huzuur-e-sarvar-e-kaun-o-makaa.n salaam-alaika

huzuur-e-sarvar-e-kaun-o-makaa.n salaam-alaika

KHudaa ke nuur au jaan-e-jahaa.n salaam-alaika

nabii the aap abhii aab-o-gil me.n the aadam

uu asal-e-kul vo shah-e-mursalaa.n salaam-alaika

Gulaam duur se aa.e hai.n dekhnaa shaahaa

KHabar Gariibo.n kii lenaa miyaa.n salaam-alaika

vajuud-e-paak se aa.e numuud me.n saare

tumhaare dam se hai raushan jahaa.n salaam-alaika

huzuur aap hame.n dekhte hai.n sadqe ham

zaraa hame.n nazar aanaa miyaa.n salaam-alaika

dikhaa do chehra-e-anvar ko rahmat-e-a.alam

ki muztarib hai dil-e-aasiyaa.n salaam-alaika

hamaaraa diin hai dete ho tum javaab-e-salaam

zaraa hame.n bhii sunaa do miyaa.n salaam-alaika

KHad ne kar ke nubuvvat ko KHatm tujh pe kahaa

tu hii bataa ki hai tujh saa kahaa.n salaam-alaika

habiib-e-haq bhii ho mahbuub-e-haq bhii shaan-e-KHudaa

jahaan kii jaan ho tum jaan-e-jaa.n salaam-alaika

bulaayaa 'Gausii' ko paas apne sarfaraazii kii

Gulaam paataa ye rutba kahaa.n salaam-alaika

huzuur-e-sarvar-e-kaun-o-makaa.n salaam-alaika

KHudaa ke nuur au jaan-e-jahaa.n salaam-alaika

nabii the aap abhii aab-o-gil me.n the aadam

uu asal-e-kul vo shah-e-mursalaa.n salaam-alaika

Gulaam duur se aa.e hai.n dekhnaa shaahaa

KHabar Gariibo.n kii lenaa miyaa.n salaam-alaika

vajuud-e-paak se aa.e numuud me.n saare

tumhaare dam se hai raushan jahaa.n salaam-alaika

huzuur aap hame.n dekhte hai.n sadqe ham

zaraa hame.n nazar aanaa miyaa.n salaam-alaika

dikhaa do chehra-e-anvar ko rahmat-e-a.alam

ki muztarib hai dil-e-aasiyaa.n salaam-alaika

hamaaraa diin hai dete ho tum javaab-e-salaam

zaraa hame.n bhii sunaa do miyaa.n salaam-alaika

KHad ne kar ke nubuvvat ko KHatm tujh pe kahaa

tu hii bataa ki hai tujh saa kahaa.n salaam-alaika

habiib-e-haq bhii ho mahbuub-e-haq bhii shaan-e-KHudaa

jahaan kii jaan ho tum jaan-e-jaa.n salaam-alaika

bulaayaa 'Gausii' ko paas apne sarfaraazii kii

Gulaam paataa ye rutba kahaa.n salaam-alaika