sahr kaa vaqt hai maa'suum kaliyaa.n muskuraatii hai.n

sahr kaa vaqt hai maa'suum kaliyaa.n muskuraatii hai.n

havaa.e.n KHair-maqdam ke taraane gungunaatii hai.n

mai-'ishrat chhalaktii hai sitaaro.n ke kaToro.n se

ubaltii hai sharaab-e-KHuld miTTii ke sakoro.n se

pasiina shaadmaanii se hai phuulo.n kii jabiino.n par

bato.n kaa diidanii hai raqs taalaabo.n ke siino.n par

chaman me.n har taraf shabnam ke motii jhilmilaate hai.n

nasiim-e-sub.h ke jho.nke dilo.n ko gudgudaate hai.n

kabhii jaatii hai aa.nkho.n me.n gul-o-laala kii raa'naa.ii

ki jaise dar-haqiiqat KHaak par jannat utar aa.ii

luTaate hai.n dur-e-KHush-aab gulzaaro.n ke favvaare

KHushii se jagmagaate hai.n savaabit ho.n ki sayyaare

bahaar-e-shabnam-e-gul-chuur hai kaif-e-javaanii me.n

nahaa kar jaise aa.ii hai abhii kausar ke paanii me.n

bhalaa.ii kaa ujaalaa apne markaz par simaT aayaa

shabaab-e-rafta-'aalam palaT aayaa palaT aayaa

KHushii ke giit gaa.e jaa rahe hai.n aasmaano.n par

daruudo.n ke taraane hai.n farishto.n kii zabaano.n par

sajaa.ii jaa rahii hai mahfil-e-hastii qariine se

vo jalve kaar-farmaa hai.n guzar jaa.e.n jo siine se

tarab ke josh se ek ek zarra muskuraataa hai

zamii.n kii aaj qismat par falak ko rashk aataa hai

zamii.n se aasmaa.n tak nuur kii baarish hii baarish hai

kisii kii be-niyaazii aaj sargarm-e-navaazish hai

sitaaro.n ke ka.nval jalva-figan ra.ngiin-o-saada hai.n

farishte bahr istiqbaal har suu iistaada hai.n

ishaare ho rahe hai.n gulshan-e-jannat ke phuulo.n me.n

vo raa'naa.ii nazar aatii hai makka kii babuulo.n me.n

baraste hai.n guhar anvaar ke miizaab-e-rahmat se

kabuutar raqs me.n hai.n baam-e-kaa'ba pur-masarrat se

sitaaraa auj par hai sa.ng-e-asvad kii siyaahii kaa

ki jaise bhed khul jaa.e kisii kii be-gunaahii kaa

masarrat ke asar se misl-e-sub.h-e-KHuld hai.n KHandaa.n

haram ke dar minaa kii vaadiyaa.n 'arfaat kaa maidaa.n

azal kii sub.h aa.ii jalva-e-shaam-e-abad ban kar

kyaa hastii ke mehvar par jahaa.n ne aaKHirii chakkar

zamaana kii fazaa me.n inqalaab-e-aaKHirii aayaa

nichhaavar kar diyaa qudrat ne sab fitrat kaa sarmaayaa

abhii jibriil utare bhii na the kaa'ba ke mimbar se

ki itne me.n sadaa aa.ii ye 'abdullaah ke ghar se

mubaarak ho shah-e-har-dosraa tashriif le aa.e

mubaarak ho mohammad mustafaa tashriif le aa.e

mubaarak Gam-gusaar-e-be-kasaa.n tashriif le aa.e

mubaarak ho shafii'-e-'aasiyaa.n tashriif le aa.e

mubaarak ho nabii-e-aaKHirii tashriif le aa.e

mubaarak ho jahaa.n kii raushnii tashriif le aa.e

mubaarak maz.har-e-shaan-e-ahad tashriif le aa.e

mubaarak faatih-e-badr-o-ahad tashriif le aa.e

mubaarak haadii-e-diin-e-mubii.n tashriif le aa.e

mubaarak rahamtul-lil-'aalamii.n tashriif le aa.e

mubaarak ho shah-e-kaun-o-makaa.n tashriif le aa.e

