुआ देनी ।
मर चुक्कियां जान है नक्क उते, हिक्क वार जे दीदना आ देनी ।
खेड़े हत्थ ना लांवदे मंजड़ी नूं, हत्थ लायके गोर विच्च पा देनी ।
कख हो रहियां ग़मां नाल रांझा, एह चिनग लै जायके ला देनी ।
मेरा यार हैं तां मैथे पहुंच मियां, कन्न रांझे दे एतनी पा देनी ।
मेरी लईं निशानड़ी बांक छल्ला, रांझे यार दे हत्थ लिजा देनी ।
वारिस शाह मियां ओस कमलड़े नूं, ढंग ज़ुलफ़ ज़ंजीर दी पा देनी ।
246. तथा
अग्गे चूंडियां नाल हंढायआ ई ज़ुलफ़ कुंडलांदार हुन वेख मियां ।
घत कुंडली नाग स्याह पलमे, वेखे उह भला जिस लेख मियां ।
मले वटना लोड़्ह दन्दासड़े दा, नैन ख़ूनियां दे भरन भेख मियां ।
आ हुसन दी दीद कर वेख ज़ुलफ़ां, ख़ूनी नैणां दे भेख नूं देख मियां ।
वारिस शाह फ़कीर हो पहुंच मैंथे, फ़कर मारदे रेख विच्च मेख मियां ।
247. हीर दी चिट्ठी कासद रांझे कोल ल्याया
कासद आण रंझेटे नूं खत दित्ता, नढी मोयी है नक्क ते जान आई ।
कोयी पा भुलावड़ा ठग्योई, सिर घत्त्यु चा मसान मियां ।
तेरे वासते रात नूं गिने तारे, किशती नूह दी विच्च तूफान मियां ।
इक्क घड़ी आराम ना आउंदा ई केहा ठोक्यु प्रेम दा बान मियां ।
तेरा नांउं लै के नढ्ढी ज्युंदी है, भावें जान ते भावें ना जान मियां ।
मूंहों रांझे दा नाम जां कढ्ढ बहन्दी, ओथे नित पौंदे घमसान मियां ।
रातीं घड़ी ना सेज ते मूल सौंदी, रहे लोग बहुतेरड़ा रान मियां ।
जोगी होइके नगर विच्च पा फेरा, मौजां नाल तूं नढ्ढड़ी मान मियां ।
वारिस शाह मियां सभो कंम हुन्दे, जदों रब्ब हुन्दा मेहरबान मियां ।
248. रांझे दी उत्तर लई फ़रमायश
चिट्ठी नाउं तेरे लिखी नढ्ढड़ी ने, विच्चे लिखे सू दरद फ़िराक सारे ।
रांझा तुरत पड़्हायके फरश होया, दिलों आह दे ठंडड़े साह मारे ।
मियां लिख तूं दरद फ़िराक मेरा, जेहड़ा अम्बरों सुटदा तोड़ तारे ।
घा लिख जो दिले दे दुखड़े दे, लिखन प्यार्यां नूं जिवें यार प्यारे ।
249. रांझे दा उत्तर लिखणा
लिख्या इह जवाब रंझेटड़े ने, जदों जीऊ विच्च ओस दे शोर पए ।
ओसे रोज़ दे असीं फ़कीर होए, जिस रोज़ दे हुसन दे चोर होए ।
पहले दुआ सलाम प्यार्यां नूं, मझो वाह फ़िराक दे बोड़ होए ।
असां जान ते माल दरपेश कीता, अट्टी लग्गड़ी प्रीत नूं तोड़ गए ।
साडी ज़ात सिफ़ात बरबाद करके, लड़ खेड़्यां दे नाल जोड़ गए ।
आप हस्स के साहुरे मल्ल्योने, साडे नैणां दा नीर नखोड़ गए ।
आप हो महबूब जा सतर बैठे, साडे रूप दा रसा नचोड़ गए ।
वारिस शाह मियां मिलियां वाहरां थों, धड़वैल वेखो ज़ोरो ज़ोर गए ।
250. उत्तर रांझे वल्लों
साडी ख़ैर है चाहुन्दे ख़ैर तैंडी, फिर लिखो हकीकतां सारियां जी ।
पाक रब्ब ते पीर दी मेहर बाझों, कट्टे कौन मुसीबतां भारियां जी ।
मौजू चौधरी दे पुत चाक हो के, चूचक स्याल दियां खोलियां चारियां जी ।
दग़ा दे के आप चड़्ह जान डोली, चंचल-हारियां इह कवारियां जी ।
सप्प रस्सियां दे करन मार मंतर, तारे देंदियां ने हेठ खारियां जी ।
पेके जट्टां नूं मार फ़कीर करके, लैद साहुरे जाय घुमकारियां जी ।
आप नाल सुहाग दे जा रुप्पन, पिच्छे ला जावन पुचकारियां जी ।
सरदारां दे पुत्तर फ़कीर करके, आप मल्लदियां जां सरदारियां जी ।
वारिस शाह ना हारदियां असां कोलों, राजे भोज थीं इह ना हारियां जी ।
251. रांझा आपने दिल नाल
रांझे आख्या लुट्टीं दी हीर दौलत, जरम गालीए तां उहनूं जा लईए ।
उह रब्ब दे नूर दा ख़वान यग़मा शुहदे होइके रंग वटा लईए ।
इक्क होवना रहआ फ़कीर मैथों, रहआ एतना वस सो ला लईए ।
मक्खन पाल्या चीकना नरम पिंडा, ज़रा ख़ाक दे विच्च रमा लईए ।
किसे जोगी थीं सिक्खीए सेहर कोई, चेले होइके कन्न पड़वा लईए ।
अग्गे लोकां दे झुगड़े बाल सेके, ज़रा आपने नूं चिनग ला लईए ।
अग्गे झंग स्यालां दा सैर कीता, ज़रा खेड़्यां नूं झोक ला लईए ।
ओथे ख़ुदी गुमान मनज़ूर नाहीं, सिर वेचीए तां भेत पा लईए ।
वारिस शाह महबूब नूं तदों पाईए, जदों आपना आप गवा लईए ।
252. रांझे दा जोगी बनन दा इरादा
बुझी इशक दी अग्ग नूं वाउ लग्गी, समां आया है शौक जगावने दा ।
बालनाथ दे टिल्ले दा राह फड़्या, मता जाग्या कन्न पड़ावने दा ।
पटे पाल मलाईआं नाल रक्खे, वकत आया है रगड़ मुनावने दा ।
जरम करम त्याग के ठान बैठा, किसे जोगी दे हत्थ विकावने दा ।
बुन्दे सोइने दे लाह के चाय चड़्हआ, कन्न पाड़ के मुन्दरां पावने दा ।
किसे ऐसे गुरदेव दी टहल करीए, सेहर दस्स दे रन्न खिसकावने दा ।
वारिस शाह मियां इन्हा आशकां नूं, फ़िकर ज़रा ना जिन्द गवावने दा ।
253. रांझे दा होका
होका फिरे दिन्दा पिंडां विच्च, सारे आउ किसे फ़कीर जे होवना जे ।
मंग खावना कंम ना काज करना, ना को चारना ते ना ही चोवना जे ।
ज़रा कन्न पड़ायके सवाह मलणी, गुरू सारे ही जग्ग दा होवना जे ।
ना देहाड़ ना कसब रुज़गार करना, नाढू शाह फिर मुफ़त दा होवना जे ।
नहीं देनी वधायी फिर जंमदे दी, किसे मोए नूं मूल ना रोवना जे ।
मंग खावना अते मसीत सौणा, ना कुझ्झ बोवना ते ना कुझ्झ लोवना जे ।
नाले मंगना ते नाले घूरना ई देणदार ना किसे दा होवना जे ।
ख़शी आपनी उट्ठना मियां वारिस, अते आपनी नींद ही सोवना जे ।
254. टिल्ले जाके जोगी नाल रांझे दी गल्ल बात
टिल्ले जायके जोगी दे हत्थ जोड़े, सानूं आपना करो फ़कीर साईं ।
तेरे दरस दीदार दे देखने नूं, आयां देस परदेस मैं चीर साईं ।
सिदक धार के नाल यकीन आया, असीं चेलड़े ते तुसीं पीर साईं ।
बादशाह सच्चा रब्ब आलमां दा, फ़कर ओस दे हैन वज़ीर साईं ।
बिनां मुरशदां राह ना हत्थ आवे, दुध बाझ ना होवे है खीर साईं ।
याद हक्क दी सबर तसलीम नेहचा, तुसां जग दे नाल की सीर साईं ।
फ़कर कुल जहान दा आसरा है, ताबेह फ़कर दी पीर ते मीर साईं ।
मेरा माउं ना बाप ना साक कोई, चाचा तायआ ना भैन ना वीर साईं ।
दुनियां विच्च हां बहुत उदास होया, पैरों साड्युं लाह ज़ंजीर साईं ।
तैनूं छड्ड के जां मैं होर किस थे, नज़र आंवदा ज़ाहरा पीर साईं ।
255. नाथ
नाथ देख के बहुत मलूक चंचल, अहल तब्हा ते सुहना छैल मुंडा ।
कोयी हुसन दी खान हुशनाक सुन्दर, अते लाडला माउं ते बाप सन्दा ।
किसे दुख तों रुस के उठ आया, इक्के किसे दे नाल पै ग्या धन्दा ।
नाथ आखदा दस्स खां सच्च मैंथे, तूं हैं केहड़े दुख फ़कीर हुन्दा ।
256. तथा
इह जग मकाम फ़नाह दा है, सभ्भा रेत दी कंध इह जीवना है ।
छाउं बद्दलां दी उमर बन्द्यां दी, अज़राईल ने पाड़ना सीवना है ।
अज्ज कल जहान दा सहज मेला, किसे नित्त ना हुकम ते थीवना है ।
वारिस शाह मियां अंत ख़ाक होणा, लख आबे-हआत जे पीवना है ।
257. तथा
हत्थ कंङना पहुंचियां फब रहियां, कन्नी छणकदे सुहने बुन्दड़े ने ।
मंझ पट दियां लुंगियां खेस उत्ते, सिर भिन्ने फुलेल दे जुंडड़े ने ।
सिर कुच्चके बारियांदार छल्ले, कज्जल भिन्नड़े नैन नचन्दड़े ने ।
खान पीन पहरन सिरों माप्यां दे, तुसां जहे फ़कीर क्युं हुन्दड़े ने ।
258. तथा
ख़ाब रात दा जग्ग दियां सभ गल्लां, धन माल नूं मूल ना झूरीए जी ।
पंज भूत विकार ते उदर पापी, नाल सबर संतोख दे पूरीए जी ।
उशन सीत दुख सुख समान जापे, जेहे शाल मशरू तहे भूरीए जी ।
भू आतमा वस रस कस त्यागे, ऐवें गुरू नूं काह वडूरीए जी ।
259. तथा
भोग भोगना दुध ते दहीं पीवें, पिंडा पाल के रात देहुं धोवना हैं ।
खरी कठन है फ़कर दी वाट झागन, मूंहों आख के काह विगोवना हैं ।
वाहें वंझली तरीमतां नित घूरें, गाईं महीं विलायके चोवना हंै ।
सच्च आख जट्टा कही बनी तैनूं, सवाद छड्ड के खेह क्युं होवना हैं ।
260. रांझा
जोगी छड्ड जहान फ़कीर होए, एस जग्ग विच्च बहुत ख़वारियां ने ।
लैन देन ते दग़ा अन्यां करना, लुट घसुट ते चोरियां यारियां ने ।
उह पुरख निरबान पद जा पहुंचे, जिन्हां पंजे ही इन्दरियां मारियां ने ।
जोग देहो ते करो नेहाल मैनूं, केहियां जीऊ ते घुंडियां चाड़्हियां ने ।
एस जट ग़रीब नूं तार ओवें, जिवें अगलियां संगतां तारियां ने ।
वारिस शाह मियां रब शरम रक्खे, जग्ग विच्च मसीबतां भारियां ने ।
261. नाथ
महां देव थों जोग दा पंथ बण्यां, खरी कठन है जोग मुहंम मियां ।
कौड़ा बकबका सवाद है जोग सन्दा, जेही घोल के पीवनी निंम मियां ।
'जहां सुन समाध की मंडली है,' अते झूटना है रिंम झिंम मियां ।
तहां भसम लगायके भसम होणा, पेश जाए नाहीं गरब डिंम्ह मियां ।
262. रांझा
तुसीं जोग दा पंथ बताउ सानूं, शौक जाग्या हरफ़ नगीन्यां दे ।
एस जोग दे पंथ विच्च आ वड़्यां, छुपन ऐब सवाब कमीन्यां दे ।
हरस अग्ग ते सबर दा पवे पाणी, जोग ठंड घत्ते विच्च सीन्यां दे ।
हक फ़कर ही रब दे रहन साबत, होर थिड़कदे अहल खज़ीन्यां दे ।
तेरे दवार ते आण मुहताज होए, असीं नौकर हां बाझ महीन्यां दे ।
तेरा होइ फ़कीर मैं नगर मंगां, छड्डां वायदे एन्हां रोज़ीन्यां दे ।
263. नाथ
एस जोग दे वायदे बहुत औखे, नाद अनहत ते सुन्न वजावना वो ।
जोगी जंगम गोदड़ी जटा धारी, मुंडी निरमला भेख वटावना वो ।
ताड़ी लायके नाथ दा ध्यान धरना, दसवें दवार है सास चड़्हावना वो ।
जंमे आए दा हरख़ ते सोग छड्डे, नहीं मोयां ग्यां पछोतावना वो ।
नाउं फ़कर दा बहुत आसान लैणा, खरा कठन है जोग कमावना वो ।
धो धायके जटां नूं धूप देणा, सदा अंग बिभूत रमावना वो ।
उद्यान वासी जती सती जोगी, झात इसतरी ते नाहीं पावना वो ।
लख ख़ूबसूरत परी हूर होवे, ज़रा जीऊ नाहीं भरमावना वो ।
कन्द मूल ते पोसत अफीम बिज्या, नशा खायके मसत हो जावना वो ।
जग ख़ाब ख्याल है सुपन मातर, हो कमल्यां होश भुलावना वो ।
घत्त मुन्दरां जंगलां विच्च रहणा, बीन किंग ते संख वजावना वो ।
जगन नाथ गोदावरी गंग जमना, सदा तीरथां ते जा न्हावना वो ।
मेले सिद्धां दे खेलणां देस पच्छम, नवां नाथां दा दरशन पावना वो ।
काम करोध ते लोभ हंकार मारन, जोगी ख़ाक दर ख़ाक हो जावना वो ।
रन्नां घूरदा गांवदा फिरें वहशी, तैनूं औख़ड़ा जोग कमावना वो ।
वारिस जोग है कंम निरास्यां दा ,तुसां जट्टां की जोग थों पावना वो ।
264. रांझा
तुसां बख़शना जोग तां करो किरपा, दान करद्यां ढिल नाल लोड़ीए जी ।
जेहड़ा आस करके डिग्गे आण दवारे, जीऊ ओस दा चा ना तोड़ीए जी ।
सिदक बन्न्ह के जेहड़ा चरन लग्गे, पार लाईए विच्च ना बोड़ीए जी ।
वारिस शाह मियां जैंदा कोयी नाहीं, मेहर ओस थों ना विछोड़ीए जी ।
265. नाथ
घोड़ा सबर दा ज़िकर दी वाग दे के, नफ़स मारना कंम भुजंग्यां दा ।
छड्ड ज़रां ते हुकम फ़कीर होवन, इह कंम है माहणूंआं चंग्यां दा ।
इशक करन ते तेग़ दी धार कप्पन, नहीं कंम इह भुख्यां नंग्यां दा ।
जेहड़े मरन सो फ़कर थीं हो वाकिफ़, नहीं कंम इह मरन थीं संग्यां दा ।
एथे थां नाहीं अड़बंग्यां दा, फ़कर कंम है सिरां थों लंघ्यां दा ।
शौक मेहर ते सिदक यकीन बाझों, केहा फ़ायदा टुकड़्यां मंग्यां दा ।
वारिस शाह जो इशक दे रंग रत्ते, कुन्दी आप है रंग द्यां रंग्यां दा ।
266. तथा
जोग करे सो मरन थीं होइ असथिर, जोग सिक्खीए सिखना आया ई ।
नेहचा धार के गुरू दी सेव करीए, इह ही जोगियां दा फ़रमायआ ई ।
नाल सिदक यकीन दे बन्न्ह तकवा, धन्ने पत्थरों रब्ब नूं पायआ ई ।
संसे जीऊ मलीन दे नशट कीते, तुरत गुरू ने रब्ब विखायआ ई ।
बच्चा सुन्न जो विच्च कलबूत ख़ाकी, सच्चे रब्ब ने थाउं बणायआ ई ।
वारिस शाह मियां 'हमां ओसत' जापे, सरब-मयी भगवान नूं पायआ ई ।
267. तथा
माला मणक्यां विच्च ज्युं इक्क धागा, तिवें सरब के बीच समाय रहआ ।
सभ्भा जीवां दे विच्च है जान वांगू, नशा भंग अफीम विच्च आइ रहआ ।
जिवें पत्तरीं महन्दीउं रंग रच्या, तिवें जान जहान विच्च आइ रहआ ।
जिवें रकत सरीर विच्च सास अन्दर, तिवें जोत में जोत समाय रहआ ।
रांझा बन्न्ह के खरच है मगर लग्गा, जोगी आपना ज़ोर सभ लाय रहआ ।
तेरे दवार जोगा हो रहआ हां मैं, जट्ट जोगी नूं ग्यान समझाय रहआ ।
वारिस शाह मियां जेहनूं इशक लग्गा, दीन दुनी दे कंम थीं जाय रहआ ।
268. रांझे ते नाथ दा मेहरबान होना अते चेल्यां दे ताअने
जोगी हो लाचार जां मेहर कीती, तदों चेल्यां बोलियां मारियां नी ।
जीभां सान चड़्हायके गिरद होए, जिवें तिक्खियां तेज़ कटारियां नी ।
देख सुहना रूप जटेटड़े दा, जोग देन दियां करन त्यारियां नी ।
ठरक मुंड्यां दे लग्गे जोगियां नूं, मत्तां जिन्हां दियां रब्ब ने मारियां नी ।
जोग देन ना मूल निमाण्यां नूं, जिन्हां कीतियां मेहनतां भारियां नी ।
वारिस शाह खुशामद ए सुहण्यां दी, गल्लां हक्क दियां ना निरवारियां नी ।
269. नाथ दा चेल्यां नूं उत्तर
ग़ीबत करन बेगानड़ी तायत औगुन, सत्ते आदमी इह गुन्हागार हुन्दे ।
चोर किरतघन चुग़ल ते झूठ-बोले, लूती लावना सत्तवां यार हुन्दे ।
असां जोग नूं गल नहीं बन्न्ह बहणा, तुसीं कास नूं एड बेज़ार हुन्दे ।
वारिस जिन्हां उमीद ना तांग काई, बेड़े तिन्हां दे आकबत पार हुन्दे ।
270. चेल्यां ने ग़ुस्सा करना
रल चेल्यां कावशां कीतियां ने, बाल नाथ नूं पकड़ पथल्ल्यु ने ।
छड्ड दवार उखाड़ भंडार चल्ले, जा रन्द ते वाट सभ मल्यु ने ।
सेल्हियां टोपियां मुन्दरां सुट बैठे, मोड़ गोदड़ी नाथ थे घल्यु ने ।
वारिस रब बख़ील ना होए मेरा, चारे राह नसीब दे मल्यु ने ।
271. रांझा
सुंञा लोक बख़ील है बाब मैंडे, मेरा रब्ब बख़ील ना लोड़ीए जी ।
कीजे ग़ौर ते कंम बना दिज्जे, मिले दिलां नूं ना विछोड़ीए जी ।
इह हुकम ते हुसन ना नित्त रहन्दे, नाल आजज़ां करो ना ज़ोरीए जी ।
कोयी कंम ग़रीब दा करे ज़ायआ, सगों ओस नूं हटकीए होड़ीए जी ।
बेड़ा लद्द्या होवे मुसाफ़रां दा, पार लाईए विच्च ना बोड़ीए जी ।
ज़िमीं नाल ना मारीए फेर आपे, हत्थीं जिन्हां नूं चाड़्हीए घोड़ीए जी ।
भला करद्यां ढिल ना मूल करीए, किस्सा तूल दराज़ ना टोरीए जी ।
वारिस शाह यतीम दी ग़ौर करीए, हत्थ आजज़ां दे नाल जोड़ीए जी ।
272. नाथ
धुरों हुन्दड़े कावशां वैर आए, बुरियां चुग़लियां ध्रोह बख़ीलियां वो ।
मैनूं तरस आया देख ज़ुहद तेरा, गल्लां मिट्ठियां बहुत रसीलियां वो ।
पानी दुध विच्चों कढ लैन चातर, जदों छिल्ल के पाउंदे तीलियां वो ।
गुरू दबक्या मुन्दरां झब्ब ल्याउ, छड्ड देहो गल्लां अणखीलियां वो ।
नहीं ड्रन हुन मरन थीं भौर आशक, जिन्हां सूलियां सिरां ते सीलियां वो ।
वारिस शाह फिर नाथ ने हुकम कीता, कढ अक्खियां नीलियां पीलियां वो ।
273. चेल्यां ने नाथ दा हुकम मन्न लैणा
चेल्यां गुरू दा हुकम परवान कीता, जाय सुरग दियां मिट्टियां मेलियां ने ।
सभ्भा तिन्न सौ स्ट्ठ जां भवें तीरथ, वाच गुरां दे मंतरां कीलियां ने ।
नवें नाथ बवंजड़ा बीर आए, चौंसठ जोगनां नाल रसीलियां ने ।
छे जती ते दसे अवतार आए, विच्च आबे ह्यात दे झीलियां ने ।
274. चेल्यां ने रांझे लई त्यार कीतियां मुन्दरां ल्यांदियां
दिन चार बणाय सुकाय मुन्दरां, बाल नाथ दी नज़र गुज़ार्या ने ।
ग़ुस्से नाल विगाड़ के गल्ल सारी, ड्रदे गुरू थीं चा सवार्या ने ।
ज़ोरावरां दी गल्ल है बहुत मुशकल, जान बुझ के बदी विसार्या ने ।
गुरू केहा सो एन्हां परवान कीता, नरदां पुट्ठियां ते बाज़ी हार्या ने ।
घुट वट के करोध नूं छमा कीता, कायी मोड़ के गल्ल ना सार्या ने ।
ल्याइ उसतरा गुरू दे हत्थ दित्ता, जोगी करन दी नीत चा धार्या ने ।
वारिस शाह हुन हुकम दी पई फेटी, लख वैरियां धक के मार्या ने ।
275. बाल नाथ ने रांझे नूं जोग देणा
बाल नाथ ने साम्हने सद्द धीदो, जोग देन नूं पास बहाल्या सू ।
रोड भोड होया सवाह मली मूंह ते, सभ्भो कोड़मे दा नाउं गाल्या सू ।
कन्न पाड़के झाड़ के लोभ बोदे, इक्क पलक विच्च मुन्न विखाल्या सू ।
जिवें पुत्तरां ते करे मेहर जणनी, जापे दुध पवा के पाल्या सू ।
छार अंग रमाय सिर मुन्न अक्खीं, पा मुन्दरां चा नवाल्या सू ।
ख़बरां कुल जहान विच्च खिंड गईआं, रांझा जोगीड़ा सार विखाल्या सू ।
वारिस शाह मियां सुन्यार वांगूं, जट फेर मुड़ भन्न के गाल्या सू ।
276. रांझे नूं जोगी ने नसीहत देणी
दित्ती दीख्या रब दी या दस्सी, गूर जोग दे भेत नूं पाईए जी ।
नहा धोइ प्रभात विभूत मलीए, चाय किसवत अंग वटाईए जी ।
सिंगी फाहुड़ी खप्परी हत्थ लै के, पहले रब्ब दा नाउं ध्याईए जी ।
नगर अलख जगायके जा वड़ीए, पाप जान जे नाद वजाईए जी ।
सुखी दवार वसे जोगी भीख मांगे, दईए दुआ असीस सुणाईए जी ।
इसी भांत सों नगर दी भीख लै के, मसत लटकदे दवार को आईए जी ।
वड्डी माउं है जान के करो निसचा, छोटी भैन मिसाल कराईए जी ।
वारिस शाह यकीन दी कुल्हा पहदी, सभो सत्त है सत्त ठहराईए जी ।
277. रांझा नाथ अग्गे विटर ग्या
रांझा आखदा मगर ना पवो मेरे, कदी कहर दे वाक हटाईए जी ।
गुरू मत तेरी सानूं नहीं पुंहदी, गल घुट्ट के चाय लंघाईए जी ।
पहले चेल्यां नूं चा हीज़ करीए, पिच्छों जोग दी रीत बताईए जी ।
इक्क वार जो दस्सना दस्स छड्डो, घड़ी घड़ी ना गुरू अकाईए जी ।
करतूत जे एहा सी सभ तेरी, मुंडे ठग के लीक नाल लाईए जी ।
वारिस शाह शागिरद ते चेलड़े नूं, कोयी भली ही मत सिखाईए जी ।
278. नाथ
कहे नाथ रंझेट्या समझ भाई, सिर चायउयी जोग भरोटड़ी नूं ।
अलख नाद वजायके करो निसचा, मेल ल्यावना टुकड़े रोटड़ी नूं ।
असीं मुख आलूद ना जूठ करीए, चार ल्यावीए आपनी खोतड़ी नूं ।
वडी माउं बराबर जाणनी है, अते भैन बराबरां छोटड़ी नूं ।
जती सती निमाण्यां हो रहीए, साबत रक्खीए एस लंगोटड़ी नूं ।
वारिस शाह मियां लै के छुरी काई, वढ्ढ दूर करीं एस बोटड़ी नूं ।
279. रांझा
साबत होए लंगोटड़ी सुणीं नाथा, काहे झुग्गड़ा चाय उजाड़दा मैं ।
जीभ इशक थों रहे जे चुप मेरी, काहे ऐडड़े पाड़ने पाड़दा मैं ।
जीऊ मार के रहन जे होए मेरा, ऐडे मुआमले कासनूं धारदा मैं ।
एस जीऊ नूं नढड़ी मोह लीता, नित्त फ़कर दा नाउं चितारदा मैं ।
जे तां मसत उजाड़ विच्च जा बहन्दा, महीं स्यालां दियां कासनूं चारदा मैं ।
सिर रोड़ कराय क्युं कन्न पाटन, जे तां किबर हंकार नूं मारदा मैं ।
जे मैं जाणदा हस्सणों मन्हां करना, तेरे टिल्ले 'ते धार ना मारदा मैं ।
जे मैं जाणदा कन्न तूं पाड़ मारो, इह मुन्दरां मूल ना साड़दा मैं ।
इके कन्न सवार दे फेर मेरे, इक्के घतूं ढलैत सरकार दा मैं ।
होर वायदा फ़िकर ना कोयी मैंथे, वारिस रखदा हां ग़म यार दा मैं ।
280. नाथ
खाय रिज़क हलाल ते सच्च बोलीं, छड्ड दे तूं यारियां चोरियां वो ।
उह छड्ड तकसीर मुआफ़ तेरी, जेहड़ियां पिछलियां सफ़ां नखोरियां वो ।
उह छड्ड चाले गुआरपुने वाले, चुन्नी पाड़ के घत्यु मोरियां वो ।
पिच्छा छड्ड जट्टा ल्या सांभ खसमा, जेहड़ियां पाड़ीउं खंड दियां बोरियां वो ।
जोइ राहकां जोतरे ला दित्ते, जेहड़ियां अरलियां भन्नियां धोरियां वो ।
धो धाय के मालकां वरत लईआं, जेहड़ियां चाटियां कीत्युं खोरियां वो ।
रले विच्च तैं रेड़्हआ कंम चोरीं, कोयी खरचियां नाहीउं बोरियां वो ।
छड्ड सभ बुर्याईआं ख़ाक हो जा, ना कर नाल जगत दे ज़ोरियां वो ।
तेरी आजज़ी अजज़ मनज़ूर कीते, तां मैं मुन्दरां कन्न विच्च सोरियां वो ।
वारिस शाह ना आदतां जांदियां ने, भांवें कट्टीए पोरियां पोरियां वो ।
281. रांझा
नाथा ज्यूंद्यां मरन है खरा औखा, साथों इह ना वायदे होवने नी ।
असीं जट हां नाड़ियां करन वाले, असां कचकड़े नहीं परोवने नी ।
ऐवें कन्न पड़ायके ख़ुआर होए, साथों नहीं हुन्दे एडे रोवने नी ।
साथों खप्परी नाद ना जान सांभे, असां ढग्गे ही अंत नूं जोवने नी ।
रन्नां नाल जो वरजदे चेल्यां नूं, उह गुरू ना बन्न्ह के चोवने नी ।
हस्स खेडना तुसां चा मन्हा कीता, असां धूंएं दे गोहे कहे ढोवने नी ।
वारिस शाह की जाणीए अंत आख़र, खट्टे चोवने कि मिट्ठे चोवने नी ।
282. नाथ
छड्ड यारियां चोरियां दग़ा जट्टा बहुत औखिया इह फ़कीरियां नी ।
जोग जालना सार दा निगलना है, इस जोग विच्च बहुत ज़हीरियां नी ।
जोगी नाल नसीहतां हो जांदे, जिवें उठ दे नक्क नकीरियां नी ।
तूम्बा सिमरना खप्परी नाद सिंङी, चिमटा भंग नलीएर ज़ंजीरियां नी ।
छड तरीमतां दी झाक होइ जोगी, फ़कर नाल जहान की सीरियां नी ।
वारिस शाह इह जट फ़कीर होया, नहीं हुन्दियां गधे थों पीरियां नी ।
283. रांझा
सानूं जोग दी रीझ तदोकनी सी, जदों हीर स्याल महबूब कीते ।
छड देस शरीक कबीलड़े नूं, असां शरम दा तरक हजूब कीते ।
रल हीर दे नाल सी उमर जाली, असां मज़े जवानी दे ख़ूब कीते ।
हीर छत्त्यां नाल मैं मस्स भिन्ना, असां दोहां ने नशे मरग़ूब कीते ।
होया रिज़क उदास ते गल हिल्ली, माप्यां व्याह दे चा असलूब कीते ।
देहां कंड दित्ती भवीं बुरी सायत, नाल खेड़्यां दे मनसूब कीते ।
प्या वकत तां जोग विच्च आण फाथे, इह वायदे आण मतलूब कीते ।
इह इशक ना टले पैगम्बरां थों, थोथे इशक थीं हड्ड अयूब कीते ।
इशक नाल फरज़न्द अज़ीज़ यूसफ़, नाअरे दरद दे बहुत याकूब कीते ।
एस ज़ुलफ ज़ंजीर महबूब दी ने, वारिस शाह जेहे मजज़ूब कीते ।
284. बाल नाथ ने दरगाह अन्दर अरज़ कीती
नाथ मीट अक्खां दरगाह अन्दर, नाले अरज़ करदा नाले संगदा जी ।
दरगाह लाउबाली है हक्क वाली, ओथे आदमी बोलदा हंगदा जी ।
ज़िमीं अते असमान दा वारिसी तूं, तेरा वड्डा पसार है रंग दा जी ।
रांझा जट्ट फ़कीर हो आण बैठा, लाह आसरा नाम ते नंग दा जी ।
सभ छड्डियां बुर्याईआं बन्न्ह तकवा, नाह आसरा साक ते अंग दा जी ।
मार हीर दे नैणां ने ख़ुआर कीता, लग्गा जिगर विच्च तीर खदंग दा जी ।
एस इशक ने मार हैरान कीता, सड़ ग्या ज्युं अंग पतंग दा जी ।
कन्न पाड़ मुनायके सीस दाड़्ही, पीए बह प्यालड़ा भंग दा जी ।
जोगी हो के देस त्याग आया, रिज़क रोही ज्युं कूंज कुलंग दा जी ।
तुसीं रब्ब ग़रीब निवाज़ साहब, सवाल सुणना एस मलंग दा जी ।
कीकूं हुकम है खोल के कहो असली, रांझा हो जोगी हीर मंगदा जी ।
पंजां पीरां दरगाह विच्च अरज़ कीती, द्यु फ़कर नूं चरम पलंग दा जी ।
होया हुकम दरगाह थीं हीर बखशी, बेड़ा ला दित्ता असां ढंग दा जी ।
वारिस शाह हुन जिन्हां नूं रब बखशे, तिन्हां नाल की महकमा जंग दा जी ।
285. नाथ
नाथ खोल अक्खीं केहा रांझने नूं, बच्चा जाह तेरा कंम होया ई ।
फल आण लग्गा ओस बूटड़े नूं, जेहड़ा विच्च दरगाह दे बोया ई ।
हीर बखश दित्ती सच्चे रब तैनूं, मोती लाल दे नाल परोया ई ।
चड़्ह दौड़ के जित्त लै खेड़्यां नूं, बच्चा सउन तैनूं भला होया ई ।
कमर कस्स उदासियां बन्न्ह लईआं, जोगी तुरत त्यार वी होया ई ।
खुशी दे के करो विदा मैनूं, हत्थ बन्न्ह के आण खलोया ई ।
वारिस शाह जां नाथ ने विदा कीता, टिल्युं उत्तरदा पत्तरा होया ई ।
286. रांझा टिल्ले तो तुर प्या
जोगी नाथ थों ख़ुशी लै विदा होया, छुटा बाज़ ज्युं तेज़ तरार्यां नूं ।
पलक झलक विच्च कंम हो ग्या उसदा, लग्गी अग्ग जोगील्यां सार्यां नूं ।
मुड़ के धीदो ने इक्क जवाब दित्ता, ओहनां चेल्यां हैंस्यार्यां नूं ।
भले करम जे होन तां जोग पाईए, जोग मिले ना करमां दे मार्यां नूं ।
असीं जट्ट अणजान सां फस गए, करम कीता सू असां विचार्यां नूं ।
वारिस शाह जां अल्लाह करम करदा, हुकम हुन्दा है नेक सितार्यां नूं ।
287. तथा
जदों करम अल्लाह दा करे मद्दद, बेड़ा पार हो जाए निमाण्यां दा ।
लहना करज़ नाहीं बूहे जाय बहीए, केहा तान है असां निताण्यां दा ।
मेरे करम सवल्लड़े आण पहुंचे, खेत जंम्यां भुन्न्यां दाण्यां दा ।
वारिस शाह मियां वड्डा वैद आया, सरदार है सभ स्याण्यां दा ।
288. लोकां दियां गल्लां
जेहड़े पिंड च आवे ते लोक पुच्छन, इह जोगीड़ा बालड़ा छोटड़ा नी ।
कन्नीं मुन्दरां एस नूं ना फब्बन, इहदे तेड़ ना बने लंगोटड़ा नी ।
सत्त जरम के हमीं हैं नाथ पूरे, कदी वाहआ नाहीं जोतरा नी ।
दुख भंजन नाथ है नाम मेरा, मैं धनवंतरी वैद दा पोतरा नी ।
जे को असां दे नाल दम मारदा है, एस जग तों जाएगा औतरा नी ।
हीरा नाथ है वड्डा गुरू देव लीता, चले ओस का पूजने चौतरा नी ।
वारिस शाह जो कोयी लए खुशी साडी, दुद्ध पुतरां दे नाल सौंतरा नी ।
289. रांझे ने चाले पा दित्ते
धाय टिल्युं रन्द लै खेड़्यां दा, चल्ल्या मींह ज्युं आंवदा वुठ उत्ते ।
काअबा रक्ख मत्थे रब याद करके, चड़्हआ खेड़्यां दी सज्जी गुट्ठ उत्ते ।
नशे नाल झुलारदा मसत जोगी, जिवें सुन्दरी झूलदी उट्ठ उत्ते ।
चिप्पी खपरी फाहुड़ी डंडा कूंडा, भंग पोसत बद्धे चा पिठ उत्ते ।
एवें सरकदा आंवदा खेड़्यां नूं, जिवें फ़ौज सरकार दी लुट्ट उत्ते ।
बैराग सन्यास ज्युं लड़न चल्ले, रक्ख हत्थ तलवार दी मुट्ठ उत्ते ।
वारिस शाह सुलतान ज्युं दौड़ कीती, चड़्ह आया ई मथरा दी लुट्ट उत्ते ।
290. जोगी बण के रांझा रंग पुर आया
रांझा भेस वटायके जोगियां दा उठ हीर दे शहर नूं धांवदा ए ।
भुखा शेर ज्युुं दौड़दा मार उते, चोर विठ उते जिवें आंवदा ए ।
चा नाल जोगी ओथों सरक टुर्या, जिवें मींह अंधेर दा आंवदा ए ।
देस खेड़्यां दे रांझा आ वड़्या, वारिस शाह याल बुलांवदा ए ।
291. आजड़ी अते रांझे दे सवाल जवाब
जदों रंगपुर दी जूह जा वड़्या, भेडां चारे याली विच्च बार दे जी ।
नेड़े आइके जोगी नूं वेखदा है, जिवें नैन वेखन नैन यार दे जी ।
झस्स चोर ते चुग़ल दी जीभ वांगूं, गुझ्झे रहन ना दीदड़े यार दे जी ।
चोर यार ते ठग ना रहन गुझ्झे, कित्थे छपदे आदमी कार दे जी ।
तुसीं केहड़े देस दे फ़कर साईं, सुख़न दस्सखां खोल्ह निरवारदे जी ।
हमीं लंक बाशी चेले अगसत मुनि दे, हमीं पंछी समुन्दरों पार दे जी ।
बारां बरस बैठे बारां बरस फिरदे, मिलन वाल्यां दी कुल तारदे जी ।
वारिस शाह मियां चारे चक भौंदे, हमीं कुदरतां कूं दीद मारदे जी ।
292. आजड़ी
तूं तां चाक स्यालां दा नाउं धीदो, छड्ड खचर पौ कुल हंजार दे जी ।
मझीं चूचके दिया जदों चारदा सैं, नढ्ढी माणदा सैं विच्च बार जी ।
तेरा मेहना हीर स्याल ताईं, आम ख़बर सी विच संसार दे जी ।
नस्स जा एथों मार सुट्टणीगे, खेड़े अत्त चड़्हे भरे भारदे जी ।
देस खेड़्यां दे ज़रा खबर होवे, जान तखत हज़ारे नूं मार दे जी ।
भज्ज जा मतां खेड़े लाध करनी, प्यादे बन्न्ह लै जान सरकार दे जी ।
मार चूर कर सुट्टने हड्ड गोडे, मलक गोर अज़ाब कहार दे जी ।
वारिस शाह ज्युं गोर विच्च हड्ड कड़कन, गुरज़ां नाल आसी गुन्हागार दे जी ।
293. आजड़ी नाल रांझे दी गल्ल बात
इज्जड़ चारना कंम पैग़बरां दा, केहा अमल शैतान दा तोल्यु ई ।
भेडां चार के तुहमतां जोड़णां एं, केहा ग़ज़ब फ़कीर ते बोल्यु ई ।
असीं फ़कर अल्लाह दे नाग काले, असां नाल की कोइला घोल्यु ई ।
वाही छड्ड के खोलियां चारियां नी, होइउं जोगीड़ा जीऊ जां डोल्यु ई ।
सच्च मन्न के पिछांह मुड़ जाह जट्टा, केहा कूड़ दा घोलना घोल्यु ई ।
वारिस शाह इह उमर नित्त करें ज़ायआ, शक्कर विच्च प्याज़ क्युं घोल्यु ई ।
294. आजड़ी
अवे सुनी चाका सवाह ला मूंह ते, जोगी होइके नज़र भुआ बैठों ।
हीर स्याल दा यार मशहूर रांझा, मौजां मान के कन्न पड़वा बैठों ।
खेड़े व्याह ल्याए मूंह मार तेरे, सारी उमर दी लीक लवा बैठों ।
तेरे बैठ्यां व्याह लै गए खेड़े, दाड़्ही पर्हे दे विच्च मुना बैठों ।
मंग छड्डीए ना जे जान होवे, वन्नी दित्तियां छड ह्या बैठों ।
जदों डिठोयी दाउ ना लग्गे कोई, बूहे नाथ दे अंत नूं जा बैठों ।
इक्क अमल ना कीतोयी ग़ाफ़ला वो, ऐवें कीमियां उमर गुआ बैठों ।
सिर वढ्ढ कर सन तेरे चा बेरे, जिस वेलड़े खेड़ीं तूं जा बैठों ।
वारिस शाह तर्याक दी थां नाहीं, हत्थीं आपने ज़हर तूं खा बैठों ।
295. रांझा
सत जरम के हमीं फ़कीर जोगी, नहीं नाल जहान दे सीर मियां ।
असां सेल्हियां खपरां नाल वरतन, भीख खायके होणां वहीर मियां ।
भला जान जट्टा कहें चाक सानूं, असीं फ़कर हां ज़ाहरा पीर मियां ।
नाउं मेहरियां दे ल्यां ड्रन आवे, रांझा कौन ते केहड़ी हीर मियां ।
जती सती हठी तपी नाथ पूरे, सत जनम के गहर गंभीर मियां ।
जट चाक बणाउन नाहीं जोगियां नूं, एही जीऊ आवे स्टूं चीर मियां ।
थरा थर कम्बे ग़ुस्से नाल जोगी, अक्खीं रोह पलट्या नीर मियां ।
हत्थ जोड़ याल ने पैर पकड़े, जोगी बखश लै इह तकसीर मियां ।
तुसीं पार समुन्दरों रहन वाले, भुल ग्या चेला बखश पीर मियां ।
वारिस शाह दा अरज़ जनाब अन्दर, सुन होइ नाहीं दिलगीर मियां ।
296. आजड़ी
भत्ते बेल्यां विच्च लै जाए जट्टी, पींघां पींघदी नाल प्यारियां दे ।
इह प्रेम प्यालड़ा झोक्युई, नैन मसत सन विच्च ख़ुमारियां दे ।
वाहें वंझली ते फिरे मगर लग्गी, हांझ घिन के नाल कुआरियां दे ।
जदों व्याह होया तदों वेहर बैठी, डोली चाड़्हआ ने नाल ख़ुआरियां दे ।
धारां खांगड़ां दियां झोकां हाणियां दियां, मज़े खूबां दे घोल कुआरियां दे ।
मसां नींगरां दियां लाड नढ्ढियां दे, इशक कुआरियां दे मज़े यारियां दे ।
जट्टी व्याह दित्ती रहउं नीधरा तूं, सुंञे सखने तौक पटारियां दे ।
खेडन वालियां साहुरे बन्न्ह खड़ियां, रुलन छमकां हेठ बुख़ारियां दे ।
