حضورؐ_سرور_کون_و_مکاں سلام_علیک

حضورؐ سرور کون و مکاں سلام علیک

خدا کے نور او جان جہاں سلام علیک

نبی تھے آپؐ ابھی آب و گل میں تھے آدم

او اصل کل وہ شہ مرسلاں سلام علیک

غلام دور سے آئے ہیں دیکھنا شاہا

خبر غریبوں کی لینا میاں سلام علیک

وجود پاک سے آئے نمود میں سارے

تمہارے دم سے ہے روشن جہاں سلام علیک

حضور آپؐ ہمیں دیکھتے ہیں صدقے ہم

ذرا ہمیں نظر آنا میاں سلام علیک

دکھا دو چہرۂ انور کو رحمت عالم

کہ مضطرب ہے دل عاصیاں سلام علیک

ہمارا دین ہے دیتے ہو تم جواب سلام

ذرا ہمیں بھی سنا دو میاں سلام علیک

خد نے کر کے نبوت کو ختم تجھ پہ کہا

تو ہی بتا کہ ہے تجھ سا کہاں سلام علیک

حبیب حق بھی ہو محبوب حق بھی شان خدا

جہان کی جان ہو تم جان جاں سلام علیک

بلایا غوثیؔ کو پاس اپنے سرفرازی کی

غلام پاتا یہ رتبہ کہاں سلام علیک