mubaarak vaj.h-e-taKHliiq-e-jahaa.n tashriif le aa.e

mubaarak rahbaro.n ke peshvaa tashriif le aa.e

mubaarak sham'-e-bazm-e-ambiyaa tashriif le aa.e

mubaarak dastgiir-e-be-navaa tashriif le aa.e

mubaarak dard-mando.n kii davaa tashriif le aa.e

mubaarak muKHbir-e-saadiq laqab tashriif le aa.e

mubaarak sayyad-e-vaalaa nasab tashriif le aa.e

mubaarak chashma-e-sidq-o-safaa tashriif le aa.e

mubaarak muhbit-e-vah.i-e-kHudaaKHudaa tashriif le aa.e

mubaarak 'arsh ke masnad-nashii.n tashriif le aa.e

mubaarak bazm-e-KHalvat ke makii.n tashriif le aa.e

mubaarak KHaatim-e-paiGam-baraa.n tashriif le aa.e

mubaarak ho amiir-e-kaarvaa.n tashriif le aa.e

mubaarak zindagii kaa mudda'aa tashriif le aa.e

mubaarak ho ki mahbuub-e-KHudaa tashriif le aa.e

mubaarak paikar-e-sabr-o-razaa tashriif le aa.e

mubaarak jadd-e-shaah-e-karbalaa tashriif le aa.e

mubaarak qibla-e-arbaab-e-dii.n tashriif le aa.e

mubaarak saadiqul-vaa'd-o-amii.n tashriif le aa.e

mubaarak sub.h ko shamsuzzuhaa tashriif le aa.e

mubaarak raat ko badruddujaa tashriif le aa.e

mubaarak kaashif-e-asraar-e-haq tashriif le aa.e

mubaarak maz.har-e-anvaar-e-haq tashriif le aa.e

mubaarak daafi’-e-ranj-o-alam tashriif le aa.e

mubaarak saahib-e-juud-o-karam tashriif le aa.e

mubaarak ho rasuul-e-muhtshim tashriif le aa.e

mubaarak ho nabii-e-mohtaram tashriif le aa.e

mubaarak qaasim-e-kHuld-o-jinaa.n tashriif le aa.e

hariim-e-quds ke saakin kahaa.n tashriif le aa.e

vo aa.e jin ke aane kii zamaana ko zaruurat thii

vo aa.e jin kii aamad ke liye be-chain fitrat thii

vo aa.e naGma-e-daa.uud me.n jin kaa taraana thaa

vo aa.e girya-e-yaa'quub me.n jin kaa fasaana thaa

vo aa.e mehr-e-'aalam-mataab thaa jin kaa hasii.n chehraa

vo aa.e jin ke maathe par shafaa’at kaa bandhaa sahraa

vo aa.e jin pe haq ke fazl kii takmiil honii thii

vo aa.e jin ke haatho.n kufr kii tazliil honii thii

vo aa.e jin kii KHaatir muztarib thii vaadii-e-bat.haa

vo aa.e jin ke qadmo.n ke liye kaa’ba tarastaa thaa

vo aa.e jin kii Thokar par nichhaavar satvat-e-daaraa

vo aa.e jin ke aage sard har baatil kaa a.ngaaraa

vo aa.e jin kii aamad zulm ko paiGaam-e-barbaadii

vo aa.e jin kaa aanaa dahr ko e’laan-e-aazaadii

vo aa.e jin kaa aanaa baa’is-e-altaaf-e-yazdaa.n thaa

vo aa.e jin kii peshaanii kaa har KHat sharh-e-quraa.n thaa

vo aa.e jin ko haq ne god me.n KHalvat kii paalaa thaa

vo aa.e jin ke dam se 'arsh-e-aa'zm par ujaalaa thaa

vo aa.e jin ko ibraahiim kaa nuur-e-nazar kahiye

vo aa.e jin ko ismaa'iil kaa laKHt-e-jigar kahiye

vo aa.e jin ke aane ko gulistaa.n kii sahar kahiye

vo aa.e jin ko KHatm-ul-ambiyaa KHairul-bashar kahiye

vo aa.e jin ke har naqsh-e-qadam ko rahnumaa kahiye

vo aa.e jin ke farmaane ko farmaan-e-KHudaa kahiye

vo aa.e jin ko raaz-e-kun-fakaa.n kaa parda-dar kahiye