बुढ्ढा होइके चोर मसीत वड़दा, रल फिरदा है नाल मदारियां दे ।
गुंडी रन्न बुढ्ढी हो बने हाजन, फेरे मोरछर गिरद प्यारियां दे ।
पर्हां जा जट्टा मार सुट्टणीगे, नहीं छुपदे यार कवारियां दे ।
कारीगरी मौकूफ़ कर मियां वारिस, तैथे वल हैं पावन छारियां दे ।
297. रांझे मन्न्यां कि आजड़ी ठीक ए
तुसीं अकल दे कोट याल हुन्दे, लुकमान हकीम दसतूर है जी ।
बाज़ भौर बगला लोहा लौंग कालू, शाहीं शीहनी नाल कसतूर है जी ।
लोहा पशम पिसता डब्बा मौत सूरत, कालू अज़राईल मनज़ूर है जी ।
पंजे बाज़ जेहे लक वांग चीते, पहुंचा वग्ग्या मिरग सभ दूर है जी ।
चक्क शींह वांगूं गज्ज मींह वांगूं, जिस नूं दन्द मारन हड्ड चूर है जी ।
किसे पास ना खोलना भेत भाई, जो कुझ्झ आख्यु सभ मनज़ूर है जी ।
आ प्या परदेस विच्च कंम मेरा, लईए हीर इक्के सिर दूर है जी ।
वारिस शाह हुन बनी है बहुत औखी, अग्गे सुझ्झदा कहर कलूर है जी ।
298. रांझा
भेत दस्सना मरद दा कंम नाहीं, मरद सोयी जो वेख दंम घुट जाए ।
गल्ल जीऊ दे विच्च ही रहे खुफ़िया, काउं वांग पैख़ाल ना सुट्ट जाए ।
भेत किसे दा दस्सना भला नाहीं, भांवें पुच्छ के लोक निखुट्ट जाए ।
वारिस शाह ना भेत-सन्दूक खोल्हन, भावें जान दा जन्दरा टुट्ट जाए ।
299. आजड़ी
मार आशकां दी लज्ज लाहियाई, यारी लायके घिन्न लै जावनी सी ।
अंत खेड़्यां हीर लै जावनी सी, यारी ओस दे नाल क्युं लावनी सी ।
एडी धुंम क्युं मूरखा पावनी सी, नहीं यारी ही मूल ना लावनी सी ।
उस दे नाल ना कौल करार करदों, नहीं यारी ही समझके लावनी सी ।
कटक तख़त हज़ारे दा ल्या के ते, हाज़र कद सभ जंञ बणावनी सी ।
तेरी फ़तेह सी मूरखा दोहीं दाहीं, एह वार ना मूल गवावनी सी ।
इके हीर नूं मार के डोब देंदे, इके हीर ही मार मुकावनी सी ।
इके हीर वी कढ्ढ लै जावनी सी, इके खूह दे विच पावनी सी ।
नाल सेहर्यां हीर व्याहवनी सी, हीर अग्गे शहीदी पावनी सी ।
बणें ग़ाज़ी जे मरें शहीद होवें, एह ख़लक तेरे हत्थ आवनी सी ।
तेरे मूंह ते जट्ट हंढांवदा ए ज़हर खाय के ही मर जावनी सी ।
इक्के यारी तैं मूल ना लावनी सी, चिड़ी बाज़ दे मूंहों छडावनी सी ।
लै गए व्याह के जीऊंदा मर जाएं, एह लीक तूं काहे लावनी सी ।
मर जावणां सी दर यार दे ते, इह सूरत क्युं गधे चड़्हावनी सी ।
वारिस शाह जे मंग लै गए खेड़े, दाड़्ही परे दे विच्च मुनावनी सी ।
300. रांझा
अक्खीं वेख के मरद हन चुप्प करदे, भांवें चोर ई झुग्गड़ा लुट जाए ।
देना नहीं जे भेत विच्च खेड़्यां दे, गल्ल ख़ुआर होवे कि खिंड फुट जाए ।
तोदा खेड़्यां दे बूहे अड्ड्या ए मतां चांग निशानड़ा चुट जाए ।
हाथी चोर गुलेर थीं छुट जांदे, एहा कौन जो इशक थीं छुट जाए ।
301. आजड़ी
असां रांझ्या हस्स के गल्ल कीती, जा ला लै दाउ जे लग्गदा ई ।
लाट रहे ना जीऊ दे विच्च लुकी, इह इशक अलम्बड़ा अग्ग दा ई ।
जा वेख माअशूक दे नैन ख़ूनी, तैनूं नित उलांहबड़ा जग दा ई ।
समां यार दा ते घस्सा बाज़ वाला, झुट चोर दा ते दाउ ठग दा ई ।
लै के नढ्ढड़ी नूं छिनक जा चाका, सैदा साक ना साडड़ा लगदा ई ।
वारिस कन्न पाटे महीं चार मुड़्युं, अजे मुक्का ना मेहना जग्ग दा ई ।
302. तथा
सुन मूरखा फेर जे दाउ लग्गे, नाल सहती दे झगड़ा पावना ई ।
सहती वड्डी झगड़ैल मरीकनी है, ओहदे नाल मत्था जा लावना ई ।
होसी झगड़्युं मुशकल आसान तेरी, नाले घूरना ते नाले खावना ई ।
चौदां तबक दे मकर उह जाणदी ए ज़रा ओस दे मकर नूं पावना ई ।
कदम पकड़सी जोगिया आइ तेरे, ज़रा सहती दा जीऊ ठहरावना ई ।
वारिस शाह है वड्डी उशटंड सहती, कोयी कशफ़ दा ज़ोर विखावना ई ।
303. रांझा
मरद बाझ महरी पानी बाझ धरती, आशक डिठड़े बाझ ना रज्जदे ने ।
लख सिरीं अवल्ल सवल्ल आवन, यार यारां थों मूल ना भज्जदे ने ।
भीड़ां बणदियां अंग वटाय देंदे, परदे आशकां दे मरद कज्जदे ने ।
दा चोर ते यार दा इक्क सायत, नहीं वस्सदे मींह जो गज्जदे ने ।
304. रांझा रंगपुर खेड़ीं पुज्जा
रांझे अग्गे याल ने कसम खाधी, नगर खेड़्यां दे जाय धस्स्या ई ।
यारो कौन गिराउं सरदार केहड़ा, कौन लोक कदोकना वस्स्या ई ।
अग्गे पिंड दे खूह ते भरन पाणी, कुड़ियां घत्त्या हस्स ख़रखस्स्या ई ।
यार हीर दा भावें ते इह जोगी, किसे लभ्या ते नाहीं दस्स्या ई ।
पानी पी ठंडा छांवें घोट बूटी, सुन पिंड दा नाउं खिड़ हस्स्या ई ।
इहदा नाउं है रंगपुर खेड़्यां दा, किसे भाग भरी चा दस्स्या ई ।
अरी कौन सरदार है भात खाणी, सख़ी शूम केहा ल्या जस्स्या ई ।
अज्जू नाम सरदार ते पुत सैदा, जिस ने हक्क रंझेटे दा खस्स्या ई ।
बाग़ बाग़ रंझेटड़ा हो ग्या, जदों नाउं जटेटियां दस्स्या ई ।
सिंङी खप्परी बन्न्ह त्यार होया, लक्क चा फ़कीर ने कस्स्या ई ।
कदी लए हूलां कदी झूलदा ए कदी रो प्या कदी हस्स्या ई ।
वारिस शाह किरसान ज्युं हण राज़ी, मींह औड़ दे देहां ते वस्स्या ई ।
305. रांझे दुआले गभ्भरू
आ जोगिया केहा इह देस डिट्ठो, पुच्छन गभ्भरू बैठ विच्च दारियां दे ।
ओथे झल्ल मसतानियां करे गल्लां, सुख़न सुनो कन्न पाट्यां प्यार्यां दे ।
करां कौन सलाह मैं खेड़्यां दी, डार फिरन चौतरफ़ कवारियां दे ।
मार आशकां नूं करन चा बेरे, नैन तिखड़े नोक कटारियां दे ।
देन आशकां नूं तोड़े नाल नैणां, नैन रहन नाहीं हर्यारियां दे ।
एस जोबने दियां वणजारियां नूं, मिले आण सौदागर यारियां दे ।
सुरमा फुल दन्दासड़ा सुरख़ महन्दी, लुट लए ने हट्ट पसारियां दे ।
नैणां नाल कलेजड़ा छिक कढ्ढन, दिसन भोलड़े मुख विचारियां दे ।
जोगी वेख के आण चौगिरद होईआं, छुट्टे पर्हे विच्च नाग़ पटारियां दे ।
ओथे खोल्ह के अक्खियां हस्स पौंदा, डिठे ख़ाब विच्च मेल कवारियां दे ।
आन गिरद होईआं बैठा विच्च झूले, बादशाह ज्युं विच्च अंमारियां दे ।
वारिस शाह ना रहन निचल्लड़े बह, जिन्हां नरां नूं शौक ने नारियां दे ।
306. रांझा
माही मुंड्यु घरीं ना जा कहणा, जोगी मसत कमला इक्क आइ वड़्या ।
कन्नीं मुन्दरां सेल्हियां नैन सुन्दर, दाड़्ही पटे सिर भवां मुनाय वड़्या ।
जहां नाउं मेरा कोई जा लैंदा, महा देव लै दौलतां आइ वड़्या ।
किसे नाल कुदरत फुल्ल जंगले थीं, किवें भुल भुलावड़े आइ वड़्या ।
वारिस कंम सोई जेहड़े रब्ब करसी, मैं तां ओस दा भेज्या आइ वड़्या ।
307. कुड़ियां दियां घर जा के गल्लां
कुड़ियां वेख के जोगी दी तबाय सारी, घरीं हस्सदियां हस्सदियां आईआं ने ।
माए इक्क जोगी साडे नगर आया, कन्नीं मुन्दरां ओस ने पाईआं ने ।
नहीं बोलदा बुरा ज़बान विच्चों, भावें भिच्छ्या नाहीउं पाईआं ने ।
हत्थ खप्परी फाहुड़ी मोढ्यां ते, गल सेल्हियां अजब बणाईआं ने ।
अरड़ांवदा वाग जलालियां दे, जटां वांग मदारियां छाईआं ने ।
ना उह मुंडिया गोदड़ी नाथ जंगम, ना उदासियां विच्च ठहराईआं ने ।
प्रेम-मत्तियां अक्खियां रंग भरियां, सदा गूड़्हियां लाल सवाईआं ने ।
ख़ूनी बांकियां नशे दे नाल भरियां, नैणां खीवियां सान चड़्हाईआं ने ।
कदी संगली सुट्ट के शगन वाचे, कदी औंसियां सवाह ते पाईआं ने ।
कदी किंग वजायके खड़्हा रोवे, कदी संख ते नाद घूकाईआं ने ।
अट्ठे पहर अल्लाह नूं याद करदा, ख़ैर ओस नूं पाउंदियां माईआं ने ।
नशे बाझ भवां उहदियां मत्तियां ने, मिरगाणियां गले बणाईआं ने ।
जटां सुंहदियां छैल ओस जोगीड़े नूं, जिवें चन्द दवाले घटां आईआं ने ।
ना कोइ मारदा ना किसे नाल लड़्या, नैणां ओस द्यां झम्बरां लाईआं ने ।
कोई गुरू पूरा ओस नूं आण मिल्या, कन्न छेद के मुन्दरां पाईआं ने ।
वारिस शाह चेला बालनाथ दा ए झोकां प्रेम दियां किसे ते लाईआं ने ।
308. हीर दी ननान सहती ने हीर नूं जोगी बारे दस्सणा
घर आइ निनान ने गल्ल कीती, हीरे इक्क जोगी नवां आया नी ।
कन्नीं ओस दे दरशनीं मुन्दरां ने, गल हैंकला अजब सुहाहआ नी ।
फिरे ढूंडदा विच्च हवेलियां दे, कोई ओस ने लाल गवायआ नी ।
नाले गांवदा ते नाले रोंवदा ए वड्डा ओस ने रंग वटायआ नी ।
हीरे किसे रजवंस दा उह पुत्तर, रूप तुध थीं दून सवायआ नी ।
विच्च त्रिंञणां गांवदा फिरे भौंदा, अंत ओसदा किसे ना पायआ नी ।
फिरे वेखदा वहुटियां छैल कुड़ियां, मन किसे ते नहीं भरमायआ नी ।
काई आखदी प्रेम दी चाट लग्गी, तां ही ओस ने सीस मुनायआ नी ।
काई आखदी किसे दे इशक पिच्छे, बुन्दे लाह के कन्न पड़ायआ नी ।
कहन तखत हज़ारे दा इह रांझा, बाल नाथ तों जोग ल्याया नी ।
वारिस इह फ़कर तां नहीं ख़ाली, किसे कारने ते उते आया नी ।
309. हीर
मुठी मुठी इह गल्ल ना करो भैणां, मैं सुणद्यां ई मर गई जे नी ।
तुसां इह जदोकनी गल्ल टोरी, खली तली ही मैं लह गई जे नी ।
गए टुट सतरान ते अकल डुब्बी, मेरे धुख कलेजड़े पई जे नी ।
कीकूं कन्न पड़ायके जींवदा ए गल्लां सुणद्यां ही जिन्द गई जे नी ।
रोवां जदों सुण्यां ओसदे दुखड़े नूं, मुट्ठी मीट के मैं बह गई जे नी ।
मस्सु-भिन्ने दा नाउं जां लैंदियां हो, जिन्द सुणद्यां ही लुड़्ह गई जे नी ।
किवें वेखीए ओस मसतानड़े नूं, जिस दी त्रिंञणां विच्च धुंम पई जे नी ।
वेखां केहड़े देस दा उह जोगी, ओस थों कैन प्यारी रुस्स गई जे नी ।
इक्क पोसत धतूरा भंग पी के, मौत ओस ने मुल्ल क्युं लई जे नी ।
जिस दा माउं ना बाप ना भैन भाई, कौन करेगा ओस दी रई जे नी ।
भावें भुखड़ा राह विच्च रहे ढट्ठा, किसे ख़बर ना ओस दी लई जे नी ।
हाए हाए मुट्ठी उहदी गल्ल सुन के, मैं तां निघ्घड़ा बोड़ हो गई जे नी ।
नहीं रब दे ग़ज़ब तों लोक ड्रदे, मत्थे लेख दी रेख वह गई जे नी ।
जिस दा चन्न पुत्तर सवाह ला बैठा, दित्ता रब दा माउं सह गई जे नी ।
जिस दे सोहने यार दे कन्न पाटे, उह तां नढ्ढड़ी चौड़ हो गई जे नी ।
वारिस शाह फिरे दुक्खां नाल भर्या, ख़लक मगर क्युं ओस दे पई जे नी ।
310. तथा
रब्ब झूठ ना करे जे होए रांझा, तां मैं चौड़ होई मैनूं पट्ट्या सू ।
अग्गे अग्ग फ़िराक दी साड़ सुट्टी, सड़ी बली नूं मोड़ के फट्ट्या सू ।
नाले रन्न गई नाले कन्न पाटे, आख इशक थीं नफ़ा की खट्या सू ।
मेरे वासते दुखड़े फिरे जरदा, लोहा ताय जीभे नाल चट्ट्या सू ।
बुक्कल विच्च चोरी चोरी हीर रोवे, घड़ा नीर दा चा पलट्ट्या सू ।
होया चाक मली पिंडे खाक रांझे, लाह नंग नामूस नूं स्ट्ट्या सू ।
वारिस शाह इस इशक दे वनज विच्चों, जफा जाल की खट्ट्या वट्ट्या सू ।
311. हीर कुड़ियां नूं
गल्लीं लायके किवें ल्याउ उसनूं, रल पुछीए केहड़े थांउंदा ई ।
खेह लायके देस विच्च फिरे भौंदा, अते नाउं दा कौन कहांउंदा ई ।
वेखां केहड़े देस दा चौधरी है, अते ज़ात दा कौन सदाउंदा ई ।
वेखां रोहीओं, माझ्युं पट्टीउं है, रावी ब्यास दा इक्के झनाउं दा ई ।
फिरे त्रिंञना विच्च ख़ुआर हुन्दा, विच्च वेहड़्यां फेरियां पाउंदा ई ।
वारिस शाह मुड़ टोह इह कास दा नी, कोई एस दा भेत ना पाउंदा ई ।
312. कुड़ियां जोगी कोल
लैन जोगी नूं आईआं धुम्बला हो, चलो गल्ल बणाय सवारीए नी ।
सभ्भे बोलियां 'वे नमसकार जोगी', क्युं नी साईं सवारीए प्यारीए नी ।
वड्डी मेहर होई एस देस उते, वेहड़े हीर दे नूं चल तारीए नी ।
नगर मंग अतीत ने अजे खाणा, बातां शौक दियां चाय विसारीए नी ।
मेले कुंभ दे हमीं अतीत चल्ले, नगर जायके भीख चितारीए नी ।
वारिस शाह तुमहीं घरों खाय आईआं, नाल चावड़ां लउ गुटकारीए नी ।
313. कुड़ियां
'रसम जग दी करो अतीत साईं', साडियां सूरतां वल ध्यान कीचै ।
अजू खेड़े दे वेहड़े नूं करो फेरा, ज़रा हीर दी तरफ़ ध्यान कीचै ।
वेहड़ा महर दा चलो विखा ल्याईए, सहती मोहनी ते नज़र आण कीचै ।
वारिस वेखीए घरां सरदार दियां नूं, अजी साहबो ! ना गुमान कीचै ।
314. रांझा
हमीं बड्डे फ़कीर सत पीड़्हीए हां, रसम जग दी हमीं ना जानते हां ।
कन्द मूल उजाड़ विच्च खायके ते, बण बास लै के मौजां मानते हां ।
बघ्याड़ शेर अर मिरग चीते, हमीं तिन्हां दियां सूरतां झानते हां ।
तुमहीं सुन्दरां बैठियां ख़ूबसूरत, हमीं बूटियां झाणियां छानते हां ।
नगर बीच ना आतमा परचदा ए उद्यान पखी तम्बू तानते हां ।
गुरू तीरथ जोग बैराग होवे, रूप तिन्हां दे हमीं पछानते हां ।
315. कुझ्झ होर कुड़ियां
पिच्छों होर आईआं मुट्यार कुड़ियां, वेख रांझने नूं मूरछत होईआं ।
अक्खीं टड्डियां रहउं ने मुख मीटे, टंगां बाहां वग्गा बेसत्त होईआं ।
अनी आउ खां पुछीए नढ्ढड़े नूं, देहियां वेख जोगी उदमत होईआं ।
धुप्पे आण खलोतियां वेंहदियां ने, मुड़्हके डुब्बियां ते रत्तो-रत्त होईआं ।
316. कुड़ियां आपो विच्च
सईउ वेखो ते मसत अलस्सत जोगी, जैंदा रब दे नाल ध्यान है नी ।
इन्हां भौरां नूं आसरा रब दा है, घर बार ना तान ना मान है नी ।
सोइने वन्नड़ी देही नूं खेह करके, चलना ख़ाक विच्च फ़कर दी बान है नी ।
सोहना फुल गुलाब माशूक नढ्ढा, राज पुत्तर ते सुघड़ सुजान है नी ।
जिन्हां भंग पीती सवाह लाय बैठे, ओन्हां माहणूआं दी केही कान है नी ।
जिवें असीं मुट्यार हां रंग भरियां, तिवें इह भी असाडड़ा हान है नी ।
आयो, पुच्छीए केहड़े देस दा है, अते एस दा कौन मकान है नी ।
317. कुड़ियां रांझे नूं
सुनी जोगिया गभ्भरूआ छैल बांके, नैणां खीव्या मसत दीवान्या वे ।
कन्नीं मुन्दरां खप्परी नाद सिंङी, गल सेल्हियां ते हथ गान्या वे ।
विच्चों नैन हस्सन होठ भेत दस्सन, अक्खीं मीटदा नाल बहान्या वे ।
किस मुन्युं कन्न किस पाड़्यु नी, तेरा वतन है कौन दीवान्या वे ।
कौन ज़ात है कास तों जोग लीतो, सच्चो सच्च ही दस्स मसतान्या वे ।
एस उमर की वायदे पए तैनूं, क्युं भौना एं देस बेगान्या वे ।
किसे रन्न भाबी बोली मार्या ई हिक्क साड़्या सू नाल तान्हआं वे ।
विच्च त्रिंञना पवे विचार तेरी, होवे ज़िकर तेरा चक्की-हान्यां वे ।
बीबा दस्स शताब हो जीऊ जांदा, असीं धुप दे नाल मर जानियां वे ।
करन मिन्नतां मुट्ठियां भरन लग्गियां, असीं पुछ के ही टुर जानियां वे ।
वारिस शाह गुमान ना पवीं मियां, अवे हीर द्या माल ख़ज़ान्या वे ।
318. रांझा
रांझा आखदा ख्याल ना पवो मेरे, सप्प शींह फ़कीर दा देस केहा ।
कूंजां वांग ममोलियां देस छड्डे, असां ज़ात सिफ़ात ते भेस केहा ।
वतन दमां दे नाल ते ज़ात जोगी, सानूं साक कबीलड़ा ख़ेश केहा ।
जेहड़ा वतन ते ज़ात वल ध्यान रक्खे, दुनियांदार है उह दरवेश केहा ।
दुनियां नाल पैवन्द है असां केहा, पत्थर जोड़ना नाल सरेश केहा ।
सभ्भा ख़ाक दर ख़ाक फ़ना होणा, वारिस शाह फिर तिन्हां नूं ऐश केहा ।
319. तथा
सानूं ना अकाउ री भात खाणी, खंडा करोध का हमीं ना सूतने हां ।
जे कर आपनी आई ते आ जाईए, खुल्ल्ही झंड सिर ते असीं भूतने हां ।
घर महरां दे कासनूं असां जाणा, सिर महरियां दे असीं मूतने हां ।
वारिस शाह मियां हेठ बाल भांबड़, उलटे होइके रात नूं झूटने हां ।
320. कुड़ियां ते रांझा
असां अरज़ कीता तैनूं गुरू करके, बाल नाथ दियां तुसीं निशानियां हो ।
तन छेद्या है किवें ज़ालमां ने, कशमीर दियां तुसीं ख़ुरमानियां हो ।
साडी आजज़ी तुसीं ना मन्नदे हो, ग़ुस्से नाल पसार दे आनियां हो ।
असां आख्या महर दे चलो वेहड़े, तुसीं नहीं करदे मेहरबानियां हो ।
सभे सोंहदियां त्रिंञणीं शाह परियां, जिवें तकरशां दियां तुसीं कानियां हो ।
चल करो अंगुशत फ़रिशत्यां नूं, तुसीं असल शैतान दियां नानियां हो ।
तुसां शेख साअदी नाल मकर कीता, तुसीं वड्डे शरर दियां बानियां हो ।
असीं किसे परदेस दे फ़कर आए, तुसीं नाल शरीकां दे सानियां हो ।
जाउ वासते रब दे ख़्याल छड्डो, साडे हाल थीं तुसीं बेगानियां हो ।
वारिस शाह फ़कीर दीवानड़े ने, तुसीं दानियां अते परधानियां हो ।
321. रांझा
हमीं भिछ्या वासते त्यार बैठे, तुमहीं आण के रिक्कतां छेड़दियां हो ।
असां लाह पंजालियां जोग छड्डी, तुसीं फेर मुड़ खूह नूं गेड़दियां हो ।
असीं छड्ड झेड़े जोग लाय बैठे, तुसीं फेर आलूद लबेड़दियां हो ।
पिच्छों कहोगी भूतने आण लग्गे, अन्न्हे खूह विच्च संग क्युं रेड़्हदियां हो ।
हमीं भिख्या मांगने चले हां री, तुम्हीं आण के काह खहेड़दियां हो ।
322. रांझा गदा करन तुर प्या
रांझा खप्परी पकड़ के गज़े चड़्हआ, सिंङी दवार-ब-दवार वजाउंदा ए ।
कोई दे सीधा कोई पाए टुक्कड़, कोई थालियां परोस ल्याउंदा ए ।
कोई आखदी जोगीड़ा नवां बण्या, रंग रंग दी किंग वजाउंदा ए ।
कोई दे गाली धाड़े मार फिरदा, कोई बोलदी जो मन भाउंदा ए ।
कोई जोड़ के हत्थ ते करे मिन्नत, सानूं आसरा फ़कर दे नाउं दा ए ।
कोई आखदी मसत्या चाक फिरदा, नाल मसतियां घूरदा गाउंदा ए ।
कोई आखदी मसत दीवानड़ा है, बुरा लेख जनैंदड़ी माउं दा ए ।
कोई आखदी ठग उधाल फिरदा, सूहा चोरां दे किसे राउं दा ए ।
लड़े भिड़े ते गालियां दए लोकां, ठठे मारदा लोड़्ह कमांउदा ए ।
आटा कनक दा लए ते घ्यु भत्ता, दाना टुकड़ा गोद ना पाउंदा ए ।
वारिस शाह रंझेटड़ा चन्द चड़्हआ, घरो घरी मुबारकां ल्याउंदा ए ।
323. रांझा
आ वड़े हां उजड़े पिंड अन्दर, काई कुड़ी ना त्रिंञणीं गांवदी है ।
नाहीं किकली पांवदी ना संमी, पम्बी पा ना धरत हलांवदी है ।
नाहीं चूहड़ी दा गीत गांउंदियां ने, गिद्धा राह विच्च काई ना पांवदी है ।
वारिस शाह छड्ड चल्लीए इह नगरी, ऐसी तब्हा फ़कीर दी आंवदी है ।
324. कुड़ियां
चल जोगिया असीं विखा ल्याईए, जित्थे त्रिंञणीं छोहरियां गाउंदियां ने ।
लै के जोगी नूं आण विखाल्यु ने, जित्थे वहुटियां छोप रल पाउंदियां ने ।
इक्क नच्चदियां मसत मलंग बण के, इक्क सांग चूड़्ही दा लाउंदियां ने ।
इक्क बायड़ां नाल घसा बायड़, इक्क माल्ह ते माल्ह फिराउंदियां ने ।
वारिस शाह जोगी आण धुस्स दित्ती,कुड़ियां सद्द के कोल बहाउंदियां ने ।
325. त्रिंञन विच्च ज़ातां दा वेरवा
जित्थे त्रिंञणां दी घुमकार पौंदी, अत्तन बैठियां लख महरेटियां ने ।
खतरेटियां अते बहमनेटियां ने, तुरकेटियां अते जटेटियां ने ।
लुहारियां लौंग सुपारियां ने, सुन्दर खोजियां अते रंघड़ेटियां ने ।
सुन्दर कुआरियां रूप संगारियां ने, अते व्याहियां मुशक लपेटियां ने ।
अरोड़ियां मुशक विच्च बोड़ियां ने, फुलहारियां छैल सुनरेटियां ने ।
मनेहारियां ते पक्खीवारियां, ने सुन्दर तेलणां नाल मोचेटियां ने ।
पठाणियां चादरां ताणियां ने, पशतो मारदियां नाल मुग़लेटियां ने ।
पिंजारियां नाल चम्यारियां ने, राजपूतनियां नाल भटेटियां ने ।
दरज़ानियां सुघड़ स्याणियां ने, बरवालियां नाल मछेटियां ने ।
सईअद्द ज़ादियां ते शैख़ ज़ादियां, ने तरखाणियां नाल घुमरेटियां ने ।
राउल्याणियां बेटियां बाणियां दियां, छन्नां वालियां नाल वणेटियां ने ।
चंगड़्याणियां नायणां मीरज़ादां, जिन्हां लस्सियां नाल लपेटियां ने ।
गंधीलणां छैल छबीलियां ने, ते कलालणां भाबड़ियां बेटियां ने ।
बाज़ीगरनियां नटनियां कुंगड़ानियां, वीरा राधणां राम जणेटियां ने ।
पूरब्याणियां छींबणां रंगरेज़ां, बैरागणां नाल ठठरेटियां नी ।
संडासणां अते ख़रासणां नी ,ढालगरनियां नाल वणसेटियां नी ।
कुंगराणियां डूमणियां दाईं कुट्टां, आतिशबाज़णां नाल पहलवेटियां ने ।
खटीकणां ते नेचा बन्दनां ने, चूड़ीगरनियां ते कंमगरेटियां ने ।
भरायणां वाहनां सरसस्याणियां, साउंस्याणियां कितन कोझेटियां ने ।
बहरूपणां रांझणां ज़ीलवट्टां, बरवालियां भट्ट बहमनेटियां ने ।
लुबाणियां ढीडणां पीरनियां ने, साऊआणियां दुध दुधेटियां ने ।
झबेलना म्युणियां फफेकुटणियां, जुलहेटियां नाल कसेटियां ने ।
काग़ज़-कुट्ट डबगरनियां उरद-बेगां, हाथीवानियां नाल बलोचेटियां ने ।
बांकियां गुजरियां डोगरियां छैल बणियां, राजवंसणां राजे दियां बेटियां ने ।
पकड़ अंचला जोगी नूं ला गल्लीं, वेहड़े वाड़ के घेर लै बैठियां ने ।
वारिस शाह जीजा बैठा हो जोगी, दवाले बैठियां सालियां जेठियां ने ।
326. तथा
काई आ रंझेटे दे नैन वेखे, काई मुखड़ा वेख सलाहुन्दी है ।
अड़ीउ वेखो तां शान इस जोगीड़े दी, राह जांदड़े मिरग फहाउंदी है ।
झूठी दोसती उमर दे नाल जुस्से, दिन चार ना तोड़ निबाहुन्दी है ।
कोई ओढनी लाह के मुख पूंझे, धो धा बिभूत चा लाहुन्दी है ।
काई मुख रंझेटे दे नाल जोड़े, तेरी तब्हा की जोगिया चाहुन्दी है ।
सहती लाड दे नाल चवा करके, चाय सेल्हियां जोगी दियां लाहुन्दी है ।
रांझे पुच्छ्या कौन है इह नढ्ढी, धी अजू दी काई चा आंहदी है ।
अज्जू बज्जू छज्जू फज्जू अते कज्जू, हुन्दा कौन है तां अग्गों आंहदी है ।
वारिस शाह निनान है हीर सन्दी, धीउ खेड़्यां दे बादशाह दी है ।
327. रांझे ते सहती दे सवाल जवाब
अज्जू धी रक्खी धाड़े मार लप्पड़, मुशटंडड़ी त्रिंञणीं घुंमदी है ।
करे आण बेअदबियां नाल फ़क्करां, सगों सेल्हियां नूं नाहीं चुमदी है ।
लाह सेल्हियां मारदी जोगियां नूं, अते मिलदियां महीं नूं टुम्बदी है ।
फिरे नचदी शोख़ बेहान घोड़ी, ना इह बहे ना कतदी तुम्बदी है ।
सिरदार है लोहकां लाहकां दी, पीहन डोल्हदी ते तौन लुम्बदी है ।
वारिस शाह दिल आंवदा चीर सुट्टां, बुन्याद पर ज़ुलम दी खुम्ब दी है ।
328. सहती
लग्गें हत्थ तां पकड़ पछाड़ सुट्टां, तेरे नाल करसां सो तूं जाणसें वे ।
हक्को हिक्क करसां भन्न लिंग गोडे, तदों रब नूं इक्क पछाणसें वे ।
वेहड़े वड़्युं तां खोह चटकोर्यां नूं, तदों शुकर बजा ल्यावसें वे ।
गद्दों वांग जां जूड़ के घड़ां तैनूं, तदों छट्ट तदबीर दी आणसें वे ।
सहती उठ के घरां नूं खिसक चल्ली, मंगन आवसैं तां मैनूं जाणसें वे ।
वारिस शाह वांगूं तेरी करां ख़िदमत, मौज सेजिय दी तदों माणसें वे ।
329. रांझा
सप्प शीहनी वांग कुलहणीएं नी, मास खाणीएं ते रत्त पीणीएं नी ।
काहे फ़क्कर दे नाल रेहाड़ पईएं, भला बखश सानूं मापे जीणीएं नी ।
दुखी जीउ दुखा ना भाग भरीए, सोइन-चिड़ी ते कूंज लखीणीएं नी ।
साथों निशा ना होसिया मूल तेरी, सके ख़सम थीं ना पतीणीएं नी ।
चरखा चाय नेहत्थड़े मरद मारे, किसे यार ने पकड़ पलीहणीएं नी ।
वारिस शाह फ़कीर दे वैर पईए, जरम-तत्तीए करम दी हीणीएं नी ।
330. रांझा इक्क जट्ट दे वेहड़े विच्च
वेहड़े जट्टां दे मंगदा जा वड़्या, अग्गे जट्ट बैठा गाउं मेलदा है ।
सिंङी फूक के नाद घूकायआ सू, जोगी गज्ज गजे विच्च जाय ठेल्हदा है ।
वेहड़े विच्च औधूत जा गज्ज्या ई मसत सान्ह वांगूं जाय मेल्हदा है ।
हू, हू करके संघ टड्ड्या सू, फ़ीलवान ज्युं हसत नूं पेलदा है ।
331. जट्ट ने केहा
न्याना तोड़ के ढांडड़ी उठ नट्ठी, भन्न दोहनी दुद्ध सभ डोहल्या ई ।
घत्त ख़ैर एस कटक दे मोहरी नूं, जट्ट उठके रोह हो बोल्या ई ।
झिरक भुक्खड़े देस दा इह जोगी, एथे दुन्द की आण के घोल्या ई ।
सूरत जोगियां दी अक्ख गुंड्यां दी, दाब कटक दे ते जीऊ डोल्या ई ।
जोगी अक्खियां कढ के घत त्यूड़ी, लै के खप्परा हत्थ विच्च तोल्या ई ।
वारिस शाह हुन जंग तहकीक होया, जम्बू शाकनी दे अग्गे बोल्या ई ।
332. जट्टी ने रांझे नूं बुरा भला केहा
जट्टी बोल के दुद्ध दी कसर कढ्ढी, सभ्भे अड़तने पड़तने पाड़ सुट्टे ।
पुने दाद पड़दादड़े जोगीड़े दे, सभ्भे टंगने ते साक चाड़्ह सुट्टे ।
मार बोलियां गालियां दे जट्टी, सभ फ़क्कर दे पित्तड़े साड़ सुट्टे ।
जोगी रोह दे नाल खड़लत्त घत्ती, धौल मार के दन्द सभ झाड़ सुट्टे ।
जट्टी ज़िमीं 'ते पटड़े वांग ढट्ठी, जैसे वाहरू फट्ट के धाड़ सुट्टे ।
वारिस शाह मियां जिवें मार तेसे फ़रहाद ने चीर पहाड़ सुट्टे ।
333. जट्ट दी फ़र्याद
जट्ट वेख के जट्टी नूं कांग घत्ती, वेखो परी नूं रिछ पथल्ल्या जे ।
मेरी सैआं दी महर नूं मार जिन्दों, तिलक महर दी जूह नूं चल्ल्या जे ।
'लोका बाहुड़ी' ते फ़र्याद कूके, मेरा झुग्गड़ा चौड़ कर चल्ल्या जे ।
पिंड विच्च इह आण बलाय वज्जी, जेहा जिन्नपछवाड़ विच्च मल्ल्या जे ।
पकड़ लाठियां गभ्भरू आण ढुक्के, वांग काढवें कनक दे हल्ल्या जे ।
वारिस शाह ज्युं धूंयां सरक्यां 'ते, बद्दल पाट के घटां हो चल्ल्या जे ।
334. जट्टी दी मदद ते लोक आए
आइ, आइ मुहाण्यां जदों कीती, चौहीं वलीं जां पलम के आइ गए ।
सच्चो सच्च जां फाट ते झवें वैरी, जोगी होरीं भी जी चुराय गए ।
वेखो फ़क्कर अल्लाह दे मार जट्टी, ओस जट नूं वायदा पाय गए ।
जदों मार चौतरफ़ त्यार होई, ओथों आपना आप खिसकाय गए ।
इक्क फाट कढ्ढी सभे समझ गईआं, रन्नां पिंड दियां नूं राह पाय गए ।
जदों ख़सम मिले पिच्छों वाहरां दे, तदों धाड़वी खुरे उठाय गए ।
हत्थ लायके बरकती जवान पूरे, करामात ज़ाहरा दिखलाय गए ।
वारिस शाह मियां पटे बाज़ छुट्टे, जान रक्ख के चोट चलाय गए ।
335. जोगी दी त्यारी
जोगी मंग के पिंड त्यार होया, आटा मेल के खप्परा पूर्या ई ।
किसे हस्स के रुग चा पायआ ई किसे जोगी नूं चा वडूर्या ई ।
काई दब्ब के जोगी नूं डांट लैंदी, किते ओन्हां नूं जोगी ने घूर्या ई ।
फले खेड़्यां दे झात पायआ सू, जिवें सोल्हवीं दा चन्द पूर्या ई ।
336. रांझा खेड़्यां दे घरीं आया
कहियां वलगणां वेहड़े ते अरलखोड़ां, कहियां बक्खलां ते खुरलाणियां नी ।
कहियां कोरियां चाटियां नेहींआं ते, कहियां किल्लियां नाल मधाणियां नी ।
ओथे इक्क छछोहरी जेही बैठी, किते निकलियां घरों सवाणियां नी ।
छत्त नाल टंगे होए नज़र आवन, खोपे नाड़ियां अते पराणियां नी ।
कोई पलंघ उते नागरवेल पईआं, जेहियां रंग महल विच्च राणियां नी ।
वारिस कुआरियां कशटने करन पईआं, मोए मापड़े ते मेहनताणियां नी ।
सहती आख्या भाबीए वेखनी हैं, फिरदा लुच्चा मुंडा घर सवाणियां नी ।
किते सज्जरे कन्न पड़ा लीते, धुरों लाहनतां इह पुराणियां नी ।
337. रांझा हीर दे घर आया
जोगी हीर दे साहुरे जा वड़्या, भुखा बाज़ ज्युं फिरे ललोरदा जी ।
आया ख़ुशी दे नाल दो चन्द हो के, सूबादार ज्युं नवां लाहौर दा जी ।
धुस्स दे वेहड़े जा वड़्या, हत्थ कीता सू सन्न्ह दे चोर दा जी ।
जा अलख वजायके नाद फूके, सवाल पाउंदा लुतपुता लोड़ दा जी ।
अनी खेड़्यां दी प्यारीए वहुटीए नी, 'हीरे सुख है' चाय टकोरदा जी ।
वारिस शाह हुन अग्ग नूं पई फवी, शगन होया जंग ते शोर दा जी ।
338. सहती
सच्च आख तूं रावला कहे सहती, तेरा जीऊ काई गल्ल लोड़दा जी ।
वेहड़े वड़द्यां रिक्कतां छेड़ियां नी, कंडा विच्च कलेजड़े पोड़दा जी ।
बादशाह दे बाग़ विच्च नाल चावड़, फिरें फुल गुलाब दा तोड़दा जी ।
वारिस शाह नूं शुतर मुहार बाझों, डांग नाल कोई मूंह मोड़दा जी ।
339. रांझा
आ कुआरीए ऐड अपराधने नी, धक्का दे ना हिक्क दे ज़ोर दा नी ।
बुन्दे कंधली नथली हस्स कड़ियां, बैसें रूप बणायके मोर दा नी ।
अनी नढ्ढीए रिकतां छेड़ नाहीं, इह कंम नाहीं धुंम शोर दा नी ।
वारिस शाह फ़कीर ग़रीब उते, वैर कढ्ढ्युई किसे खोर दा नी ।
340. सहती
कल्ह जायके नाल चवाय चावड़, सानूं भन्न भंडार कढायउ वे ।
अज्ज आण वड़्युं जिन्न वांग वेहड़े, वैर कल्ह दा आण जगायउ वे ।
गदों आण वड़्युं विच्च छोहरां दे, किन्हां शामतां आण फहायउ वे ।
वारिस शाह रज़ाय दे कंम वेखो, अज्ज रब्ब ने ठीक कुटायउ वे ।
341. रांझा
कच्ची कुआरीए लोड़्ह दीए मारीए नी, टूने हारीए आख की आहनी हैं ।
भल्यां नाल बुर्यां काहे होवनी हैं, काई बुरे ही फाहुने फाहुनी हैं ।
असां भुख्यां आण सवाल कीता, कहियां ग़ैब दियां रिक्कतां डाहुनी हैं ।
विच्चों पक्कीए छैल उचक्कीए नी, राह जांदड़े मिरग क्युं फाहुनी हैं ।
गल्ल हो चुक्की फेर छेड़नी हैं, हरी साख नूं मोड़ क्युं वाहुनी हैं ।
घर जान सरदार दा भीख मांगी, साडा अरश दा किंगरा ढाहुनी हैं ।
केहा नाल परदेसियां वैर चायउ, चैंचर हारीए आख की आहनी हैं ।
राह जांदड़े फ़कर खहेड़णीं हैं, आ नहरीए सिंग क्युं डाहुनी हैं ।
घर पेईअड़े धरोहियां फेरियां नी, ढगी वेहरीए सान्हां नूं वाहुनी हैं ।
आ वासता ई नैणां गुंड्यां दा, इह कल्हा किवें पिच्छों लाहुनी हैं ।
शिकार दर्या विच्च खेड मोईए, केहियां मूत विच्च मच्छियां फाहुनी हैं ।
वारिस शाह फ़कीर नूं छेड़नी हैं, अक्खीं नाल क्युं खक्खरां लाहुनी हैं ।
342. सहती
अनी सुनो भैणां कोई छिट जोगी, वड्डी जूठ भैड़ा किसे थाउं दा है ।
झगड़ैल मरखनां घंढ मच्चड़ रप्पड़ खंड इह किसे गिराउं दा है ।
परदेसियां दी नहीं डौल इस दी, इह वाकिफ़ हीर दे नाउं दा है ।
गल्ल आख के हत्थां ते पवे मुक्कर, आपे लांवदा आप बुझाउंदा है ।
हुने भन्न के खप्परी तोड़ सेल्ही, नाले जटां दी जूट खुहाउंदा है ।
जे मैं उठ के पान पत्त लाह सुट्टां, पैंच इह ना किसे गिराउं दा है ।
कोई डूम मोची इक्के ढेड कंजर, इक्के चूहड़ा किसे सराउं दा है ।
वारिस शाह मियां वाह ला रहियां, इह झगड़्युं बाज़ ना आउंदा है ।
343. रांझा
पकड़ ढाल तलवार क्युं गिरद होई, मत्था मुन्नीए कड़मीए भागीए नी ।
चैंचर हारीए डारीए जंग बाज़े, छप्पर नक्कीए बुरे ते लागीए नी ।
फसाद दी फ़ौज दीए पेशवाए, शैतान दी लक्क तड़ागीए नी ।
असीं जट्टियां नाल जे करे झेड़े, दुख ज़ुहद ते फ़कर क्युं झागीए नी ।
