assalaam ai shaafe'-e-mahshar laqab

assalaam ai shaafe'-e-mahshar laqab

assalaam ai qaasim-e-jannat laqab

ambiyaa me.n taaj vaale assalaam

ai mire me'raaj vaale assalaam

mere maulaa mere vaalii assalaam

aap hai.n maulal-mavaalii assalaam

assalaam ai paadshaah-e-daad-ras

assalaam ai KHalq ke fariyaad-ras

assalaam ai mehr-o-ai maah-e-tamaam

aap kaa din aap kii raat assalaam

assalaam ai dene vaale daad ke

sun.ne vaale aap hai.n fariyaad ke

assalaam ai ’izzat-e-farsh-e-zamii.n

assalaam ai ziinat-e-'arsh-e-barii.n

faKHr-e-aadam faKHr-e-havvaa assalaam

fakHr-e-mariyam fakHr-e-'iisaa assalaam

anta haamid anta ahmad assalaam

yaa-mohammad yaa-mohammad assalaam

assalaam ai sarvar-e-kaun-o-makaa.n

assalaam ai mufakHkHar-e-kaun-o-makaa.n

tum se aadam tum se havvaa assalaam

tum se muusaa tum se iisaa assalaam

rag-shanaas-e-nahnuu-aqrab assalaam

udnu-minnii ke muKHaatab assalaam

hai zabardast aap kaa diin-e-matii.n

aap ke as.haab hai.n rukn-e-rakiin

aap ke as.haab par paim salaam

aap ke ahbaab par har-dam salaam

aap par naazil kalaam allaah kaa

aap par har-dam salaam allaah kaa

aap kaa in.aam hai mash.huur-e-’aam

ho ataa jaagiir me.n daarussalaam

aap kaa jalva hai din-raat assalaam

aap hai.n nuur-e-samaavaat assalaam

assalaam ai mustafaa summaa assalaam

assalaam ai mujtabaa summaa assalaam

nuur-e-KHaaliq aap kaa nuur assalaam

aap hai.n nuurun 'alaa nuur assalaam

aap par qur.aan naazil assalaam

aap kaa hai diin kaamal assalaam

assalaam ai partav-e-mir.aat-e-haq

assalaam ai avval-e-aayaat-e-haq

assalaam ai aap hai.n mushkil-kushaa

assalaam ai aap hai.n haajat-ravaa

assalaam ai shaah-e-vaalaa assalaam

assalaam ai mere maulaa assalaam

assalaam ai sham’-e-aivaan-e-rusul

assalaam ai sadr-e-diivaan-e-rusul

assalaam ai faKHr-e-aadam assalaam

assalaam ai jaan-e-'aalam assalaam

tere ghar hai diin-o-iimaa.n assalaam

assalaam ai diin-o-iimaa.n assalaam

assalaam ai nuur-e-dil nuur-e-nazar

assalaam ai rab ke manzuur-e-nazar

qibla-e-dil kaa'ba-e-jaa.n assalaam

nuur-e-’irfaa.n nuur-e-iimaa.n assalaam

tujh se zeb-o-zain-e-iimaa.n assalaam

terii ulfat ain-e-iimaa.n assalaam

assalaam ai avval-e-kul ambiyaa

assalaam ai afzal-e-kul ambiyaa

assalaam ai bulbul-e-gulzaar-e-kun

assalaam ai nau-gul-e-gulzaar-e-kun

assalaam allaah kii shaan assalaam

dil tasadduq jaan qurbaa.n assalaam

naasikH-e-adyaan-e-maazii assalaam

aap se allaah raazii assalaam

assalaam ai ’arsh-e-manzil assalaam

laa-makaa.n ke sham’-e-mahfil assalaam

ai muqiim-e-aasmaa.n tum par salaam

ai kamiin-e-laa-makaa.n tum par salaam

assalaam ai hashr me.n sab ke shafii'

shaan terii pesh-e-haq sab se rafii'

