zaa.iro 'arz karo jab shah-e-ziishaa.n ko salaam

zaa.iro 'arz karo jab shah-e-ziishaa.n ko salaam

ham Gariibo.n kaa bhii sultaan-e-Gariibaa.n ko salaam

pesh karnaa ba-kamaal-e-adab-o-shauq-e-niyaaz

qibla-e-ahl-e-vafaa kaa'ba-e-iimaa.n ko salaam

yaad rakhnaa haram-e-paak ke jaane vaalo

is gunahgaar kaa bhii rahmat-e-yazdaa.n ko salaam

bhuul jaanaa na kahii.n vaqt-e-tilaavat lillaah

mahbat-e-ruu-e-amii.n haamil-e-qur.aa.n ko salaam

kHvaab-gaah-e-shah-e-kaunain pe har lahza duruud

sahar-o-shaam mire haasil-e-iimaa.n ko salaam

gosha-gosha pe shabistaan-e-risaalat ke duruud

rauza-o-mimbar-o-mehraab-e-daraKHshaa.n ko salaam

qaba-e-nuur pe hote hai.n jo qurbaa.n hama-shab

un sitaaro.n ko salaam us mah-e-taabaa.n ko salaam

jis se hotii hai.n mirii hijr kii raate.n raushan

haram-e-quds kii us sham’-e-shabistaa.n ko salaam

farsh-e-paa rahtii hai jo sehn-e-haram me.n har-suu

us shab-e-maah ko us sub.h-e-daraKHshaa.n ko salaam

jis se raushan hue dil ham se siyah-kaaro.n ke

us dar-e-paak kii qindiil-e-firozaa.n ko salaam

gumbad-e-sabz kaa har-ros jo kartii hai.n tavaaf

un shu'aa.o.n ko aur us mehr-e-daraKHshaa.n ko salaam

rauza-e-kHuld me.n jo mahv-e-'ibaadat ho.nge

un ke husn-e-nazar-o-chehra-e-taabaa.n ko salaam

dar-e-aqdas pe jo masruuf-e-guhar-baarii ho

nigah-e-shauq kaa us diida-e-giryaa.n ko salaam

vo jo ehsaas-e-nadaamt se ho tuufaa.n ba-kanaar

DabDabaa.ii hu.ii us chashm-e-pashemaa.n ko salaam

gum jo ho jalva-e-be-ra.ng ke nazzaare me.n

dil-e-mushtaaq kaa us diidan-e-hairaa.n ko salaam

baa-sad iKHlaas-o-ba-andaaz-e-Gulaamii kahnaa

haram-e-paak ke har-KHaadim-o-darbaa.n ko salaam

dil ko dil chashm-e-tavajjoh se banaayaa jis ne

dil se us raahbar-e-manzil-e-’irfaa.n ko salaam

jin ko haasil hai sharaf aap kii paa-bosii kaa

un galii-kuucho.n ke zarraat-e-darakHshaa.n ko salaam

jo phiraa karte hai.n masto.n kii tarah galiyo.n me.n

un sagaan-e-balad-e-shaah-e-rasuulaa.n ko salaam

nigah-e-sarvar-e-kaunain pa.Dii hai jis par

us rah-o-manzil-o-kohsaar-o-bayaabaa.n ko salaam

ik nazar koh-e-uhud par marii KHaatir pahle

phir usii vaadii-e-firdaus-e-ba-damaa.n ko salaam

mahv-e-aaraam hai.n jis KHaak pe as.haab-e-uhad

ek mahjuur kaa us ganj-e-shahiidaa.n ko salaam

kaif-o-mastii me.n faraamosh na ho.n ahl-e-baqii'

jumla as.haab-e-shahanshaah-e-rasuulaa.n ko salaam

jis me.n har lahza mahaktii hai nasiim-e-rahmat

us gulistaa.n ko salaam ahl-e-gulistaa.n ko salaam

ra.ng-o-nik.hat pe shamiim-e-chaman-e-kHuld nisaar

Guncha-o-laala-o-gul sumbul-o-raihaa.n ko salaam

jis me.n hai KHuld dar-aaGosh qubaa kii masjid

us KHayaabaa.n ko salaam us chamanistaa.n ko salaam

saaz-e-dil guu.nj uThaa kaif-e-navaa-sanjii se

chaman-e-taiba ke murGaan-e-KHush-alhaa.n ko salaam

jin ke sadqe me.n KHalish hotii hai ab tak dil me.n

sa.ng-rezo ko aur un KHaar-e-muGiilaa.n ko salaam

jazba-e-shauq ke 'aalam me.n zaraa yaad rahe

qaafile vaalo.n ko aur un ke hudii-KHvaa.n ko salaam

mast-o-sarshaar nazar aa.e.n jo kuchh naaqa-savaar

un ke bikhre hu.e gesuu-e-pareshaa.n ko salaam

jis jagah karte hai.n hujjaaj pahu.nch kar manzil

un maqaamaat ko un koh-o-bayaabaa.n ko salaam

paa-pyaada jo mile raah me.n diivaana-e-shauq

us Gariib-ul-vatan-o-be-sar-o-saamaa.n ko salaam

Gaaza-e-kHaak-e-rah-e-shauq ho jis ke ruKH par

us ke zauq-e-talab-o-ra.ng-e-pareshaa.n ko salaam

naa't pa.Dhtaa hu.aa mil jaa.e jo ko.ii yamanii

Gaa.ebaana miraa us mast-o-Gazal-KHvaa.n ko salaam

rahmat-e-haq se muyassar ho.n vo din kaash 'hamiid'