मत्था डाह नाहीं आओ छड्ड पिच्छा, भन्ने जांदे मगर नाहीं लागीए नी ।
वारिस शाह फ़कीर दे कदम फड़ीए, छड्ड किबर हंकार त्यागीए नी ।
344. सहती
चक्की-हान्यां विच्च विचार पौंदी, इहदी धुंम तनूर ते भट्ठ है नी ।
कमज़ात कुपत्तड़ा ढीठ बैंडा, डिब्बीपुरे दे नाल दी चट्ठ है नी ।
भेड़ूकार घुठा ठग्ग माझड़े दा, जैंदा रन्न यरोली दा हट्ठ है नी ।
मंग खाने हराम मुशटंड्यां नूं, वड्डा सार हशधात दी लट्ठ है नी ।
मुशटंडड़े तुरत पछान लईदे, कंम डाह द्यु इह वी जट्ट है नी ।
इह जट्ट है पर झुघ्घा पट है नी, इह चौधरी चौड़ चुपट्ट है नी ।
गद्दों लद्द्या सने इह छट्ट है नी, भावें वेलने दी इह लठ है नी ।
वारिस शाह है इह ते रस मिट्ठा, एह तां काठे कमाद दी गट्ठ है नी ।
345. गुआंढणां दा उत्तर
वेहड़े वालियां दानियां आण खड़्हियां, क्युं बोलदी एस दीवानड़े नी ।
कुड़ीए कास नूं लुझदी नाल जोगी, इह जंगली खरे निमानड़े नी ।
मंग खायके सदा इह देस त्यागन, तम्बू आस दे इह ना ताणदे नी ।
जाप जाणदे रब्ब दी याद वाला, ऐडे झगड़े इह ना जाणदे नी ।
सदा रहन उदास निरास नंगे, बिरछ फूक के स्याल लंघांवदे नी ।
वारिस शाह पर असां मालूम कीता, जट्टी जोगी दोवें इकसे हान दे नी ।
346. सहती
नैणां हीर द्यां वेख के आह भरदा, वांग आशकां अक्खियां मीटदा ई ।
जिवें ख़सम कुपत्तड़ा रन्न भंडे, कीती गल्ल नूं प्या घसीटदा ई ।
रन्नां गुंडियां वांग फ़रफ़ेज करदा, तोड़न हारड़ा लग्गड़ी प्रीत दा ई ।
घत घगरी बहे इह वड्डा ठेठर, इह उसतादड़ा किसे मसीत दा ई ।
चूंढी वक्खियां दे विच्च वढ्ढ लैंदा, पिच्छों आपनी वार मुड़ चीकदा ई ।
इक्के ख़ैर-हत्था नहीं इह रावल, इक्के चेलड़ा किसे पलीत दा ई ।
ना इह जिन्न ना भूत ना रिछ बांदर, ना इह चेलड़ा किसे अतीत दा ई ।
वारिस शाह प्रेम दी ज़ील न्यारी, न्यारा अंतरा इशक दे गीत दा ई ।
347. रांझा
इह मिसल मशहूर है जग सारे करम रब दे जेड ना मेहर है नी ।
हुनर झूठ कमान लहौर जेही, अते कांवरू जेड ना सेहर है नी ।
चुगली नहीं दीपालपुर कोट जेही, उह नमरूद दी थाउं बे मेहर है नी ।
नकश चीन ते मुशक ना खुतन जेहा, यूसफ़ जेड ना किसे दा चेहर है नी ।
मैं तां तोड़ हशधात दे कोट सुट्टां, रैनूं दस्स खां कास दी वेहर है नी ।
बात बात तेरी विच्च हैन कामन, वारिस शाह दा शियर की सेहर है नी ।
348. तथा
कोई असां जेहा वली सिध नाहीं, जग आंवदा नज़र ज़हूर जेहा ।
दसतार बजवाड़्युं ख़ूब आवे, अते बाफ़ता नहीं कसूर जेहा ।
कशमीर जेहा कोई मुलक नाहीं, नहीं चानना चन्द दे नूर जेहा ।
अग्गे नज़र दे मज़ा माशूक दा है, अते ढोल ना सोंहदा दूर जेहा ।
नहीं रन्न कुलच्छनी तुध जेही, नहीं ज़लज़ला हशर दे सूर जेहा ।
सहती जेड ना होर झगड़ैल कोई, अते सुहना होर ना तूर जेहा ।
खेड़्यां जेड ना नेक नसीब कोई, कोई थाउं ना बैतुल मामूर जेहा ।
सहज वसदियां जेड नाल भला कोई, बुरा नहीं है कंम फतूर जेहा ।
हंग जेड ना होर बदबू कोई, बासदार ना होर कचूर जेहा ।
वारिस शाह जेहा गुनाहगार नाहीं, कोई तायो ना तपत तन्दूर जेहा ।
349. सहती
जोग दस्स खां किद्धरों होया पैदा, कित्थों होया सन्दास बैराग है वे ।
केती राह हैं जोग दे दस्स खां वे, कित्थों निकल्या जोग दा राग है वे ।
इह खप्परी सेल्हियां नाद कित्थों, किस बद्ध्या जटां दी पाग है वे ।
वारिस शाह भिबूत किस कढ्ढ्या ई कित्थों निकली पूजनी आग है वे ।
350. रांझा
महांदेव थों जोग दा पंथ बण्यां, देवदत है गुरू सन्दासियां दा ।
रामानन्द थों सभ वैराग होया, परम जोत है गुरू उदासियां दा ।
ब्रहमा बराहमना दा राम हिन्दूआं दा, बिशन अते महेश सभ रासियां दा ।
सुथरा सुथर्यां दा नानक उदासियां दा, शाह मक्खन है मुंडे उपासियां दा ।
जिवें सईअद्द जलाल जलालियां दा, ते अवैस करनी खग्गां कासियां दा ।
जिवें शाह मदार मदारियां दा, ते अंसार अंसारियां तासियां दा ।
है वशिशट निरबान वैरागियां दा, स्री कृष्ण भगवान उपासियां दा ।
हाजी नौशाह जिवें नौशाहियां दा, अते भगत कबीर जौलासियां दा ।
दसतगीर दा कादरी सिलसला है, ते फ़रीद है चिशत अब्बासियां दा ।
जिवें शैख़ ताहर पीर है मोचियां दा, शमस पीर सुन्यार्यां चासियां दा ।
नाम देव है गुरू छींब्यां दा, लुकमान लुहार तरखासियां दा ।
ख़ुआजा खिज़र है मेआं मुहाण्यां दा, नकशबन्द मुग़लां चुग़तासियां दा ।
सरवर सखी भराईआं सेवकां दा, लाल बेग़ है चूहड़्यां खासियां दा ।
नल राजा है गुरू जवारियां दा, शाह शम्मस न्यारियां हासियां दा ।
हज़रत शीश है पीर जुलाहआं दा, शैतान है पीर मरासियां दा ।
जिवें हाजी गिलगो नूं घुम्यार मन्नन, हज़रत अली है शियां खासियां दा ।
सुलेमान पारस पीर नाईआं दा, अली रंगरेज़ अदरीस दरज़ासियां दा ।
इशक पीर है आशकां सार्यां दा, भुख पीर है मसत्यां पासियां दा ।
हस्सू तेली ज्युं पीर है तेलियां दा, सुलेमान है जिन्न भूतासियां दा ।
सोटा पीर है विगड़्यां तिगड़्यां दा, ते दाऊद है ज़र्हा-नवासियां दा ।
वारिस शाह ज्युं राम है हिन्दूआं दा, अते रहमान है मोमनां ख़ासियां दा ।
351. सहती
माया उठाई फिरन एस जग्ग उते, जिन्हां भौन ते कुल बेहार है वे ।
एन्हां फिरन ज़रूर है देहुं रातीं, धुरों फिरन एन्हांदड़ी कार है वे ।
सूरज चन्द घोड़ा अते रूह चकल, नज़र शेर पानी वणजार है वे ।
ताना तनन वाली इल्ल गधा कुत्ता, तीर छज्ज ते छोकरा यार है वे ।
टोपा छाणनी तक्कड़ी तेज़ मरक्कब, किला तरक्कला फिरन वफ़ार है वे ।
बिल्ली रन्न फ़कीर ते अग्ग बांदी, एन्हां फिरन घरो घरी कार है वे ।
वारिस शाह वैली भेखे लख फिरदे, सबर फ़कर दा कौल करार है वे ।
352. तथा
फिरन बुरा है जग ते एन्हां ताईं, जे इह फिरन तां कंम दे मूल नाहीं ।
फिरे कौल ज़बान जवान रण थीं, सतरदार घर छोड़ माकूल नाहीं ।
रज़ा अल्लाह दी हुकम कतई्ई जाणो, कुतब कोह काअबा है मामूल नाहीं ।
रन्न आए विगाड़ ते चेह चड़्ही, फ़क्कर आए जां कहर कलूल नाहीं ।
ज़िंमींदार कनकूतियां ख़ुशी नाहीं, अते अहमक कदे मलूल नाहीं ।
वारिस शाह दी बन्दगी लिल्ह नाहीं, वेखां मन्न लए कि कबूल नाहीं ।
353. तथा
अदल बिनां सरदार है रुख अफ्फल, रन्न गधी है जो वफ़ादार नाहीं ।
न्याज़ बिनां है कंचनी बांझ भावें, मरद गधा जो अकल दा यार नाहीं ।
बिना आदमियत नाहीं इनस जापे, बिना आब कत्ताल तलवार नाहीं ।
सबज ज़िकर इबादतां बाझ जोगी, दमां बाझ जीवन दरकार नाहीं ।
हंमत बाझ जवान बिन हुसन दिलबर, लून बाझ तुआम सवार नाहीं ।
शरम बाझ मुच्छां बिनां अमल दाड़्ही, तलब बाझ फ़ौजां भर भार नाहीं ।
अकल बाझ वज़ीर सलवात मोमन, बिन दीवान हिसाब शुमार नाहीं ।
वारिस, रन्न, फ़कीर, तलवार, घोड़ा, चारे थोक इह किसे दे यार नाहीं ।
354. रांझा
मरद करम दे नकद हन सहतीए नी, रन्नां दुशमणां नेक कमाईआं दियां ।
तुसीं एस जहान विच्च हो रहियां, पंज सेरियां घट धड़वाईआं दियां ।
मरद हैन जहाज़ ने कोकियां दे, रन्नां बेड़ियां हैन बुराईआं दियां ।
माउं बाप दा नाउं नामूस डोबन, पत्ता लाह सुट्टन भल्यां भाईआं दियां ।
हड्ड मास हलाल हराम कप्पन, एह कुहाड़ियां हैन कसाईआं दियां ।
लबां लाहुन्दियां साफ़ कर देन दाड़्ही, जिवें कैंचियां अहमकां नाईआं दियां ।
सिर जाए, ना यार दा सिर दीचे, शरमां रक्खीए अक्खियां लाईआं दियां ।
नी तूं केहड़ी गल्ल ते ऐड शूकें, गल्लां दस्स खां पूरियां पाईआं दियां ।
आढा नाल फ़कीरां दे लाउंदियां ने, ख़ूबियां वेख ननान भरजाईआं दियां ।
वारिस शाह तेरे मूंह नाल मारां, पंडां बन्न्ह के सभ भल्याईआं दियां ।
355. सहती
रीस जोगियां दी तैथों नहीं हुन्दी, हौंसां केहियां जटां रखाईआं दियां ।
बेशरम दी मुछ ज्युं पूछ पिद्दी, जेहियां मुंजरां बेट दे धाईआं दियां ।
तानसैन जेहा राग नहीं बणदा, लख सफ़ां जे होन अताईआं दियां ।
अखीं डिट्ठियां नहीं तूं चोबरा वे, पिरम कुट्ठियां बिरहों सताईआं दियां ।
सिर मुन्न दाड़्ही खेह लाईआ ई कदरां डिट्ठीउं एडियां चाईआं दियां ।
तेरी चराचर बिरकदी जीभ एवें, ज्युं मुरकदियां जुत्तियां साईआं दियां ।
लंड्यां नाल घुलना मन्दे बोल बोलन, नहीं चालियां एह भल्याईआं दियां ।
नहीं काअब्युं चूहड़ा होइ वाकिफ, ख़बरां जाणदे चूहड़े गुहाईआं दियां ।
नहीं फ़कर दे भेत दा ज़रा वाकिफ, ख़बरां तुध नूं महीं चराईआं दियां ।
चुतड़ सवाह भरे वेख मगर लग्गों, जिवें कुत्तियां होन गुसाईआं दियां ।
जेहड़ियां सून उजाड़ विच्च वांग खच्चर, कदरां उह की जाणदियां दाईआं दियां ।
गद्दों वांग जां रज्युं करें मसती, कच्छां सुंघनैं रन्नां पराईआं दियां ।
बापू नहीं पूरा तैनूं कोई मिल्या, अजे टोहीउं बुक्कलां माईआं दियां ।
पूछां गाई नूं महीं दियां जोड़ना एं, खुरियां महीं नूं लाउनैं गाईआं दियां ।
हासा वेख के आउंदा सिफ़लवाई, गल्लां तब्हा दियां वेख सफ़ाईआं दियां ।
मियां कौन छुडावसी आण तैनूं, धमकां पौणगियां जदों कुटाईआं दियां ।
गल्लां इशक दे वालियां नेईं रुलियां, कच्चे घड़े ते वहन लुड़्हाईआं दियां ।
परियां नाल की देवां नूं आख लग्गे, जिन्हां वक्खियां भन्नियां भाईआं दियां ।
इह इशक की जाणदै चाक चोबर, ख़बरां जाणदै रोटियां ढाईआं दियां ।
वारिस शाह ना बेटियां जिन्हां जणियां, कदरां जाणदे नहीं जवाईआं दियां ।
356. रांझा
असीं सहतीए मूल नाल ड्रां तैथों, तिक्खे दीदड़े तैंदड़े सार दे नी ।
हाथी नहीं तसवीर दा किला ढाहे शेर मक्खियां नूं नाहीं मारदे नी ।
कहे कांवां दे ढोर ना कदे मोए, शेर फूईआं तों नाहीं हारदे नी ।
फट हैं लड़ाई दे असल ढाई, होर ऐवें पसार पसारदे नी ।
इक्के मारना इक्के तां आप मरना, इक्के नस्स जाना अग्गे सार दे नी ।
हंमत सुसत बरूत सरीन भारे, इह गभरू किसे ना कार दे नी ।
बन्न्ह टोरीए जंग नूं ढिग्ग करके, सगों अगल्यां नूं पिच्छों मारदे नी ।
सड़न कप्पड़े होन तहकीक काले, जेहड़े गोशटी होन लोहार दे नी ।
झूठे मेहण्यां नाल ना जोग जांदा, संग गले ना नाल फुहार दे नी ।
खैर दित्त्यां माल ना होए थोड़्हा, बोहल थुड़े ना चुने गुटार दे नी ।
जदों चूहड़े नूं जिन्न करे दखला, झाड़ा करीदा नाल पैज़ार दे नी ।
तैं तां फ़िकर कीता सानूं मारने दा, तैनूं वेख लै यार हुन मारदे नी ।
जेहा करे कोई तेहा पांवदा है, सच्चे वायदे परवरदगार दे नी ।
वारिस शाह मियां रन्न भौंकनी नूं, फ़कर पाय जड़ियां चाय मारदे नी ।
357. सहती
तेरियां सेल्हियां थों असीं नहीं ड्रदे, कोई ड्रे ना भील दे सांग कोलों ।
ऐवें मारीदा जावसें एस पिंडों, जिवें खिसकदा कुफ़र है बांग कोलों ।
सिरी कज्ज के टुरेंगा जहल जट्टा, जिवें धाड़वी सरकदा कांग कोलों ।
मेरे डिट्ठ्यां कम्बसी जान तेरी, जिवें चोर दी जान झलांग कोलों ।
तेरी टूटनी फिरे है सप्प वांगूं, आइ रन्नां दे ड्रीं उपांग कोलों ।
ऐवें ख़ौफ़ पौसी तैनूं मारने दा, जिवें ढक्क दा पैर उलांघ कोलों ।
वारिस शाह इह जोगीड़ा मोया प्यासा, पानी देणगियां जदों पुड़सांग कोलों ।
358. रांझा
केहियां आण पंचायतां जोड़ियां नी, असीं रन्न नूं रेवड़ी जाणने हां ।
फड़ीए चित्थ के लईए लंघा पल विच्च, तम्बू वैर दे नित ना ताणने हां ।
लोक जागदे महरियां नाल परचन, असीं ख़ुआब अन्दर मौजां माणने हां ।
लोक छाणदे भंग ते शरबतां नूं, असीं आदमी नज़र विच्च छाणने हां ।
फूई मगर लग्गी इस दी मौत आही, वारिस शाह हुन मार के राणने हां ।
359. रांझा-इह ना भले
जेठ मींह ते स्याल नूं वाउ मन्दी, कटक माघ विच्च मन्हा हन्हेरियां नी ।
रोवन व्याह विच्च गावना विच्च स्यापे, सतर मजलसां करन मन्देरियां नी ।
चुगली खावन्दां दी बदी नाल मीएं, खाय लून हराम बद-ख़ैरियां नी ।
हुकम हत्थ कमज़ात दे सौंप देणा, नाल दोसतां करनियां वैरियां नी ।
चोरी नाल रफ़ीक दे दग़ा पीरां, पर नार पर माल उसीरियां नी ।
ग़ीबत तरक सलवात ते झूठ मसती, दूर करन फरिशत्यां तीरियां नी ।
लड़न नाल फ़कीर सरदार यारी, कढ्ढ घत्तना माल वसेरियां नी ।
मुड़न कौल ज़बान दा फिरन पीरां, बुर्यां दिनां द्यां इह भी फेरियां नी ।
मेरे नाल जो खेड़्यां विच्च होई, ख़चरवादियां इह सभ तेरियां नी ।
भले नाल भल्यांईआं बदी बुर्यां, याद रक्ख नसीहतां मेरियां नी ।
बिनां हुकम दे मरन ना उह बन्दे, साबत जिन्न्हां दे रिज़क दियां ढेरियां नी ।
बदरंग नूं रंग के रंग लायउ, वाह वाह इह कुदरतां तेरियां नी ।
एहा घत्त के जादूड़ा करूं कमली, पई गिरद मेरे घत्तीं फेरियां नी ।
वारिस शाह असां नाल जादूआं दे, कई राणियां कीतियां चेरियां नी ।
360. सहती
असां जादूड़े घोल के सभ पीते, करां बावरे जादूआं वाल्यां नूं ।
राजे भोज जेहे कीते चा घोड़े, नहीं जाणदा साड्यां चाल्यां नूं ।
सके भाईआं नूं करन नफ़र राजे, अते राज बहांवदे साल्यां नूं ।
सिरकप्प रसालू नूं वख़त पायआ, घत मकर दे रौल्यां राल्यां नूं ।
रावन लंक लुटायके गरद होया, सीता वासते भेख विखाल्यां नूं ।
यूसफ़ बन्द विच्च पा ज़हीर कीता, सस्सी वख़त पायआ ऊठां वाल्यां नूं ।
रांझा चार के महीं फ़कीर होया, हीर मिली जे खेड़्यां साल्यां नूं ।
रोडा वढ्ढ के डक्करे नदी पायआ, ते जलाली दे वेख लै चाल्यां नूं ।
फोगू उमर बादशाह ख़ुआर होया, मिली मारवन ढोल दे राल्यां नूं ।
वली बलम बाऊर ईमान दित्ता, वेख डोब्या बन्दगी वाल्यां नूं ।
महींवाल तों सोहनी रही एवें, होर पुछ लै इशक दे भाल्यां नूं ।
अठारां खूहनी कटक लड़ मोए पांडो, डोब डाब के खट्ट्या घाल्यां नूं ।
रन्ना मार लड़ाए इमाम-ज़ादे, मार घत्त्या पीरियां वाल्यां नूं ।
वारिस शाह तूं जोगिया कौन हुन्नैं, ओड़क भरेंगा साड्यां हाल्यां नूं ।
361. रांझा
आ नढ्ढीए ग़ैब क्युं विढ्ढ्या ई साडे नाल की रिक्कतां चाईआं नी ।
करें नरां दे नाल बराबरी क्युं, आख तुसां विच्च की भल्याईआं नी ।
बेकसां दा कोई ना रब्ब बाझों, तुसीं दोवें निनान भरजाईआं नी ।
जेहड़ा रब्ब दे नांउं ते भला करसी, अग्गे मिलणगियां उस भल्याईआं नी ।
अग्गे तिन्हां दा हाल ज़बून होसी, वारिस शाह जो करन बुर्याईआं नी ।
362. तथा
मरद साद हन चेहरे नेकियां दे, सूरत रन्न दी मीम मौकूफ़ है नी ।
मरद आलम फाज़ल अज्जल काबल, किसे रन्न नूं कौन वकूफ़ है नी ।
सबर फ़र्हा है मन्न्या नेक मरदां, एथे सबर दी वाग मातूफ़ है नी ।
दफतर मकर फ़रेब ते ख़चरवाईआं, एहनां पिसत्यां विच्च मलफ़ूफ़ है नी ।
रन्न रेशमी कप्पड़ा मन्हा मुसले, मरद जौज़कीदार मशरूफ़ है नी ।
वारिस शाह वलायती मरद मेवे, अते रन्न मसवाक दा सूफ़ है नी ।
363. सहती-इह जहान ते भले
दोसत सोई जो बिपत विच्च भीड़ कट्टे, यार सोई जो जान कुरबान होवे ।
शाह सोई जो काल विच्च भीड़ कट्टे, कुल पात दा जो निगाहबान होवे ।
गाउं सोई जो स्याल विच दुद्ध देवे, बादशाह जो नित्त शब्बान होवे ।
नार सोई जो माल बिन बैठ जाले, प्यादा सोई जो भूत मसान होवे ।
इमसाक है असल अफ़ीम बाझों, ग़ुस्से बिना फ़कीर दी जान होवे ।
रोग सोई जो नाल इलाज होवे, तीर सोई जो नाल कमान होवे ।
कंजर सोई जो ग़ैरतां बाझ होवन, जिवें भांबड़ा बिनां इशनान होवे ।
कसबा सोई जो वैर बिन प्या वस्से, जल्लाद जो मेहर बिन ख़ान होवे ।
कवारी सोई जो करे ह्या बहुती, नीवीं नज़र ते बाझ ज़बान होवे ।
बिना चोर ते जंग दे देस वसे, पट सूई बिन अन्न दी पान होवे ।
सईअद सोई जो सूम ना होवे कायर, ज़ानी स्याह ते ना कहरवान होवे ।
चाकर औरतां सदा बेउज़र होवन, अते आदमी बेनुकसान होवे ।
पर्हां जा वे भेसिया चोबरा वे, मतां मंगणों कोई वधान होवे ।
वारिस शाह फ़कीर बिन हिरस ग़फ़लत, याद रब्ब दी विच्च मसतान होवे ।
364. रांझा
कार साज़ है रब्ब ते फेर दौलत, सभ्भो मेहनतां पेट दे कारने नी ।
पेट वासते फिरन अमीर दर दर, सय्यद-ज़ाद्यां ने गधे चारने नी ।
पेट वासते परी ते हूर-ज़ादां, जान जिन्न ते भूत दे वारने नी ।
पेट वासते रात नूं छोड घर दर, होइ पाहरू होकरे मारने नी ।
पेट वासते सभ ख़राबियां ने, पेट वासते ख़ून गुज़ारने नी ।
पेट वासते फ़क्कर तसलीम तोड़न, सभे समझ लै रन्ने गवारने नी ।
एस ज़िमीं नूं वाहुन्दा मुलक मुक्का, अते हो चुक्के वड्डे कारने नी ।
गाहवन होर ते राहक ने होर इस दे, ख़ावन्द होर दम होरनां मारने नी ।
मेहरबान जे होवे फ़कीर इक्क पल, तुसां जेहे करोड़ लक्ख तारने ने ।
नेक मरद ते नेक ही होवे औरत, उहनां दोहां ने कंम सवारने नी ।
वारिस शाह जे रन्न ने मेहर कीती, भांडे बोल के ही मूहरे मारने नी ।
365. सहती
रब्ब जेड ना कोई है जग्ग दाता, ज़िमीं जेड ना किसे दी साबरी वे ।
मझीं जेड ना किसे दे होन जेरे, राज हिन्द पंजाब दा बाबरी वे ।
चन्द जेड चालाक ना सरद कोई, हुकम जेड ना किसे अकाबरी वे ।
बुरा कसब ना नौकरी जेड कोई, याद हक्क दी जेड अकाबरी वे ।
मौत जेड ना सख़त है कोई चिट्ठी, ओथे किसे दी नहीउं नाबरी वे ।
मालज़ादियां जेड ना कसब भैड़ा, कमज़ात नूं हुकम है ख़ाबरी वे ।
रन्न वेखनी ऐब फ़कीर ताईं, भूत वांग है सिरां ते टाबरी वे ।
वारिस शाह शैतान दे अमल तेरे, दाड़्ही शेख़ दी हो गई झाबरी वे ।
366. रांझा
रन्न वेखनी ऐब है अन्न्हआं नूं, रब्ब अक्खियां दित्तियां वेखने नूं ।
सभ ख़लक दा वेख के लउ मुजरा, करो दीद इस जग दे पेखने नूं ।
राउ राज्यां सिरां दे दाउ लाए, ज़रा जाय के अक्खियां सेकने नूं ।
सभ्भा दीद मुआफ़ है आशकां नूं, रब्ब नैन दित्ते जग वेखने नूं ।
महां देव जहआं पारबती अग्गे, काम ल्याउंदा सी मथा टेखने नूं ।
इज़राईल हत्थ कलम लै वेखदा ई तेरा नाम इस जग तों छेकने नूं ।
वारिस शाह मियां रोज़ हशर दे नूं, अंत सद्दीएंगा लेखा लेखने नूं ।
367. सहती
जेही नीत हई तेही मुराद मिलिया, घरो घरी छाई सिर पावना हंै ।
फिरें मंगदा भौंकदा ख़ुआर हुन्दा, लख दग़े पखंड कमावना हैं ।
सानूं रब्ब ने दुद्ध ते दहीं दित्ता, हत्था खावना अते हंढावना हैं ।
सोइना रुप्पड़ा पहन के असीं बहीए, वारिस शाह क्युं जीऊ भरमावना हैं ।
368. रांझा
सोइना रुपड़ा शान सवाणियां दा, तूं तां नहीं असील नी गोलीए नी ।
गधा उड़दकां नाल ना होइ घोड़ा, बांझ परी ना होए यरोलीए नी ।
रंग गोरड़े नाल तूं जग मुट्ठा, विच्चों गुणां दे कारने पोलीए नी ।
वेहड़े विच्च तूं कंजरी वांग नच्चें, चोरां यारां दे विच्च विचोलीए नी ।
असां पीर केहा तूं हीर आखें, भुल गई हैं सुनन विच्च भोलीए नी ।
अंत इह जहान है छड्ड जाणा, ऐडे कुफ़र अपराध क्युं तोलीए नी ।
फ़कर असल अल्लाह दी हैन मूरत, अग्गे रब्ब दे झूठ ना बोलीए नी ।
हुसन मत्तीए बूबके सोइन चिड़ीए, नैणां वालीए शोख़ ममोलीए नी ।
तैंडा भला थीवे साडा छड्ड पिच्छा, अब्बा ज्यूणीए आलीए भोलीए नी ।
वारिस शाह कीती गल्ल होइ चुक्की, मूत विच्च ना मच्छियां टोलीए नी ।
369. सहती
छेड़ ख़ुन्दरां भेड़ मचावना एं, सेकां लिंग तेरे नाल सोट्यां दे ।
असीं जट्टियां मुशक लपेटियां हां, नक्क पाड़ सुट्टे जिन्हां झोट्यां दे ।
जदों मोल्हियां पकड़ के गिरद होईए पिसते कढीए चीन्यां कोट्यां दे ।
जुत्त घेरनी कुतके अते सोटे, इह इलाज ने चितड़ां मोट्यां दे ।
लपड़ शाह दा बालका शाह झक्खड़, तैंथे वल्ल हन वड्डे लपोट्यां दे ।
वारिस शाह रोडा सिर कन्न पाटे, इह हाल चोरां यारां खोट्यां दे ।
370. रांझा
फ़कर शेर दा आखदे हैन बुरका, भेत फ़क्कर दा मूल ना खोल्हीए नी ।
दुद्ध साफ़ है वेखना आशकां दा, शक्कर विच्च प्याज़ ना घोलीए नी ।
सरे ख़ैर सो हस्स के आण दीचे, लईए दुआ ते मिट्ठड़ा बोलीए नी ।
लईए अघ्घ चड़्हायके वद्ध पैसा, पर तोल थीं घट्ट ना तोलीए नी ।
बुरा बोल ना रब्ब दे पूर्यां नूं, नी बेशरम कुपत्तीए लोल्हीए नी ।
मसती नाल फ़कीरां नूं दएं गालीं, वारिस शाह दो ठोक ना बोलीए नी ।
371. सहती
असीं भूत दी अकल गवा देईए, सानूं ला बिभूत ड्राउना हैं ।
त्रिंञन वेख के वहुटियां छैल कुड़ियां, ओथे किंग दी तार वजाउना हैं ।
मेरी भाबी दे नाल तूं रमज़ मारें, भला आप तूं कौन सदाउना हैं ।
उह पई हैरान है नाल ज़हमत, घड़ी घड़ी क्युं प्या अकाउना हैं ।
ना तूं वैद ना मांदरी ना मुल्लां, झाड़े ग़ैब दे कास नूं पाउना हैं ।
चोर चूहड़े वांग है टेढ तेरी, प्याजापदा सिरी भनाउना हैं ।
कदी भूतना होइके झुंड खोलें, कदी जोग धारी बण आउना हैं ।
इट्ट सिट्ट फगवाड़ ते कुआर गन्दल, इह बूटियां खोल्ह विखाउना हैं ।
दारू ना ख़िताब ना हत्थ शीशी, आख कास दा वैद सदाउना हैं ।
जा घरों असाड्युं निकल भुक्खे, हुने जटां दी जूट खोहाउना हैं ।
खोह बाबरियां खपरी भन्न तोड़ूं, हुन होर की मूंहों अखाउना हैं ।
रन्ना बलम बाउर दा दीन खोहआ, वारिस शाह तूं कौन सदाउना हैं ।
372. रांझा
असां मेहनतां डाढियां कीतियां ने, अनी गुंडीए ठेठरे जट्टीए नी ।
करामात फ़कीर दी वेख नाहीं, ख़ैर रब तों मंग कुपत्तीए नी ।
कन्न पाट्यां नाल ना ज़िद कीचै, अन्न्हे खूह विच्च झात ना घत्तीए नी ।
मसती नाल तकब्बरी रात दिने, कदी होश दी अक्ख परत्तीए नी ।
कोई दुख ते दरद ना रहे भोरा, झाड़ा मेहर दा जिन्हां नूं घत्तीए नी ।
पड़्ह फूकीए इक्क अज़मत सैफ़ी, जड़ जिन्न ते भूत दी पट्टीए नी ।
तेरी भाबी दे दुखड़े दूर होवन, असीं मेहर जे चाय पलट्टीए नी ।
मूंहों मिठड़ा बोल ते मोम हो जा, तिक्खी हो ना कमलीए जट्टीए नी ।
जांदे सभ आज़ार यकीन करके, वारिस शाह दे पैर जे चट्टीए नी ।
373. सहती
फ़रफ़ेजिया बीर बैताल्या वे, औखे इशक दे झाड़ने पावने वे ।
नैणां वेख के मारनी फूक साहवें, सुत्ते परेम दे नाग जगावने वे ।
कदों 'यूसफ़ी तिब मीज़ान' पड़्हउं, 'दसतूर इलाज' सिखावने वे ।
'कुरतास सकन्दरी' 'तिब्ब अकबर', ज़खीर्युं बाब सुणावने वे ।
'कानून्न मौजज़' 'तुहफ़ा मोमनीन' वी, 'किफ़ायआ मनसूरी' थीं पावने वे ।
'परान संगली' वेद मनौत सिमृति, 'निरघंट' दे ध्याइ फुलावने वे ।
'कराबादीन' 'शिफ़ाई' ते 'कादरी' वी, 'मुतफ़रिक तिब्बा' पड़्ह जावने वे ।
'रतन जोत' 'बलमीक ते सांक' 'सौछन' 'सुखदेउ गंगा' तैंथे आवने वे ।
फ़ैलसूफ़ जहान दियां असीं रन्नां, साडे मकर दे भेत किस पावने वे ।
अफ़लातून शागिरद ग़लाम अरस्सतू, लुकमान थीं पैर धुआवने वे ।
गल्लां चाय चवाय दियां बहुत करनैं, इह रोग ना तुध थीं जावने वे ।
एन्हा मकर्यां थों कौन होवे चंगा, ठग्ग फिरदे ने रन्नां विलावने वे ।
जेहड़े मकर दे पैर खिलार बैठे, बिनां फाट खाधे नहीं जावने वे ।
मूंह नाल कहआं जेहड़े जान नाहीं, हड्ड गोडड़े तिन्हां भन्नावने वे ।
वारिस शाह इह मार है वसत ऐसी, जिन्न भूत ते देव निवावने वे ।
374. रांझा
एहा रसम कदीम है जोगियां दी, उहनूं मारदे हैं जेहड़ी ट्रकदी है ।
ख़ैर मंगने गए फ़कीर ताईं, अग्गो कुत्त्या वांगरां घुरकदी है ।
इह खसम दे खान नूं किवें देसी, जेहड़ी ख़ैर दे देन तों झुरकदी है ।
ऐडी पीरनी इक्के पहलवाननी है, इक्के कंजरी इह किसे तुरक दी है ।
पहले फूक के अग्ग महताबियां नूं, पिच्छों सरद पानी वेखो बुरकदी है ।
रन्न घंड नूं जदों पैज़ार वज्जन, ओथों चुप चुपातड़ी छुरकदी है ।
इक्क झुट दे नाल मैं पट्ट लैणी, जेहड़ी ज़ुलफ़ गल्ल्हां उते लुड़कदी है ।
स्याने जाणदे हन धनी जाए झोटी, जेहड़ी सान्हां दे मूतरे खुरकदी है ।
फ़कर जान मंगन ख़ैर भुख मरदे, अग्गों सगां वांगूं सगों दुरकदी है ।
लंडी पाहड़ी नूं खेत हत्थ आया, पई उपरों उपरों मुरकदी है ।
वारिसे मौर फुरदे अते लण चुत्तड़, सवा मनी मुतहर वी फुरकदी है ।
375. सहती
जेहड़ियां लैन उडारियां नाल बाज़ां, उह बुलबुलां ठीक मरींदियां नी ।
उहनां हरनियां दी उमर हो चुक्की, पानी शेर दी जूह जो पींदियां नी ।
उह वाहनां जान कबाब होईआं, जिड़ियां हई्ईड़ियां नाल खहींदियां नी ।
इक्क दिन उह फेरसन आण घोड़े, किड़ां जिन्हां दियां नित्त सुणीदियां नी ।
थोड़्हियां करन सुहाग दियां उह आसां, जेहड़ियां धाड़वियां नाल मंगीदियां नी ।
जोकां इक्क दिन पकड़ नचूहणगियां, अणपुने लहू नित पींदियां नी ।
दिल माल दीचे लक्ख कंजरी नूं, कदी दिलों महबूब ना थींदियां नी ।
इक्क देहुं पकड़ियां जाणगियां हाकमा थे, पर सेज जो नित चड़्हींदियां नी ।
इक्क दिन गड़े वसाय सन उह घटां, हाठां जोड़ के नित घरींदियां नी ।
तेरे लौन मोढे साडे लौन नाड़े, मुशकां किसे दियां अज्ज बझींदियां नी ।
376. रांझा
सुन सहतीए असीं हां नाग काले, पड़्ह सैफ़ियां ज़ुहद कमावने हां ।
मकर फ़न नूं भन्न के साफ़ करदे, जिन भूत नूं साड़ विखावने हां ।
नकश लिख के फूक यासीन देईए, साए सूल दी ज़ात गवावने हां ।
दुख दरद बलाय ते जाए तंगी, कदम जिन्हां दे वेहड़्यां पावने हां ।
सने तसमियां पड़्हां इख़लास सूरा, जड़्हां वैर दियां पुट्ट वगाहवने हां ।
दिलों हुब्ब दे चाय तावीज़ लिखीए, असीं रुठड़े यार मिलावने हां ।
जेहड़ा मारना होवे तां कील करके, ऐतवार मसान जगावने हां ।
जेहड़ी गभ्भरू तों रन्न रहे विटर, लौंग मन्दरे चा खवावने हां ।
जेहड़े यार नूं यारनी मिले नाहीं, फुल मन्दर के चाय सुंघावने हां ।
उहनां वहुटियां दे दुख दूर दरद जांदे, पड़्ह हिक्क ते हत्थ फिरावने हां ।
कील डयणां कच्चियां पक्कियां नूं, दन्द भन्न के लिटां मुनावने हां ।
जां सेहर जादू चड़्हे भूत कुद्दे, गंडा कील दवाले दा पावने हां ।
किसे नाल जे वैर वरोध होवे, उहनूं भूत मसान चिमड़ावने हां ।
बुरा बोलदी जेहड़ी जोगियां नूं, सिर मुन्न के गधे चड़्हावने हां ।
जैंदे नाल मुदप्पड़ा ठीक होवे, उहनूं बीर बैताल पहुंचावने हां ।
असीं खेड़्यां दे घरों इक्क बूटा, हुकम रब्ब दे नाल पुटावने हां ।
वारिस शाह जे होर ना दाउ लग्गे, सिर प्रेम दियां जड़ियां पावने हां ।
377. सहती
महबूब अल्लाह दे लाडले हो, एस वहुटड़ी नूं कोई सूल है जी ।
कोई गुझड़ा रोग है एस धाणा, पई नित्त इह रहे रंजूल है जी ।
हत्थों लुड़्ही वंेहदी लाहू लत्थड़ी वी, देही हो जांदी मख़तूल है जी ।
मूंहों मिठड़ी लाड दे नाल बोले, हर किसे दे नाल माकूल है जी ।
मूधा प्या है झुगड़ा नित साडा, इह वहुटड़ी घरे दा मूल है जी ।
मेरे वीर दे नाल है वैर इस दा, जेहा काफ़रां नाल रसूल है जी ।
अग्गे एस दे साहुरे हत्थ बद्धे, जो कुझ्झ आखदी सभ कबूल है जी ।
वारिस पलंघ ते कदे ना उठ बैठे, साडे ढिड्ड विच्च फिरे डंडूल है जी ।
378. रांझा
नबज़ वेख के एस दी करां कारी, देइ वेदना सभ बताय मैनूं ।
नाड़ वेख के करां इलाज इसदा, जे इह उठ के सत्त विखाए मैनूं ।
रोग कास तों चल्ल्या करे ज़ाहर, मज़ा मूंह दा देइ बताए मैनूं ।
वारिस शाह मियां छत्ती रोग कट्टां, बिलक मौत थीं लवां बचाय इहनूं ।
379. तथा
खंघ खुरक ते साह ते अक्ख आई, सूल दन्द दी पीड़ गवावने हां ।
कौलंज तपदिक ते मुहरका तप्प होवे, उहनूं काड़्हआं नाल गवावने हां ।
सरसाम सौदाय ज़ुकाम नज़ला, इह शरबतां नाल पटावने हां ।
सन्न नफ़ख़ इसतसका होवे, लहम तबल ते वाउ वंजावने हां ।
लूत फोड़्यां अते गंभीर चम्बल, तेल लायके जड़्हां पटावने हां ।
होवे पुड़पुड़ी पीड़ कि अद्ध सीसी, खट्टा दहीं उत्ते उहदे पावने हां ।
अधरंग मुख-भैंगिया होवे जिस नूं, शीशा हलब दा कढ विखावने हां ।
मिरगी होवस तां लाह के पैर छित्तर, उह नक्क ते चाय सुंघावने हां ।
झोला मार जाए टंग सुन्न होवे, तदों पैन दा तेल मलावने हां ।
रन्न मरद नूं काम जे करे ग़लबा, धनियां भ्युं के चा पिलावने हां ।
नामरद नूं चीच वहुटियां दा, तेल कढ्ढ के नित्त मलावने हां ।
जे किसे नूं बाद फ़रंग होवे, रसकपूर ते लौंग दिवावने हां ।
परमेउ सुज़ाक ते छाह मूती, उहनूं इन्दरी झाड़ दिवावने हां ।
अतीसार नबाहियां सूल जेहड़े, ईसबगोल ही घोल पिवावने हां ।
वारिस शाह जेहड़ी उठ बहे नाही,ं उहनूं हत्थ ई मूल ना लावने हां ।
380. सहती
लख वैदगी वैद लगा थक्के, धुरों टुटड़ी किसे ना जोड़नी वे ।
जित्थे कलम तकदीर दी वग चुक्की, किसे वैदगी नाल ना मोड़नी वे ।
जिस कंम विच्च वहुटड़ी होवे चंगी, सोई ख़ैर है असां ना लोड़नी वे ।
वारिस शाह आज़ार होर सभ मुड़दे, इह कतई्ई ना किसे ने मोड़नी वे ।
381. रांझा
तैनूं आखदा हां हौली गल्ल करीए, गल्ल फ़कर दी नूं नाहीं हस्सीए नी ।
जो कुझ्झ कहन फ़कीर सो रब्ब आखे, आखे फ़कर दे थों नाहीं नस्सीए नी ।
होवे ख़ैर ते देही दा रोग जाए, नित पहनीए खाईए वस्सीए नी ।
भला बुरा जो वेखीए मशट करीए, भेत फ़कर दा मूल ना दस्सीए नी ।
हत्थ बन्न्ह फ़कीर ते सिदक कीजे, नहीं सेल्हियां टोपियां खस्सीए नी ।
दुख दरद तेरे सभ जान कुड़ीए, भेत जीऊ दा खोल्ह के दस्सीए नी ।
मुख खोल्ह विखाय जो होवे चंगी, अनी भोल-याणीए सस्सीए नी ।
रब्ब आण सबब्ब जां मेलदा ई ख़ैर होइ जांदी नाल लस्सीए नी ।
सुल्हा कीत्यां फ़तेह जे हत्थ आवे, कमर जंग ते मूल ना कस्सीए नी ।
तेरे दरद दा सभ इलाज मैंथे, वारिस शाह नूं वेदना दस्सीए नी ।
382. सहती
सहती गज्ज के आखदी छड्ड जट्टा, खोह सभ नवालियां स्ट्टियां नी ।
