chha rahi udi ghaTa jiyra mora ghabrae hai

chhā rahī uudī ghaTā jiyrā morā ghabrā.e hai

sun rī koyal bāvrī tū kyuuñ malhāreñ gaa.e hai

o papīhā aa idhar maiñ bhī sarāpā dard huuñ

aam par kyuuñ jam gayā maiñ bhī to vaisī zard huuñ

farq itnā hai ki us meñ ras hai mujh meñ haaye hai

haaye vo kyuuñ chal diye mujh ko akelā chhoḌ kar

ye bhī na sochā ki ye mar jā.egī dam toḌ kar

aise bedardī kā dil lohe se Takkar khaa.e hai

chhā rahī uudī ghaTā jiyrā morā ghabrā.e hai

kyā ye bīmār-e-alam is dard se bach pā.egā

yā ki ġham khā khā ke ye furqat hī meñ mar jā.egā

kuchh to bolo ai masīhā kyā tumhārī raa.e hai

chhā rahī uudī ghaTā jiyrā morā ghabrā.e hai

o papīhā chup bhī rah bas kar ḳhudā ke vāste

rain aadhī ho ga.ī kyā ho gayā zālim tujhe

tere pī-pī kahne se vo bevafā yaad aa.e hai

chhā rahī uudī ghaTā jiyrā morā ghabrā.e hai

choñch sone se mañDhā duuñ terī panchhī aa udhar

merī pattiyāñ pī ko de aur pī kī lā de tū ḳhabar

kahiyo bairaniyā se kyuuñ morā jiyā kalsā.e hai

chhā rahī uudī ghaTā jiyrā morā ghabrā.e hai

kyuuñ na kosūñgī piyā 'muztar' tumhārī bhuul ko

apnī sejoñ par na rakhā mā rañgīle phuul ko

tum na aa.e bagiyā meñ rut aa.e hai rat jaaye hai

chhā rahī uudī ghaTā jiyrā morā ghabrā.e hai

chha rahi udi ghaTa jiyra mora ghabrae hai

sun ri koyal bawri tu kyun malhaaren gae hai

o papiha aa idhar main bhi sarapa dard hun

aam par kyun jam gaya main bhi to waisi zard hun

farq itna hai ki us mein ras hai mujh mein haye hai

haye wo kyun chal diye mujh ko akela chhoD kar

ye bhi na socha ki ye mar jaegi dam toD kar

aise bedardi ka dil lohe se Takkar khae hai

chha rahi udi ghaTa jiyra mora ghabrae hai

kya ye bimar-e-alam is dard se bach paega

ya ki gham kha kha ke ye furqat hi mein mar jaega

kuchh to bolo ai masiha kya tumhaari rae hai

chha rahi udi ghaTa jiyra mora ghabrae hai

o papiha chup bhi rah bas kar KHuda ke waste

rain aadhi ho gai kya ho gaya zalim tujhe

tere pi-pi kahne se wo bewafa yaad aae hai

chha rahi udi ghaTa jiyra mora ghabrae hai

chonch sone se manDha dun teri panchhi aa udhar

meri pattiyan pi ko de aur pi ki la de tu KHabar

kahiyo bairaniya se kyun mora jiya kalsae hai

chha rahi udi ghaTa jiyra mora ghabrae hai

kyun na kosungi piya 'muztar' tumhaari bhul ko

apni sejon par na rakha ma rangile phul ko

tum na aae bagiya mein rut aae hai rat jaye hai

chha rahi udi ghaTa jiyra mora ghabrae hai