vo aa.e jin ko haq kaa aaKHrii paiGaambar kahiye

sahr kaa vaqt hai maa'suum kaliyaa.n muskuraatii hai.n

havaa.e.n KHair-maqdam ke taraane gungunaatii hai.n

mai-'ishrat chhalaktii hai sitaaro.n ke kaToro.n se

ubaltii hai sharaab-e-KHuld miTTii ke sakoro.n se

pasiina shaadmaanii se hai phuulo.n kii jabiino.n par

bato.n kaa diidanii hai raqs taalaabo.n ke siino.n par

chaman me.n har taraf shabnam ke motii jhilmilaate hai.n

nasiim-e-sub.h ke jho.nke dilo.n ko gudgudaate hai.n

kabhii jaatii hai aa.nkho.n me.n gul-o-laala kii raa'naa.ii

ki jaise dar-haqiiqat KHaak par jannat utar aa.ii

luTaate hai.n dur-e-KHush-aab gulzaaro.n ke favvaare

KHushii se jagmagaate hai.n savaabit ho.n ki sayyaare

bahaar-e-shabnam-e-gul-chuur hai kaif-e-javaanii me.n

nahaa kar jaise aa.ii hai abhii kausar ke paanii me.n

bhalaa.ii kaa ujaalaa apne markaz par simaT aayaa

shabaab-e-rafta-'aalam palaT aayaa palaT aayaa

KHushii ke giit gaa.e jaa rahe hai.n aasmaano.n par

daruudo.n ke taraane hai.n farishto.n kii zabaano.n par

sajaa.ii jaa rahii hai mahfil-e-hastii qariine se

vo jalve kaar-farmaa hai.n guzar jaa.e.n jo siine se

tarab ke josh se ek ek zarra muskuraataa hai

zamii.n kii aaj qismat par falak ko rashk aataa hai

zamii.n se aasmaa.n tak nuur kii baarish hii baarish hai

kisii kii be-niyaazii aaj sargarm-e-navaazish hai

sitaaro.n ke ka.nval jalva-figan ra.ngiin-o-saada hai.n

farishte bahr istiqbaal har suu iistaada hai.n

ishaare ho rahe hai.n gulshan-e-jannat ke phuulo.n me.n

vo raa'naa.ii nazar aatii hai makka kii babuulo.n me.n

baraste hai.n guhar anvaar ke miizaab-e-rahmat se

kabuutar raqs me.n hai.n baam-e-kaa'ba pur-masarrat se

sitaaraa auj par hai sa.ng-e-asvad kii siyaahii kaa

ki jaise bhed khul jaa.e kisii kii be-gunaahii kaa

masarrat ke asar se misl-e-sub.h-e-KHuld hai.n KHandaa.n

haram ke dar minaa kii vaadiyaa.n 'arfaat kaa maidaa.n

azal kii sub.h aa.ii jalva-e-shaam-e-abad ban kar

kyaa hastii ke mehvar par jahaa.n ne aaKHirii chakkar

zamaana kii fazaa me.n inqalaab-e-aaKHirii aayaa

nichhaavar kar diyaa qudrat ne sab fitrat kaa sarmaayaa

abhii jibriil utare bhii na the kaa'ba ke mimbar se

ki itne me.n sadaa aa.ii ye 'abdullaah ke ghar se

mubaarak ho shah-e-har-dosraa tashriif le aa.e

mubaarak ho mohammad mustafaa tashriif le aa.e

mubaarak Gam-gusaar-e-be-kasaa.n tashriif le aa.e

mubaarak ho shafii'-e-'aasiyaa.n tashriif le aa.e

mubaarak ho nabii-e-aaKHirii tashriif le aa.e

mubaarak ho jahaa.n kii raushnii tashriif le aa.e

mubaarak maz.har-e-shaan-e-ahad tashriif le aa.e

mubaarak faatih-e-badr-o-ahad tashriif le aa.e

mubaarak haadii-e-diin-e-mubii.n tashriif le aa.e

mubaarak rahamtul-lil-'aalamii.n tashriif le aa.e

mubaarak ho shah-e-kaun-o-makaa.n tashriif le aa.e

mubaarak vaj.h-e-taKHliiq-e-jahaa.n tashriif le aa.e