होर सभ ज़ातां ठग्ग खांदियां नी, पर एस वेहड़े विच्च जट्टियां नी ।
असां एतनी गल्ल मालूम कीती, इह जट्टियां मुलक दियां फट्टियां नी ।
डूमां रावलां काउं ते जट्टियां दियां, जीभां धुरों शैतान दियां चट्टियां नी ।
पर असां भी जिन्हां नूं हथ लायआ, उह बूटियां जड़ां थीं पट्टियां नी ।
पोले ढिड ते अकल दी मार वारिस, छाहां पीन तरबेहियां खट्टियां नी ।
383. रांझा
हौली सहज सुभाउ दी गल्ल कीचै, नाहीं कड़कीए बोलीए गज्जीए नी ।
लख झुट तरले फिरे कोई करदा, दित्ते रब्ब दे बाझ ना रज्जीए नी ।
ध्यान रब्ब ते रक्ख ना हो तत्ती, लख औगुणां होन तां कज्जीए नी ।
असीं नज़र करीए तुरत होन चंगे, जिन्हां रोगियां ते जा वज्जीए नी ।
चौदां तबक नौ खंड दी ख़बर सानूं, मूंह फ़कर थों कास नूं कज्जीए नी ।
जैंदे हुकम विच्च जान ते माल आलम, ओस रब्ब थों कास नूं भज्जीए नी ।
सारी उमर ई पलंघ ते पई रहसें, एस अकल दे नाल कुचज्जीए नी ।
शरम जेठ ते सौहर्युं करन आई, मूंह फ़कर थों कासनूं लज्जीए नी ।
वारिस शाह तां इशक दी नबज़ दिसे, जदों आपनी जान नूं तज्जीए नी ।
384. सहती
केही वैदगी आण मचाईआ ही, किस वैद ने दस्स पड़्हायआ हैं ।
वांग चौधरी आण के पैंच बन्युं, किस चिट्ठियां घल सदायआ हैं ।
सेल्ही टोपियां पहन लंगूर वांगूं, तूं ते शाह भोलू बण आया है ।
वड्डे दग़े ते फंध फ़रेब पड़्हउं, ऐवें कन्न पड़ा गवायआ हैं ।
ना तूं जट रहउं ना तूं फ़कीर होइउं, ऐवें मुन्न के घोन करायआ हैं ।
ना जंम्युं ना किसे मत दित्ती, मुड़ पुट्ट के किसे ना लायआ हैं ।
बुरे देहां दियां फेरियां एह है नी, अज्ज रब ने ठीक कुटायआ हैं ।
वारिस शाह कर बन्दगी रब्ब दी तूं, जिस वासते रब्ब बणायआ हैं ।
385. रांझा
तेरी तब्हा चालाक छल छिद्दरे नी, चोर वांग की सेल्हियां सिल्लियां नी ।
पैरीं बल्लियां होन फिरन्द्यां दे, तेरी जीभ हर्यारीए बल्लियां नी ।
केहा रोग है दस्स इस वहुटड़ी नूं, इक्के मारदी फिरें ट्रपल्लियां नी ।
किसे एस नूं चा मसान घत्ते, पड़्ह ठोकियां सार दियां किल्लियां नी ।
सहंस वेद ते धूप होर फुल हरमल, हरे शरींह दियां छमकां गिल्लियां नी ।
झब करां मैं जतन झड़ जान कामन, अनी कमलीउ होइउ ना ढिल्लियां नी ।
हथ फेर के धूप देइ करां झाड़ा, फिरें मारदी नैन ते खिल्लियां नी ।
रब्ब वैद पक्का घर घल्ल्या जे, फिरो ढूंडदियां पूरबां दिल्लियां नी ।
वारिस शाह प्रेम दी जड़ी घत्ती, नैणां हीर दियां कच्चियां पिल्लियां नी ।
386. सहती
मेरे नाल की प्या हैं वैर चाका, मत्था सौकणां वांग की डाहआ ई ।
ऐवें घूर के मुलक नूं फिरें खांदा, कदी जोतरा मूल ना वाहआ ई ।
किसे जोगीड़े ठग फ़कीर कीतों, अनजान ककोहड़ा फाहआ ई ।
मांउं बाप गुर पीर घर बार तज्यू, किसे नाल ना कौल निबाहआ ई ।
बुढ्ढी मां नूं रोंदड़ी छड्ड आइउं, उस दा अरश दा किंगरा ढाहआ ई ।
पेट रक्ख के आपना पाल्यु ई किते रन्न नूं चाय तराहआ ई ।
डब्बीपुरे द्या झल्ल वलल्ल्या वे, असां नाल की खचर पौ चाहआ ई ।
सवाह लाईआ पान ना लथियाई, ऐवें कपड़ा चीथड़ा लाहआ ई ।
वारिस आखनी हां टल जाह साथों, गांडू साथ लद्धो हुंड वधायआ ई ।
387. रांझा
मान मत्तीए रूप गुमान भरीए, भैड़ कारीए गरब गहेलीए नी ।
ऐडे फ़न फ़रेब क्युं खेडनी हैं, किसे वड्डे उसताद दीए चेलीए नी ।
एस हुसन दा ना गुमान कीचै, मान मत्तीए रूप रुहेलीए नी ।
तेरी भाबी दी नहीं परवाह सानूं, वड्डी हीर दी अंग सहेलीए नी ।
मिले सिरां नूं ना विछोड़ दीचै, हत्थों विछड़्यां सिरां नूं मेलीए नी ।
केहा वैर फ़कीर दे नाल चायउ, पिच्छा छड्ड अनोखीए लेलीए नी ।
इह जट्टी सी कूंज ते जट उल्लू, पर बद्ध्या जे गुल खेलीए नी ।
वारिस जिनस दे नाल हमजिनस बणदी भौर ताज़णां गधे नाल मेलीए नी ।
388. हीर नूं जोगी दी सच्चाई दा पता लग्गणा
हीर कन्न धर्या इह कौन आया, कोई इह तां है दरद ख़ाह मेरा ।
मैनूं भौर ताज़न जेहड़ा आखदा है, अते गधा बणायआ सू चा खेड़ा ।
मतां चाक मेरा किवें आण भासे, एसे नाल मैं उठ के करां झेड़ा ।
वारिस शाह मत कन्न पड़ाय रांझा, घत मुन्दरां मन्न्यां हुकम मेरा ।
389. हीर
बोली हीर वे अड़्या जाह साथों, कोई ख़ुशी ना होवे ते हस्सीए क्युं ।
परदेसियां जोगियां कमल्यां नूं, विच्चों जीऊ दा भेत चाय दस्सीए क्युं ।
जे तूं अंत रन्ना वल वेखना सी, वाही जोतरे छड्ड के नस्सीए क्युं ।
जे तां आप इलाज ना जाणीए वे, जिन्न भूत ते जादूड़े दस्सीए क्युं ।
फ़कीर भारड़े गोरड़े होइ रहीए, कुड़ी चिड़ी दे नाल खरखस्सीए क्युं ।
जेहड़ा कन्न लपेट के नस्स जाए, मगर लग्ग के ओस नूं धस्सीए क्युं ।
वारिस शाह उजाड़ दे वसद्यां नूं, आप ख़ैर दे नाल फेर वस्सीए क्युं ।
390. रांझा
घरों सक्खना फ़कर ना डूम जाय, अनी खेड़्यां दीए ग़मख़ोरीए नी ।
कोई वड्डी तकसीर है असां कीती, सदका हुसन दा बखश लै गोरीए नी ।
घरों सरे सो फ़कर नूं खैर दीजे, नहीं तुरत जवाब दे टोरीए नी ।
वारिस शाह कुझ्झ रब्ब दे नाम दीचै, नहीं आजज़ां दी काई ज़ोरीए नी ।
391. हीर
हीर आखदी जोगिया झूठ आखें, कौन रुट्ठड़े यार मिलांवदा ई ।
एहा कोई ना मिल्या मैं ढूंड थक्की, जेहड़ा ग्यां नूं मोड़ ल्यांवदा ई ।
साडे चंम दियां जुत्तियां करे कोई, जेहड़ा जीऊ दा रोग गवांवदा ई ।
भला दस्स खां चिरीं विछुन्न्यां नूं, कदों रब्ब सच्चा घरीं ल्यांवदा ई ।
भला मोए ते विछड़े कौन मेले, ऐवें जीऊड़ा लोक वलांवदा ई ।
इक्क बाज़ थों काउं ने कूंज खोही, वेखां चुप्प है कि कुरलांवदा ई ।
इक जट्ट दे खेत नूं अग्ग लग्गी, वेखां आण के कदों बुझांवदा ई ।
द्यां चूरियां घ्यु दे बाल दीवे, वारिस शाह जे सुणां मैं आंवदा ई ।
392. रांझा
जदों तीक ज़िमीं असमान कायम, तदों तीक इह वाह सभ वहणगे नी ।
सभ्भा किबर हंकार गुमान लद्दे, आपो विच्च इह अंत नूं ढहणगे नी ।
इसराफ़ील जां सूर करनाय फूके, तद ज़िमीं असमान सभ ढहणगे नी ।
कुरसी अरशी ते लौह कलम जन्नत, रूह दोज़खां सत इह रहणगे नी ।
कुर्रा सुट के प्रशन मैं लांवदा हां, दस्सां उहनां जो उठ के बहणगे नी ।
नाले पत्तरी फोल के फाल घत्तां, वारिस शाह होरीं सच्च कहणगे नी ।
393. तथा
तुसीं छत्त्यां नाल उह मस्स भिन्ना, तदों दोहां जा जीऊ रल ग्या सी नी ।
योस वंझली नाल तूं नाल लटकां, जीऊ दोहां दा दोहां ने ल्या सी नी ।
उह इशक दे हट्ट विकाय रहआ, महीं किसे दियां चारदा प्या सी नी ।
नाल शौक महीं उह चारदा सी, तेरा व्याह होया लुड़्ह ग्या सी नी ।
तुसीं चड़्हे डोली तां उह हक महीं, टमक चायके नाल लै ग्या सी नी ।
हुन कन्न पड़ा फ़कीर होया, नाल जोगियां दे रल ग्या सी नी ।
अज्ज पिंड तुसाडड़े आ वड़्या, अजे लंघ के अग्हां ना ग्या सी नी ।
हुन संगली सुट के शगन बोलां, अग्गे सांवरी थे शगन ल्या सी नी ।
वारिस शाह मैं पत्तरी भाल डिट्ठी, कुर्रा इह नज़ूम दा प्या सी नी ।
394. तथा
छोटी उमर दियां यारियां बहुत मुशकल, पुत्तर महरां दे खोलियां चारदे ने ।
कन्न पाड़ फ़कीर हो जान राजे, दरद मन्द फिरन विच्च बार दे ने ।
रन्नां वासते कन्न पड़ाय राजे, सभ्भा ज़ात सिफ़ात निघारदे ने ।
भले दिंहु ते नेक नसीब होवन, सज्जन आ बहसन कोल यार दे ने ।
वारिस शाह जां ज़ौक दी लग्गे गद्दी, जौहर निकले असल तलवार दे ने ।
395. तथा
जिस जट्ट दे खेत नूं अग्ग लग्गी, उह राहकां वढ्ढ के गाह लया ।
लावेहार राखे सभ विदा होए, नाउमीद हो के जट्ट राह पया ।
जेहड़े बाज़ थों कांउ ने कूंज खोही, सबर शुकर कर बाज़ फ़ना थया ।
दुनियां छड्ड उदासियां बन्न्ह लईआं, सय्यद वारिसों हुन वारिस शाह भया ।
396. हीर समझ गई
हीर उठ बैठी पते ठीक लग्गे, अते ठीक निशानियां सारियां नी ।
इह तां जोगीड़ा पंडत ठीक मिल्या, बातां आखदा ख़ूब करारियां नी ।
पते वंझली दे एस ठीक दित्ते, अते महीं भी साडियां चारियां नी ।
वारिस शाह इह इलम दा धनी डाढा, खोल्ह कहे निशानियां सारियां नी ।
397. हीर
भला दस्स खां जोगिया चोर साडा, हुन केहड़ी तरफ़ नूं उट्ठ ग्या ।
वेखां आप हुन केहड़ी तरफ़ फिरदा, अते मुझ ग़रीब नूं कुट्ठ ग्या ।
रुठे आदमी घरां विच्च आण मिलदे, गल्ल समझ जां बद्धड़ी मुट्ठ ग्या ।
घरे विच्च पौंदा गुणां सज्जणां दा, यार होर नाहीं किते गुट्ठ ग्या ।
घर यार ते ढूंडदी फिरें बाहर, किते महल नाल माड़ियां उट्ठ ग्या ।
सानूं सबर करार ते चैन नाहीं, वारिस शाह जदोकना रुट्ठ ग्या ।
398. रांझा
एस घुंड विच्च बहुत ख़वारियां ने, अग्ग लायके घुंड नूं साड़ीए नी ।
घुंड हुसन दी आब छुपाय लैंदा, लंमे घुंड वाली रड़े मारीए नी ।
घुंड आशकां दे बेड़े डोब देंदा, मैना ताड़ ना पिंजरे मारीए नी ।
तदों इह जहान सभ नज़र आवे, जदों घुंड नूं ज़रा उतारीए नी ।
घुंड अन्न्हआं करे सुजाख्यां नूं, घुंड लाह तूं मूंह तों लाड़ीए नी ।
वारिस शाह ना दब्बीए मोतियां नूं, फुल्ल अग्ग दे विच्च ना साड़ीए नी ।
399. हीर रांझे दी आपो विच्च गल्ल
अक्खीं साम्हने चोर जे आइ फासन, क्युं दुक्ख विच्च आप नूं गालीए वे ।
मियां जोगिया झूठियां इह गल्लां, घर होन तां कास नूं भालीए वे ।
अग्ग बुझी नूं धीरियां लक्ख दिच्चन, बिना फूक मारे ना बालीए वे ।
हीर वेख के तुरत पछान लीता, हस्स आखदी बात संभालीए वे ।
सहती पास ना देवना भेत मूले, शेर पास ना बक्करी पालीए वे ।
वेख माल चुरायके प्या मुक्कर, राह जांदड़ा कोई ना भालीए वे ।
वारिस शाह मलखई्ईआं नूं माल लद्धा, चलो कुज्जियां बदर पवालीए वे ।
400. रांझा
कही दस्सनी अकल स्याण्यां नूं, कदी नफ़र कदीम संभालीए नी ।
दौलतमन्द नूं जाणदा सभ कोई, नेहुं नाल ग़रीब दे पालीए नी ।
गोदी बाल ढंडोरड़ा जग सारे, जीऊ समझ लै खेड़्यां वालीए नी ।
साड़ घुंड नूं खोल के वेख नैणां नी अनोख्यां सालू वालीए नी ।
वारिस शाह एह इशक दा गाउ तकिया, अनी हुसन दी गरम नेहालीए नी ।
401. सहती
सहती समझ्या इह रल गए दोवें, लईआं घुट फ़कीर बलाईआं नी ।
इह वेख फ़कीर नेहाल होई, जड़ियां एस ने घोल पिवाईआं नी ।
सहती आखदी मग़ज़ खपा नाहीं, अनी भाबीए घोल घुमाईआं नी ।
एस जोगीड़े नाल तूं खौझ नाहीं, नी मैं तेरियां लवां बलाईआं नी ।
मतां घत्त जग-धूड़ ते करू कमली, गल्लां एस दे नाल की लाईआं नी ।
इह ख़ैर ना भिछ्या लए दाणे, कित्थों कढ्ढीए दुध मलाईआं नी ।
डरन आंवदा भूतने वांग इस थों, किसे थांउं दियां इह बलाईआं नी ।
ख़ैर घिन के जा फ़रफ़ेजिया वे, अत्तां रावला केहियां चाईआं नी ।
फिरें बहुत पखंड खिलारदा तूं, एथे कई वलल्लियां पाईआं नी ।
वारिस शाह ग़रीब दी अकल घुत्थी, इह पट्टियां इशक पड़्हाईआं नी ।
402. रांझा
मैं इकल्लड़ा गल्ल ना जाणना हां, तुसीं दोवें निनान भरजाईआं नी ।
मालज़ादियां वांग बना तेरी, पाई बैठी हैं सुरम-सलाईआं नी ।
पैर पकड़ फ़कीर दे दे भिछ्या, अड़ियां केहियां कवारीए लाईआं नी ।
ध्यान रब्ब ते रक्ख ना हो तत्ती, ग़ुस्से होन ना भल्यां दियां जाईआं नी ।
तैनूं शौक है तिन्हां दा भागभरीए, जिन्हां डाचियां बार चराईआं नी ।
जिस रब्ब दे असीं फ़कीर होए, वेख कुदरतां ओस विखाईआं नी ।
साडे पीर नूं जाणदी ग्या मोया, तांही गाल्हियां देणियां लाईआं नी ।
वारिस शाह उह सदा ही ज्युंदे ने, जिन्हां कीतियां नेक कमाईआं नी ।
403. सहती
पते डाचियां दे पूरे लावना हैं, देंदा मेहने शामतां चौरियां वे ।
मत्था डाहउ नाल कवारियां दे, तेरियां लौंदियां जोगिया मौरियां वे ।
तेरी जीभ मवेसिया हत्थ इल्लत, तेरे चुतड़ीं लड़दियां भौरियां वे ।
ख़ैर मिले सो लएं ना नाल मसती, मंगें दुद्ध ते पान गलौरियां वे ।
रुग देन आटा इक्के टुक चप्पा, भर देन ना जट्टियां कौरियां वे ।
एस अन्न नूं ढूंडदे उह फिरदे, चड़्हन हाथियां ते होवन चोरियां वे ।
सोटा वड्डा इलाज कुपत्त्यां दा, तेरियां भैड़ियां दिसदियां तौरियां वे ।
वड्डे कमल्यां दी असां भंग झाड़ी, एथे कई फ़कीरियां सौरियां वे ।
वारिस मार सवारदे भूत राकश, जेहड़ियां महरियां होन अपौड़ियां वे ।
404. रांझा
बुरा खहन फ़कीरां दे नाल पईआं, अठखेल बुर्यार उचक्कियां नी ।
रातब खायके हंजरन विच्च तल्ले, मारन लत्त इराकियां बक्कियां नी ।
इक्क भौंकदी दूसरी दए टिचकर, इह ननान भाबी दोवें सकियां नी ।
एथे बहुत फ़कीर ज़हीर करदे, ख़र देंदियां देंदियां अक्कियां नी ।
जिन्हीं डब्बियां पायके सिरीं चाईआं, रन्नां तिन्हां दियां नहीउं सकियां नी ।
नाले ढिड्ड खुरकन नाले दुध रिड़कन, अते चाटियां कुत्त्यां लक्कियां नी ।
झाटा खुरकदियां गुन्हदियां नक्क सिणकन, मारन वायके चाड़्ह के नक्कियां नी ।
लड़ो नहीं जे चंगियां होवना जे, वारिस शाह तों लउ दो फक्कियां नी ।
405. सहती
अनी वेखो नी वासता रब्ब दा जे, वाह पै ग्या नाल कुपत्त्यां दे ।
मगर हलां दे चोबरां लाय दीचन, इक्के छेड़ दीचन मगर कट्ट्यां दे ।
इक्के वाढियां लावियां करन चोबर, इक्के डाह दीचन हेठ झट्ट्यां दे ।
इह पुराणियां लान्हतां हैन जोगी, गद्दों वांग लेटन विच्च घट्ट्यां दे ।
हीर आखदी बहुत है शौक तैनूं, भेड़ पाय बहें नाल डट्ट्यां दे ।
वारिस शाह मियां खहड़े ना पवीए, कन्न पाट्यां रब द्यां पट्ट्यां दे ।
406. हीर नूं सहती
भाबी जोगियां दे वड्डे कारने नी, गल्लां नहीं सुणियां कन्न-पाट्यां दियां ।
रोक बन्न्ह पल्ले दुध दहीं पीवन, वड्डियां चाटियां जोड़दे आट्यां दियां ।
गिट्ठ गिट्ठ वधायके वाल नाख़ुन, रिछ पलमदे लांगड़ां पाट्यां दियां ।
वारिस शाह इह मसत के पाट लत्थे, रगां किरलियां वांग ने गाट्यां दियां ।
407. रांझा
इह मिसल मशहूर जहान सारे, जट्टी चारे ही थोक सवारदी है ।
उन तुम्बदी मन्हे 'ते बाल लेड़्हे, चिड़ियां हाकरे लेलड़े चारदी है ।
बन्न्ह झेड़े फ़कीर दे नाल लड़दी, घर सांभदी लोकां नूं मारदी है ।
वारिस शाह दो लड़न माशूक एथे, मेरी संगली शगन विचारदी है ।
408. सहती
मेरे हत्थ लौंदे तेरी लवें टोटन, कोई मारसीगा नाल मुहल्यां दे ।
असीं घड़ांगे वांग कलबूत मोची, करें चावड़ां नाल तूं रुहल्यां दे ।
सुट्टूं मार चपेड़ ते दन्द भन्नूं, सवाद आवसी चुहल्यां मुहल्यां दे ।
वारिस हड्ड तेरे घाट वांग छड़ियन, नाल कुतक्यां पौल्यां मुहल्यां दे ।
409. रांझा
तेरे मौर लौंदे फाट खान उत्ते, मेरी फरकदी अज्ज मुतहर है नी ।
मेरा कुतका लवें ते तेरे चुतड़, अज्ज दोहां दी वड्डी कुदहड़ है नी ।
चिभ्भड़ वांग तेरे बीउ कढ्ढ सुट्टां, मैनूं आया जोश दा कहर है नी ।
एस भेड दे ख़ून तों किसे चिड़्ह के, नहीं मार लैना कोई शहर है नी ।
उजाड़े-ख़ोर गद्दों वांग कुट्टीएंगी, केही मसत तैनूं वड्डी वेहर है नी ।
वारिस शाह इह डुगडुगी रन्न कुट्टां, किस छडावनी वेहर ते कहर है नी ।
410. तथा
असीं सबर करके चुप हो बैठे, बहुत औखियां इह फ़कीरियां ने ।
नज़र थल्ले क्युं ल्यावनी कन्न पाटे, जिसदे हस्स दे नाल ज़ंजीरियां ने ।
जेहड़े दरशनी हुंडवी वाच बैठे, सभ्भे चिठियां उहनां ने चीरियां ने ।
तुसीं करो ह्या कवारीउ नी, अजे दुद्ध दियां दन्दियां खीरियां ने ।
वांग बुढ्यां करे पक्कचंड गल्लां, मत्थे चुंडियां कवार दियां चीरियां ने ।
केही चन्दरी लग्गी हैं आण मत्थे, अखीं भुख दियां भौन भम्बीरियां ने ।
मैं तां मार तलेटियां पुट सुट्टां, मेरी उंगली उंगली पीरियां ने ।
वारिस शाह फ़ौजदार दे मारने नूं, सैनां मारियां वेख कशमीरियां ने ।
411. हीर रांझे वल्ल होई
सैनी मार के हीर ने जोगीड़े नूं, कहआ चुप कर एस भकाउनी हां ।
तेरे नाल जे एस ने वैर चायआ, मत्था एस दे नाल मैं लाउनी हां ।
करां गलों गलायन नाल इस दे, गल एसदे रेशटा पाउनी हां ।
वारिस शाह मियां रांझे यार अग्गे, इहनूं कंजरी वांग नचाउनी हां ।
412. हीर सहती नूं
हीर आखदी एस फ़कीर नूं नी, केहा घत्यु ग़ैब दा वायदा ई ।
एन्हां आजज़ां भौर निमाण्यां नूं, पई मारनी हैं केहा फ़ायदा ई ।
अल्लाह वाल्यां नाल की वैर पईएं, भला कवारीए एह की कायदा ई ।
पैर चुंम फ़कीर दी टहल कीचै, एस कंम विच्च ख़ैर दा ज़ायदा ई ।
पिच्छों फड़ेंगी कुतका जोगीड़े दा, कौन जाणदा केहड़ी जाय दा ई ।
वारिस शाह फ़कीर जे होन ग़ुस्से, ख़ौफ़ शहर नूं कहत वबाय दा ई ।
413. सहती ते हीर
भाबी इक्क धिरों लड़े फ़कीर सानूं, तूं भी जिन्द कढें नाल घूरियां दे ।
जे तां हिंग दे निरख दी ख़बर नाहीं, काह पुच्छीए भा कसतूरियां दे ।
एन्हां जोगियां दे नाहीं वस्स काई, कीते रिज़क ने वायदे दूरियां दे ।
जे तां पट्ट पड़ावना ना होवे, काह खहन कीचै नाल भूरियां दे ।
जान सहतीए फ़क्कर नी नाग काले, मिले हक्क कमाईआं पूरियां दे ।
कोई दे बद दुआ ते गाल सुट्टे, पिच्छों फ़ायदे की एन्हां झूरियां दे ।
लछू लछू करदी फिरें नाल फक्करां, लुच्च चालड़े इहनां लंगूरियां दे ।
वारिस शाह फ़कीर दी रन्न वैरन, जिवें वैरी ने मिरग अंगूरियां दे ।
414. सहती
भाबी करें र्याइतां जोगियां दियां, हत्थीं सुच्चियां पाय हथौड़ियां नी ।
जेहड़ी दीद विखायके करे आकड़, मैं तां पट सुट्टां एहदियां चौड़ियां नी ।
गुरू एस दे नूं नहीं पहुंच ओथे, जित्थे अकलां असाडियां दौड़िया नी ।
मार मुहलियां स्ट्टां सू भन्न टंगां, फिरे ढूंडदा काठ कठौरियां नी ।
जिन्न भूत ते देउ दी अकल जावे, जदों मार के उट्ठियां छौड़ियां नी ।
वारिस शाह फ़कीर दे नाल लड़ना, कप्पन ज़हर दियां गन्दलां कौड़ियां नी ।
415. हीर
हाए हाए फ़कीर नूं बुरा बोलें, बुरे सहतीए तेरे अपौड़ होए ।
जिन्हां नाल नमाण्यां वैर चायआ, सने जान ते माल दे चौड़ होए ।
कन्न पाट्यां नाल जिस चेह बद्धी, पस-पेश थीं अंत नूं रौड़ होए ।
रहे औत नखत्तरी रंड सुंञी, जेहड़ी नाल मलंगां दे कौड़ होए ।
इन्हां तेहां नूं छेड़ीए नहीं मोईए, जेहड़े आशक फ़कीर ते भौर होए ।
वारिस शाह लड़ाई दा मूल बोलन, वेख दोहां दे लड़न दे तौर होए ।
416. सहती
भाबी एस जे गधे दी अड़ी बद्धी, असीं रन्नां भी चह चहारियां हां ।
इह मार्या एस जहान ताज़ा, असीं रोज़े-मीसाक दियां मारियां हां ।
इह ज़िद दी छुरी जे हो बैठा, असीं चेह दियां तेज़ कटारियां हां ।
जे इह गुंड्यां विच्च है पैर धरदा, असीं खचरियां बांकियां डारियां हां ।
मरद रंग महल्ल हन इशरतां दे, असीं ज़ौक ते मज़े दियां माड़ियां हां ।
इह आप नूं मरद सदांवदा है, असीं नरां दे नाल दियां नारियां हां ।
एस चाक दी कौन मजाल है नी, राजे भोज थीं असीं ना हारियां हां ।
वारिस शाह विच्च हक्क सफ़ैद-पोशां, असीं होली दियां रंग पिचकारियां हां ।
417. हीर
जिन्हां नाल फ़कीर दे अड़ी बद्धी, हत्थ धो जहान थीं चल्लियां नी ।
आ टलीं कवारीए डारीए नी, कोहियां चाईयों भवां अवल्लियां नी ।
हैन वस्सदे मींह भी हो नींवें, धुंमां कहर दियां देस ते घल्लियां नी ।
कारे हत्थियां कवारियां वेहु-भरियां, भला कीकरूं रहन नचल्लियां नी ।
मुनस मंगदियां जोगियां नाल लड़ के, रातीं औखियां होन इकल्लियां नी ।
पच्छी चरखड़ा रुले है सड़न जोगा, कदी चार ना लाहीउं छल्लियां नी ।
जित्थे गभरू होन जा खहें आपे, पर्हे मार के बहें पथल्लियां नी ।
टल जा फ़कीर थों गुंडीए नी, वारिस कवारीए राहीं क्युं मल्लियां नी ।
418. सहती
भला दस्स भाबी केहा वैर चायउ, भईआं पिट्ट्यां नूं पई लूहनी हैं ।
अणहुन्दियां गल्लां दे नाउं लै के, घा अल्लड़े पई खनूंहनी हैं ।
आप छाननी छेड़दी दी दोहनी नूं, ऐवें कंड्यां तों पई धूहनी हैं ।
सोहनी होई हैं नहीं तूं ग़ैब चायआ, खून ख़लक दा पई नचूहनी हैं ।
आप चाक हंढायके छड्ड आईएं, होर ख़लक नूं पई वडूहनी हैं ।
आख भाई नूं हुने कुटाय घत्तूं, जेहे असां नूं मेहने लूहनी हैं ।
आप कमली लोकां दे सांग लाएं, खच्चरवाईआं दी वड्डी खूहनी हैं ।
वारिस शाह केही बघ्याड़ी एं नी, मुंडे मोहनी ते वड्डी सूहनी हैं ।
419. हीर
ख़ुआर खज्जलां रुलदियां फिरदिया सन, अक्खीं वेखद्यां होर दियां होर होईआं ।
अते दुध दियां धोतियां नेक नीतां, आखे चोरां दे ते असीं चोर होईआं ।
चोर चौधरी गुंडी परधान कीती, इह उलट अवल्लियां ज़ोर होईआं ।
बदज़ेब ते कोझियां भेड मूंहियां, आके हुसने दे बाग़ दियां मोर होईआं ।
इह चुग़ल बलोचां दे नेहुं मुट्ठी, अन्न्हीं डौर घूठी मनखोर होईआं ।
इहदी बनत वेखो नाल नख़र्यां दे, मालज़ादियां विच्च लहौर होईआं ।
भरजाईआं नूं बोली मारदियां ने, फिरन मंडियां विच्च ललोर होईआं ।
वारिस शाह झन्हाउं ते धुम इहदी, जिवें सस्सी दियां शहर भम्बोर होईआं ।
420. सहती
लड़े जट्ट ते कुट्टीए डूम नाहीं, सिर जोगीड़े दे गल्ल आईआ ई ।
आ कढ्ढीए वढ्ढीए इह फसता, जगधूड़ काई एस पाईआ ई ।
एस मार मंतर वैर पाय दित्ता, चाणचक्क दी पई लड़ाईआ ई ।
हीर नहीं ख़ांदी मार असां कोलों, वारिस गल्ल फ़कीर ते आईआ ई ।
421. सहती नौकरानी नूं
सहती आख्या उठ रबेल बांदी, ख़ैर पा फ़कीर नूं कढ्ढीए नी ।
आटा घत्त के रुग कि बुक चीणां, विच्चों अलख फ़साद दी वढ्ढीए नी ।
दे भिछ्या वेहड़्युं कढ आईए, होड़ा विच्च बरूंह दे गड्डीए नी ।
अंमां आवे तां भाबी तों वक्ख होईए, साथ उट्ठ बलेदे दा छड्डीए नी ।
आवे खोह नवालियां हीर सुट्टीए, ओहदे यार नूं कुट के छड्डीए नी ।
वांग किला दीपालपुर हो आकी, झंडा विच्च मवास दे गड्डीए नी ।
वारिस शाह दे नाल दो हत्थ करीए, अवे उट्ठ तूं सार दीए हड्डीए नी ।
422. नौकरानी दा ख़ैर पाउना ते जोगी दा होर भड़कणा
बांदी हो ग़ुस्से नक्क चाड़्ह उठी, बुक चीने दा चाय उलेर्या सू ।
धरोही रब्ब दी ख़ैर लै जा साथों, हाल हाल कर पल्लूड़ा फेर्या सू ।
बांदी लाड दे नाल चवाय करके, धक्का दे नाथ नूं गेर्या सू ।
लै के ख़ैर ते खप्परा जा साथों, ओस सुत्तड़े नाग नूं छेड़्या सू ।
छिब्बी गल्ल्ह विच्च दे पशम पुट्टी, हत्थ जोगी दे मूंह ते फेर्या सू ।
वारिस शाह फरंग दे बाग़ वड़ के, वेख कला दे खूह नूं गेड़्या सू ।
423. रांझा
रांझा वेख के बहुत हैरान होया, पईआं दुद्ध विच्च अम्ब दियां फाड़ियां नी ।
ग़ुस्से नाल ज्युं हशर नूं ज़िमीं तपे, जीऊ विच्च कलीलियां चाड़्हियां नी ।
चीना चोग चमूण्या आण पायउ, मुन्न चल्ली हैं गोलीए दाड़्हियां नी ।
जिस ते नबी दा रवा दरूद नाहीं, अक्खीं भरन ना मूल उघाड़ियां नी ।
जिस दा पक्के पराउंठा ना मंडा, पंड ना बझ्झे विच्च साड़्हियां नी ।
डुब्ब मोए ने कासबी विच्च चीणे, वारिस शाह ने बोलियां मारियां नी ।
नैणूं यूशबा बोल अबोल कह के, डुब्बे आपने आपनी वारियां नी ।
अवो भिच्छ्या घत्त्यु आण चीणा, नाल फ़कर दे घोलीउं यारियां नी ।
औह लोहड़ा वड्डा कहर कीतो, कंम डोब सुट्ट्या रन्नां डारियां नी ।
वारिस खप्परी चा पलीत कीती, पईआं धोणियां सेहलियां सारियां नी ।
424. सहती
चीणां झाल झल्ले जटा धारियां दी, माई बाप है नंग्यां भुक्ख्यां दा ।
अन्न चीने दा खावीए नाल लस्सी, सवाद दुद्ध दा टुकड़्यां रुक्ख्यां दा ।
बनन पिन्नियां एस दे चाउलां दियां, खावे देन मज़ा चोखा चुक्ख्यां दा ।
वारिस शाह मियां नवां नज़र आया, इह चालड़ा लुच्च्यां भुक्ख्यां दा ।
425. रांझा
चीना ख़ैर देना बुरा जोगियां नूं, मच्छी भाबड़े नूं मास बाहमणां नी ।
कैफ़ भगत काज़ी तेल खंघ वाले, वढ्ढ सुट्टना लुंग पलाहमणां नी ।
ज़हर जींवदे नूं अन्न सन्न्ह वाले, पानी हलक्यां नूं, धरन साहमना नी ।
वारिस शाह ज्युं संखिया चूहआं नूं, संख मुल्लां नूं बांग ज्युं बाहमणां नी ।
426. सहती
क्युं विगड़ के तिगड़ के पाट लत्थों, अन्न आबे-हआत है भुक्ख्यां नूं ।
बुढ्ढा होवसें लिंग जा रहन टुरनों, फिरें ढूंडदा टुक्करां रुक्ख्यां नूं ।
किते रन्न घर बार ना अड्ड्या ई अजे फिरें चलाउंदा तुक्क्यां नूं ।
वारिस शाह अज्ज वेख जो चड़्ही मसती, ओहनां लुच्च्यां भुक्ख्यां सुक्क्यां नूं ।
427. जोगी लड़न लई त्यार
जोगी ग़ज़ब दे सिर ते स्ट्ट खप्पर, पकड़ उठ्या मार के छौड़्या ई ।
लै के फाहुड़ी घुलन नूं त्यार होया, मार वेहड़े दे विच्च अपौड़्या ई ।
साड़ बाल के जीऊ नूं ख़ाक कीता, नाल कावड़ां दे जट कौड़्हआ ई ।
जेहा ज़करिया ख़ान मुहंम करके, लै के तोप पहाड़ नूं दौड़्या ई ।
जेहा महर दी सथ दा बान-भुच्चर, वारिस शाह फ़कीर ते दौड़्या ई ।
428. रांझा नौकरानी नूं
हत्थ चाय मुतहरड़ी कड़क्या ई तैनूं आउंदा जग सभ सुंञ रन्ने ।
चावल नेहमतां कनक तूं आप खाएं, ख़ैर देन ते कीता है खुंझ रन्ने ।
खड़ दहे चीना घर ख़ावन्दां दे, नहीं मार के करूंगा मुंज रन्ने ।
फिट चड़्हद्यां चूड़ियां कढ सुटां, ला बहीएं जे वैर दी झुंज रन्ने ।
सिर फाहुड़ी मार के दन्द झाड़ूं, टंगां भन्न के करूंगा लुंज रन्ने ।
तेरी वरी-सूई हुने फोल सुट्टां, जही रहेंगी उंज दी उंज रन्ने ।
वारिस शाह सिर चाड़्ह विगाड़ीएं तूं, हाथी वांग मैदान विच्च गुंज रन्ने ।
429. सहती नौकरानी नूं
बांदी होइके चुप खलो रही, सहती आखदी ख़ैर ना पायउ क्युं ।
इह तां जोगीड़ा लीक कंमज़ात कंजर, एस नाल तूं भेड़ मचायउ क्युं ।
आप जाय के दे जे है लैंदा, घर मौत दे घत फहायउ क्युं ।
मेरी पान पत्त एस ने लाह सुट्टी, जान बुझ्झ बेशरम करायउ क्युं ।
मैं तां एस दे हत्थ विच्च आण फाथी, मूंह शेर दे मास फहायउ क्युं ।
वारिस शाह मियां एस मोरनी ने, दवाले लाहीके बाज़ छुडायउ क्युं ।
430. रांझा
झाटा खोह के मीढियां पुट्ट घत्तूं, गुत्तों पकड़ के द्युं विलावड़ा नी ।
जे तां पिंड दा ख़ौफ़ विखावनी हैं, लिखां पशम ते इह गिरांवड़ा नी ।
तेरा असां दे नाल मुदपड़्ड़ा है, नहीं होवना सहज मिलावड़ा नी ।
लत मार के छड़ूंगा चाय गुम्बड़, कढ आई हैं ढिड ज्युं तावड़ा नी ।
सने कवारी दे मार के मिझ्झ कढूं, चुतड़ घड़ूंगा नाल फहावड़ा नी ।
हत्थ लगे तां सुटूंगा चीर रन्ने, कढ लऊंगा सारियां कावड़ां नी ।
तुसीं तरै घुलाटणां जाणदा हां, कढ्ढा दोहां दा पोसत्यावड़ा नी ।
वारिस शाह दे मोढ्यां चड़्ही हैं तूं, निकल जाणगियां जवानियां दियां चावड़ां नी ।
431. तथा
हीरे करां मैं बहुत ह्या तेरा, नहीं मारां सू पकड़ पथल्ल के नी ।
सभ्भा पान पत्त एस दी लाह सुट्टां, लक्ख वाहरां दए जे घल्ल के नी ।
जेहा मार चितौड़ गड़्ह शाह अकबर, ढाह मोरचे लए मचल्लके नी ।
ज्युं ज्युं शरम दा मार्या चुप करनां, नाल मसतियां आंवदी चल्ल के नी ।
तेरी पकड़ संघी जिन्द कढ्ढ सुट्टां, मेरे खुस्स ना जाणगे तल्लके नी ।
भला आख की खट्टना वट्टना हई, वारिस शाह दे नाल पिड़ मल्ल के नी ।
432. हीर
बोली हीर मियां पा ख़ाक तेरी, पिच्छा टुट्टियां असीं परदेसणां हां ।
प्यारे विछड़े चौंप ना रही काई, लोकां वांग ना मिट्ठियां मेसणां हां ।
असीं जोगिया पैर दी ख़ाक तेरी, नाहीं खोटियां अते मलखेसणां हां ।
नाल फ़कर दे करां बराबरी क्युं, असीं जट्टियां हां कि कुरेशणां हां ।
433. हीर नूं सहती
नवीं नूचीए कच्चीए यारनीए नी, कारे-हत्थीए चाक दीए प्यारीए नी ।
पहले कंम सवार हो बहें न्यारी, बेली घेर लै जाणीए डारीए नी ।
आप भली हो बहें ते असीं बुरियां, करें खचर-पौ रूप शिंगारीए नी ।
अखीं मार के यार नूं छेड़ पाउ नी महां सतीए चह चहारीए नी ।
आउ जोगी नूं लईं छुडा साथों, तुसां दोहां दी पैज सवारीए नी ।
वारिस शाह हत्थ फड़े दी लाज हुन्दी, करीए साथ तां पार उतारीए नी ।
434. सहती ने ख़ैर पाउणा
सहती हो ग़ुस्से चा ख़ैर पायआ, जोगी वेखदे तुरत ही रज्ज प्या ।
मूंहों आखदी रोह दे नाल जट्टी, कटक खेड़्यां दे भावें अज्ज प्या ।
इह लै मकर्या ठकर्या रावला वे, काहे वाचना एं ऐड धरज्ज प्या ।
ठूठे विच्च सहती चीना घत दित्ता, फट्ट जोगी दे कालजे वज्ज प्या ।
वारिस शाह शराब ख़राब होया, शीशा संग ते वज्ज के भज्ज प्या ।
435. रांझा
ख़ैर फ़कर नूं अकल दे नाल दीचै, हत्थ संभल के बुक्क उलारीए नी ।
कीचै ऐड हंकार ना जोबने दा, घोल घत्तीए मसत हंकारीए नी ।
होईउं मसत गरूर तकब्बरी दा, लोड़्ह घत्युं रन्ने डारीए नी ।
कीचै हुसन दा मान ना भाग भरीए, छल जायसी रूप विचारीए नी ।
ठूठा भन्न फ़कीर नूं पट्ट्यु ई शाला यार मरी अनी डारीए नी ।
मापे मरन हंकार भज्ज पवे तेरा, वारिस पत्तने दीए वणजारीए नी ।
436. सहती
घोल घत्युं यार दे नाउं उतों, मूंहों संभलीं जोगियां आर्या वे ।
तेरे नाल मैं आख की बुरा कीता, हत्थ ला नाहीं तैनूं मार्या वे ।
माउं सुणद्यां पुणें तूं यार मेरा, वड्डा कहर कीतो लोड़्हे मार्या वे ।
रुग आटे दा होर लै जा साथों, किवें वढ्ढ फ़साद हर्यार्या वे ।
तैथे आदमीगरी दी गल्ल नाहीं, रब्ब चाय बथुन्न उसार्या वे ।
वारिस किसे असाडे नूं ख़बर होवे, ऐवें मुफ़त विच्च जाएंगा मार्या वे ।
437. रांझा
जे तैं पोल कढावना ना आहा, ठूठा फ़कर दा चा भनाईए क्युं ।
जे तैं कवार्यां यार हंढावने सन, तां फिर मांउं दे कोलों छुपाईए क्युं ।
ख़ैर मंगीए तां भन्न दएं कासा असीं आखदे मूंहों शरमाईए क्युं ।
भरजाई नूं मेहना चाक दा सी, यारी नाल बलोच दे लाईए क्युं ।
बोती हो बलोच दे हत्थ आईएं, जड़्ह कवार दी चा भनाईए क्युं ।