KHud kare.n 'arz shahanshaah-e-rasuulaa.n ko salaam

zaa.iro 'arz karo jab shah-e-ziishaa.n ko salaam

ham Gariibo.n kaa bhii sultaan-e-Gariibaa.n ko salaam

pesh karnaa ba-kamaal-e-adab-o-shauq-e-niyaaz

qibla-e-ahl-e-vafaa kaa'ba-e-iimaa.n ko salaam

yaad rakhnaa haram-e-paak ke jaane vaalo

is gunahgaar kaa bhii rahmat-e-yazdaa.n ko salaam

bhuul jaanaa na kahii.n vaqt-e-tilaavat lillaah

mahbat-e-ruu-e-amii.n haamil-e-qur.aa.n ko salaam

kHvaab-gaah-e-shah-e-kaunain pe har lahza duruud

sahar-o-shaam mire haasil-e-iimaa.n ko salaam

gosha-gosha pe shabistaan-e-risaalat ke duruud

rauza-o-mimbar-o-mehraab-e-daraKHshaa.n ko salaam

qaba-e-nuur pe hote hai.n jo qurbaa.n hama-shab

un sitaaro.n ko salaam us mah-e-taabaa.n ko salaam

jis se hotii hai.n mirii hijr kii raate.n raushan

haram-e-quds kii us sham’-e-shabistaa.n ko salaam

farsh-e-paa rahtii hai jo sehn-e-haram me.n har-suu

us shab-e-maah ko us sub.h-e-daraKHshaa.n ko salaam

jis se raushan hue dil ham se siyah-kaaro.n ke

us dar-e-paak kii qindiil-e-firozaa.n ko salaam

gumbad-e-sabz kaa har-ros jo kartii hai.n tavaaf

un shu'aa.o.n ko aur us mehr-e-daraKHshaa.n ko salaam

rauza-e-kHuld me.n jo mahv-e-'ibaadat ho.nge

un ke husn-e-nazar-o-chehra-e-taabaa.n ko salaam

dar-e-aqdas pe jo masruuf-e-guhar-baarii ho

nigah-e-shauq kaa us diida-e-giryaa.n ko salaam

vo jo ehsaas-e-nadaamt se ho tuufaa.n ba-kanaar

DabDabaa.ii hu.ii us chashm-e-pashemaa.n ko salaam

gum jo ho jalva-e-be-ra.ng ke nazzaare me.n

dil-e-mushtaaq kaa us diidan-e-hairaa.n ko salaam

baa-sad iKHlaas-o-ba-andaaz-e-Gulaamii kahnaa

haram-e-paak ke har-KHaadim-o-darbaa.n ko salaam

dil ko dil chashm-e-tavajjoh se banaayaa jis ne

dil se us raahbar-e-manzil-e-’irfaa.n ko salaam

jin ko haasil hai sharaf aap kii paa-bosii kaa

un galii-kuucho.n ke zarraat-e-darakHshaa.n ko salaam

jo phiraa karte hai.n masto.n kii tarah galiyo.n me.n

un sagaan-e-balad-e-shaah-e-rasuulaa.n ko salaam

nigah-e-sarvar-e-kaunain pa.Dii hai jis par

us rah-o-manzil-o-kohsaar-o-bayaabaa.n ko salaam

ik nazar koh-e-uhud par marii KHaatir pahle

phir usii vaadii-e-firdaus-e-ba-damaa.n ko salaam

mahv-e-aaraam hai.n jis KHaak pe as.haab-e-uhad

ek mahjuur kaa us ganj-e-shahiidaa.n ko salaam

kaif-o-mastii me.n faraamosh na ho.n ahl-e-baqii'

jumla as.haab-e-shahanshaah-e-rasuulaa.n ko salaam

jis me.n har lahza mahaktii hai nasiim-e-rahmat

us gulistaa.n ko salaam ahl-e-gulistaa.n ko salaam

ra.ng-o-nik.hat pe shamiim-e-chaman-e-kHuld nisaar

Guncha-o-laala-o-gul sumbul-o-raihaa.n ko salaam

jis me.n hai KHuld dar-aaGosh qubaa kii masjid

us KHayaabaa.n ko salaam us chamanistaa.n ko salaam

saaz-e-dil guu.nj uThaa kaif-e-navaa-sanjii se

chaman-e-taiba ke murGaan-e-KHush-alhaa.n ko salaam

jin ke sadqe me.n KHalish hotii hai ab tak dil me.n

sa.ng-rezo ko aur un KHaar-e-muGiilaa.n ko salaam

jazba-e-shauq ke 'aalam me.n zaraa yaad rahe

qaafile vaalo.n ko aur un ke hudii-KHvaa.n ko salaam

mast-o-sarshaar nazar aa.e.n jo kuchh naaqa-savaar

un ke bikhre hu.e gesuu-e-pareshaa.n ko salaam

jis jagah karte hai.n hujjaaj pahu.nch kar manzil

un maqaamaat ko un koh-o-bayaabaa.n ko salaam

paa-pyaada jo mile raah me.n diivaana-e-shauq

us Gariib-ul-vatan-o-be-sar-o-saamaa.n ko salaam

Gaaza-e-kHaak-e-rah-e-shauq ho jis ke ruKH par

us ke zauq-e-talab-o-ra.ng-e-pareshaa.n ko salaam

naa't pa.Dhtaa hu.aa mil jaa.e jo ko.ii yamanii

Gaa.ebaana miraa us mast-o-Gazal-KHvaa.n ko salaam

rahmat-e-haq se muyassar ho.n vo din kaash 'hamiid'

KHud kare.n 'arz shahanshaah-e-rasuulaa.n ko salaam