mubaarak rahbaro.n ke peshvaa tashriif le aa.e

mubaarak sham'-e-bazm-e-ambiyaa tashriif le aa.e

mubaarak dastgiir-e-be-navaa tashriif le aa.e

mubaarak dard-mando.n kii davaa tashriif le aa.e

mubaarak muKHbir-e-saadiq laqab tashriif le aa.e

mubaarak sayyad-e-vaalaa nasab tashriif le aa.e

mubaarak chashma-e-sidq-o-safaa tashriif le aa.e

mubaarak muhbit-e-vah.i-e-kHudaaKHudaa tashriif le aa.e

mubaarak 'arsh ke masnad-nashii.n tashriif le aa.e

mubaarak bazm-e-KHalvat ke makii.n tashriif le aa.e

mubaarak KHaatim-e-paiGam-baraa.n tashriif le aa.e

mubaarak ho amiir-e-kaarvaa.n tashriif le aa.e

mubaarak zindagii kaa mudda'aa tashriif le aa.e

mubaarak ho ki mahbuub-e-KHudaa tashriif le aa.e

mubaarak paikar-e-sabr-o-razaa tashriif le aa.e

mubaarak jadd-e-shaah-e-karbalaa tashriif le aa.e

mubaarak qibla-e-arbaab-e-dii.n tashriif le aa.e

mubaarak saadiqul-vaa'd-o-amii.n tashriif le aa.e

mubaarak sub.h ko shamsuzzuhaa tashriif le aa.e

mubaarak raat ko badruddujaa tashriif le aa.e

mubaarak kaashif-e-asraar-e-haq tashriif le aa.e

mubaarak maz.har-e-anvaar-e-haq tashriif le aa.e

mubaarak daafi’-e-ranj-o-alam tashriif le aa.e

mubaarak saahib-e-juud-o-karam tashriif le aa.e

mubaarak ho rasuul-e-muhtshim tashriif le aa.e

mubaarak ho nabii-e-mohtaram tashriif le aa.e

mubaarak qaasim-e-kHuld-o-jinaa.n tashriif le aa.e

hariim-e-quds ke saakin kahaa.n tashriif le aa.e

vo aa.e jin ke aane kii zamaana ko zaruurat thii

vo aa.e jin kii aamad ke liye be-chain fitrat thii

vo aa.e naGma-e-daa.uud me.n jin kaa taraana thaa

vo aa.e girya-e-yaa'quub me.n jin kaa fasaana thaa

vo aa.e mehr-e-'aalam-mataab thaa jin kaa hasii.n chehraa

vo aa.e jin ke maathe par shafaa’at kaa bandhaa sahraa

vo aa.e jin pe haq ke fazl kii takmiil honii thii

vo aa.e jin ke haatho.n kufr kii tazliil honii thii

vo aa.e jin kii KHaatir muztarib thii vaadii-e-bat.haa

vo aa.e jin ke qadmo.n ke liye kaa’ba tarastaa thaa

vo aa.e jin kii Thokar par nichhaavar satvat-e-daaraa

vo aa.e jin ke aage sard har baatil kaa a.ngaaraa

vo aa.e jin kii aamad zulm ko paiGaam-e-barbaadii

vo aa.e jin kaa aanaa dahr ko e’laan-e-aazaadii

vo aa.e jin kaa aanaa baa’is-e-altaaf-e-yazdaa.n thaa

vo aa.e jin kii peshaanii kaa har KHat sharh-e-quraa.n thaa

vo aa.e jin ko haq ne god me.n KHalvat kii paalaa thaa

vo aa.e jin ke dam se 'arsh-e-aa'zm par ujaalaa thaa

vo aa.e jin ko ibraahiim kaa nuur-e-nazar kahiye

vo aa.e jin ko ismaa'iil kaa laKHt-e-jigar kahiye

vo aa.e jin ke aane ko gulistaa.n kii sahar kahiye

vo aa.e jin ko KHatm-ul-ambiyaa KHairul-bashar kahiye

vo aa.e jin ke har naqsh-e-qadam ko rahnumaa kahiye

vo aa.e jin ke farmaane ko farmaan-e-KHudaa kahiye

vo aa.e jin ko raaz-e-kun-fakaa.n kaa parda-dar kahiye

vo aa.e jin ko haq kaa aaKHrii paiGaambar kahiye