वारिस शाह जां आकबत ख़ाक होणा, एथे आपनी शान वधाईए क्युं ।
438. सहती
जो को जंम्या मरेगा सभ कोई, घड़्हआ भज्जसी वाह सभ वहणगे वे ।
मीर पीर वली ग़ौस कुतब जासन, इह सभ पसारड़े ढहणगे वे ।
जदों रब आमाल दी ख़बर पुच्छे, हथ पैर गवाहियां कहणगे वे ।
भन्नें ठूठे तों ऐड वधा कीतो, बुरा तुध नूं लोक सभ कहणगे वे ।
जीभ बुरा बोलेस्या रावला वे, हड्ड पैर सज़ाईआं लैणगे वे ।
कुल चीज़ फ़नाह हो ख़ाक रलसी, साबत वली अल्लाह दे रहणगे वे ।
ठूठा नाल तकदीर दे भज्ज प्या, वारिस शाह होरीं सच्च कहणगे वे ।
439. रांझा
शाला कहर पौसी छुट्टे बाज़ पैणी, ठूठा भन्न के लाड भंगारनी हैं ।
लक्क बन्न्ह के रन्ने घुल्हक्कड़े नी, माड़ा वेख फ़कीर नूं मारनी हैं ।
नाले मारनी हैं जीऊ साड़नी हैं, नाले हाल ही हाल पुकारनी हैं ।
मरे हुकम दे नाल तां सभ कोई, बिना हुकम दे ख़ून गुज़ारनी हैं ।
बुरे नाल जे बोलीए बुरा होईए, असीं बोदले हां तां तूं मारनी हैं ।
ठूठा फेर दरुसत कर देह मेरा, होर आख की सच्च नितारनी हैं ।
लोक आखदे हन इह कुड़ी कवारी, साडे बाब दी धाड़वी धारनी हैं ।
ऐडे फ़न फ़रेब हन याद तैनूं, मुरदारां दी सिर सरदारनी हैं ।
घर वालीए वहुटीए बोल तूं वी, कही जीऊ विच्च सोच विचारनी हैं ।
सवा मनी मुतहर पई फरकदी है, किसे यारनी दे सिर मारनी हैं ।
इक्क चोर ते दूसरी चतर बणीउं, वारिस शाह हुन ढाय के मारनी हैं ।
440. हीर
हीर आखदी इह चवाय केहा, ठूठा भन्न फ़कीरां नूं मारना की ।
जिन्हां हिक अल्लाह दा आसरा है, ओन्हां पंखियां नाल खहाड़ना की ।
जेहड़े कन्न पड़ाय फ़कीर होए, भला उन्हां दा पड़तना पाड़ना की ।
थोड़्ही गल्ल दा वढा वधा करके, सौरे कंम नूं चा विगाड़ना की ।
जेहड़े घरां दियां चावड़ां नाल मारें, घर चक्क के एस लै जावना की ।
मेरे बूहउं फ़कर क्युं मार्यु ई वसदे घरां तों फ़कर मोड़ावना की ।
घर मेरा ते मैं नाल खुनस चायउ, एथों कवारीए तुध लै जावना की ।
बोल्ह राहकां दे हौस चूहड़े दी, मरशू मरशू दिन रात करावना की ।
वारिस शाह इह हिरस बेफ़ायदा ई ओड़क एस जहान तों चावना की ।
441. सहती हीर नूं
भला आख की आंहदी एं नेक पाके, जिस दे पल्लू ते पड़्हन नमाज़ आई ।
घर वार तेरा असीं कोई होईआं, जापे लद्द के घरों जहाज़ आई ।
मुंडे मोहणीएं ते झोटे दोहणीएं नी, अजे तीक ना इशक थीं बाज़ आई ।
वारिस शाह जवानी दी उमर गुज़री, अजे तीक ना याद हजाज़ आई ।
442. हीर
इह मसत फ़कीर ना छेड़ लीके, कोई वड्डा फसाद गल पासिया नी ।
मारे जान खेड़े उजड़ जान मापे, तुध लंडी दा कुझ्झ ना जासिया नी ।
पैर पकड़ फ़कीर दे करस राज़ी, नहीं एस दी आह पै जासिया नी ।
वारिस शाह जिस किसे दा बुरा कीता, जा गोर अन्दर पछोतासिया नी ।
443. सहती
तेरे जेहियां लक्ख पड़्हाईआं मैं, ते उडाईआं नाल अंगूठ्यां दे ।
तैनूं सिद्ध कामल वली गौंस दिस्से, मैनूं ठग्ग दिस्से भेस झूठ्यां दे ।
साडे खौंसड़े नूं याद नहीं चोबर, भावें आण लावे ढेर ठूठ्यां दे ।
इह मसत मलंग मैं मसत एदूं, इस थे मकर हन टुकड़्यां जूठ्यां दे ।
वारिस शाह मियां नाल चवाड़ियां दे, लिंङ सेकीए चोबरां घूठ्यां दे ।
444. हीर
एस फ़क्कर दे नाल की वैर पईएं, उधल जायसैं तैं नहीं वस्सना ई ।
ठूठा भन्न फ़कीर नूं मारनी हैं, अग्गे रब्ब दे आख की दस्सना ई ।
तेरे कवार नूं ख़वार संसार करसी, एस जोगी दा कुझ ना घस्सना ई ।
नाल चूहड़े खत्तरी घुलन लग्गे, वारिस शाह फिर मुलक ने हस्सना ई ।
445. सहती
इक्के मरांगी मैं इक्के एस मारां, इक्के भाबीए तुध मरायसां नी ।
रोवां मार भुब्बां भाई आंवदे ते,तैनूं ख़ाह-मख़ाह कुटायसां नी ।
चाक लीक लाई तैनूं मिले भाबी, गल्लां पिछलियां कढ्ढ सुणइसां नी ।
इक्के मारीएं तूं इक्के इह जोगी, इहो घगरी चाय विछायसां नी ।
सीता दहसिरे नाल जो गाह कीता, कोई वड्डा कमन्द पवायसां नी ।
रन्न ताहीं जां घरों कढाय तैनूं, मैं मुराद बलोच हंढायसां नी ।
सिर एस दा वढ के अते तेरा, एस ठूठे दे नाल रलायसां नी ।
रख हीरे तूं एतनी जम्हां ख़ातर, तेरी रात नूं भंग लुहायसां नी ।
मैं कुटायसां अते मरायसां नी, गुत्तों धरूह के घरों कढायसां नी ।
वारिस शाह कोलों भन्नाय टंगायसां नी, तेरे लिंङ सभ चूर करायसां नी ।
446. हीर
ख़ून भेड दे जे पिंड मार लईए, उजड़ जाए जहान ते जग्ग सारा ।
हत्थों जूआं दे जुल्ल जे सुट्ट वेचन, कीकूं कट्टीए पोह ते माघ सारा ।
तेरे भाई दी भैन नूं खड़े जोगी, हत्थ लाए मैनूं कई होस कारा ।
मेरी भंग झाड़े उहदी टंग भन्नां, स्याल साड़ सुट्टन उहदा देस सारा ।
मैनूं छड्ड के तुध नूं करे सैदा, आख कवारीए पायउ तूं केहा आड़ा ।
वारिस खोह के चूंडियां तेरियां नूं, करां ख़ूब पैज़ार दे नाल झाड़ा ।
447. सहती
कज्जल पूछल्यालड़ा घत नैणीं, ज़ुलफां कुंडलां दार बणावनी हैं ।
नीवियां पट्टियां हिक पलमा ज़ुलफां, छल्ले घत के रंग वटावनी हैं ।
अते आशकां नूं दिखलावनी हैं, नत्थ वेहड़े दे विच्च छणकावनी हैं ।
बांकी भख रही चोली बाफ़ते दी, उते कहर दियां अल्लियां लावनी हैं ।
ठोडी गल्ल्ह ते पायके ख़ाल ख़ूनी, राह जांदड़े मिरग फहावनी हैं ।
किन्हां नखर्यां नाल भरमावनी हैं, अखीं पा सुरमा मटकावनी हैं ।
मल वट्टणां लोड़्ह दन्दासड़े दा, ज़री बादला पट हंढावनी हैं ।
तेड़ चूड़ियां पा के कहर वाला, कुंजां घत के लावना लावनी हैं ।
नवां वेस ते वेस बणावनी हैं, लएं फेरियां ते घुमकावनी हैं ।
नाल हुसन गुमान दे पलंघ बह के, हूर परी दी भैन सदावनी हैं ।
पैर नाल चवाय दे चावनी हैं, लाड नाल गहने छनकावनी हैं ।
सरदार हैं ख़ूबां दे त्रिंञणां दी, ख़ातर तले ना किसे ल्यावनी हैं ।
वेख होरनां नक्क चड़्हावनी हैं, बैठी पलंघ ते तूतीए लावनी हैं ।
महन्दी लाय हत्थीं पहन ज़री ज़ेवर, सोइन मिरग दी शान गवावनी हैं ।
पर असीं भी नहीं हां घट तैथों, जे तूं आप नूं छैल सदावनी हैं ।
साडे चन्न सरीर मथैलियां दे, सानूं चूहड़ी ही नज़र आवनी हैं ।
नाढू शाह दी रन्न हो पलंघ बह के, साडे जीऊ नूं ज़रा ना भावनी हैं ।
तेरा कंम ना कोई वगाड़्या मैं, ऐवें जोगी दी टंग भनावनी हैं ।
सने जोगी दे मार के मिझ कढ्ढूं, जैंदी चावड़ां पई दखावनी हैं ।
तेरा यार जानी असां ना भावे, हुने होर की मूंहों अखावनी हैं ।
सभ्भा अड़तने पड़तने पाड़ सुट्टूं, ऐवें शेखियां पई जगावनी हैं ।
वेख जोगी नूं मार खदेड़ कढ्ढां, वेखां ओसनूं आइ छुडावनी हैं ।
तेरे नाल जो करांगी मुलक वेखे, जेहे मेहने लूतियां लावनी हैं ।
तुद्ध चाहीदा की एस गल्ल विच्चों, वारिस शाह ते चुग़लियां लावनी हैं ।
448. हीर
भला कवारीए सांग क्युं लावनी हैं, चिब्बे होठ क्युं पई बणावनी हैं ।
भला जीऊ क्युं भरमावनी हैं, अते जीभ क्युं पई लपकावनी हैं ।
लग्गी वस्स ते खूह विच पावनी हैं, सड़े कांद क्युं लूतियां लावनी हैं ।
ऐडी लटकनी नाल क्युं करें गल्लां, सैदे नाल निकाह पड़्हावनी हैं ।
वारिस नाल उठ जा तूं उद्धले नी, केहियां पई बुझारतां पावनी हैं ।
449. सहती ते रांझे दी लड़ाई
सहती नाल लौंडी हत्थीं पकड़ मोल्हे, जैंदे नाल छड़ेंदियां चावले नूं ।
गिरद आ भवियां वांग जोगणां दे, ताउ घत्त्यु ने ओस रावले नूं ।
खपर सेल्हियां तोड़ के गिरद होईआं, ढाह ल्यु ने सोहने सांवले नूं ।
अन्दर हीर नूं वाड़ के मार कुंडा, बाहर कुट्यु ने लट-बावले नूं ।
घड़ी घड़ी वलाय के वार कीता, ओहनां कुट्ट्या सी एस लाडले नूं ।
वारिस शाह मियां नाल मोल्हआं दे, ठंडा कीतो ने ओस उतावले नूं ।
450. तथा
दोहां वट लंगोटड़े लए मोल्हे, कारे वेख लै मुंडियां मुन्नियां दे ।
निकल झुट्ट कीता सहती रावले ते, पासे भन्हउं ने नाल कूहणियां दे ।
जट मार मधाणियां फेह सुट्ट्या, सिर भन्न्यां नाल दधूणियां दे ।
ढो कटक हुसैन ख़ान नाल लड़्या, जिवें अबू समुन्द विच्च चूहणियां दे ।
451. रांझे ने सहती होरां नूं कुट्टणा
रांझा खायके मार फिर गरम होया, मारू मार्या भूत फ़तूर दे ने ।
वेख परी दे नाल ख़म मार्या ई एस फ़रेशते बैत माअमूर दे ने ।
कमर बन्न्ह के पीर नूं याद कीता लाई थापना मलक हज़ूर दे ने ।
डेरा बखशी दा मार के लुट्ट लीता, पाई फ़तह पठान कसूर दे ने ।
जदों नाल टकोर दे गरम होया, दित्ता दुखड़ा घाउ नासूर दे ने ।
वारिस शाह जां अन्दरों गरम होया, लाटां कढ्ढियां ताउ तनूर दे ने ।
452. रांझे ने स्ट्टां मारनियां
दोवें मार सवारियां रावले ने, पंज सत्त फाहुड़ियां लाईआं सू ।
गल्लां पुट्ट के चोलियां करे लीरां, हिक्कां भन्न के लाल कराईआं सू ।
नाले तोड़ झंझोड़ के पकड़ गुत्तों, दोवें वेहड़े दे विच्च भवाईआं सू ।
खोह चूंडियां गल्ल्हां ते मार हुज्जां, दो दो धौन दे मुढ्ढ टिकाईआं सू ।
जेहा रिछ कलन्दरां घोल पौंदा, सोटे चुतड़ीं ला नचाईआं सू ।
गिट्टे लक्क ठकोर के पकड़ तग्गों, दोवें बांदरी वांग टपाईआं सू ।
जोगी वासते रब दे लड़े नाहीं, हीर अन्दरों आख छुडाईआं सू ।
453. होर कुड़ियां दा सहती कोल आउणा
ओहनां छुटदियां हाल पुकार कीती, पंज सत्त मुशटंडियां आ गईआं ।
वांग काबली कुत्त्यां गिरद होईआं, दो दो अली-उल-हसाब टिका गईआं ।
उहनूं इक्क ने धक्क के रक्ख अग्गे, घरों कढ्ढ के ताक चड़्हा गईआं ।
बाज़ तोड़ के तुआम्युं लाहउ ने, माशूक दी दीद हटा गईआं ।
धक्का दे के स्ट्ट पलट्ट उस नूं, होड़ा वड्डा मज़बूत फहा गईआं ।
सूबेदार तग़ईयर कर कढ्ढ्यु ने, वड्डा जोगी नूं वायदा पा गईआं ।
अग्गे वैर सी नवां फिर होर होया, वेख भड़कदी ते भड़का गईआं ।
घरों कढ्ढ अरूड़ी ते स्ट्ट्यु ने, बहशतों कढ्ढ के दोज़ख़े पा गईआं ।
जोगी मसत हैरान हो दंग रहआ, कोई जादूड़ा घोल पिवा गईआं ।
अग्गे ठूठे नूं झूरदा ख़फ़ा हुन्दा, उतों नवां पसार बना गईआं ।
वारिस शाह मियां नवां सेहर होया, परियां जिन्न फ़रिशते नूं ला गईआं ।
454. कवी
घरों कढ्ढ्या अकल शऊर गया, आदम जन्नतो कढ्ढ हैरान कीता ।
सिजदे वासते अरश तों दे धक्के, जिवें रब ने रद्द शैतान कीता ।
शद्दाद बहशत थीं रहआ बाहर, नमरूद मच्छर परेशान कीता ।
वारिस शाह हैरान हो रहआ जोगी, जिवें नूह हैरान तूफ़ान कीता ।
455. रांझा आपने आप नाल
हीर चुप बैठी असीं कुट कढ्ढे, साडा वाह प्या नाल डोर्यां दे ।
उह वेलड़ा हत्थ ना आंवदा है, लोक दे रहे लख ढंडोर्यां दे ।
इक्क रन्न गई दूआ आउन ग्या, लोक साड़दे नाल नेहोर्यां दे ।
नूंहां राज्यां ते रन्नां डाढ्यां दियां, कीकूं हत्थ आवन नाल ज़ोर्यां दे ।
असां मंग्या उन्हां नां ख़ैर कीता, मैनूं मार्या नाल फहौड़्यां दे ।
वारिस ज़ोर ज़र ज़ारियां यारियां दे, साए ज़रां ते ना कमज़ोर्या दे ।
456. रांझा दुखी हो के
धूंआं हूंझदा रोइके ढाह मारे, रब्बा मेल के यार विछोड़्यु क्युं ।
मेरा रड़े जहाज़ सी आण लग्गा, बन्ने लायके फेर मुड़ बोड़्यु क्युं ।
कोई असां थीं वड्डा गुनाह होया, साथ फ़ज़ल दा लद्द के मोड़्यु क्युं ।
वारिस शाह इबादतां छड के ते, दिल नाल शैतान दे जोड़्यु क्युं ।
457. तथा
मैनूं रब बाझों नहीं तांघ काई, सभ डंडियां ग़मां ने मल्लियां ने ।
सारे देश ते मुलक दी सांझ चुक्की, साडियां किसमतां जंगलीं चल्लियां ने ।
जित्थे शींह बुक्कन शूकन नाग काले, बघ्याड़ घत्तन नित जल्लियां ने ।
चिल्ला कट के पड़्हां कलाम डाहढी, तेगां वज्जियां आण अवल्लियां ने ।
कीतियां मेहनतां वारिसा दुख झागे, रातां जांदियां नहीं निचल्लियां ने ।
458. रांझे नूं पीर याद आए
रोंदा कासनूं बीर बैतालिया वे, पंजां पीरां दा तुध मिलाप मियां ।
ला ज़ोर ललकार तूं पीर पंजे, तेरा दूर होवे दुख ताप मियां ।
जिन्हां पीरां दा ज़ोर है तुध नूं वे, कर रात दिंह ओहनां दा जाप मियां ।
ज़ोर आपना फ़कर नूं याद आया, बालनाथ मेरा गुरू बाप मियां ।
वारिस शाह भुखा बूहे रोए बैठा, देइ उन्हां नूं वड्डा सराप मियां ।
459. रांझा आपने आप नूं कहन्दा है
करामात जगाय के सेहर फूकां, जड़्ह खेड़्यां दी मुढों पट्ट सुट्टां ।
फ़ौजदार नाहीं पकड़ कवारड़ी नूं, हत्थ पैर ते नक्क कन्न कट्ट सुट्टां ।
नाल फ़ौज नाहीं द्यां फूक अग्गां, कर मुलक नूं चौड़ चुपट्ट सुट्टां ।
'अलमातरा कैफ़ा बुदू कह्हार' पड़्ह के, नईं वहन्दियां पलक विच्च अट्ट सुटां ।
सहती हत्थ आवे पकड़ चूड़ियां थों, वांग टाट दी तपड़ी छट्ट सुटां ।
पंज पीर जे बहुड़न आण मैनूं, दुख दरद कजियड़े कट्ट स्ट्टां ।
हुकम रब दे नाल मैं काल जीभा, मगर लग्ग के दूत नूं चट्ट सुट्टां ।
जट वट ते पट ते फट बद्धे, वर देन स्याण्यां सत्त सुटां ।
पार होवे समुन्दरों हीर बैठी, बुक्कां नाल समुन्दर नूं झट्ट सुट्टां ।
वारिस शाह माशूक जे मिले ख़िलवत, सभ जीऊ दे दुख उलट्ट सुट्टां ।
460. रांझा काले बाग़ विच
दिल फ़िकर ने घेर्या बन्द होया, रांझा जीऊ ग़ोते लख खाय बैठा ।
सत्थों हूंझ धूंआं सिर चा टुर्या, काले बाग़ विच ढेर मचाय बैठा ।
अखीं मीट के रब ध्यान धर के, चारों तरफ़ है धून्नड़ा लाय बैठा ।
वट मार के चारों ही तरफ़ उच्ची, उत्थे वलगणां ख़ूब बणाय बैठा ।
असां कच्च कीता रब्ब सच करसी, इह आख के वैल जगाय बैठा ।
भड़की अग्ग जां ताउनी ताउ कीता, इशक मुशक विसार के जाय बैठा ।
विच्च संघनी छाउं दे घत भूरा, वांग अहदियां ढासना लाय बैठा ।
वारिस शाह उस वकत नूं झूरदा ई जिस वेलड़े अक्खियां लाय बैठा ।
461. तथा
मीट अक्खियां रक्खियां बन्दगी ते, घत्ते जल्लियां चिल्ले विच्च होइ रहआ ।
करे आजज़ी विच्च मुराकबे दे, दिने रात ख़ुदाय थे रोइ रहआ ।
विच्च याद ख़ुदाय दी महव रहन्दा, कदी बैठ रहआ कदी सोइ रहआ ।
वारिस शाह ना फ़िकर कर मुशकलां दा, जो कुछ होवना सी सोई होइ रहआ ।
462. तथा
न्युली करम करदा कदी अरध तप विच्च, कदी होम सरीर जो लाय रहआ ।
कदी नखी तप शाम तप पौन भखी, सदा-बरत नेमी चित्त लाय रहआ ।
कदी उरध तप सास तप गरास तप नूं, कदी जोग जती चित लाय रहआ ।
कदी मसत मकज़ूब लट हो सुथरा, अलफ स्याह मत्थे उत्ते लाय रहआ ।
आवाज़ आया बच्चा रांझना वो, तेरा सुब्हा मुकाबला आइ रहआ ।
463. कुड़ियां काले बाग़ विच्च गईआं
रोज़ जुंमे दे त्रिंञणां धूड़ घत्ती, तुर निकले कटक अरबेलियां दे ।
जिवें कूंजां दी डार आ लहे बागीं, फिरन घोड़े ते रब्ब महेलियां दे ।
वांग शाह परियां छणां छण छणकन, वड्डे त्रिंञन नाल सहेलियां दे ।
धमकार पै गई ते धरत कम्बी, छुट्टे पासने गरब गहेलियां दे ।
वेख जोगी दा थांउं विच्च आ वड़ियां, महकार पै गए चम्बेलियां दे ।
वारिस शाह उशनाक ज्युं ढूंड लैंदे, इतर वासते हट्ट फुलेलियां दे ।
464. कुड़ियां ने रांझे दा डेरा बरबाद करना
धूंआं फोल के रोल के स्ट्ट खप्पर, तोड़ सेल्हियां भंग खिलारियां ने ।
डंडा कूंडा भंग अफीम कोही, फोल फाल के पट्टियां डारियां ने ।
धूंआं सवाह खिलार के भन्न हुक्का, गाह घत्त के लुड्डियां मारियां ने ।
साफ़ा संगली चिमटा भंग कक्कड़, नाद सिमरना धूप खिलारियां ने ।
जेहा हूंझ बुहार ते फोल कूड़ा, बाहर सुट्ट्या कढ्ढ पसारियां ने ।
करन हलू हलू ते मार हेकां, देन धीरियां ते खिल्ली मारियां ने ।
वारिस शाह ज्युं दलां पंजाब लुट्टी, तिवें जोगी नूं लुट्ट उजाड़ियां ने ।
465. तथा
किलेदार नूं मोरचे तंग ढुक्के, शबखून ते त्यार हो सज्ज्या ई ।
थड़ा पवे ज्युं धाड़ नूं शींह छुट्टे, उठ बोतियां दे मन्हे गज्ज्या ई ।
सभा नस्स गईआं इक्का रही पिच्छे, आइ सोइन चिड़ी उते वज्ज्या ई ।
हाय हाय मा-मुंडीए जाह नाहीं, परी वेख अवधूत ना लज्ज्या ई ।
नंगी हो नट्ठी स्ट्ट सतर ज़ेवर, सभ्भा जान भ्याणियां तज्ज्या ई ।
मलकुलमौत अज़ाब दे करे नंगी, परदा किसे दा कदी ना कज्ज्या ई ।
उतों नाद वजायके करे नाहरा, अखीं लाल करके मूंह टड्ड्या ई ।
वारिस शाह हिसाब नूं परी पकड़ी, सूर हशर दा वेख लए वज्ज्या ई ।
466. कुड़ी दा रांझे नूं कहणा
कुड़ी आख्या मार ना फाहुड़ी वे, मर जाऊंगी मसत दीवान्यां वे ।
लग्गे फाहुड़ी बाहुड़ी मरां जानों, रक्ख लई तूं मियां मसतान्यां वे ।
इज़राईल जम आण के बहे बूहे, नहीं छुटींदा नाल बहान्यां वे ।
तेरी डील है देउ दी असीं परियां, इक्कस लत लग्गे मर जानियां वे ।
गल्ल दस्सनी है सो तूं दस्स मैनूं, तेरा लै सुनेहड़ा जानियां वे ।
मेरी ताई है जेहड़ी तुद्ध बेलन, असीं हाल थीं नहीं बेगानियां वे ।
तेरे वासते ओसदी करां मिन्नत, जाय हीर अग्गे टट्यानियां वे ।
वारिस आख कीकूं आखां जाय उस नूं, अवे इशक दे कंम द्या बानियां वे ।
467. रांझे दा कुड़ी हत्थ हीर नूं सुनेहा
जाय हीर नूं आखना भला कीतो, सानूं हाल थीं चा बेहाल कीतो ।
झंडा स्याह सफ़ैद सी इशक वाला, उह घत्त मजीठ ग़म लाल कीतो ।
दाना बेग दे मगर ज्युं पए ग़िलज़ी डेरा, लुट्ट के चाय कंगाल कीतो ।
तिला कुन्द नूं अग्ग दा ताउ दे के, चाय अन्दरों बाहरों लाल कीतो ।
अहमद शाह वांगूं मेरे वैर पै के, पट्ट पट्ट के चक्क दा ताल कीतो ।
चेहरीं शाद बहालियां खेड़्यां नूं, बरतरफ़ियां ते महींवाल कीतो ।
फ़तेहाबाद चाय दितिया खेड़्यां नूं, भारा रांझने दे वैरोवाल कीतो ।
छड्ड नट्ठी ए स्याल ते महीं माही, विच्च खेड़्यां दे आइ जाल कीतो ।
जां मैं ग्या वेहड़े सहती नाल रल के, फड़े चोर वांगूं मेरा हाल कीतो ।
नादर शाह थों हिन्द पंजाब थरके, मेरे बाब दा तुध भुंचाल कीतो ।
भले चौधरी दा पुत चाक होया, चाय जग उत्ते महींवाल कीतो ।
तेरे बाब दरगाह थीं मिले बदला, जेहा ज़ालमे तैं मेरे नाल कीतो ।
दित्ते आपना शौक ते सोज़ मसती, वारिस शाह फ़कीर नेहाल कीतो ।
468. कुड़ी हीर कोल आई
कुड़ी आपना आप छुड़ा नट्ठी, तीर ग़ज़ब दा जीऊ विच्च कस्स्या ई ।
सहजे आ के हीर दे कोल बह के, हाल ओस नूं खोल्ह के दस्स्या ई ।
छड नंग नामूस फ़कीर होया, रहे रोंदड़ा कदी ना हस्स्या ई ।
एस हुसन कमान नूं हत्थ फड़के, आ कहर दा तीर क्युं कस्स्या ई ।
घरों मार के मुहल्यां कढ्या ई जा के कालड़े बाग़ विच्च वस्स्या ई ।
वारिस शाह दिंह रात दे मींह वांगूं, नीर ओस दे नैणां थीं वस्स्या ई ।
469. हीर
कुड़ीए वेख रंझेटड़े कच्च कीता, खोल्ह जीऊ दा भेत पसार्यु ने ।
मनसूर ने इशक दा भेत दित्ता, उस नूं तुरत सूली उत्ते चाड़्हउ ने ।
रसम इशक दे मुलक दी चुप रहणा, मूंहों बोल्या सू उहनूं मार्यु ने ।
तोता बोल के पिंजरे कैद होया, ऐवें बोलणों अगन संघार्यु ने ।
यूसफ़ बोल के बाप ते ख़ाब दस्सी, उस नूं खूह दे विच्च उतार्यु ने ।
वारिस शाह कारूं नूं सने दौलत, हेठ ज़िमीं दे चाय निघार्यु ने ।
470. तथा
चाक होइ के खोलियां चारदा सी, जदों उस दा जीऊ तूं खस्स्या सी ।
उहदी नज़र दे साम्हने खेडदी सैं, मुलक ओस दे बाब दा वस्स्या सी ।
आ साहुरे वहुटड़ी होइ बैठी, तदों जायके जोग विच्च धस्स्या सी ।
आया हो फ़कीर तां लड़े सहती, गड़ा कहर दा ओस ते वस्स्या सी ।
मार मुहल्यां नाल हैरान कीतो, तदों कालड़े बाग़ नूं नस्स्या सी ।
पिच्छा दे ना माड़्यां जान के नी, भेत इशक दा आशकां दस्स्या सी ।
डोली चड़्ही तां यार तों छुट्ट पईएं, तदों मुलक सारा तैनूं हस्स्या सी ।
जदों महीं नूं कूच दा हुकम कीता, तंग तोबरा नफ़र ने कस्स्या सी ।
जदों रूह इकरार इख़राज कीता, तदों जाय कलबूत विच्च धस्स्या सी ।
जेहड़े निवें सो उह हज़ूर होए, वारिस शाह नूं पीर ने दस्स्या सी ।
471. तथा
रांझा वांग ईमान शराबियां दे, जुदा होइ के पिंड थीं हार रहआ ।
नैणां तेर्यां जट्ट नूं कतल कीता, चाक होइके खोल्हियां चार रहआ ।
तूं तां खेड़्यां दी बनी चौधराणी, रांझा होइ के टक्करां मार रहआ ।
अंत कन्न पड़ा फ़कीर होया, घत मुन्दरां विच्च उजाड़ रहआ ।
योस वतन ना मिले तूं सतरख़ाने, थक्क हुट्ट के अंत नूं हार रहआ ।
तैनूं चाक दी आखदा जग सारा, इवें ओस नूं मेहने मार रहआ ।
शकर गंज मसऊद मौदूद वांगूं, उह नफ़स ते हिरस नूं मार रहआ ।
सुधा नाल तवक्कली ठेल्ह बेड़ा, वारिस विच्च डुब्बा इक्के पार रहआ ।
472 हीर
आकी हो बैठे असीं जोगीड़े थों, जा ला लै ज़ोर जो लावना ई ।
असीं हुसन ते हो मग़रूर बैठे, चार चशम दा कटक लड़ावना ई ।
लख ज़ोर तूं ला जो लावना ई असां बद्ध्यां बाझ ना आवना ई ।
सुरमा अक्खियां दे विच्च पावना ई असां वड्डा कमन्द पवावना ई ।
रुख़ दे के यार भतार ताईं, सैदा रांझे दे नाल लड़ावना ई ।
ठंढा होए बैठा सैदा वांग दहसर, सोहनी लंक नूं ओस लुटावना ई ।
रांझे कन्न पड़ायके जोग लीता, असां इशक दा जोग लै लावना ई ।
वारिस शाह उह बाग़ विच्च जा बैठा, हासल बाग़ दा असां ल्यावना ई ।
473. कुड़ी
आकी होइके खेड़्यां विच्च वड़ी एं, इशक हुसन दी वारिसे जट्टीए नी ।
पिच्छा अंत नूं देवना होवे जिस नूं, झुग्गा ओस दा कास नूं पट्टीए नी ।
जेहड़ा वेख के मुक्ख नेहाल होवे, कीचै कतल ना हाल पलट्टीए नी ।
इह आशकी वेल अंगूर दी ए मुढ्ढों एस नूं पुट्ट ना स्ट्टीए नी ।
इह जोबना नित्त ना होवना ई छाउं बद्दलां जदी जान जट्टीए नी ।
लै के स्ट्ठ सहेलियां विच्च बेले, नित ढांवदी सैं उह नूं ढट्टीए नी ।
पिच्छा नाह दीचे सच्चे आशकां नूं, जो कुझ्झ जान ते बने सो कट्टीए नी ।
दाअवा बन्न्हीए तां खड़्यां हो लड़ीए, तीर मार के आप ना छप्पीए नी ।
अट्ठे पहर विसारीए नहीं साहब, कदी होश दी अक्ख परत्तीए नी ।
जिन्हां कंत भुलायआ छुटड़ां ने, लख मौलियां महन्दियां घत्तीए नी ।
उठ झबदे जायके हो हाज़िर, एहे कंम नूं ढिल्ल ना घत्तीए नी ।
मिट्ठी चाट हलायके तोतड़े नूं, पिच्छों कंकरी रोड़ ना घत्तीए नी ।
474. हीर सहती नूं
जिवें मुरशदां पास जा ढहन तालब, तिवें सहती दे पास नूं हीर हेरे ।
करीं सभ तकसीर मुआफ साडी, पैरीं पवां मनाएं जे नाल मेरे ।
बख़शे नित गुनाह खुदाय सच्चा, बन्दा बहुत गुनाह दे भरे बेड़े ।
वारिस शाह मनावड़ा असां आंदा, साडी सुलाह करांवदा नाल तेरे ।
475. सहती
असां किसे दे नाल कुझ्झ नहीं मतलब, सिरोपा लए ख़ुशी हां होइ रहे ।
लोकां मेहने मार बेपती कीती, मारे शरम दे अन्दरे रोइ रहे ।
ग़ुस्से नाल इह वाल पैकान वांगूं, साडे जीऊ ते वाल गडोइ रहे ।
नील मट्टियां विच्च डुबोइ रहे, लक्ख लक्ख मैले नित धोइ रहे ।
वारिस शाह ना संग नूं रंग आवे, लख सूहे दे विच्च समोइ रहे ।
476. हीर
हीर आण जनाब विच्च अरज़ कीता, न्याज़मन्द हां बख़श मैं ग़ोलियां नी ।
सानूं बखश गुनाह तकसीर सारी, जो कुझ लड़द्यां तुद्ध नूं बोलियां नी ।
अच्छी पीड़-वंडावड़ी भैन मेरी, तैथों वार घत्ती घोल घोलियां नी ।
मेरा कंम कर मुल्ल लै बाझ दंमां, दूना बोल लै जो कुझ्झ बोलियां नी ।
घर बार ते माल ज़र हुकम तेरा, सभे तेरियां ढांडियां खोल्हियां नी ।
मेरा यार आया चल वेख आईए, पई मारदी सैं नित बोलियां नी ।
जिस ज़ात सिफ़ात चौधराई छड्डी, मेरे वासते चारिया खोलियां नी ।
जेहड़ा मुढ कदीम दा यार मेरा, जिस चूंडियां कवार दियां खोल्हियां नी ।
वारिस शाह गुमर दे नाल बैठा, नाहीं बोलदा मारदा बोलियां नी ।
477. सहती
प्या लाहनतों तौक शैतान दे गल, उहनूं रब ना अरश ते चाड़्हना एं ।
झूठ बोल्यां जिन्हां व्याज खाधे, तिन्हां विच्च बहशत ना वाड़ना एं ।
असीं जीऊ दी मेल चुकाय बैठे, वत करां ना सीवना पाड़ना एं ।
सानूं मार लै भईअड़ा-पिट्टड़ी नूं, चाड़्ह सीख उत्ते जे तूं चाड़्हना एं ।
अग्गे जोगी थों मार कराईआ ई हुन होर की पड़तना पाड़ना एं ।
तौबा तुन नसूहन जे मैं मूंहों बोलां, नक वढ्ढ के गधे ते चाड़्हना एं ।
घर बार थीं चाय जवाब दित्ता, होर आख की सच्च नितारना एं ।
मेरे नाल ना वारिसा बोल ऐवें, मतां हो जाई कोई कारना एं ।
478. हीर
आ सहतीए वासता रब्ब दा ई नाल भाबियां दे मिट्ठा बोलीए नी ।
होईए पीड़वंडावड़े शुहद्यां दे, ज़हर बिसियरां वांग ना घोलीए नी ।
कंम बन्द होवे परदेसियां दा, नाल मेहर दे ओस नूं खोल्हीए नी ।
तेरे जेही निनान हो मेल करनी, जीऊ जान भी ओस तों घोलीए नी ।
जोगी चल मनाईए बाग़ विच्चों, हत्थ बन्न्ह के मिट्ठड़ा बोलीए नी ।
जो कुझ्झ कहे सो सिरे ते मन्न लईए, ग़मी शादीउं मूल ना डोलीए नी ।
चल नाल मेरे जीवें भाग भरीए, मेले करनीए विच्च-विचोलीए नी ।
किवें मेरा ते रांझे दा मेल होवे, खंड दुद्ध दे विच्च चा घोलीए नी ।
479. सहती ने हीर दी गल्ल मन्नणी
जिवें सुब्हा दी कज़ा नमाज़ हुन्दी, राज़ी हो इबलीस भी नच्चदा ए ।
तिवें सहती दे जीऊ विच्च ख़ुशी होई, जीऊ रन्न दा छल्लड़ा कच्च दा ए ।
जा बख़श्या सभ गुनाह तेरा, तैनूं इशक कदीम तों सच्च दा ए ।
वारिस शाह चल यार मना आईए, एथे नवां अखारड़ा मच्चदा ए ।
480. सहती ने जोगी लई भेटा लिजाणी
सहती खंड मलाई दा थाल भर्या, चाय कपड़े विच्च लुकायआ ई ।
जेहा विच्च नमाज़ विशवास ग़ैबों, अज़ाज़ील बना लै आया ई ।
उत्ते पंज रुपए सू रोक रक्खे, जाय फ़कर थे फेरड़ा पायआ ई ।
जदों आंवदी जोगी ने उह डिट्ठी, पिछां आपना मुख भवायआ ई ।
असां रूहां बहशतियां बैठियां नूं, ताउ दोज़ख़े दा केहा आया ई ।
तलब मींह दी वग्या आण झक्खड़, यारो आख़री दौर हुन आया ई ।
सहती बन्न्ह के हत्थ सलाम कीता, अग्गों मूल जवाब ना आया ई ।
आमिल चोर ते चौधरी जट हाकम, वारिस शाह नूं रब्ब विखायआ ई ।
481. रांझा
जदों ख़लक पैदा कीती रब्ब सच्चे, बन्द्यां वासते कीते ने इह पसारे ।
रन्नां छोकरे जिन्न शैतान रावल, कुत्ता कुक्कड़ी बकरी उट्ठ सारे ।
एहा मूल फ़साद दा होए पैदा, जिन्हां सभ जगत दे मौल मारे ।
आदम कढ बहशत थीं ख़वार कीता, इह डायणां धुरों ही करन कारे ।
इह करन फ़कीर चा राज्यां नूं, इहनां राउ रज़ादड़े सिद्ध मारे ।
वारिस शाह जो हुनर सभ विच्च मरदां, अते महरियां विच्च ने ऐब भारे ।
482 सहती
सहती आख्या पेट ने ख़ुआर कीता, कनक खा बहशत थीं कढ्ढ्या ई ।
आई मैल तां जन्नतों मिले धक्के, रस्सा आस उमीद दा वढ्ढ्या ई ।
आख रहे फ़रेशते कनक दाणा, नहीं खावना हुकम कर छड्ड्या ई ।
सगों आदमे हव्वा नूं ख़वार कीता, साथ ओस दा एस ना छड्ड्या ई ।
फेड़न मरद ते सौंपदे तरीमतां नूं, मूंह झूठ दा कास नूं टड्ड्या ई ।
मरद चोर ते ठग्ग जवारीए ने, साथ बदी दा नरां ने लद्द्या ई ।
फरकान विच्च 'फ़नकरू' रब्ब केहा, जदों वही रसूल ने सद्द्या ई ।
वारिस शाह इह तरीमतां खान रहमत, पैदा जिन्हां जहान कर छड्ड्या ई ।
483. रांझा
रन्नां दहसिरे नाल की गाह कीता, राजे भोज नूं दे लगामियां नी ।
सिरकप्प ते नाल सलवाहने दे, वेख रन्नां ने कीतियां ख़ामियां नी ।
मरद हैन सो रक्खदे हेठ सोटे, सिर चाड़्हियां ने इहनां कामियां नी ।
जिन्हां नहीं दाड़्ही कन्न नक पाटे, कौन तिन्हां दियां भरेगा हामियां नी ।
484. सहती
जिस मरद नूं शरम ना होवे ग़ैरत, ओस मरद थीं चंगियां तीवियां ने ।
घर वसदे औरतां नाल सोहणे, शरमवन्द ते सतर दियां बीवियां ने ।
इक्क हाल विच्च मसत घर बार अन्दर, इक्क हार शिंगार विच्च खीवियां ने ।
वारिस शाह ह्याउ दे नाल अन्दर, अक्खीं हेठ ज़िमीं दे सीवियां ने ।
485. रांझा
वफ़ादार ना रन्न जहान उत्ते, पैंदी शेर दे नक्क विच्च नत्थ नाहीं ।
गधा नहीं कुलद्द मनखट्ट खोजा, अते खुसर्यां दी काई कत्थ नाहीं ।
नामरद दे वार ना किसे गांवीं, अते गांडूआं दी काई सत्थ नाहीं ।
जोगी नाल ना रन्न दा टुरे टूणां, ज़ोर नईं दा चड़्हे अगत्थ नाहीं ।
यारी सुंहदी नहीं सुहागणां नूं, रंडी रन्न नूं सुंहदी नत्थ नाहीं ।
वारिस शाह उह आप है करनहारा, इन्हां बन्द्यां दे काई हत्थ नाहीं ।
(नत्थ नाहीं=बस विच्च नहीं, कुलद्द=जेहड़ा लद्दन दे कंम ना आवे,
मनखट्ट=जेहड़ा कुझ्झ खट्टे ना, अगत्थ=तूफ़ान, कत्थ=वरनन योग)
486. सहती
मियां त्रीमतां नाल व्याह सोहन, अते मरन ते सोहन्दे वैन मियां ।
घर बार दी ज़ेब ते हैन ज़ीनत, नाल त्रीमतां साक ते सैन मियां ।
इह त्रीमतां सेज दियां वारिसी ने, अते दिलां दियां देन ते लैन मियां ।
वारिस शाह इह जोरूआं जोड़दियां ने, अते महरियां महर दियां हैन मियां ।
487. रांझा
सच्च आख रन्ने केही धुंम चाईआ, तुसां भोज वज़ीर नूं कुट्ट्या जे ।
दहसिर मार्या भेत घरोगड़े ने, सने लंक दे ओस नूं पुट्ट्या जे ।
कैरो पांडोआं दे कटक कई खूहणी, मारे तुसां दे सभ निखुट्ट्या जे ।
कतल इमाम होए करबला अन्दर, मार दीन द्यां वारिसां सुट्ट्या जे ।
जो को शरम ह्यां दा आदमी सी, जान माल थों ओस नूं पुट्ट्या जे ।
वारिस शाह फ़कीर तां नस्स आया, पिच्छा एस दा आण क्यु खुट्ट्या जे ।
488. सहती
तैनूं वड्डा हंकार है जोबने दा, ख़ातर थल्ले ना किसे नूं ल्यावना हैं ।
जिन्हां जायउं तिन्हां दे नाउं रक्खे, वड्डा आप नूं ग़ौस सदावना हैं ।
होवन त्रीमतां नहीं तां जग मुक्के, वत्त किसे ना जग ते आवना हैं ।
असां चिट्ठियां घल सदायआ सैं, साथों आपना आप छुपावना हैं ।
करामात तेरी असां ढूंड डिट्ठी, ऐवें शेखियां प्या जगावना हैं ।
चाक सद्द के बाग़ थीं कढ छड्डूं, हुने होर की मूंहों अखावना हैं ।
अन्न ख़ानां हैं रज्ज के गधे वांगूं, कदी शुकर बजा ना ल्यावना हैं ।
छड्ड बन्दगी चोरां दे चलन फड़्यु, वारिस शाह फ़कीर सदावना हैं ।
489. रांझा
बाग़ छड्ड गए गोपी चन्द जेहे, शद्दाद फ़रऊन कहाय ग्या ।
नौशेरवां छड्ड बग़दाद टुर्या, उह अपदी वार लंघाय ग्या ।
आदम छड बहशत दे बाग ढट्ठा, भुले विसरे कनक नूं खाय ग्या ।
फ़रऊन ख़ुदा कहायके ते, मूसा नाल उशटंड उठाय ग्या ।
नमरूद शद्दाद जहान उत्ते, दोज़ख अते बहशत बणाय ग्या ।
कारूं ज़रां इकट्ठियां मेल के ते, बन्न्ह सिरे ते पंड उठाय ग्या ।
नाल दौलतां हुकम ते शान शौकत, महखासरों इन्द लुटाय ग्या ।
सुलेमान सिकन्दरों लाय सभ्भे, सत्तां नवां ते हुकम चलाय ग्या ।
उह भी एस जहान ते रहउ नाहीं, जेहड़ा आप ख़ुदा कहाय ग्या ।
मोया बख़तुल नुसर जेहड़ा चाड़्ह डोला, सच्चे रब नूं तीर चलाय ग्या ।
तेरे जेहियां केतियां होईआं ने, तैनूं चा की बाग़ दा आइ ग्या ।
वारिस शाह उह आप है करन कारन, सिर बन्द्यां दे गिला लाय ग्या ।
490. सहती
पंड झगड़्यां दी केही खोल्ह बैठों, वड्डा महज़री घंड लट बावला वे ।
असां इक्क रसायन है ढूड आंदी, भला दस्स खां की है रावला वे ।
उत्ते रक्ख्या की ए नज़र तेरी, गिणें आप नूं बहुत चतरावला वे ।
दस्से बिनां ना जापदी ज़ात भैड़ी, छड़े बाझ ना थींवदा चावला वे ।
की रोक है कासदी इह बासन, सानूं दस्स खां सोहण्यां सांवला वे ।
सहज नाल सभ कंम निबाह हुन्दे, वारिस शाह ना हो उतावला वे ।
491. रांझा
करामात है कहर दा नांउ रन्ने, केहा घत्त्यु आण वसूर्या ई ।
करें चावड़ां चिघ्घड़ां नाल मसती, अजे तीक अणजाणां नूं घूर्या ई ।
फ़कर आखसन सोई कुझ्झ रब्ब करसी, ऐवंे जोगी नूं चा वडूर्या ई ।
उत्ते पंज पैसे नाल रोक धर्यु, खंड चावलां दा थाल पूर्या ई ।
492 सहती
मगर तित्तरां दे अन्न्हा बाज़ छुट्टे, जाय चिंमड़े दांद पतालूआं नूं ।
अन्नां भेज्या अम्ब अनार वेखन, जाय चिंमड़े तूत संभालूआं नूं ।
घल्या फुल्ल गुलाब दा तोड़ ल्यावीं, जाय लग्गा है लैन कचालूआं नूं ।
अन्न्हां मोहरी लाईए काफ़ले दा, लुटवायसी साथ द्यां चालूआं नूं ।
खच्चरपवां दे चालड़े करन लग्गों, असां फाट्या कुट्ट्या चालूआं नूं ।
वारिस शाह तन्दूर विच्च दब्ब बैठा, कमला घल्ल्या रंगने सालूआं नूं ।
493. रांझे ने सहती नूं करामात विखाउणी
जा खोल्ह के वेख जो सिदक आवी, केहा शक्क दिल आपने पायउ ई ।
केहआ असां सो रब्ब तहकीक करसी, केहा आण के मग़ज़ खपायउ ई ।
जाह वेख जो वसवसा दूर होवी, केहा डौरूड़ा आण वजायउ ई ।
शक्क मिटी जो थाल नूं खोल्ह वेखें, एथे मकर की आण फैलायउ ई ।
494. सहती ने करामात वेखी
सहती खोल्ह के थाल जां ध्यान कीता, खंड चावलां दा थाल हो ग्या ।
छुटा तीर फ़कीर दे मुअजज़े दा, विच्चों कुफ़र दा जीऊ परो ग्या ।
जेहड़ा चल्या निकल यकीन आहा, करामात नूं वेख खलो ग्या ।
गरम ग़ज़ब दी आतशो आब आहा, बरफ़ कशफ़ दी नाल समो ग्या ।
ऐवें डाहड्यां माड़्यां केहा लेखा, ओस खोह ल्या उह रो ग्या ।
मरन वकत होया सभ्भो ख़तम लेखा, जो को जंम्यां झोवने झो ग्या ।
वारिस शाह जो कीमिया नाल छुत्था, सोइना तांब्युं तुरत ही हो ग्या ।
495. सहती नूं रांझे ते यकीन
हत्थ बन्न्ह के बेनती करे सहती, दिल जान थीं चेलड़ी तेरियां मैं ।
करां बांदियां वांग बजा ख़िदमत, नित पांवदी रहांगी फेरियां मैं ।
पीर सच्च दा असां तहकीक कीता, दिल जान थीं तुध ते हेरियां मैं ।
करामात तेरी उत्ते सिदक कीता, तेरे कशफ़ दे हुकम ने घेरियां मैं ।
साडी जान ते माल है हीर तेरी, नाले सने सहेलियां तेरियां मैं ।
असां किसे दी गल्ल ना कदे मन्नी, तेरे इसम दे हुब्ब दी टेरियां मैं ।
इक्क फ़क्कर अल्लाह दा रक्ख तकवा, होर ढाह बैठी सभ्भे ढेरियां मैं ।
पूरी नाल हिसाब ना हो सकां, वारिस शाह की करांगी शेरियां मैं ।
496. रांझा
घर आपने विच्च चवाय करके, आख नागनी वांग क्युं शूकीएं नी ।
नाल जोगियां मोरचा लायउई, रज्जे जट वांगूं वड्डी फूकीएं नी ।
जदों बन्न्ह झेड़े थक्क हुट रहीए, जाय पिंड दियां रन्नां ते कूकीएं नी ।
कढ गालियां सने रबेल बांदी घिन मोल्हियां असां ते घूकीएं नी ।
भलो भली जां डिठो ई आशकां दी, वांग कुत्तियां अंत नूं चूकीएं नी ।
वारिस शाह थीं पुछ लै बन्दगी नूं, रूह साज़ कलबूत विच्च फूकीएं नी ।
497. सहती
सानूं बखश अल्लाह दे नांउ मियां, साथों भुल्ल्यां इह गुनाह होया ।
कच्चा शीर पीता बन्दा सदा भुल्ला, धुरों आदमों भुलना राह होया ।
आदम भुल के कनक नूं खा बैठा, कढ जन्नतों हुकम फ़नाह होया ।
शैतान उसताद फ़रिशत्यां दा, भुल्ला सिजद्युं कुफ़र दे राह होया ।
मुढों रूह भुल्ला कौल विच वड़्या, जुस्सा छड्ड के अंत फ़नाह होया ।
कारूं भुल ज़कात कीं शूम होया, वारद ओस ते कहर अल्लाह होया ।
भुल ज़करीए लई फ़नाह हेज़म, आरे नाल उह चीर दो फाह होया ।
अमलां बाझ दरगाह विच्च पैन पौले, लोकां विच्च मियां वारिस शाह होया ।
498. रांझा
घर पेईड़े वड्डी हवा तैनूं, दित्युं छिब्बियां नाल अंगूठ्यां दे ।
अंत सच्च दा सच्च आ नितरेगा ,कोई देस ना वस्सदे झूठ्यां दे ।
फ़कर मार्यु असां ने सबर कीता, नहीं जाणदी दाउ तूं घूठ्यां दे ।
जट्टी हो फ़कीर दे नाल लड़ें, छन्ना भेड़्यु ई नाल ठूठ्यां दे ।
सानूं बोलियां मार के निन्ददी सैं, मूंह डिठो ई टुक्करां जूठ्यां दे ।
वारिस शाह फ़कीर नूं छेड़दी सैं, डिट्ठो मुअजज़े इशक दे लूठ्यां दे ।
499. तथा
करे जिन्हां दियां रब हमायतां नी, हक्क तिन्हां दा ख़ूब मामूल कीता ।
जदों मुशरिकां आण सवाल कीता, तदों चन्न दो-खन्न रसूल कीता ।
कढ पत्थरों ऊठनी रब सच्चे, करामात पैग़म्बरी मूल कीता ।
वारिस शाह ने कशफ़ दिखाय दित्ता, तदों जट्टी ने फ़कर कबूल कीता ।
500. तथा
फिरें ज़ोम दी भरी ते सान चड़्ही, आ टलीं नी मुंडीए वासता ई ।
मरद मार मुरक्कने जंग-बाज़े, मान मत्तीए गुंडीए वासता ई ।
बख़शी सभ गुनाह तकसीर तेरी, ल्या हीर नी नढ्ढीए वासता ई ।
वारिस शाह समझाय जटेटड़ी नूं, लाह दिले दी घुंढीए वासता ई ।
501. सहती
जीकूं तुसीं फ़रमाउ सो जा आखां, तेरे हुकम दी ताब्या होईआं मैं ।
तैनूं पीर जी भुल के बुरा बोली, भुल्ली विसरी आण वगोईआं मैं ।
तेरी पाक ज़बान दा हुकम लै के, कासद होइके जा खलोईआं मैं ।
वारिस शाह दे मुअजज़े साफ़ कीती, नहीं मुढ दी वड्डी बदखोईआं मैं ।
502. रांझा
ल्या हीर स्याल जो दीद करीए, आ जाह वो दिलबरा वासता ई ।
जा के आख रांझा तैनूं अरज़ करदा, घुंढ लाह वो दिलबरा वासता ई ।
सानूं मेहर दे नाल दिखा सूरत, मिसल माह वो दिलबरा वासता ई ।
ज़ुलफ नाग वांगूं चक्कर घत बैठी, गलों लाह वो दिलबरा वासता ई ।
दिंह रात ना जोगी नूं टिकन देंदी, तेरी चाह वो दिलबरा वासता ई ।
लोड़्हे लुट्यां नैणां दी झाक दे के, लुड़्ह जाह वो दिलबरा वासता ई ।
गल पलूड़ा इशक द्यां कुठ्यां दे, मूंह घाह वो दिलबरा वासता ई ।
सदका सैदे दे नवें प्यार वाला, मिल जाह वो दिलबरा वासता ई ।
वारिस शाह न्याज़ दा फरज़ भारा, सिरों लाह वो दिलबरा वासता ई ।
503. सहती
लै के सोहनी मोहनी इन्दराणी, मिरग-नैनी नूं जायके घल्लनी हां ।
तेरियां अज़मतां वेख के पीर मियां, बांदी होइके घरां नूं चल्लनी हां ।
पीरी पीर दी वेख मुरीद होई, तेरे पैर ही आण के मल्लनी हां ।
मैनूं बख़श मुराद बलोच साईआं, तेरियां जुत्तियां सिरे ते झल्लनी हां ।
वारिस शाह कर तरक बुर्याईआं, दी दरबार अल्लाह दा मल्लनी हां ।
504. सहती दा हीर नूं
सहती जायके हीर नूं कोल बह के, भेत यार दा सभ्भ समझायआ ई ।
जेहनूं मार के घरों फ़कीर कीतो, उह जोगीड़ा होइके आया ई ।
उहनूं ठग के महीं चराय लईउं, एथे आइके रंग वटायआ ई ।
तेरे नैणां ने चाय मलंग कीता, मनो ओस नूं चाय भुलायआ ई ।
उह ते कन्न पड़ायके वण लत्था, आप वहुटड़ी आण सदायआ ई ।
आप हो ज़ुलैख़ा दे वांग सच्ची, उहनूं यूसफ़ चाय बणायआ ई ।
कीते कौल इकरार वसार सारे, आण सैदे नूं कंत बणायआ ई ।
होया चाक पिंडे मली फ़ाक रांझे, कन्न पाड़ के हाल वणजायआ ई ।
देणेदार मवास हो वेहर बैठी, लहणेदार ही अक्क के आया ई ।
गालीं दे के वेहड़्युं कढ उस नूं, कल्ह मोल्हआं नाल कुटायआ ई ।
हो जाएं नेहाल जे करें ज़्यारत, तैनूं बाग़ विच्च ओस बुलायआ ई ।
ज़्यारत मरद कुफ़्फ़ारत होन इशयां, नूर फ़क्कर दा वेखना आया ई ।
बहुत ज़ुहद कीता मिले पीर पंजे, मैनूं कशफ़ वी ज़ोर विखायआ ई ।
झब्ब नज़र लै के मिल हो रईअत, फ़ौजदार बहाल हो आया ई ।
उहदी नज़्हा तूं आबेहआत उस दा, केहा भाबीए झगड़ा लया ई ।
चाक लायके कन्न पड़ायउ नी, नैणां वालीए ग़ैब क्युं चायआ ई ।
बचे उह फ़कीरां थों हीर कुड़ीए, हत्थ बन्न्ह के जिन्हां बख़शायआ ई ।
इक्के मार जासी इक्के तार जासी, इह मींह अन्याउं दा आया ई ।
अमल फ़ौत ते वड्डी दसतार फुल्ली, केहा भील दा सांग बणायआ ई ।
वारिस कौल भुलायके के खेड रुद्धों, केहा नवां मख़ौल जगायआ ई ।
505. हीर
हीर आख्या जायके खोल्ह बुक्कल, उहदे वेस नूं फूक विखावनी हां ।
नैणां चाड़्ह के सान ते करां पुरज़े, कतल आशकां दे उत्ते धावनी हां ।
अग्गे चाक सी फ़ाक कर साड़ सुट्टां, उहदे इशक नूं सिकल चड़्हावनी हां ।
उहदे पैरां दी ख़ाक है जान मेरी, सारी सच्च दी निशा दे आवनी हां ।
मोया प्या है नाल फ़िराक रांझा, ईसा वांग मुड़ फेर जीवावनी हां ।
वारिस शाह पतंग नूं शम्हां वांगूं, अंग लायके साड़ विखावनी हां ।
506. हीर सज के काले बाग़ नूं गई
हीर न्हायके पट्ट दा पहन तेवर, वालीं इतर फलेल मलांवदी है ।
वल पायके मीढियां ख़ूनियां नूं, गोरे मुख ते ज़ुलफ़ पलमांवदी है ।
कज्जल भिन्नड़े नैन अपराध लत्थे, दोवें हुसन दे कटक लै धांवदी है ।
मल वटना होठां ते ला सुरख़ी, नवां लोड़्ह ते लोड़्ह चड़ांवदी है ।
सिरीसाफ़ सन्दा भोछन सुंहदा सी, कन्नीं बुक्क बुक्क वालियां पांवदी है ।
कीमख़ाब दी चोलड़ी हिक्क पैधी, मांग चौंक लै तोड़ वलांवदी है ।
घत्त झांजरां लोड़्ह दे सिरे चड़्ह के, हीर स्याल लटकदी आंवदी है ।
टिक्काबन्दली बनी है नाल लूहलां, वांग मोर दे पायलां पांवदी है ।
हाथी मसत छुट्टा छना छण छणके, कतल आम ख़लकत हुन्दी आंवदी है ।
कदी कढ के घुंढ लोड़्हा देंदी, कदी खोल्ह के मार मुकांवदी है ।
घुंड लाह के लटक विखा सारी, जट्टी रुट्ठड़ा यार मनांवदी है ।
वारिस माल दे नूं सभ्भा खोल्ह दौलत, वक्खो वक्ख कर चाय विखांवदी है ।
वारिस शाह शाह परी दी नज़र चड़्हआ, ख़लकत सैफ़ियां फूकने आंवदी है ।
507. रांझे ने हीर नूं वेखणा
रांझा वेख के आखदा परी कोई, इक्के भावें तां हीर स्याल होवे ।
कोई हूर कि मोहनी इन्दराणी, हीर होवे तां सईआं दे नाल होवे ।
नेड़े आ के कालजे धाह ग्युस, जिवें मसत कोई नशे नाल होवे ।
रांझा आखदा अबर बहार आया, बेला जंगला लालो ही लाल होवे ।
हाठ जोड़ के बद्दलां हांझ बद्धी, वेखां केहड़ा देस नेहाल होवे ।
चमकी लैलातुलकदर स्याह शब थीं, जिस ते पवेगी नज़र नेहाल होवे ।
डौल ढाल ते चाल दी लटक सुन्दर, जेहा पेखने दा कोई ख़्याल होवे ।
यार सोई महबूब थों फ़िदा होवे, जीऊ सोई जो मुरशदां नाल होवे ।
वारिस शाह आइ चम्बड़ी रांझने नूं, जेहा गधे दे गले विच्च लाल होवे ।
508. इक्क दूजे नाल मुलाकात
घुंड लाह के हीर दीदार दित्ता, रहआ होश ना, अकल थीं ताक कीता ।
लंक बाग़ दी परी ने झाक दे के, सीना पाड़ के चाक दा चाक कीता ।
बन्न्ह माप्यां ज़ालमां टोर दित्ती, तेरे इशक ने मार के ख़ाक कीता ।
मां बाप ते अंग भुला बैठी, असां चाक नूं आपना साक कीता ।
तेरे बाझ ना किसे नूं अंग लायआ, सीना साड़ के बिरहों ने ख़ाक कीता ।
वेख नवीं नरोई अमान तेरी, शाहद हाल दा मैं रब पाक कीता ।
अल्लाह जाणदा है एन्हां आशकां ने, मज़े ज़ौक नूं चाय तलाक कीता ।
वारिस शाह लै चलना तुसां सानूं, किस वासते जीऊ ग़मनाक कीता ।
509. रांझा
चौधराईआं छड्ड के चाक बणे, महीं चार के अंत नूं चोर होए ।
कौल कवारियां दे लोड़्हे मारियां दे, अलोहारियां दे होरो होर होए ।
मां बाप इकरार कर कौल हारे, कंम खेड़्यां दे ज़ोरो ज़ोर होए ।
राह सच्च दे ते कदम धरन नाहीं, जिन्हां खोट्यां दे मन खोर होए ।
तेरे वासते मिली हां कढ देसों, असीं आपने देस दे चोर होए ।
वारिस शाह ना अकल ना होश रहआ, मारे हीर दे सेहर दे मोर होए ।
510. हीर
मेहतर नूह द्यां बेट्यां ज़िद्द कीती, डुब मोए ने छड्ड मुहाण्यां नूं ।
याकूब द्यां पुत्तरां ज़ुलम कीता, सुण्या होसिया यूसुफ़ों वाण्यां नूं ।
हाबील काबील दी जंग होई, छड्ड गए ने कुतब टिकाण्यां नूं ।
जे मैं जाणदी माप्यां बन्न्ह देणी, छड चलदी झंग समाण्यां नूं ।
ख़ाहश हक्क दी कलम तकदीर वग्गी, मोड़े कौन अल्लाह द्यां भाण्यां नूं ।
किसे तत्तड़े वख़त सी नेहुं लग्गा, तुसां बीज्या भुन्न्यां दाण्यां नूं ।
साढे तिन्न हत्थ ज़िमीं है मिलख तेरी, वलें कास नूं एड वलाण्यां नूं ।
गुंगा नहीं कुरान दा होइ हाफिज़, अन्न्हा वेखदा नहीं टिट्हाण्यां नूं ।
वारिस शाह अल्लाह बिन कौन पुच्छे, पिच्छा टुट्ट्यां अते नमाण्यां नूं ।
511. रांझा
तेरे माप्यां साक कुथां कीता, असीं रुलदे रह गए पास्यां ते ।
आपे रुमक गई एं नाल खेड़्यां दे, साडी गल्ल गवाईआ हास्यां ते ।
सानूं मार के हाल बेहाल कीतो, आप होई एं दाब्यां धास्यां ते ।
साढे तिन्न मण देह मैं फ़िदा कीती, अंत होई है तोल्यां मास्यां ते ।
शश पंज बारां दस्सन तिन्न काणे, लिखे एस ज़माने दे पास्यां ते ।
वारिस शाह वसाह की ज़िन्दगी दा, साडी उमर है नकश पतास्यां ते ।
512. हीर
जो को एस जहान ते आदमी है, रौंदा मरेगा उमर थीं झूरदा ई ।
सदा ख़ुशी नाहीं किसे नाल निभदी, एह ज़िन्दगी नेश ज़म्बूर दा ई ।
बन्दा जीवने दियां नित करे आसां, इज़राईल सिरे उत्ते घूरदा ई ।
वारिस शाह इस इशक दे करनहारा, वाल वाल ते खार खजूर दा ई ।
513. हीर ने जान दी आग्या मंगी
तुसीं करो जे हुकम तां घर जाईए, नाल सहती दे साज़ बनाईए जी ।
बहर इशक दा ख़ुशक ग़म नाल होया, मींह अकल दे नाल भराईए जी ।
किवें करां कशायश मैं अकल वाली, तेरे इशक दियां पूरियां पाईए जी ।
जा त्यारियां टुरन दियां झब करीए, सानूं सज्जणों हुकम कराईए जी ।
हज़रत सूरा इख़लास लिख देवो मैनूं, फाल कुर्हा नज़ूम दा पाईए जी ।
खोल्हो फ़ाल-नामा ते दीवान हाफ़िज़, वारिस शाह थीं फ़ाल कढाईए जी ।
514. हीर ने रांझे गल लग्गणा
अव्वल पैर पकड़े इअतकाद करके, फेर नाल कलेजे दे लग्ग गई ।
नवां तौर अजूबे दा नज़र आया, वेखो जल पतंग ते अग्ग गई ।
केही लग गई चिनग जग्ग गई, ख़बर जग्ग गई वज्ज धरग्ग गई ।
यारो ठगां दी र्युड़ी हीर जट्टी, मूंह लगद्यां यार नूं ठग्ग गई ।
लग्गा मसत हो कमलियां करन गल्लां, दुआ किसे फ़कीर दी वग्ग गई ।
अग्गे धूंआं धुखेंदड़ा जोगीड़े दा, उतों फूक के झुग्गड़े अग्ग गई ।
यार यार दा बाग़ विच्च मेल होया, गल्ल आम मशहूर हो जग्ग गई ।
वारिस तरुट्यां नूं रब मेलदा ए वेखो कमलड़े नूं परी लग्ग गई ।
515. हीर ते सहती दे सवाल जवाब
हीर हो रुख़सत रांझे यार कोलों, आखे सहतीए मता पकाईए नी ।
ठूठा भन्न फ़कीर नूं कढ्ढ्या सी, किवें ओस नूं ख़ैर भी पाईए नी ।
वहन लोड़्ह प्या बेड़ा शुहद्यां दा, नाल करम दे बन्नड़े लाईए नी ।
मेरे वासते ओस ने लए तरले, किवें ओस दी आस पुजाईए नी ।
तैनूं मिले मुराद ते असां माही, दोवें आपने यार हंढाईए नी ।
रांझा कन्न पड़ा फ़कीर होया, सिर ओस दे वारी चड़्हाईए नी ।
बाकी उमर रंझेटे दे नाल जालां, किवें सहतीए डौल बणाईए नी ।
होया मेल जां चिरीं विछुन्न्यां दा, यार रज्ज के गले लगाईए नी ।
जीऊ आशकां दा अरश रब्ब दा है, किवें ओस नूं ठंढ पवाईए नी ।
कोई रोज़ दा हुसन पराहुना ई मज़े ख़ूबियां नाल हंढाईए नी ।
शैतान दियां असीं उसताद रन्नां, कोई आउ खां मकर फैलाईए नी ।
बाग़ जांदियां असीं ना सुंहदियां हां, किवें यार नूं घरीं ल्याईए नी ।
गल घत्त पल्ला मूंह घाह लै के, पैरीं लग्ग के पीर मनाईए नी ।
वारिस शाह गुनाहां दे असीं लद्दे, चलो कुल्ल तकसीर बख़शाईए नी ।
516. सहती
अग्गों रायबां सैरफ़ां बोलियां ने, केहा भाबीए नी मत्था खेड़्या ई ।
भाबी आख की लधीउ टहक आईएं, सोइन चिड़ी वांगूं रंग फेर्या ई ।
मोई गई सैं ज्युंदी आ वड़ीएं, सच्च आख की सहज सहेड़्या ई ।
अज्ज रंग तेरा भला नज़र आया, सभो सुख ते दुख निबेड़्या ई ।
नैन शोख होए रंग चमक आया, कोई ज़ोबने दा खूह गेड़्या ई ।
आशक मसत हाथी भावें बाग़ वाला, तेरी संगली नाल खहेड़्या ई ।
कदम चुसत ते साफ़ कनौतियां ने, हक्क चाबक असवार ने फेर्या ई ।
वारिस शाह अज्ज हुसन मैदान चड़्ह के, घोड़ा शाह असवार ने फेर्या ई ।
517. तथा
नैन मसत गल्ल्हां तेरियां लाल होईआं, डुक्कां भन्न चोली विच्च टेलियां नी ।
किसे हिक तेरी नाल हिक जोड़ी, पेडू नाल वलूंधरां मेलियां नी ।
किसे अम्ब तेरे अज्ज चूप लए, तिल पीड़ कढे जिवें तेलियां नी ।
तेरा किसे नढे नाल मेल होया, धारां कजले दियां सुरमीलियां नी ।
तेरियां गल्ल्हां ते दन्दां दे दाग़ दिस्सन, अज्ज सोधियां ठाकरां चेलियां नी ।
अज्ज नहीं यालियां ख़बर लद्धी, बघ्याड़ां ने रोलियां छेलियां नी ।
अज्ज खेड़्यां ने नाल मसतियां दे, हाथीवानां ने हथणियां पेलियां नी ।
छुट्टा झांजरां बाग़ दे सुफ़े विच्चों, गाह कढ्ढियां सभ हवेलियां नी ।
थक्क हुट्ट के घरकदी आण पईएं, वारिस मुट्ठियां भरन सहेलियां नी ।
518. तथा
सभो मल दल सुटीएं वांग फुल्लां, झोकां तेरियां माणियां बेलियां ने ।
किसे ज़ोम भरे फड़ नप्पीएं तूं, धड़के कालजा पौंदियां त्रेलियां ने ।
वीरां वहुटियां दा खुल्ल्हा अज्ज बारा, कौंतां रावियां ढाह के मेलियां ने ।
किसे लई उुशनाक ने जित बाज़ी, पासा लायके बाज़ियां खेलियां ने ।
सूबादार ने किले नूं ढो तोपां, करके ज़ेर सभ रईअतां मेलियां ने ।
519. तथा
जिवें सोहने आदमी फिरन बाहर, किचरक दौलतां रहन छुपाईआं ने ।
अज्ज भावें तां बाग़ विच्च ईद होई, खाधियां भुख्यां ने मठ्याईआं ने ।
अज्ज कईआं दे दिलां दी आस पुन्नी, जम जम जान बाग़ीं भरजाईआं ने ।
वसे बाग़ जुग्गां ताईं सने भाबी, जित्थे पीन फ़कीर मलाईआं ने ।
ख़ाक तोद्यां ते वड्डे तीर छुट्टे, तीर अन्दाज़ां ने कानियां लाईआं ने ।
अज्ज जो कोई बाग़ विच्च जा वड़्या, मूंहों मंगियां दौलतां पाईआं ने ।
पानी बाझ सुक्की दाड़्ही खेड़्यां दी, अज्ज मुन्न कढी दोहां नाईआं ने ।
स्याह भौर होईआं चशमां प्यार्यां दियां, भर भर पाउंदे रहे सलाईआं ने ।
अज्ज आबदारी चड़्ही मोतियां नूं, जीऊ आईआं भाबियां आईआं ने ।
वारिस शाह हुन पाणियां ज़ोर कीता, बहुत ख़ुशी कीती मुरग़ाईआं ने ।
520. तथा
तेरे चम्बे दे सेहरे हुसन वाले, अज्ज किसे उशनाक ने लुट्ट लए ।
तेरे सीने नूं किसे टटोल्या ई नाफे मुशक वाले दोवें पुट लए ।
जेहड़े नित निशान छुपांवदी सैं, किसे तीर अन्दाज़ ने चुट्ट लए ।
किसे हिक तेरी नाल हिक जोड़ी, विच्चे फुल्ल गुलाब दे घुट लए ।
किसे हो बेदरद कशीश दित्ती, बन्द बन्द कमान दे तरुट गए ।
आख किन्हां फुलेल्यां पीड़ीएं तूं, इतर कढ्ढ के फोग नूं स्ट्ट गए ।
521. तथा
तेरी गाधी नूं अज्ज किसे धक्क्या ई किसे अज्ज तेरा खूहा गेड़्या ई ।
लायआ रंग निसंग मलंग भावें, अग्ग नाल तेरे अंग भेड़्या ई ।
लाह चप्पनी दुद्ध दी देगची दी, किसे अज्ज मलाई नूं छेड़्या ई ।
सुरमेदानी दा लाह बरोचना नी, सुरमे सुरमचू किसे लिबेड़्या ई ।
वारिस शाह तैनूं पिच्छों आइ मिल्या, इक्के नवां ही कोई सहेड़्या ई ।
522. तथा
भाबी अज्ज जोबन तेरे लहर दित्ती, जिवें नदी दा नीर उच्छल्ल्या ई ।
तेरी चोली दियां ढिल्लियां हैन तणियां, तैनूं किसे महबूब पथल्ल्या ई ।
कुफ़ल जन्दरे तोड़ के चोर वड़्या, अज्ज बीड़ा कसतूरी दा हल्ल्या ई ।
सूहा घग्गरा लहरां दे नाल उडे, बोकबन्द दो-चन्द हो चल्ल्या ई ।
सुरख़ी होठां दी किसे ने चूप लई, अम्ब सक्खणां मोड़ के घल्ल्या ई ।
कसतूरी दे मिरग जिस ढाह लए, कोई वड्डा हेड़ी आ मिल्या ई ।
523. तथा
तेरे स्याह ततोलड़े कज्जले दे, ठोडी अते गल्ल्हां उतों गुंम गए ।
तेरे फुल गुलाब दे लाल होए, किसे घेर के राह विच्च चुंम लए ।
तेरे खांचे इह शक्कर पार्यां दे, हत्थ मार के भुक्ख्यां लुंम लए ।
धाड़ा मार के धाड़वी मेव्यां दे, चल्ले झाड़ बूटे किते गुंम गए ।
वड्डे वनज होए अज्ज जोबनां दे, कोई नवें वणजारे घुंम गए ।
कोई धोबी वलायतों आ लत्था, सरी साफ़ दे थान चड़्ह खुंम गए ।
तेरी चोली वलूंधरी सने सीने, पेंजे तूम्ब्यां नूं जिवें तुंम गए ।
खेड़े काबली कुत्त्यां वांग एथे, वढवाय के कन्न ते दुंम गए ।
वारिस शाह अचम्बड़ा नवां होया, सुत्ते पाहरू नूं चोर टुंम गए ।
524. तथा
किसे केहे नपीड़ेने पीड़ीएं तूं, तेरा रंग है तोरी दे फुल्ल दा नी ।
ढाकां तेरियां किसे मरोड़ियां ने, इह तां कंम होया हिलजुल्ल दा नी ।
तेरा लक्क किसे पायमाल कीता, ढग्गा जोतरे जिवें है घुल्लदा नी ।
वारिस शाह मियां इह दुआ मंगो, खुल्ल्ह जाए बारा अज्ज कुल्ल दा नी ।
525. हीर
परनेहां दा मैनूं असर होया, रंग ज़रद होया एसे वासते नी ।
छापां खुभ्भ गईआं गल्ल्हां मेरियां ते, दाग़ लाल पए एसे वासते नी ।
कट्टे जांदे नूं भज के मिली सां मैं, ताणियां ढिल्लियां ने एसे वासते नी ।
रुन्नी अथरू डुल्ल्हे सन मुखड़े ते, घुल गए ततोलड़े पासते नी ।
मूधी पई बनेरे ते वेखदी सां, पेडू लाल होए एसे वासते नी ।
सुरखख़ी होठां दी आप मैं चूप लई, रंग उड ग्या एसे वासते नी ।
कट्टा घुट्या विच्च गलवक्कड़ी दे, डुक्कां लाल होईआं एसे वासते नी ।
मेरे पेडू नूं कट्टे ने ढुड्ड मारी, लासां बखलां दियां मेरे मास ते नी ।
होर पुछ वारिस मैं ग़रीबनी नूं, की आखदे लोक मुहासते नी ।
526. सहती
भाबी अक्खियां दे रंग रत्त वन्ने, तैनूं हुसन चड़्हआ अन्याउं दा नी ।
अज्ज ध्यान तेरा आसमान उत्ते, तैनूं आदमी नज़र ना आउंदा नी ।
तेरे सुरमे दियां धारियां दौड़ रहियां, जिवें काटकू माल ते धाउंदा नी ।
राजपूत मैदान विच्च लड़न तेग़ां, अग्गे ढाडियां दा पुत्त गाउंदा नी ।
रुख होर दा होर है अज्ज वारिस, चाला नवां कोई नज़र आउंदा नी ।
527. हीर
मुट्ठी मुट्ठी मैनूं कोई असर होया, अज्ज कंम ते जीऊ ना लगदा नी ।
भुल्ली विसरी बूटी उलंघ आई, इक्के प्या भुलावड़ा ठग्ग दा नी ।
तेवर लाल मैनूं अज्ज खेड़्यां दा, जिवें लग्गे उलम्बड़ा अग्ग दा नी ।
अज्ज याद आए मैनूं सेई सज्जन, जैंदा मगर उलांभड़ा जग्ग दा नी ।
खुल्ह खुल्ह जांदे बन्द चोलड़ी दे, अज्ज गले मेरे कोई लग्गदा नी ।
घर बार विच्चों ड्रन आंवदा है, जिवें किसे ततारचा वग्गदा नी ।
इक्के जोबने दी नईं ने ठाठ दित्ती, बूम्बा आंवदा पानी ते झग्गदा नी ।
वारिस शाह बुलाउ ना मूल मैनूं, सानूं भला नाहीं कोई लग्गदा नी ।
528. सहती
अज्ज किसे भाबी तेरे नाल कीती, चोर यार फड़े गुनाहगारियां नूं ।
भाबी अज्ज तेरी गल्ल उह बणी, दुद्ध हत्थ लग्गा दुधाधारियां नूं ।
तेरे नैणां दियां नोकां दे ख़त बणदे, वाढ मिली है जिवें कटारियां नूं ।
हुकम होर दा होर अज्ज हो ग्या, अज्ज मिली पंजाब कंधारियां नूं ।
तेरे जोबने दा रंग किसे लुट्या, हनूमान ज्युं लंक अटारियां नूं ।
हत्थ लग्ग गई एं किसे यार ताईं, जिवें कसतूरी दा भाय वपारियां नूं ।
तेरी तक्कड़ी दियां कसां ढिलियां ने, किसे तोल्या लौंग सुपारियां नूं ।
जेहड़े नित्त सवाह विच्च लेटदे सन, अज लै बैठे सरदारियां नूं ।
अज्ज सिकद्यां कवारियां करम खुल्हे, नित ढूंडदे सन जेहड़े यारियां नूं ।
चूड़े बीड़े ते चौड़ शिंगार होए, ठोकर लग गई मन्यारियां नूं ।
वारिस शाह जिन्हां मले इतर शीशे, उहनां की करना फ़ौजदारियां नूं ।
529. हीर
केही छिंज घत्ती अज्ज तुसां भैणां, ख़ुआर कीता जे मैं निघ्घर जांदड़ी नूं ।
भई्ईआं पिट्टड़ी कदों मैं गई किधरे, क्यु रवायआ जे मुनस खांदड़ी नूं ।
छज्ज छाणनी घत्त उडायआ जे, मापे पिट्टड़ी ते लुड़्ह जांदड़ी नूं ।
वारिस शाह दे ढिड विच्च सूल हुन्दा, सद्दन गई सां मैं किसे मांदरी नूं ।
530. सहती
किसे हो बेदरद लगाम दित्ती, अड्डियां वक्खियां विच्च चुभाईआं ने ।
ढिल्ल्यां हो के किसे मैदान दित्ता, लईआं किसे महबूब सफ़ाईआं ने ।
स्याह काला होठां ते लहू लग्गा, किसे नीली नूं ठोकरां लाईआं ने ।
वारिस शाह मियां होनी हो रही, हुन केहियां रिक्कतां चाईआं ने ।
531. हीर
लुड़्ह गई जे मैं धरत पाट चल्ली, कुड़ियां पिंड दियां अज्ज दीवानियां ने ।
चोचे लाउंदियां धियां पराईआं नूं, बेदरद ते अंत बेगानियां ने ।
मैं बेदोसड़ी अते बेख़बर ताईं, रंग रंग दियां लांदियां कानियां ने ।
मसत फिरन उतमाद दे नाल भरियां, टेढी चाल चल्लन मसतानियां ने ।
532. सहती
भाबी जाणने हां असीं सभ चाले, जेहड़े मूंग ते चने खिडावनी हैं ।
आप खेडे हैं तूं गुहताल चाले, सानूं हसतियां चाय बणावनी है ।
चीचोचीच कंधोलियां आप खेडें, अड्डी टाप्यां नाल विलावनी हैं ।
आप रहें बेदोश बेगरज़ बण के, माल खेड़्यां दा लुटवावनी हैं ।
533. हीर
अड़ीउ कसम मैनूं जे यकीन करो, मैं नरोल बेगरज़ बेदोसियां नी ।
जेहड़ी आप विच्च रमज़ सुणाउंदियां हो, नहीं जाणदी मैं चापलोसियां नी ।
मैं तां पेक्यां नूं नित्त याद करां, पई पाउनी हां नित औसियां नी ।
वारिस शाह क्युं तिन्हां आराम आवे, जेहड़ियां इशक दे थलां विच्च तोसियां नी ।
534. सहती
भाबी दस्स खां असीं जे झूठ बोलां, तेरी इहो जेही कल्ह डौल सी नी ।
बाग़ों धड़कदी घरकदी आण पई एं, दस खेड़्यां दा तैनूं हौल सी नी ।
घोड़ी तेरी नूं अज्ज आराम आया, जेहड़ी नित करदी पई औल सी नी ।
बूटा सक्खना अज्ज कराय आइउं, किसे तोड़ ल्या जेहड़ा मौल सी नी ।
535. हीर
राह जांदी मैं झोटे ने ढाह लीती, सानूं थुल्ल कुथुल्ल के मार्या नी ।
हबूं कबूं वगायके भन्न चूड़ा, पाड़ सुट्टियां चुन्नियां सारियां नी ।
डाहढा माड़्यां नूं ढाह मार करदा, ज़ोरावरां अग्गे अंत हारियां नी ।
नस्स चल्ली सां ओस नूं वेख के मैं, जिवें दुल्हड़े तों जान कवारियां नी ।
सीना फेह के भन्न्युस पास्यां नूं, दोहां सिंगां उत्ते चाय चाड़्हियां नी ।
रड़े ढायके खाई पटाक मारी, शींह ढाह लैंदे जिवें पाड़्हियां नी ।
मेरे करम सन आण मलंग मिल्या, जिस जींवदी पिंड विच्च वाड़ियां नी ।
वारिस शाह मियां नवीं गल्ल सुणीए, हीरे हरन मैं तत्तड़ी दाड़ियां नी ।
536. सहती
भाबी सान्ह तेरे पिच्छे धुरों आया, हिल्या होया कदीम दा मारदा दी ।
तूं भी वहुटड़ी पुत्तर सरदार दे दी, उस भी दुद्ध पीता सरदार दा ई ।
सान्ह लटकदा बाग़ विच्च हो कमला, हीर हीर ही नित पुकारदा ई ।
तेरे नाल उह लटकदा प्यार करदा, होर किसे नूं मूल ना मारदा ई ।
पर उह हीलत बुरी हिलायआ ई पानी पींवदा तेरी नसार दा ई ।
तूं भी झंग स्यालां दी मोहनी एं, तैनूं आण मिल्या हिरन बार दा ई ।
वारिस शाह मियां सच्च झूठ विच्चों, पुन्न कढदा पाप नितारदा ई ।
537. हीर
अनी भरो मुठी उह उह मुठी, कुट्ठी बिरहों ने ढिड विच्च सूल होया ।
लहर पेडूयों उठ के पवे सीने, मेरे जीउ दे विच्च डंडूल होया ।
तलब डुब गई सरकार मेरी, मैनूं इक्क ना दाम वसूल होया ।
लोक नफ़े दे वासते लैन तरले, मेरा सने वही चौड़ मूल होया ।
अम्ब बीज के दुध दे नाल पाले, भा तत्ती दे अंत बबूल होया ।
खेड़्यां विच्च ना परचदा जीऊ मेरा, शाहद हाल दा रब्ब रसूल होया ।
538. सहती
भाबी ज़ुलफ गल्ल्हां उत्ते पेच खावे, सिरे लोड़्ह दे सुरमे दियां धारियां नी ।
गल्हां उत्ते भम्बीरियां उडदियां ने, नैणां सान कटारियां चाड़्हियां नी ।
तेरे नैणां ने शाह फ़कीर कीते, सने हाथियां फ़ौज अंमारियां नी ।
वारिस शाह ज़ुलफां नाग नैन ख़ूनी, फ़ौजां कतल उत्ते चाय चाड़्हियां नी ।
539. हीर
बारां बरस दी औड़ सी मींह वुठा, लग्गा रंग फिर ख़ुशक बग़ीच्यां नूं ।
फ़ौजदार तगई्ईयर बहाल होया, झाड़ तम्बूआं अते गलीच्यां नूं ।
वल्लां सुक्कियां फेर मुड़ सबज़ होईआं, वेख हुसन दी ज़िमीं दे पीच्यां नूं ।
वारिस वांग किशती परेशान सां मैं, पानी पहुंच्या नूह द्यां टीच्यां नूं ।
540. सहती नाल हीर दी सलाह
सहती भाबी दे नाल पकाय मसलत, वड्डा मकर फैलायके बोलदी है ।
गरदानदी मकर मुवत्तलां नूं, अते कनज़ फ़रेब दी खोल्हदी है ।
अबलीस मलफूफ खन्नास विच्चों, रवायतां जायज़े टोलदी है ।
वफ़ा गल्ल हदीस मनसूख़ कीती, काज़ी लाअनत अल्लाह दे कोल दी है ।
तेरे यार दा फ़िकर दिन रात मैनूं, जान माप्यां तों पई डोलदी है ।
वारिस शाह सहती अग्गे माउं बुढ्ढी, वड्डे ग़ज़ब दे कीरने फोलदी है ।
541. सहती दी मां दी सहती नाल गल्ल
असीं व्याह आंदी कूंज फाह आंदी, साडे भा दी बनी है औखड़ी नी ।
वेख हक्क हलाल नूं अग्ग लगसु, रहे खसम दे नाल इह कोखड़ी नी ।
जदों आई तदोकनी रहे ढठी, कदी हो ना बैठिया सौखड़ी नी ।
लाहू लत्थड़ी जदों दी व्याह आंदी, इक्क कल्ह दी ज़रा है चोखड़ी नी ।
घरां विच्च हुन्दी नूंहां नाल वसदी, इह उजाड़े दा मूल है छोकरी नी ।
वारिस शाह ना अन्न ना दुद्ध लैंदी, भुक्ख नाल सुकांवदी कोखड़ी नी ।
542. हीर दी सस्स
हाथी फ़ौज दा वड्डा सिंगार हुन्दा, अते घोड़े संगार हन नरां दे नी ।
हच्छा पहनना खावना शान शौकत, इह सभ बणाय हन ज़रां दे नी ।
घोड़े खान खट्टन करामात करदे, अखीं वेखद्यां जान बिन परां दे नी ।
मझीं गाईं सिंगार दियां सत्थ टल्ले, अते नूंहां शिंगार हन घरां दे नी ।
ख़ैरख़ाह दे नल बदख़ाह होणा, इह कंम हन गीदियां खरां दे नी ।
मशहूर है रसम जहान अन्दर, प्यार वहुटियां दे नाल वरां दे नी ।
दिल औरतां लैन प्यार करके, इह गभरू मिरग हन सरां दे नी ।
तदों रन्न बदखू नूं अकल आवे, जदों लत्त वज्जस विच्च फ़रां दे नी ।
सैदा वेख के जाए बला वांगूं, वैर दोहां दे सिरां ते धड़ां दे नी ।
543. तथा
पीड़्हा घत के कदी ना बहे बूहे, असीं एस दे दुख विच्च मरांगे नी ।
एस दा जीऊ ना परचदा पिंड साडे, असीं इहदा इलाज की करांगे नी ।
सुहनी रन्न बाज़ार ना वेचनी है, व्याह पुत दा होर धिर करांगे नी ।
मुल्लां वैद हकीम लै जान पैसे, केहियां चट्टियां ग़ैब दियां भरांगे नी ।
वहुटी गभ्भरू दोहां नूं वाड़ अन्दर, असीं बाहरों जन्दरा जड़ांगे नी ।
सैदा ढायके एस नूं लए लेखा, असीं चीकणों ज़रा ना ड्रांगे नी ।
शरमिन्दगी सहांगे ज़रा जग्ग दी, मूंह पर्हां नूं ज़रा चा करांगे नी ।
कदी चरखड़ा डाह ना छोप कत्ते, असीं मेल भंडार की करांगे नी ।
वारिस शाह शरमिन्दगी एस दी थों, असीं डुब्ब के खूह विच्च मरांगे नी ।
544. हीर आपनी सस्स कोल
इज़राईल बेअमर अयार आहा, हीर चल के सस्स थे आंवदी है ।
सहती नाल मैं जायके खेत वेखां, पई अन्दरे उमर वेहावदी है ।
पिच्छों छिकदी नाल बहान्यां दे, नढी बुढी थे फेरड़े पांवदी है ।
वांग ठग्गां दे कुक्कड़ां रात अद्धी, अज़ग़ैब दी बांग सुणांवदी है ।
चल्ल भाबीए ! वाउ जहान दी लै, बाहों हीर नूं पकड़ उठांवदी है ।
वांग बुढी इमाम नूं ज़हर देणी, किस्सा ग़ैब दा जोड़ सुणांवदी है ।
काज़ी लाअनत अल्लाह दा दे फतवा, अबलीस नूं सबक पड़्हांवदी है ।
इहनूं खेत लै जा कपाह चुणीए, मेरे जीऊ तदबीर इहआंवदी है ।
वेखो माउं नूं धी वलांवदी है, केहियां फोकियां रुंमियां लांवदी है ।
तली हेठ अंग्यार टिकांवदी है, उतों बहुत प्यार करांवदी है ।
शेख साअदी दे फ़लक नूं ख़बर नाहीं, जीकूं रोइके फ़न चलांवदी है ।
वेखो धीउ अग्गे माउं झुरन लग्गी, हाल नूंह दा खोल्ह सुणांवदी है ।
इहदी पई दी उमर वेहांवदी है, ज़ार ज़ार रोंदी पल्लू पांवदी है ।
किस मन्हां कीता खेत ना जाए, कदम मंजीयों हेठ ना पांवदी है ।
दुख जीऊ दा खोल्ह सुणांवदी है, पिंडे शाह जी दे हत्थ लांवदी है ।
इनसाफ़ दे वासते गवाह करके, वारिस शाह नूं कोल बहांवदी है ।
545. सहती
नूंह लाल जही अन्दर घत्तिया ई परख बाहरां लाल वणजावनी हैं ।
तेरी इह फुलेलड़ी पदमनी सी, वाउ लैन खुणों तूं गवावनी हैं ।
इह फुल्ल गुलाब दा घुट अन्दर, पई दुखड़े नाल सुकावनी हैं ।
अट्ठे पहर ही ताड़ के विच्च कोठे, पत्तर पानां दे पई वंजावनी हैं ।
वारिस धीउ स्यालां दी मारनी हैं, दस्स आप नूं कौन सदावनी हैं ।
546. वाक कवी
नूंहां हुन्दियां ख़्याल जीऊ पेखणे, दा मान मत्तिया बूहे दियां महरियां ने ।
परी मूरतां सुघड़ राचन्दरां नी, इक्क मोम तबाय इक्क ठहरियां ने ।
इक्क इरम दे बाग दियां मोरनियां ने, इक्क नरम मलूक इक्क नहरियां ने ।
अच्छा खान पहनन लाड नाल चल्लन, लैन देन दे विच्च लुधेरियां ने ।
बाहर फिरन ज्युं बार दियां वाहणां ने, सतर विच्च बहाईआं शहरियां ने ।
वारिस शाह इह हुसन गुमान सन्दा, अखीं नाल गुमान दे गहरियां ने ।
547. तथा
जाए मंज्युं उठ के किवें तिलके, हड्ड पैर हिलायके चुसत होवे ।
वांग रोगणां रात देहुं रहे ढठी, किवें हीर वहुटी तन्दरुसत होवे ।
इह वी वड्डा अज़ाब है माप्यां नूं, धीउ नूंह बूहे उत्ते सुसत होवे ।
वारिस शाह मियां क्युं ना हीर बोले, सहती जेहियां दी जैंनूं पुशत होवे ।
548. हीर
हीर आख्या बैठ के उमर सारी, मैं तां आपने आप नूं साड़नी हां ।
मतां बाग़ ग्यां मेरा जीऊ खुल्हे, अंत इह भी पाड़ना पाड़नी हां ।
पई रोनी हां करम मैं आपने नूं, कुझ्झ किसे दा नहीं विगाड़नी हां ।
वारिस शाह मियां तकदीर आखे, वेखो नवां मैं खेल पसारनी हां ।
549. सहती दी सहेलियां दे नाल सलाह
अड़ीउ आउ खां बैठ के गल गिणीए, सद्द घल्लीए सभ सहेलियां ने ।
कई कवारियां कई व्याहियां ने, चन्न जहे सरीर मथेलियां ने ।
रजूय आण होईआं सभे पास सहती, जिवें गुरू अग्गे सभ चेलियां ने ।
जिन्हां माउं ते बाप नूं भुन्न खाधा, मुंग चने कवारियां खेलियां ने ।
विच्च हीर सहती दोवें बैठियां ने, दवाले बैठियां अरथ महेलियां ने ।
वारिस शाह शिंगार महावतां ने, सिवें हथणियां किले नूं पेलियां ने ।
550. सहती
वख़त फजर दे उठ सहेलीउ नी, तुसीं आपदे आहर ही आवना जे ।
मां बाप नूं ख़बर ना करो कोई, भलके बाग़ नूं पासना लावना जे ।
वहुटी हीर नूं बाग़ लै चलना है, ज़रा एस दा जीऊ वलावना जे ।
लावन फेरनी विच्च कपाह भैणां, किसे पुरश नूं नहीं विखावना जे ।
राह जांदियां पुछे लोक अड़ीउ, कोई इफ़तरा चा बणावना जे ।
खेडो संमियां ते घत्तो पंभियां नी, भलके खूह नूं रंग लगावना जे ।
वड़ो वट लंगोटड़े विच्च पैली, बन्ना वट सभ पुट्ट वखावना जे ।
बन्न्ह झोलियां चुनो कपाह सभ्भे, ते मंडास्यां रंग सुहावना जे ।
वड्डे रंग होसन इक्को जेडियां दे, राह जांद्यां दे सांग लावना जे ।
मंज्युं उठदियां सभ ने आ जाणा, इक्क दूई नूं सद्द ल्यावना जे ।
वारिस शाह मियां इहो अरथ होया, सभना अजू दे फले नूं आवना जे ।
551. सहती अते होर औरतां
मत्यां विच्च उमाह दी रात गुज़री, तारे गिणदियां सभ उदमादियां ने ।
गिरधे पाउंदियां घुम्बरां मारदियां सन, जहियां होन मुट्यारां दियां वादियां ने ।
नखरीलिया इक्क नक तोड़णां सन, हिक भोलियां सिधिया सादियां ने ।
इक्क नेक बख़तां इक्क बेज़बानां, हिक नचनियां ते मालज़ादियां ने ।
552. सारियां नूं सुनेहा
गंढ फिरी रातीं विच्च खेड़्यां दे, घरों घरी विचार विचार्यु ने ।
भलके खूह ते जायके करां कुशती इक्क दूसरी नूं खुंम मार्यु ने ।
चलो चली ही करन छनाल बाज़ां, सभ कंम ते काज विसार्यु ने ।
बाज़ी दित्या ने पेवां बुढ्ढ्यां नूं, लबा मांवां दे मूंहां ते मार्यु ने ।
शैतान दियां लशकरां फैलसूफां, बिना आतशों फ़न पंघार्यु ने ।
गिलती मार लंगोटड़े वट टुरियां, सभो कपड़ा चिथड़ा झाड़्यु ने ।
सभा भन्न भंडार उजाड़ छोपां, सने पूणियां पिड़ी नूं साड़्यु ने ।
तंग खिच सवार त्यार होए, कड़्यालड़े घोड़ियां चाड़्हउ ने ।
रातीं ला महन्दी दिंह घत सुरमा, गुन्द चुंडियां कुंभ शिंगार्यु ने ।
तेड़ लुंगियां बहुकरां देन पिच्छों, सुथन चूड़िया पांउचे चाड़्हउ ने ।
कज्जल पूछल्यालड़े व्याहियां दे, होठीं सुरख़ दन्दासड़े चाड़्हउ ने ।
ज़ुलफां पलम पईआं गोरे मुखड़े ते, बिन्दियां पायके रूप शिंगार्यु ने ।
गल्ल्हां फ़ोडिया ते बने खाल दाणे, रड़े हुसन नूं चाय उघाड़्यु ने ।
छातियां खोल्ह के हुसन दे कढ्ढ लाटू वारिस शाह नूं चाय उजाड़्यु ने ।
553. वाक कवी
दे दुआईआं रात मुका सुट्टी, वेखो होवनी करे शताबियां जी ।
जेहड़ी होवनी गल्ल सो हो रही, सभ्भे होवनी दियां ख़राबियां जी ।
एस होवनी शाह फ़कीर कीते, पन्नू जेहआं करे शराबियां जी ।
मजनूं जेहआं नाम मजज़ूब होए, शहज़ादियां करे बेआबियां जी ।
माशूक नूं बेपरवाह करके, वाए आशकां रात बेख़ाबियां जी ।
अली जेहआं नूं कतल ग़ुलाम कीता, ख़बर होई ना मूल असहाबियां जी ।
कुड़ियां पिंड दियां बैठ के धड़ा कीता, लैनी अज्ज कंधार पंजाबियां जी ।
वारिस शाह मियां फले खेड़्यां दे, जम्हां आण होईआं हरबाबियां जी ।
554. तथा
इशक इक्क ते इफतरे लख करने, यारो औखियां यारां दियां यारियां नी ।
केडा पाड़ना पाड़्या इशक पिच्छे, सद घल्लियां सभ कवारियां नी ।
एन्हां यारियां राज्यां फ़कर कीता, इशक कीता ख़लकतां सारियां नी ।
कोई हीर है नवां ना इशक कीता, इशक कीता ख़लकतां सारिया नी ।
एस इशक ने वेख फ़रहाद कुट्ठा, कीतियां यूसफ़ नाल खवारियां नी ।
इशक सोहनी जहियां सूरतां भी, डोब विच्च दर्या दे मारियां नी ।
मिरज़े जेहियां सूरतां इशक ने हे, अग्ग लायके बार विच्च साड़ियां नी ।
वेख बूबनां मारून कहर घत्ती, कई होर कर चल्लियां यारियां नी ।
वारिस शाह जहान दे चलन न्यारे, अते इशक दियां धजां न्यारियां ने ।
555. तथा
सुब्हा चलना खेत करार होया, कुड़ियां मावां दियां करन दिलदारियां नी ।
आपो आपने थां त्यार होईआं, कई व्याहियां कई कवारियां नी ।
रोज़े दार नूं ईद दा चन्न चड़्हआ, जिवें हाजियां हज त्यारियां नी ।
जिवें व्याह दी ख़ुशी दा चा चड़्हदा, अते मिलन मुबारकां कवारियां नी ।
चलो चल हिल जुल तरथल्ल धड़ धड़, ख़ुशी नाल नच्चन मत्यारियां नी ।
थाउं थाई चवा दे नाल फड़के, मुट्ठे चूड़ियां दे मिनहारियां नी ।
गिरद फले दी खुरली आण होईआं, सभ हार शिंगार कर सारियां नी ।
एधर सहती ने माउं तों लई रुखसत, चलो चल जां सभ पुकारियां नी ।
एवें बन्न्ह कतार हो सफ़ां टुरियां, जिवें लद्या साथ ब्युपारियां नी ।
एवें सहती ने कवारियां मेल लईआं, जिवें झुंड मेले जटाधारियां नी ।
ख़तरेटियां अते बहमनेटियां नी, जटेटियां नाल सुन्यारियां नी ।
घोड़े छुट्टे अबार ज्युं फिरन नचदे, चल्लन टेढड़ी चाल मुट्यारियां नी ।
वारिस शाह हुन हीर नूं सप्प लड़दा, चैंचर पाउंदियां चैंचर हारियां नी ।
556. हीर सहती नाल खेत नूं तुर पई
हुकम हीर दा मांउं थों ल्या सहती, गल गिनी सू नाल सहेलियां दे ।
त्यार होईआं दोवें निनान भाबी, नाल चड़्हे ने कटक अलबेलियां दे ।
छड पासने तुरक बेराह चले, राह मारदे ने अठखेलियां दे ।
किल्ले पुट हो गई विच्च वेहड़्यां दे, रही इक्क ना विच्च हवेलियां दे ।
सोहन बैंसरां नाल बलाक बुन्दे, टिक्के फब रहे विच्च मथेलियां दे ।
धागे पांउदे बन्न्ह के नाल बोदे, गोया फिरन दुकान फुलेल्यां दे ।
जटा धारियां दा झुंड त्यार होया, सहती गुरू चल्या नाल चेलियां दे ।
राजे इन्दर दी सभा विच्च होई फेरी, पए अजब छनकार अरबेलियां दे ।
आप हार शिंगार कर दौड़ चलियां, अरथ कीतियां ने नाल बेलियां दे ।
वारिस शाह कसतूरी दे मिरग छुटे, थईआ थईआ सरीर मथेलियां दे ।
557. हीर दा सप्प लड़न दा बहाना
फ़ौज हुसन दी खेत विच्च खिंड पई, तुरत चा लंगोटड़े वट्ट्यु ने ।
संमी घतदियां मारदियां फिरन गिद्धा, पंभी घत बन्नां वट पट्ट्यु ने ।
तोड़ किक्करों सूल दा वड्डा कंडा, पैर चोभ के खून पलट्ट्यु ने ।
सहती मांदरन फ़न दा नाग भछ्या, दन्दी मार के ख़ून उलट्ट्यु ने ।
शिसत अन्दाज़ ने मकर दी शिसत कीती, ओस हुसन दे मोर नूं फट्ट्यु ने ।
वारिस यार दे खरच तहसील विच्चों, हिस्सा सरफ़ कसूर दा कट्ट्यु ने ।
558. हीर दी हालत
दन्द मीट घसीट इह हड्ड गोडे, चिब्बे होठ गल्ल्हां कर नीलियां जी ।
नक्क चाड़्ह दन्देड़का वट्ट रोए, कढ्ढ अक्खियां नीलियां पीलियां जी ।
थर थर कम्बे ते आखे मैं मोई लोका, कोई करे झाड़ा बुरे हीलियां जी ।
मारे लिंग ते पैर बेसुरत होई, लए जीऊ ने काज कलेलियां जी ।
शैतान शतूंगड़े हत्थ जोड़न, सहती गुरू ते असीं सभ चेलियां जी ।
559. तथा
हीर मीट के दन्द पै रही बेख़ुद, सहती हाल बू शोर पुकार्या ई ।
काले नाग ने फ़न फैलाय वड्डा, डंग वहुटी दे पैर ते मार्या ई ।
कुड़ियां कांग कीती आ पई वाहर, लोकां कंम ते काज विसार्या ई ।
मंजे पायके हीर नूं घरी घिन्न्या, जटी पलो पली रंग नूं हार्या ई ।
दोखो फारसी तोरकी नज़म नसरों, इह मकर घ्यु वांग नितार्या ई ।
अग्गे किसे किताब विच्च नहीं पड़्हआ, जेहा ख़चरियां ख़चरपौ सार्या ई ।
शैतान ने आण सलाम कीता, तुसां जित्त्या ते असां हार्या ई ।
अफ़लातून दी रीश मिकराज़ कीती, वारिस कुदरतां वेख के वार्या ई ।
560. सारे ख़बर हो गई
खड़के शांघरों दिलबरां कांग कीती, सारे देस ते धुंम भुंचाल आही ।
घरीं ख़बर होई किड़ां देस सारे, नूंह खेड़्यां दी जेहड़ी स्याल आही ।
सरदार सी ख़ूबां दे त्रिंञणां दी, जिस दी हंस ते मोर दी चाल आही ।
खेड़े नाल सी ओस अजोड़ मुढों, दिलों साफ़ रंझेटे दे नाल आही ।
योस नागनी नूं कोई सप्प लड़्या, सस्स ओस नूं वेख नेहाल आही ।
'इन्ना कईदा कुन्ना' बाबा औरतां दे, धुरों विच्च कुरान दे फ़ाल आही ।
वारिस शाह सुहागे ते अग्ग वांगूं, स्युना खेड़्यां दा सभो गाल आही ।
561. मांदरियां नूं सद्द्या
सद मांदरी खेड़्यां लख आंदे, फ़कर वैद ते भट मदारियां दे ।
तर्याक अकबर अफ़लातून वाला, दारू वड्डे फ़रंग पसारियां दे ।
जिन्हां ज़ात हज़ार दे सप्प कीले, घत्त आंदे ने विच्च पटारियां दे ।
गंडे लक्ख ताअवीज़ ते धूप धूणी, सूत आंदे ने कंज कवारियां दे ।
कोई अक्क चवा खवाय गंढे, नागदौन धाता सभे सार्यां दे ।
किसे ला मणके लस्सी विच्च घत्ते, परदे चाय पाए नरां नारियां दे ।
तेल मिरच ते बूटियां दुद्ध पीसे, घ्यु देंदे ने नाल ख़वारियां दे ।
वारिस शाह सपाध्यां पिंड बद्धे, दस्सन ज़हर महुरे धातां मारियां दे ।
562. लोकां दियां गल्लां
दरद होर ते दारूड़ा होर करदे, फ़रक पवे ना लोड़्ह विच्च लुड़्ही है नी ।
रन्ना वेख के आखदियां ज़हर धाणी, कोई सायत इह ज्युंदी कुड़ी है नी ।
हीर आखदी ज़हर है खिंड चल्ली, छिब्बी कालजा चीर दी छुरी हो नी ।
मर चल्ली है हीर स्याल भावें, भली बुरी ओथे आण जुड़ी है नी ।
जिस वेले दी सूतरी इह सुंघी, भागीं हो गई है नाहीं मुड़ी है नी ।
वारिस शाह सदाईए वैद रांझा, जिस थे दरद असाडे दी पुड़ी है नी ।
563. सहती अते मां
सहती आख्या फ़रक ना पवे मासा, इह सप्प ना कील ते आंवदे ने ।
काले बाग़ विच्च जोगीड़ा सिद्ध दाता, ओहदे कदम पायआं दुख जांवदे ने ।
बाशक नांग करूंडीए मेंड भश्शक, छीने तित्तरे सभ न्युं आंवदे ने ।
कलग़ीधर ते उडणां भूंड आबी, असराल घराल डर खांवदे ने ।
तन्दूरड़ा बोरड़ा फनी फ़नियर, सभ आण के सीस निवांवदे ने ।
मणीदार दो सिरे ते खड़प्प्यां थे, मंतर पड़्हे तां कील ते आंवदे ने ।
कंगूरिया धामिया लुसलुसा वी, रतवारिया कजलिया झांवदे ने ।
खंजूरिया तेलिया निपट जंघा हथवारिया गोझिया गांवदे ने ।
बलिशतिया छीणिया संघ-टापू, चिचलावड़ा कुलनासिया दांवदे ने ।
कोई दुख ते दरद ना रहे भोरा, जादू जिन्न ते भूत सभ जांवदे ने ।
राउ राजे ते वैद ते देव परियां, सभ ओस थों हत्थ विखांवदे ने ।
होर वैद सभ वैदगी ला थक्के, वारिस शाह जोगी हुन आंवदे ने ।
564. जोगी सद्दन लई आदमी भेजन दी सलाह
खेड़्यां आख्या सैदे नूं घल दीचै, जेहड़ा डिग्गे फ़कीर दे जा पैरीं ।
साडी करीं वाहर नाम रब ते, कोई फ़ज़ल दा पलूड़ा चा फेरीं ।
सारा खोल्ह के हाल अहवाल आखीं, नाल महरियां बरकतां विच्च दैरीं ।
चलो वासते रब दे नाल मेरे, कदम घत्यां फ़कर दे होन ख़ैरीं ।
दम लायके स्याल व्याह ल्यांदी, जंज जोड़ के गए सां विच्च डेरीं ।
बैठ कोड़मे गल पका छड्डी, सैदा घल्लीए रलन जा ऐर गैरीं ।
जीकूं जाणसें तिवें ल्या जोगी, कर मिन्नतां लावना हत्थ पैरीं ।
वारिस शाह मियां तेरा इलम होया, मशहूर विच्च जिन्न ते इनस तैरीं ।
565. खेड़्यां सैदे नूं जोगी कोल भेज्या
अजू आख्या सैद्या जाह भाई, इह वहुटियां बहुत प्यारियां जी ।
जा बन्न्ह के हत्थ सलाम करना, तुसां तारियां ख़लकतां सारियां जी ।
अग्गे नज़र रक्खीं सभो हाल दस्सीं, अग्गे जोगीड़े दे करीं ज़ारियां जी ।
सानूं बनी है हीर नूं सप्प लड़्या, खोल्ह कहें हकीकतां सारियां जी ।
आखीं वासते रब दे चलो जोगी, सानूं बणियां मसीबतां भारियां जी ।
जोगी मार मंतर करे सप्प हाज़र, जा ल्या विलायके वारियां जी ।
वारिस शाह ओथे नाहीं फुरे मंतर, जित्थे इशक ने दन्दियां मारियां जी ।
566. सैदा जोगी कोल ग्या
सैदा वट्ट बुक्कल बद्धी पचारिक्की, जुत्ती चाड़्ह के डांग लै कड़क्या ई ।
वाहो वाह चल्या खुरीं बन्न्ह खेड़ा, वांग काटकू माल ते सरक्या ई ।
काले बाग़ विच्च जोगी थे जा वड़्या, जोगी वेख के जट नूं दड़क्या ई ।
खड़ा हो माही मुंड्या कहां आवें, मार फाहुड़ा शोर कर भड़क्या ई ।
सैदा संग के थर थर खड़ा कम्बे, उस दा अन्दरों कालजा धड़क्या ई ।
ओथों खड़ी कर बांह पुकारदा ई एहा ख़तरे दा मार्या यरक्या ई ।
चल्लीं वासते रब दे जोगिया वे, ख़ार विच्च कलेजे दे रड़क्या ई ।
जोगी पुच्छदा 'बनी है कौन तैनूं, एस हाल आंइउ जट्टा' बड़्हक्या ई ।
जटी वड़ी कपाह विच्च बन्न्ह झोली, काला नाग अज़ग़ैब थीं कड़क्या ई ।
वारिस शाह जों चोटियां कढ आए, अते सप्प सरोट्यों लड़क्या ई ।
567. रांझा
तकदीर नूं मोड़ना भालदा एं, सप्प नाल तकदीर दे डंगदे ने ।
जेहनूं रब्ब दे इशक दी चाट लग्गी, दीदवान कज़ा दे रंग दे ने ।
जेहड़े छड्ड जहान उजाड़ वसन, सुहबत औरतां दी कोलों संगदे ने ।
कदी किसे दी कील विच्च नहीं आए, जेहड़े सप्प स्याल ते झंग दे ने ।
असां चाय कुरान ते तरक कीती, संग महरियां दे कोलों संगदे ने ।
मरन दे जट्टी ज़रा वैन सुणीएं, राग निकलन रंग बरंग दे ने ।
जवान मेर महरी बड़े रंग होते, ख़ुशी होते हैं रूह मलंग दे ने ।
वारिस शाह मुनायके सीस दाड़्ही, हो रहे ज्युं संगती गंग दे ने ।
568. सैदे ते रांझे दे सवाल जवाब
हत्थ बन्न्ह नीवीं धौन घाह मूंह विच्च, कढ दन्दियां मिन्नतां घाल्या वो ।
तेरे चल्यां हुन्दी है हीर चंगी, धरोही रब दी मुन्दरां वाल्या वो ।
अट्ठ पहर होए भुखे कोड़मे नूं, लुड़्ह गए हां फाकड़ा जाल्या वो ।
जटी ज़हर वाले किसे नाग डंगी, असां मुलक ते मांदरी भाल्या वो ।
चंगी होए नाहीं जट्टी नाग डंगी, तेरे चल्ल्यां ख़ैर रवाल्या वो ।
जोगी वासते रब दे तार सानूं, बेड़ा ला बन्ने अल्लाह वाल्या वो ।
लिखी विच्च रज़ा दे मरे जट्टी, जिस ने सप्प दा दुख है जाल्या वो ।
तेरी जट्टी दा की इलाज करना, असां आपना कोड़मा गाल्या वो ।
वारिस शाह रज़ा तकदीर वेला, पीरां औलियावां नाहीं टाल्या वो ।
569. जोगी
चुप हो जोगी सहज नाल बोले, जट्टा कास नूं पकड़्युं काहियां नूं ।
असीं छड्ड जहान फ़कीर होए, छड्ड दौलतां नाल बादशाहियां नूं ।
याद रब दी छड्ड के करां झेड़े, ढूंडां उडदियां छड्ड के फाहियां नूं ।
तेरे नाल ना चल्ल्यां नफ़ा कोई, मेरा अमल ना फुरे विवाहियां नूं ।
रन्ना पास फ़कीर नूं ऐब जाणा, जेहा नस्सना रणों सिपाहियां नूं ।
वारिस कढ कुरान ते बहें मिम्बर, केहा अड्ड्यु मकर दियां फाहियां नूं ।
570. सैदा
सैदा आखदा रोंदड़ी पई डोली, चुप करे नाहीं हत्यारड़ी वो ।
वडी जवान बालग़ कोई परी सूरत, तिन्न कपड़ीं वड्डी मुट्यारड़ी वो ।
जो मैं हत्थ लावां सिरों लाह लैंदी, चाय घत्तदी चीक चेहाड़ड़ी वो ।
हथ लावना पलंघ नूं मिले नाहीं, ख़ौफ़ ख़तर्युं रहे न्यारड़ी वो ।
मैनूं मार के आप नित रहे रोंदी, एसे बान उह रहे कवारड़ी वो ।
नाल सस्स निनान दे गल नाहीं, पई मचदी नित ख़वारड़ी वो ।
असां ओस नूं मूल ना हत्थ लायआ, काई लोथ लागर है भारड़ी वो ।
ऐवें ग़फ़लतां विच्च बरबाद कीती, वारिस शाह एह उमर विचारड़ी वो ।
571. सैदे नूं कसम खवाई
जोगी कील कीती पिड़ी विच्च चौंके, छुरी ओस दे विच्च खुभाईआ सू ।
खा कसम कुरान दी बैठ जट्टा, कसम चोर नूं चाय कराईआ सू ।
उहदे नाल तूं नाहींउ अंग लायआ, छुरी पुट के धौन रखाईआ सू ।
फड़्या हुसन दे माल दा चोर साबत, ताहीं ओस तों कसम कराईआ सू ।
वारिस रब नूं छड्ड के प्या झंजट, ऐवें रायगां उमर गवाईआ सू ।
572. सैदे ने कसम चुक्की
खेड़े निशा दित्ती अग्गे जोगीड़े दे, सानूं कसम है पीर फ़कीर दी जी ।
मरां होइके एस जहान कोड़्हा, सूरत डिट्ठी जे मैं हीर दी जी ।
सानूं हीर जट्टी धौली धार दिस्से, कोहकाफ़ ते धार कशमीर दी जी ।
लंका कोट पहाड़ दा पार दिस्से, फ़रहाद नूं नहर ज्युं शीर दी जी ।
दूरों वेख के फ़ातेहा आख छड्डां, गोर पीर पंजाल दे पीर दी जी ।
सानूं कहकहा इह दीवार दिस्से, ढुक्कां जाय तां कालजा चीर दी जी ।
उस दी झाल ना असां थों जाए झल्ली, झाल कौन झल्ले छुट्टे तीर दी जी ।
भैंस मार के सिंग ना दे ढोई, ऐवें हौंस केही दुद्ध खीर दी जी ।
लोक आखदे परी है हीर जट्टी, असां नहीं डिट्ठी सूरत हीर दी जी ।
वारिस झूठ ना बोलीए जोगियां थे, ख़्यानत ना करीए चीज़ पीर दी जी ।
573. रांझा सैदे दुआले
जोगी रक्ख के अनख ते नाल ग़ैरत, कढ अक्खियां रोह थीं फुट्ट्या ई ।
एह हीर दा वारिसी होइ बैठा, चा डेर्युं सवाह विच्च सुट्ट्या ई ।
सने जुत्तियां चौंके विच्च आ वड़्युं, साडा धरम ते नेम सभ पुट्ट्या ई ।
लत्थ पत्थ के नाल निखुट्या ई कुट फाट के खेह विच्च सुट्ट्या ई ।
बुरा बोलदा नीर पल्लट अखीं, जेहआ बाणियां शहर विच्च लुट्ट्या ई ।
पकड़ सैदे नूं नाल फौहड़ियां दे, चोर यार वांगूं ढाह कुट्ट्या ई ।
खड़तलां ते फौहड़ियां ख़ूब जड़ियां, धौन सेक्या नाल नझुट्ट्या ई ।
दोवें बन्न्ह बाहां सिरों लाह पटका, गुनाहगार वांगूं उट्ठ जुट्ट्या ई ।
शाना खोह के कुट चकचूर कीता, लिंग भन्न के संघ नूं घुट्ट्या ई ।
वारिस शाह खुदा दे ख़ौफ़ कोलों, साडा रोंद्यां नीर निखुट्ट्या ई ।
574. सैदा मार खा के घर नूं भज्जा
खेड़ा खायके मार ते भज्ज चल्या, वाहो वाह रोंदा घरीं आंवदा है ।
इह जोगीड़ा नहीं जे धाड़ कड़के, हाल आपना खोल्ह सुणांवदा है ।
इह कांवरूं देस दा सेहर जाणे, वड्डे लोड़्ह ते कहर कमांवदा है ।
इह देव उजाड़ विच्च आण लत्था, नाल कड़क्यां जान गवांवदा है ।
नाले पड़्हे कुरान ते दे बांगां, चौंके पांवदा संख वजांवदा है ।
मैनूं मार के कुट्ट तह बार कीता, पिंडा खोल्ह्हके फट्ट विखांवदा है ।
575. सैदे दा प्यु आखन लग्गा
अजू आख्या लउ अन्हेर यारो, वेखो ग़ज़ब फ़कीर ने चायआ जे ।
मेरा सोने दा केवड़ा मार जिन्दों, कंम कार थीं चाय गवायआ जे ।
फ़कर मेहर करदे सभ ख़लक उत्ते, ओस कहर जहान ते चायआ जे ।
वारिस शाह मियां नवां सांग वेखो, देव आदमी होइके आया जे ।
576. सहती ने प्यु नूं केहा
सहती आख्या बाबला जाह आपे, सैदा आप नूं वड्डा सदांवदा ए ।
नाल किबर हंकार दे मसत फिरदा, खातर थल्ले ना किसे नूं ल्यांवदा ए ।
सान्हे वांगरां सिरी टपांवदा है, अग्गों आकड़ां प्या विखांवदा ए ।
जाह नाल फ़कीर दे करे आकड़, ग़ुस्से ग़ज़ब नूं प्या वधांवदा ए ।
मार नूंह दे दुख हैरान कीता, अजू घोड़े ते चड़्ह दुड़ांवदा ए ।
यारो उमर सारी जट्टी ना लद्धी, रहआ सुहनी ढूंड ढूंडांवदा ए ।
वारिस शाह जवानी विच्च मसत रहआ, वख़त गए ताईं पछोतांवदा ए ।
577. अज्जू जोगी कोल ग्या
जा बन्न्ह खड़ा हत्थ पीर अग्गे, तुसीं लाडले परवरदगार दे हो ।
तुसीं फ़कर इलाह दे पीर पूरे, विच्च रेख दे मेख नूं मारदे हो ।
होवे दुआ कबूल प्यार्यां दी, दीन दुनी दे कंम सवारदे हो ।
अट्ठे पहर ख़ुदा दी याद अन्दर, तुसीं नफ़स शैतान नूं मारदे हो ।
हुकम रब्ब दे थों तुसीं नहीं बाहर, तुसीं कील के सप्प नूं मारदे हो ।
लुड़्हे जान बेड़े अवगुणहार्यां दे, करो फज़ल तां पार उतारदे हो ।
तेरे चल्ल्यां नूंह मेरी ज्युंदी है, लग्गा दामने सो तुसीं तारदे हो ।
वारिस शाह दे उज़र मुआफ़ करने, बखशणहार बन्दे गुनाहगार दे हो ।
578. जोगी
छड देस जहान उजाड़ मल्ली, अजे जट्ट नाहीं पिच्छा छड्डदे ने ।
असां छड्ड्या इह ना मूल छड्डन, कीड़े मुढ्ढ कदीम दे हड्ड दे ने ।
लीह पई मेरे उत्ते झाड़ियां दी, पास जान नाहीं पिंज गड्ड दे ने ।
वारिस शाह जहान थों अक्क पए, अज्ज कल फ़कीर हुन लद्ददे ने ।
579. सैदे दे बाप अजू दा वासता
चलीं जोगिया रब दा वासता ई असीं मरद नूं मरद ललकारने हां ।
जो कुझ्झ सरे सो नज़र लै पैर पकड़ां, जान माल परिवार नूं वारने हां ।
पए कुल दे कोड़मे सभ रोंदे, असीं काग ते मोर उडारने हां ।
हत्थ बन्न्ह के बेनती जोगिया वो, असीं आजज़ी नाल पुकारने हां ।
चोर सद्द्या माल दे सांभने नूं, तेरियां कुदरतां तों असीं वारने हां ।
वारिस शाह वसाह की एस दम दा, ऐवें रायगां उमर क्यु हारने हां ।
580. जोगी दा उहदे नाल तुरना
जोगी चल्ल्या रूह दी कला हली, तित्तर बोल्या शगन मनावने नूं ।
ऐतवार ना पुच्छ्या खेड़्यां ने, जोगी आंदा ने सीस मुनावने नूं ।
वेखो अकल शऊर जो मार्यु ने, तुअमा बाज़ दे हत्थ फड़ावने नूं ।
भुक्खा खंड ते खीर दा भया राखा, रंडा घल्ल्या साक करावने नूं ।
सप्प मकर दा परी दे पैर लड़्या, सुलेमान आया झाड़ा पावने नूं ।
अनजान जहान हटा दित्ता, आए मांदरी कील करावने नूं ।
राखा जौआं दे ढेर दा गधा होया, अन्न्हां घल्ल्या हरफ़ लिखावने नूं ।
मिन्नत खास करके ओहनां सद आंदा, मियां आया है रन्न खिसकावने नूं ।
उहनां सप्प दा मांदरी ढूंड आंदा, सगों आया है सप्प लड़ावने नूं ।
वसदे झुगड़े चौड़ करावने नूं, मुढ्ढों पुट्ट बूटा लैंदे जावने नूं ।
वारिस बन्दगी वासते घल्ल्या सैं, आ जुट्ट्या पहनने खावने नूं ।
581. तथा
भला होया भैणां हीर बची जाणों, मन्न मन्ने दा वैद हुन आया नी ।
दुख दरद गए सभ्भे दिल वाले, कामल वली ने फेरड़ा पायआ नी ।
जेहड़ा छड्ड चौधराईआं चाक बण्या, वत ओस ने जोग कमायआ नी ।
जैंदी वंझली दे विच्च लख मंतर, ओहो रब्ब ने वैद मिलायआ नी ।
शाखां रंग बरंगियां होन पैदा, सावन माह जित्थे मींह वसायआ नी ।
नाले सहती दे हाल ते रब तरुठा, जोगी दिलां दा मालक आया नी ।
तिन्नां धिरां दी होई मुराद हासल, धूआं एस चरोकना पायआ नी ।
इहदी फुरी कलाम अज खेड़्यां ते, इसम आज़म असर करायआ नी ।
महमान ज्युं आंवदा लैन वहुटी, अग्गों साहुर्यां पलंघ विछायआ नी ।
'वीरा राध' वेखो एथे कोई होसी, जग्ग धूड़ भुलावड़ा पायआ नी ।
मंतर इक्क ते पुतलियां दोएं उड्डन, अल्लाह वाल्यां खेल रचायआ नी ।
खिसकू शाह होरीं अज्ज आण लत्थे, तम्बू आण उधालूआं लायआ नी ।
धरना मार बैठा जोगी मुद्दतां दा, अज्ज खेड़्यां ने ख़ैर पायआ नी ।
कक्खों लख कर दए ख़ुदा सच्चा, दुख हीर दा रब्ब गवायआ नी ।
उन्हां सिकद्यां दी दुआ रब्ब सुणी, ओस नड्डड़ी दा यार आया नी ।
भला होया जे किसे दी आस पुन्नी, रब विछड़्यां नाल मिलायआ नी ।
सहती आपने हत्थ इखत्यार लै के, डेरा डूमां दी कोठड़ी पायआ नी ।
रन्नां मोह के लैन शहज़ाद्यां नूं, वेखो इफतरा कौन बणायआ नी ।
आपे धाड़वी दे अग्गे माल दित्ता, पिच्छों सांघरू ढोल वजायआ नी ।
भलके एथे ना होवसन दो कुड़ियां, सानूं शगन एहो नज़र आया नी ।
वारिस शाह शैतान बदनाम करसो, लून थाल दे विच्च पेहायआ नी ।
582. कुड़ियां दी हीर नूं वधाई
कुड़ियां आख्या आण के हीर ताईं, अनी वहुटीए अज्ज वधाई एं नी ।
मिली आबे ह्यात प्यास्यां नूं, हुंन जोगियां दे विच्च आई एं नी ।
तैथों दोज़ख़े दी आंच दूर होई, रब विच्च बहशत दे पाई एं नी ।
जीऊड़े रब ने मेल के तारीएं तूं, मोती लाल दे नाल पुराई एं नी ।
वारिस शाह कह हीर दी सस्स ताईं ,अज्ज रब्ब ने चौड़ कराई एं नी ।
583. जोगी दा मरदां अते औरतां नूं तोरना
जोगी आख्या फिरे ना मरद औरत, पवे किसे दा ना परछावना वो ।
करां बैठ निवेकला जतन गोशे, कोई नहीं जे छिंज पवावना वो ।
कन्न सन्न विच्च वहुटड़ी आण पावो, नहीं धुंम ते शोर करावना वो ।
इक्को आदमी आवना मिले साथे, औखा सप्प दा रोग गवावना वो ।
कवारी कुड़ी दा रक्ख विच्च पैर पाईए, नहीं होर किसे एथे आवना वो ।
सप्प नस्स जाए छल मार जाए, खरा औखड़ा छिला कमावना वो ।
लिख्या सत्त सै वार कुरान अन्दर, नाहीं छड्ड नमाज़ पछतावना वो ।
वारिस शाह निकोई ते बन्दगी कर, वत नहीं जहान ते आवना वो ।
584. सहती ने कुड़ी कोल हीर नूं सपुरद करना
सहती कुड़ी नूं सद्द के सौंप्यु ने, मंजा विच्च ऐवान दे पायके ते ।
पिंडों बाहरा डूमां दा कोठड़ा सी, ओथे दित्ती ने थाउं बणायके ते ।
जोगी पलंघ दे पासे बहायउ ने, आ बैठा है शगन मनायके ते ।
नाढू शाह बण्या मसत जो आशक, माशूक नूं पास बहायके ते ।
खेड़े आप जा घरीं बेफ़िकर सुत्ते, तुअमा बाग़ दे हत्थ फड़ायके ते ।
सिर ते होवनी आइके कूकदी है, चुटकी मार के हत्थ बन्न्हायके ते ।
उन्हां खेह सिर घत्त के पिट्टना है, जिन्हां व्याहियां धड़ी बन्न्हायके ते ।
वारिस शाह हुन तिन्हां ने वैन करने, जिन्हां व्याहउं घोड़ियां गायके ते ।
585. हीर ते रांझे ने पंजे पीर याद कीते
अद्धी रात रांझे पीर याद कीते, तुर्हा खिज़र दा हत्थ लै बोल्या ई ।
शकर गंज दा पकड़ रुमाल चुंमे, विच्च मुशक ते इतर दे झोल्या ई ।
खंजर कढ्ढ मखदूम जहानीए दा, विच्चों रूह रंझेटे दा डोल्या ई ।
खूंडी पीर बहाउदीन वाली, मन्दरा लाल शहबाज़ दा टोल्या ई ।
पीर बहाउदीन ज़करीए धमक दित्ती, कंध ढायके राह नूं खोल्हआ ई ।
जा बैठा हैं कास नूं उठ जट्टा, सवीं नाहीं तेरा राह खोल्हआ ई ।
वारिस शाह पछोतावसें बन्दगी नूं, इज़राईल जां धौन चड़्ह बोल्या ई ।
586. सहती दी अरज़
निकल कोठ्युं तुरन नूं त्यार होया, सहती आण 'हज़ूर सलाम' कीता ।
बेड़ा ला बन्ने असां आजज़ां, दा रब फज़ल तेरे उत्ते आम कीता ।
मेरा यार मिलावना वासता ई असां कंम तेरा सरंजाम कीता ।
भाबी हत्थ फड़ायके तोर दित्ती, कंम खेड़्यां दा सभो ख़ाम कीता ।
तेरे वासते माप्यां नाल कीती, जो कुझ्झ अली दे नाल ग़ुलाम कीता ।
जो कुझ्झ होवनी सीता दे नाल कीती, अते दहसरे नाल जो राम कीता ।
वारिस शाह जिस ते मेहरबान होवे, ओथे फज़ल ने आण मुकाम कीता ।
587. रांझे ने असीस दित्ती
रांझे हत्थ उठाय दुआ मंगी, रब्बा मेलना यार गवारनी दा ।
एस हुब दे नाल है कंम कीता, बेड़ा पार करना कंम सारनी दा ।
पंजां पीरां दी तुरत आवाज़ आई, रब्बा यार मेलीं एस यारनी दा ।
फज़ल रब्ब कीता यार आ मिल्या, ओस शाह मुराद पुकारनी दा ।
588. शाह मुराद आ पहुंचा
डाची शाह मुराद दी आण रिंगी, उत्तों बोल्या साईं सवारीए नी ।
शाला ढुक आवीं हुश ढुक नेड़े, आ चड़्हीं कचावे ते डारीए नी ।
मेरी गई कतार कुराह घुत्थी, कोई सेहर कीतो टूने हारीए नी ।
वाई सूई दी पोतरी इह डाची, घिन्न झोक पलाने दी लाड़ीए नी ।
वारिस शाह बहशत दी मोरनी तूं, इह फ़रिशत्यां उट्ठ ते चाड़्हीए नी ।
589. सहती नूं मुराद ने ते हीर नूं रांझे ने लै जाणा
सहती लई मुराद ते हीर रांझे, रवां हो चल्ले लाड़े लाड़ियां ने ।
रातो रात गए लै बाज़ कूंजां, सिरियां नागां दियां शीहां लताड़ियां ने ।
आपो धाप गए लै के वाहो दाही, बघ्याड़ां ने तरंडियां पाड़ियां ने ।
फ़जर होई किड़ाऊआं गज घत्ते, वेखो खेड़्यां वाहरां चाड़्हियां ने ।
जड़्हां दीन ईमान दियां कट्टने नूं, इह महरियां तेज़ कुहाड़ियां ने ।
मियां जिन्हां बेगानड़ी नार रावी, मिलन दोज़ख़ीं ताउ चवाड़ियां ने ।
वारिस शाह नाईआं नाल जंग बद्धा, खेड़्यां कुल मनायके दाड़्हियां ने ।
590. वाक कवी
इक्क जान भन्ने बहुत नाल ख़ुशियां, भला होया फ़कीरां दी आस होई ।
इक्क जान रोंदे जूह खेड़्यां दी, अज्ज वेखो तां चौड़ नख़ास होई ।
इक्क लै डंडे नंगे जान भन्ने, यारो पई सी हीर उदास होई ।
इक्क चित्तड़ वजांवदे फ़िरन भौंदे, जो मुराद फ़कीरां दी रास होई ।
वारिस शाह की मुन्नद्यां ढिल लग्गे, जदों उसतरे नाल पटास होई ।
591. पहली वाहर
पहली मिली मुराद नूं जा वाहर, अग्गों कटक बलोचां ने चाड़्ह दित्ते ।
पकड़ तरकशां अते कमान दौड़े, खेड़े नाल हथ्यारां दे मार दित्ते ।
मार बरछियां आण बलोच कड़के, तेग़ां मार के वाहरू झाड़ दित्ते ।
मार नावकां मोरचे भन्न दित्ते, मार झाड़ के पिंड विच्च वाड़ दित्ते ।
वारिस शाह जां रब ने मेहर कीती, बद्दल कहर दे लुतफ़ ने पाड़ दित्ते ।
592. दूजी वाहर ने रांझे ते हीर नूं फड़ लैणा
दूईआं वाहरां रांझे नूं आण मिलियां, सुत्ता प्या उजाड़ विच्च घेर्यु ने ।
दुन्द मारदे बरछियां फेरदे ने, घोड़े विच्च मैदान दे फेर्यु ने ।
सिर हीर दे पट ते रक्ख सुत्ता, सप्प माल तों आण के छेड़्यु ने ।
हीर पकड़ लई रांझा कैद कीता, वेखो जोगी नूं चा खदेड़्यु ने ।
लाह सेल्हियां बन्न्ह के हत्थ दोवें, पिंडां चाबकां नाल उचेड़्यु ने ।
वारिस शाह फ़कीर अल्लाह दे नूं, मार मार के चा खदेड़्यु ने ।
593. हीर रांझे नूं
हीर आख्या सुत्ते सो सभ मुट्ठे, नींदर मार्या राज्यां राण्यां नूं ।
नींद वली ते ग़ौस ते कुतब मारे, नींद लुट्ट्या राह पंधाण्यां नूं ।
एस नींद ने शाह फ़कीर कीते, रो बैठे ने वख़त वेहाण्यां नूं ।
नींद शेर ते देव इमाम कुट्ठे, नींद मार्या वड्डे स्याण्यां नूं ।
सुत्ते सोई विगुतड़े अदहम वांगूं, ग़ालब नींद है देव-रंझाण्यां नूं ।
नींद हेठ सुट्या सुलेमान ताईं, देंदी नींद छुडा टिकाण्यां नूं ।
नींद पुत्तर याकूब दा खूह पायआ, सुण्या होसिया यूसफ़-वाण्यां नूं ।
नींद ज़िबा कीता इसमाईल ताईं, यूनस पेट मच्छी विच्च पाण्यां नूं ।
नींद फ़जर दी कज़ा नमाज़ करदी, शैतान दे तम्बूआं ताण्यां नूं ।
नींद वेख जो सस्सी नूं वख़त पायआ, फ़िरे ढूंडदी पैरों वाहण्यां नूं ।
रांझे हीर नूं बन्ह लै टुरे खेड़े, दोवें रोंदे ने वख़त वेहाण्यां नूं ।
साढे तिन्न हत्थ ज़िमीं है मिलक तेरी, वारिस वलें क्युं ऐड वलाण्यां नूं ।
594. तथा
हाए हाए मुट्ठी मत ना लईआ, दित्ती अकल हज़ार चकेट्या वे ।
वस प्युं तूं वैरियां सांव्यां दे, केही वाह है मुशक लपेट्या वे ।
जेहड़ा छिड़्या विच्च जहान झेड़ा, नहीं जावना मूल समेट्या वे ।
राजा अदली है तख़त ते अदल करदा, खड़ी बांह कर कूक रंझेट्या वे ।
बिना अमल दे नहीं नज़ात तेरी, प्या मारीएं कुतब द्या बेट्या वे ।
नहीं हूर बहशत दी हो जांदा, गधा ज़री दे विच्च लपेट्या वे ।
असर सुहबतां दे कर जान ग़लबा, जा राजे दे पास जटेट्या वे ।
वारिस शाह मियां लोहा होए सोइना, जित्थे कीम्यां दे नाल भेट्या वे ।
595. रांझे ने उच्ची उच्ची फ़र्याद कीती
कू कू कीताय कूक रांझे, उच्चा कूकदा चांगरां धरासदा ई ।
बू बू मार ललकरां करे धुंमां, राजे पुच्छ्या शोर वसवास दा ई ।
रांझे आख्या राज्या चिरीं जीवें, करम रब दा फ़िकर गम कास दा ई ।
हुकम मुलक दित्ता तैनूं रब्ब सच्चे, तेरा राज ते हुकम आकाश दा ई ।
तेरी धांक पई ए रूम शाम अन्दर, बादशाह ड्रे आस पास दा ई ।
तेरे राज विच्च बिना तकसीर लुट्या, ना गुनाह ते ना कोई वासता ई ।
मक्खी फासदी शहद विच्च हो नेड़े, वारिस शाह एस जग विच्च फासदा ई ।
596. राजे दा हुकम
राजे हुकम कीता चड़्ही फ़ौज बांकी, आ राह विच्च घेर्या खेड़्यां नूं ।
तुसीं हो सिद्धे चलो पास राजे, छड द्यु खां छल दरेड़्यां नूं ।
राजे आख्या चोर ना जान पावे, चलो छड्ड देवो झगड़्यां झेड़्यां नूं ।
पकड़ विच्च हज़ूर दे ल्याउ हाज़र, राहज़नां ते खोहड़ू बेड़्हआं नूं ।
बन्न्ह खड़ांगे इक्के तां चलो आपे, नहीं जाणदे असीं बखेड़्यां नूं ।
वारिस शाह चन्द सूरजां ग्रहन लग्गे, उह भी फड़े ने आपने फेड़्यां नूं ।
597. फ़ौज ने खेड़्यां नूं राजे दे पेश कीता
खेड़े राजे दे आण हज़ूर कीते, सूरत बने ने आण फ़र्यादियां दे ।
रांझे आख्या खोह लै चल्ले नढ्ढी, इह खोहड़ू फेर बेदादियां दे ।
मैथों खोह फ़कीरनी उठ नट्ठे, जिवें पैस्यां नूं डूम शादियां दे ।
मेरा न्याउं तेरे अग्गे राए साहब, इह वड्डे दरबार ने आदियां दे ।
चेतां दाड़्हियां पगड़ियां वेख भुल्लें, शैतान ने अन्दरों वादियां दे ।
वारिस बाहरों सूहे ते स्याह अन्दरों, तम्बू होन जिवें मालज़ादियां दे ।
598. राजे कोल खेड़्यां दी फ़र्याद
खेड़्यां जोड़ के हत्थ फ़र्याद कीती, नहीं वख़त हुन ज़ुलम कमावने दा ।
इह ठग है महज़री वड्डा घुट्ठा, सेहर जाणदा सर्हों जमावने दा ।
वेहड़े वड़द्यां नढियां मोह लैंदा, इस थे इलम जे रन्नां वलावने दा ।
साडी नूंह नूं इक्क दिन सप्प लड़्या, उह वख़त सी मांदरी ल्यावने दा ।
सहती दस्स्या जोगीड़ा बाग़ काले, ढब जाणदा झाड़्यां पावने दा ।
मंतर झाड़ने नूं असां सद आंदा, सानूं कंम सी जिन्द छुडावने दा ।
लैंदो दोहां नूं रातो ही रात नट्ठा, फ़कर वली अल्लाह पहरावने दा ।
विच्चों चोर ते बाहरों साध दित्ते, इस थे वल्ल जे भेख वटावने दा ।
राजे चोरां ते यारां नूं मारदे ने, सूली रसम है चोर चड़्हावने दा ।
भला करो तां एस नूं मार सुट्टो, वकत आया है चोर मुकावने दा ।
वारिस शाह तों अमल ही पुच्छईणगे, वख़त आवसी अमल तुलावने दा ।
599. रांझा
रांझे आख्या सुहनी रन्न डिट्ठी, मगर लग मेरे आ घेर्या ने ।
नट्ठा ख़ौफ़ थों इह सन देस वाले, पिच्छे कटक अज़ग़ैब दा छेड़्या ने ।
पंजां पीरां दी इह मुजाउरनी ए इहनां किधरों साक सहेड़्या ने ।
सभ राज्यां एन्हां नूं धक्क दित्ता, तेरे मुलक विच्च आइ के छेड़्या ने ।
वेखो विच्च दरबार दे झूठ बोलन, इह वड्डा ही फेड़ना फेड़्या ने ।
मजरूह सां ग़मां दे नाल भर्या, मेरा अल्लड़ा घाउ उचेड़्या ने ।
कोई रोज़ जहान ते वाउ लैणी, भला होया ना चाय निबेड़्या ने ।
आप वारसी बने एस वहुटड़ी दे, मैनूं मार के चाय खदेड़्या ने ।
राजा पुच्छदा करां मैं कतल सारे, तेरी चीज़ नूं ज़रा जे छेड़्या ने ।
सच्च आख तूं खुल्ह के करां पुरज़े, कोई बुरा इस नाल जे फेड़्या ने ।
छड अरलियां जोग भजाय नट्ठे, पर खूह नूं अजे ना गेड़्या ने ।
वारिस शाह मैं गिरद ही रहआ भौंदा, सुरेम सुरमचू नहीं लिबेड़्या ने ।
600. जवाब राजे दा
राजे आख्या तुसां तकसीर कीती, एह वड्डा फ़कीर रंजाण्या जे ।
नक कन्न वढायके द्यां सूली, ऐवें गई इह गल्ल ना जाण्या जे ।
रज्जे जट ना जाणदे किसे ताईं, तुसीं अपनी कदर पछाण्या जे ।
रन्नां खोह फ़कीरां दियां राह मारो, तम्बू गरब गुमान दा ताण्या जे ।
रातीं चोर ते दिने उधाल्यां ते, शैतान वांगूं जग राण्या जे ।
काज़ी शर्हा दा तुसां नूं करे झूठा, मौज सूलियां दी तुसीं माण्या जे ।
इह नित हंकार ना माल रहन्दे, कदी मौत तहकीक पछाण्या जे ।
वारिस शाह सराए दी रात वांगूं, दुनिया ख़ाब ख़्याल कर जाण्या जे ।
601. शर्हा दे महकमे विच्च पेशी
जदों शर्हा दे आण के रजूह होए, काज़ी आख्या करो ब्यान मियां ।
द्यु खोल्ह सुणाय के बात सारी, करां उमर ख़िताब दा न्यां मियां ।
खेड़े आख्या हीर सी साक चंगा, घर चूचक स्याल दे जान मियां ।
अजू खेड़े दे पुत्तर नूं ख़ैर कीता, होर ला थक्के लोक तान मियां ।
जंञ जोड़ के असां व्याह ल्यांदी, टके ख़रच कीते ख़ैर दान मियां ।
लक्ख आदमां दे ढुक्की लखमी सी, हिन्दू जाणदे ते मुसलमान मियां ।
दोद रसम कीती, मुल्लां सद आंदा, जिस नूं हिफज़ सी फ़िका कुरान मियां ।
मुल्लां शाहदां नाल वकील कीते, जिवें लिख्या विच्च कुरान मियां ।
असां लायके दंम व्याह आंदी, देस मुलक रहआ सभो जान मियां ।
रावन वांग लै चल्या सीता ताईं, इह छोहरा तेज़ ज़बान मियां ।
वारिस शाह नूंह रहे जे किवें साथे, रब्बा ज़ुमल दा रहे ईमान मियां ।
602. राजे ने पुच्छ्या
राजा आखदा पुच्छो खां इह छापा, कित्थों दामने नाल चमोड़्या जे ।
राह जांदड़े किसे ना पौन चम्बड़, इह भूतना कित्थों सहेड़्या जे ।
सारे मुलक जो झगड़दा नाल फिर्या, किसे हटक्या नाहीं होड़्या जे ।
वारिस शाह कसुंभे दे फोग वांगूं, उहदा अकरा रसा निचोड़्या जे ।
603. खेड़्यां दा उत्तर
कितों आया काल विच्च भुक्ख मरदा, इह चाक सी महर दियां खोलियां दा ।
लोक करन विचार जवान बेटी, उहनूं फ़िकर शरीकां दियां बोलियां दा ।
छैल नढ्ढड़ी वेख के मगर लग्गा, हिल्या होया स्यालां दियां गोलियां दा ।
महीं चार के मच्च्या दाअव्यां ते, होया वारसी साडियां डोलियां दा ।
मौजू चौधरी दा पुत्त आखदे सन, पिछलग्ग हज़ारे दियां धोलियां दा ।
हक्क करीं जो उमर ख़िताब कीता, हत्थ वढ्ढना झूठ्यां रोलियां दा ।
नौशीरवां गधे दा अदल कीता, अते कंजरी अदल तम्बोलियां दा ।
नाद खप्परी ठगी दे बाब सारे, चेता करीं ध्यान जे झोलियां दा ।
मंतर मार के खंभ दा करे कुक्कड़, बेर निंम दियां करे नमोलियां दा ।
कंघी लोहे दी ताय के पटे वाहे, सरदार है वड्डे कम्बोलियां दा ।
अम्ब बीज तन्दूर विच्च करे हर्या, बने मक्क्यों बालका औलियां दा ।
वारिस शाह सभ ऐब दा रब महरम, ऐवें सांग है पगड़ियां पोलियां दा ।
604. काज़ी ते रांझा
काज़ी आख्या बोल फ़कीर मियां, छड्ड झूठ दे दब्ब दरेड़्यां नूं ।
असल गल्ल सो आख दरगाह अन्दर, ला तज़क्कर झगड़्यां झेड़्यां नूं ।
सारे देस विच्च ठिट्ठ हो सने नढ्ढी, दोवें फड़े हो आपने फेड़्यां नूं ।
पिच्छे मेल के चोया रिड़क्याई, उह रुन्नां सी वख़त सहेड़्यां नूं ।
भले जट्टां दी शरम तूं लाह सुट्टी, खवार कीता ई स्यालां ते खेड़्यां नूं ।
पहलां सद्द्या आण के दाअव्यां ते, सलाम है वल छलां तेर्यां नूं ।
आभू भुन्नद्यां झाड़ के चब्ब चुक्कों, हुन वहुटड़ी देह इह खेड़्यां नूं ।
आयो वेख लौ सुनन गिनन वाल्यु वे, एह मलाह जे डोबदे बोड़्यां नूं ।
दुनियांदार नूं औरतां ज़ुहद फ़क्करां, मियां छड दे शुहद्यां झेड़्यां नूं ।
काज़ी बहुत जे आंवदा तरस तैनूं, बेटी अपनी बख़श दे खेड़्यां नूं ।
नित माल पराए हन चोर खांदे, इह दस्स मसले राहीं भेड़्यां नूं ।
छड जा ह्याउ दे नाल जट्टी, नहीं जाणसें दुर्र्यां मेर्यां नूं ।
ऐबी कुल जहान दे पकड़ियणगे, वारिस शाह फ़कीर दे फेड़्यां नूं ।
605. काज़ी दा ग़ुस्सा ते हीर खेड़्यां नूं दित्ती
काज़ी खोह दित्ती हीर खेड़्यां नूं, मारो इह फ़कीर दग़ोलिया जे ।
विच्चों चोर ते यार ते लुच्च लुंडा, वेखो बाहरों वली ते औलिया जे ।
दग़ादार ते झागड़ू कलाकारी, बण फ़िरे मशइख़ ते औलिया जे ।
वारिस दग़े ते आवे तां सफ़ां गाले, अखीं मीट बहे जापे रौलिया जे ।
606. खेड़े हीर नूं लै के तुर पए
हीर खोह खेड़े चले वाहो दाही, रांझा रहआ मूंह गुंझ हैरान यारो ।
उड जाए कि निघरे ग़रक होवे, वेहल देवस ना ज़िमीं असमान यारो ।
खेप मार लए खेतड़े सड़े बोहल, हुक्के अमलियां दे रुड़्ह जान यारो ।
डोरां वेख के मीर शिकार रोवन, हत्थों जिन्हां द्युं बाज़ उड जान यारो ।
उहनां होश ते अकल ना तान रहन्दा, सिरीं जिन्हां दे पौन वदान यारो ।
हीर लाह के घुंढ हैरान होई, सती चिक्खा दे विच्च मैदान यारो ।
तिक्खा दीदड़ा वांग महा सती दे, मल्ल खड़ी सी इशक मैदान यारो ।
विच्च ओढनी सहम दे नाल जट्टी, जिवें विच्च किरबान कमान यारो ।
खूंडे अते चौगान लै देस नट्ठा, वेखां केहड़े फुंड लै जान यारो ।
चुप सल्ल हो बोलणों रही जट्टी, बिनां रूह दे जिवें इनसान यारो ।
वारिस शाह दोवें परेशान होए, जिवें पड़्हआ लाहौल शैतान यारो ।
607. रांझा हीर नूं
रांझा आखदा जाह की वेखदी हैं, बुरा मौत थीं एह विजोग है नी ।
पए धाड़वी लुट लै चल्ले मैनूं, एह दुक्ख की जाणदा लोग है नी ।
मिली सैदे नूं हीर ते सवाह मैनूं, तेरा नाम दा असां नूं टोग है नी ।
बुक्कल लेफ दी ते जफ्फी वहुटियां दी, इह रुत स्याल दा भोग है नी ।
सौंकन रन्न गवांढ कुपत्त्यां दा, भले मरद दे बाब दा रोग है नी ।
ख़ुशी नित होवन मरद फुल्ल वांगूं, घरीं जिन्हां दे नित्त दा सोग है नी ।
तिन्हां विच्च जहान की मज़ा पायआ, गले जिन्हां दे रेशटा जोग है नी ।
जेहड़ा बिनां ख़ुराक दे करे कुशती, ओस मरद नूं जाणीए फोग है नी ।
असमान ढह पवे तां नहीं मरदे, बाकी जिन्हां दी ज़िमीं ते चोग है नी ।
जदों कदों महबूब ना छड्डना एं, काला नाग ख़ुदाय दे जोग है नी ।
काउं कूंज नूं मिली ते शेर फाहवी, वारिस शाह इह धुरों संजोग है नी ।
608. तथा
बर वकत जे फ़ज़ल दा मींह वस्से, बुरा कौन मनांवदा वुट्ठ्यां नूं ।
लब यार दे आबि-हयात बाझों, कौन ज़िन्दगी बख़शदा कुट्ठ्यां नूं ।
दोवें आह फ़िराक दी मार लईए, करामात मनावसी रुट्ठ्यां नूं ।
मियां मार के आह ते शहर साड़ो, बादशाह जाणें असां मुट्ठ्यां नूं ।
तेरी मेरी प्रीत गई लुड़्ह ऐवें, कौन मिलै है वाहरां छुट्ट्यां नूं ।
बाझ सज्जणां पीड़-वंडाव्यां दे, नित्त कौन मनांवदा रुट्ठ्यां नूं ।
बिनां ताल्या नेक दे कौन मोड़े, वारिस शाह द्यां देहां अपुट्ठ्यां नूं ।
609. हीर दी आह
हीर नाल फ़िराक दे आह मारी, रब्बा वेख असाडियां भखन भाहीं ।
अग्गे अग्ग पिच्छे सप्प शींह पासीं, साडी वाह ना चलदी चौहीं राहीं ।
इक्के मेल रंझेटड़ा उमर जालां, इक्के दोहां दी उमर दी अलख लाहीं ।
एडा कहर कीता देस वाल्यां ने, एस शहर नूं कादरा अग्ग लाईं ।
610. रांझे दी रब्ब तों मंग
रब्बा कहर पाईं कहर शहर उत्ते, जेहड़ा घत्त फ़रऊन डुबायआ ई ।
जेहड़ा नाज़ल होया ज़करीए ते, उहनूं घत्त शरीह चिरवायआ ई ।
जेहड़ा पाय के कहर दे नाल ग़ुस्से, विच्च अग्ग ख़लील पवायआ ई ।
जेहड़ा पायके कहर ते सुट्ट तख़तों, सुलेमान नूं भट्ठ झुकायआ ई ।
जेहड़े कहर दा यूनस ते प्या बद्दल, उहनूं डंभरी थों निगलायआ ई ।
जेहड़े कहर ते ग़ज़ब दी पकड़ काती, इसमाईल नूं जिब्हा करायआ ई ।
जेहड़ा घत्यु ग़ज़ब ते वैर ग़ुस्सा, यूसफ़ खूह विच बन्द करवायआ ई ।
जेहड़े कहर दे नाल शाह मरदां, इकस नफ़र तों कतल करायआ ई ।
जेहड़े कहर दे नाल यज़ीदियां तों, इमाम हुसैन नूं चाय कुहायआ ई ।
कक्की फोहड़ी तेज़ ज़बान खोल्हों, हसन ज़हर दे नाल मरवायआ ई ।
ओहा कहर घत्तीं एस देस उत्ते, जेहड़ा इतन्यां दे सिर आया ई ।
611. रांझे दा सराप
रांझे हत्थ उठा दुआ मंगी, तेरा नाम कहार जब्बार साईं ।
तूं तां अपने नाउं न्याउं पिच्छे, एस देस ते ग़ैब दा ग़ज़ब पाई ।
सारा शहर उजाड़के साड़ साईआं, किवें मुझ ग़रीब थे दाद पाईं ।
साडी शरम रहसी करामात जागे, बन्ने बेड़ियां साडियां चा लाईं ।
वारिस शाह पीरा सुनी कूक साडी, अज्जे राजे दे शहर नूं अग्ग लाईं ।
612. तथा
जिवें इन्दर ते कहर दी नज़र करके, महखासरों पुरी लुटवायआ ई ।
सुरगा पुरी अमर पुरी इन्द पुरियां, देव पुरी मुख आसन लायआ ई ।
कहर करीं ज्युं भदरका कोह मारी, रुंड मुंड मुखा उत्ते धायआ ई ।
रकत बीज महखासरों ला सभ्भे, परचंड कर पलक विच्च आया ई ।
ओहा क्रोप कर जेहड़ा प्या जोगी, बिशवा मित्तरों खेल करवायआ ई ।
ओहा क्रोध कर जेहड़ा पाय रावन, राम चन्द थों लंक लुटवायआ ई ।
ओहा क्रोप कर जेहड़ा पांडोआं ते, चिखाबूह दे विच्च करवायआ ई ।
दरोणां चारजों लायके भीम भीखम ,जेहड़ा कैरवां दे गल पायआ ई ।
कहर पा जो घत हकनाकशे ते, नाल नखां दे ढिड पड़वायआ ई ।
घत क्रोप जो पायके कंस राजे, बोदा कान्ह थों चाय पुटायआ ई ।
घत क्रोप जो पाय कुलखेतरे नूं, कई खूहनी सैना गलवायआ ई ।
घत क्रोप जो दरोपदी नाल होई, पत्त नाल फिर अंत बचायआ ई ।
जुध विच्च जो राम नल नील लछमन, कुंभ करन दे बाब बणायआ ई ।
घत क्रोप जो बाली ते राम कीता, अते ताड़का पकड़ चिरवायआ ई ।
घत क्रोप सुबाहू मारीच मार्यु, महा देव दा कुंड भनवायआ ई ।
उह क्रोप कर जेहड़ा एन्यां ते, जुगा जुग ही धुंम करायआ ई ।
उस दा आख्या रब्ब मनज़ूर कीता, तुरत शहर नूं अग्ग लगायआ ई ।
जदों अग्ग ने शहर नूं चौड़ कीता, धुंम राजे दे पास फ़िर आया ई ।
वारिस शाह मियां वांग शहर लंका, चारों तरफ़ ही अग्ग मचायआ ई ।
613. सारे शहर नूं अग्ग लग्गणी
लग्गी अग्ग चौतरफ़ जां शहर सारे, कीता साफ़ सभ झुग्गियां झाहियां नूं ।
सारे देस विच्च धुंम ते शोर होया, ख़बरां पहुंचियां पांधियां राहियां नूं ।
लोकां आख्या फ़कर बद-दुआ दित्ती, राजे भेज्या तुरत सिपाहियां नूं ।
पकड़ खेड़्यां नूं करो आण हाज़र, नहीं जाणदे ज़बत बादशाहियां नूं ।
जा घेर आंदे चलो होयो हाज़र, खेड़े फड़े ने वेख लै गाहियां नूं ।
वारिस सोम सलवात दी छुरी कप्पे, इहनां दीन ईमान दियां फाहियां नूं ।
614. हीर रांझे नूं मिली
हीर खोह के रांझे दे हत्थ दित्ती, करीं जोगिया ख़ैर दुआ मियां ।
रांझे हत्थ उठा के दुआ दित्ती, तूं हैं जल जलाल ख़ुदा मियां ।
तेरे हुकम ते मुलक ते ख़ैर होवे, तेरी दूर हो कुल्ल बला मियां ।
अन्न धन्न ते लछमी हुकम दौलत, नित होवनी दून सवा मियां ।
घोड़े ऊठ हाथी दम तोप ख़ाने, हिन्द सिंध ते हुकम चला मियां ।
वारिस शाह रब नाल ह्या रक्खे, मीटी मुठ ही दे लंघा मियां ।
615. रांझा
लै के चल्या आपने देस ताईं, चल नढ्ढीए रब्ब वधाईएं नी ।
चौधराणीए तख़त हज़ारे दीए, पंजां पीरां ने आण बहाईएं नी ।
कढ्ढ खेड़्यां तों रब्ब दित्तीए तूं, अते मुलक पहाड़ पहुंचाईएं नी ।
हीर आख्या इवें जे जा वड़सां, रन्ना आखसन उधले आईएं नी ।
पेईए सहुरे डोब के गाल्यु नी, खोह कौन नवालियां आईएं नी ।
लावां फेर्यां अकद नकाह बाझों, ऐवें बोदली होइके आईएं नी ।
घत्त जादूड़ा देव ने परी ठग्गी, हूर आदमी दे हत्थ आईएं नी ।
वारिस शाह परेम दी जड़ी घत्ती, मसतानड़े चाक रहाईएं नी ।
616. हीर
राहे राह जां स्यालां दी जूह आई, हीर आख्यां वेख लै जूह मियां ।
जित्थों खेडदे गए सां चोज करदे, तकदीर लाहे विच्च खूह मियां ।
जदों जंञ आई घर खेड़्यां दी, तूफ़ान आया सिर नूह मियां ।
इह थांउ जित्थे कैदो फांट्या सी, नाल सेल्हियां बन्न्ह धरूह मियां ।
617. स्यालां नूं ख़बर होणी
माहियां आख्या जा के विच्च स्यालीं, नढी हीर नूं चाक लै आया जे ।
दाड़्ही खेड़्यां दी सभ्भा मुन्न सुट्टी, पानी इक्क फूही नाहीं लायआ जे ।
स्यालां आख्या पर्हां ना जान किते, जा के नढ्ढड़ी नूं घरीं ल्याया जे ।
आखो रांझे नूं जंञ बना ल्यावे, बन्ह सेहरे डोलड़ी पायआ जे ।
जो कुझ्झ है नसीब सो दाज दामन, साथों तुसीं भी चा लैजायआ जे ।
एधरों हीर ते रांझे नूं लैन चल्ले, ओधरों खेड़्यां दा नाई आया जे ।
स्यालां आख्या खेड़्यां नाल साडे, कोई ख़ैर दे पेच ना पायआ जे ।
हीर व्याह दित्ती मोई गई साथों, मूंह धीउ दा ना विखायआ जे ।
मुड़ी तुसां थों उह किसे खूह डुब्बी, केहा देस ते पुछना लायआ जे ।
साडी धीउ दा खोज मुकायआ जे, कोई असां तों साक दिवायआ जे ।
ओवें मोड़ के नाई नूं टोर दित्ता, मुड़ फेर ना असां वल्ल आया जे ।
वारिस तुसां थों इह उमीद आही, डंडे सुथर्यां वांग वजायआ जे ।
618. हीर नूं स्यालां ने घर ल्याउणा
भाईआं जायके हीर नूं घरीं आंदा, रांझा नाल ही घरीं मंगायउ ने ।
लाह मुन्दरां जटां मुनाय सुट्टियां, सिर सोहनी पग्ग बन्हायउ ने ।
घिन घत्त के खंड ते दुद्ध चावल, अग्गे रख पलंघ बहायउ ने ।
याकूब दे प्यारड़े पुत वांगूं, कढ्ढ खूह थीं तख़त बहायउ ने ।
जा भाईआं दी जंञ जोड़ ल्यावीं, अन्दर वाड़ के बहुत समझायउ ने ।
नाल देइ लागी ख़ुशी हो सभनां, तरफ़ घरां दे ओस पहुंचायउ ने ।
भाईचारे नूं मेल बहायउ ने, सभो हाल अहवाल सुणायउ ने ।
वेखो दग़े दे फन्द लायउ ने, धीउ मारन दा मता पकायउ ने ।
वारिस शाह इह कुदरतां रब दियां ने, वेख नवां पाखंड रचायउ ने ।
619. रांझा तख़त हज़ारे बरात ल्याउन लई ग्या
रांझे जाय के घरे आराम कीता, गंढ फेरिया सू विच्च भाईआं दे ।
सारा कोड़मा आइके गिरद होया, बैठा पैंच हो विच्च भरजाईआं दे ।
चलो भाईउ व्याह के स्याल ल्याईए, हीर लई है नाल दुआईआं दे ।
जंञ जोड़ के रांझे त्यार कीती, टमक चा बद्धे मगर नाईआं दे ।
वाजे दक्खनी धरग्गां दे नाल वज्जन, लख रंग छैने सरनाईआं दे ।
वारिस शाह वसाह की जीऊने दा, बन्दा बक्करा हत्थ कसाईआं दे ।
620. स्यालां ने हीर नूं मार देणा
स्यालां बैठ के सत्थ विचार कीती, भले आदमी ग़ैरतां पालदे नी ।
यारो गल मशहूर जहान उत्ते, सानूं मेहने हीर ल्याल दे नी ।
पत्त रहेगी ना जे टोर दित्ती, नढ्ढी नाल मुंडे महींवाल दे नी ।
फट जीभ दे कालख बेटियां दी, ऐब जुआनी दे मेहने गाल्ह दे नी ।
जित्थों आंवदे तित्थों दा बुरा मंगन, दग़ा करन जो महरम हाल दे नी ।
कबर विच्च दाउस ख़नज़ीर होसन, जेहड़े लाड करन धन माल दे नी ।
औरत आपनी कोल जे ग़ैर वेखन, ग़ैरत करन ना ओस दे हाल दे नी ।
मूंह तिन्न्हां दा वेखना ख़ूक वांगूं, कतल करन रफ़ीक जो नाल दे नी ।
सय्यद शैख़ नूं पीर ना जाणना ई अमल करन जो उह चंडाल दे नी ।
होए चूहड़ा तुरक हराम मुसलम, मुसलमान सभ ओस दे नाल दे नी ।
दौलतमन्द देउस दी तरक सुहबत, मगर लग्गीए नेक कंगाल दे नी ।
कोई कचकड़ा लाल ना हो जांदा, जे परोईए नाल उह लाल दे नी ।
ज़हर दे के मारीए नढ्ढड़ी नूं, गुनाहगार हो जलजलाल दे नी ।
मार सुट्ट्या हीर नूं माप्यां ने, इह पेखने ओस दे ख़्याल दे नी ।
बद-अमलियां' जिन्हां थों करें चोरी, महरम हाल तेरे वाल वाल दे नी ।
सानूं जन्नतीं साथ रलाउना एं, असां आसरे फज़ल कमाल दे नी ।
जेहड़े दोज़खां नूं बन्न्ह टोरियनगे, वारिस शाह फ़कीर दे नाल दे नी ।
621. हीर दी मौत दी ख़बर रांझे नूं देणी
हीर जाने-बहक्क तसलीम होई, स्यालां दफ़ना के ख़त लिखायआ ई ।
वली ग़ौस ते कुतब सभ ख़तम होए, मौत सच्च है रब्ब फ़ुरमायआ ई ।
'कुल शैअन हालिकुल इल्ला वज हा हू', हुकम विच्च कुरान दे आया ई ।
असां सबर कीता तुसां सबर करना, इह धुरों ही हुन्दड़ा आया ई ।
असां होर उमीद सी होर होई, ख़ाली जाए उमीद फ़ुरमायआ ई ।
इह रज़ा कतई ना टले हरगिज़, लिख आदमी तुरत भजायआ ई ।
डेरा पुछ के धीदो दा जा वड़्या, ख़त रोइके हत्थ फड़ायआ ई ।
इह रोवना ख़बर की ल्याया ए मूंह कास थों बुरा बणायआ ई ।
माज़ूल होइउं तख़त ज़िन्दगी थों, फ़रमान तग़ई्ईयर दा आया ई ।
मेरे माल नूं ख़ैर है कासदा ओ आख कासनूं डुसकना लायआ ई ।
तेरे माल नूं धाड़वी उह प्या, जिस तों किसे ना माल छुडायआ ई ।
हीर मोई नूं अठवां पहर होया, मैनूं स्यालां ने अज्ज भिजवायआ ई ।
वारिस शाह मियां गल्ल ठीक जाणीं, तैथे कूच दा आदमी आया ई ।
622. रांझे ने आह मारी
रांझे वांग फ़रहाद दे आह कढ्ढी, जान गई सू हो हवा मियां ।
दोवें दारे फ़ना थीं गए साबत, जा रुप्पे ने दारे बका मियां ।
दोवें राह मजाज़ दे रहे साबत, नाल सिदक दे गए वहा मियां ।
वारिस शाह इस ख़ाब सराए अन्दर, कई वाजड़े गए वजा मियां ।
623. वाक कवी
कई बोल गए शाख़ उमर दी ते, एथे आल्हना किसे ना पायआ ई ।
कई हुकम ते ज़ुलम कमा चल्ले, नाल किसे ना साथ लदायआ ई ।
वड्डी उमर आवाज़ औलाद वाला, जिस नूह तूफ़ान मंगवायआ ई ।
इह रूह कलबूत दा ज़िकर सारा, नाल अकल दे मेल मिलायआ ई ।
अगे हीर ना किसे ने कही ऐसी, शियर बहुत मरग़ूब बणायआ ई ।
वारिस शाह मियां लोकां कमल्यां नूं, किस्सा जोड़ हुश्यार सुणायआ ई ।
624. हिजरी संमत 1180, तारीख 1823 बिकरमी
सन यारां सै अस्सियां नबी हिज़रत, लंमे देस दे विच्च त्यार होई ।
अठारां सै तेईसियां संमतां दा, राजे बिकरमाजीत दी सार होई ।
जदों देस ते जट्ट सरदार होए, घरो घरी जां नवीं सरकार होई ।
अशराफ़ ख़राब कमीन ताज़े, ज़िमींदार नूं वड्डी बहार होई ।
चोर चौधरी यारनी पाक दामन, भूत मंडली इक्क थीं चार होई ।
वारिस शाह जिन्हां केहा पाक कलमा, बेड़ी तिन्हां दी आकबत पार होई ।
625. वाक कवी
खरल हांस दा शहर मशहूर मलका, जित्थे शियर कीता नाल रास दे मैं ।
परख शियर दी आप कर लैन शायर, घोड़ा फेर्या विच्च नख़ास दे मैं ।
पड़्हन गभरू दिलीं विच्च ख़ुशी हो के, फुल्ल भेज्या वासते बास दे मैं ।
वारिस शाह ना अमल दी रास मैथे, करां मान निमानड़ा कास दे मैं ।
626. तथा
अफ़सोस मैनूं आपनी नाकसी दा, गुनाहगार नूं हशर दे सूर दा ए ।
इहनां मोमनां ख़ौफ़ ईमान दा ए अते हाजियां बैत मामूर दा ए ।
सूबा दार नूं तलब सिपाह दी दा, अते चाकरां काट कसूर दा ए ।
सारे मुलक ख़राब पंजाब विच्चों सानूं वड्डा अफ़सोस कसूर दा ए ।
सानूं शरम ह्या दा ख़ौफ़ रहन्दा, जिवें मूसा नूं ख़ौफ़ कोह तूर दा ए ।
इहनां ग़ाज़ियां करम बहशत होवे, ते शहीदां नूं वाअदा हूर दा ए ।
ऐवें बाहरों शान ख़राब विच्चों, जिवें ढोल सुहावना दूर दा ए ।
वारिस शाह वसनीक जंड्यालड़े दा, शागिरद मख़दूम कसूर दा ए ।
रब आबरू नाल ईमान बख़शे, सानूं आसरा फ़ज़ल ग़फूर दा ए ।
वारिस शाह ना अमल दे टांक मैथे, आप बखश लका हज़ूर दा ए ।
वारिस शाह होवे रौशन नाम तेरा, करम होवे जे रब शकूर दा ए ।
वारिस शाह ते जुमल्यां मोमनां नूं, हिस्सा बख़श्या आपने नूर दा ए ।
627. किताब दा ख़ातमा
ख़तम रब दे करम दे नाल होई, फ़रमायश प्यारड़े यार दी सी ।
ऐसा शियर कीता पुरमग़ज़ मोज़ूं, जेहा मोतियां लड़ी शहवार दी सी ।
तूल खोल्ह के ज़िकर ब्यान कीता, रंगत रंग दी ख़ूब बहार दी सी ।
तमसील दे नाल बणाय कहआ, जेही ज़ीनत लाल दे हार दी सी ।
जो को पड़्हे सो बहुत खुरसन्द होवे, वाह वाह सभ ख़लक पुकारदी सी ।
वारिस शाह नूं सिक्क दीदार दी है, जेही हीर नूं भटकना यार दी सी ।
628. तथा
बखश लिखने वाल्यां जुमल्यां नूं, पड़्हन वाल्यां करीं अता साईं ।
सुनन वाल्यां नूं बखश ख़ुशी दौलत, रक्खीं ज़ौक ते शौक दा चा साईं ।
रक्खीं शरम ह्या तूं जुमल्यां दा, मीटी मुठ ही देईं लंघा साई ।
वारिस शाह तमामियां मोमनां नूं, देईं दीन ईमान लका साईं ।
629. वाक कवी
हीर रूह ते चाक कलबूत जाणो, बालनाथ एह पीर बणायआ ई ।
पंज पीर हवास इह पंज तेरे, जिन्हां थापना तुद्ध नूं लायआ ई ।
काज़ी हक्क झबेल ने अमल तेरे, याल मुनकर नकीर ठहरायआ ई ।
कोठा गोर इज़राईल है इह खेड़ा, जेहड़ा लैंदो ही रूह नूं धायआ ई ।
कैदो लंङा शैतान मलऊन जाणो, जिस ने विच्च दीवान फड़ायआ ई ।
सईआं हीर दियां रन्न घर बार तेरा, जिन्हां नाल पैवन्द बणायआ ई ।
वांग हीर दे बन्न्ह लै जान तैनूं, किसे नाल ना साथ लदायआ ई ।
जेहड़ा बोलदा नातका वंझली है, जिस होश दा राग सुणायआ ई ।
सहती मौत ते जिसम है यार रांझा, इन्हां दोहां ने भेड़ मचायआ ई ।
शहवत भाबी ते भुख रबेल बांदी, जिन्हां जन्नतों मार कढायआ ई ।
जोगी है औरत कन्न पाड़ जिस ने, सभ अंग बिभूत रमायआ ई ।
दुनियां जान ऐवें जिवें झंग पेके, गोर कालड़ा बाग़ बणायआ ई ।
त्रिंञन इह बद अमलियां तेरियां ने, कढ्ढ कबर थीं दोज़ख़े पायआ ई ।
उह मसीत है मांउं दा शिकम बन्दे, जिस विच्च शब रोज़ लंघायआ ई ।
अदली राजा एह नेक ने अमल तेरे, जिस हीर ईमान दिवायआ ई ।
वारिस शाह मियां बेड़ी पार तिन्हां, कलमा पाक ज़बान ते आया ई ।
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.