assalaam ai 'aasiyo.n ke 'uzr-KHvaah

haafiz-e-be-dast-o-paa ke dast-gaah

assalaam ai har nihaa.n tum par 'ayaa.n

ho na zaahir Gair par dard-e-nihaa.n

be-dilo.n ke aap dildaar assalaam

Gamzado.n ke aap Gam-KHvaar assalaam

aap hai.n yaasiin-o-taahaa assalaam

qaabil-e-auhaa fa-auhaa assalaam

muntahii tum aur sab hai.n mubtadii

muqtadaa tum aur sab hai.n muqtadii

farsh kii me'raaj terii KHaak-e-paa

'arsh kii sartaaj terii KHaak-e-paa

aasmaano.n par tumhaarii aab-o-taab

mehr-o-mah zarre hai.n tum ho aaftaab

ho tumhii.n to nuur mehr-o-maah ke

tum se sab kuchh hai sivaa allāh ke

allaah allaah kyaa hai rahmat kii nigaah

ham gunahgaar aur tum ho 'uzr-KHvaah

baaG-e-taiba hai tumhaaraa KHaana-baaG

tum KHudaa ke ghar ke ho raushan charaaG

hai.n 'ayaa.n aa’maal-e-ummat aap par

aur haalii haal-e-ummat aap par

bekaso.n kaa kaun hai tere sivaa

be-baso.n kaa kaun hai tere sivaa

naa-tavaano.n kaa sahaaraa kaun hai

niim-jaano.n kaa sahaaraa kaun hai

hashr me.n kumba qabiila kuchh nahii.n

be-vasiile kaa vasiila kuchh nahii.n

hashr ke din kis ko kis kii fikr hai

jis ko dekho us ko apnii fikr hai

apne sab hai.n Gair sab kaa aap Gair

bhaa.ii beTaa biibayaa.n maa.n baap Gair

ek neze par kha.Daa hai aaftaab

ho rahaa hai zarre-zarre kaa hisaab

tole jaate hai.n taraazuu me.n 'amal

tol me.n mumkin nahii.n kuchh pech bal

baal se baariik hai raah-e-siraat

dekhiye kyuu.n kar ho tai raah-e-siraat

raah-e-pal hai tez-tar talvaar se

girte hai.n kaT-kaT ke jis kii dhaar se

pal ke niiche naar ke sho'le shadiid

tarjumaan-e-naa’ra-e-hal-mim maziid

al-madad ai mere Gam-KHvaar al-madad

al-madad mere madad-gaar al-madad

hai 'ayaa.n mushkil-kushaa.ii aap kii

mai.n huu.n mushkil me.n duhaa.ii aap kii

dene vaalaa kaun aa.e daad kaa

sun.ne vaalaa kaun hai fariyaad kaa

haa.n KHabar lo haafiz-e-mahjuur kii

ummatii hai ummatii hai ummatii

aap maulaa hai.n vo ek adnaa Gulaam

dast-basta ’arz kartaa hai salaam

dil fidaa-o-jaa.n-nisaar-o-sar-ba-kaf

gar qubuul uftad zahe ’izz-o-sharaf

ik guzaarish kii ijaazat diijiye

jo guzaarish mai.n karuu.n sun liijiye

kyuu.n huzuurii se mujhe rakkhaa hai duur

kyaa likhaa hai merii qismat me.n huzuur

hai bhii qismat me.n ziyaarat yaa nahii.n

hai bhii qismat me.n ye daulat yaa nahii.n

mubtalaa-e-janj-o-Gam kab tak rahuu.n

iltijaa kis se karuu.n kis se kahuu.n

yaa davaa lii yaa tabiibii al-Giyaas

yaa Giyaasii yaa habiibii al-Giyaas

kyaa dikhaa.e.n dekhiye mere nasiib

dekhiye kab tak rahuu.n mai.n be-nasiib

kab bulaa.e.n dekhiye sarkaar aap

kab dikhaa.e.n dekhiye diidaar aap

biis saal umiid-vaarii me.n kaTe

biis saal is be-qaraarii me.n kaTe

taa-kujaa ummiid-vaarii al-Giyaas

taa-kujaa ye be-qaraarii al-Giyaas

apne bas tak ham ne maare haath paa.nv

ab nahii.n chalte hamaare haath paa.nv

yaa-nabii ab taaqat-e-duurii nahii.n

yaa-nabii ab taab-e-mahjuurii nahii.n

hai judaa.ii kii ko.ii had al-amaa.n

yaa-Giyaasii yaa-mohammad al-amaa.n

dil ko ye kah kah ke samjhaataa huu.n mai.n

dekh ab jaataa huu.n ab jaataa huu.n mai.n

dekh pesh ab jaatii hai hikmat ko.ii

dekh ab ban aatii hai suurat ko.ii

ek-do din ho to kaam aa.e fareb

haa.e kab tak dil miraa khaa.e fareb

aise bahlaane kaa ho kyaa e'tibaar

ab nahii.n dil ko bhii meraa e'tibaar

kuchh ga.e kuchh ho bhii aa.e yaa nasiib

ik hamii.n jaane na paa.e yaa nasiib

jaane vaale jaa chuke ham rah ga.e

aane vaale aa chuke ham rah ga.e

dil nahii.n maayuus ab tak ziinhaar

aap kii rahmat kaa hai ummiid-vaar

naa-ummiidii kaam hai shaitaan kaa

naa-ummiidii me.n hai Dar iimaan kaa

dil me.n hai kuchh paas bhii kuchh aas bhii

aasre ke saath kuchh vasvaas bhii

go hai meraa TuuTaa phuuTaa aasraa

hai to aakHir aap hii kaa aasraa

yaa-nabii kuchh to sahaaraa diijiye

sharm merii aas kii rakh liijiye

TuuTe dil me.n shauq hai armaan hai

shauq kaa armaan kaa tuufaan hai

ab ke ye armaan dil me.n rah na jaa.e

ab ke ye tuufaan dil me.n rah na jaa.e

rah na jaa.e phir adhuuraa ye savaal

ab ke to ho jaa.e puuraa ye savaal

hind viiraana 'arab me.n zeb-o-zain

aur duuno.n me.n hai mashriqain

mai.n chaluu.n mashriq se maGrib kii taraf

pahle haj phir ho ziyaarat kaa sharaf

gi.Dgi.Daa kar kah rahaa huu.n ye savaal

iltijaa rad ho na jaa.e ab ke saal

yaa-nabii apne navaase kaa tufail

karbalaa ke bhuuke-pyaase kaa tufail

mai.n huu.n zaar-o-KHasta-jaan-o-be-navaa

bhuukaa-pyaasaa aap ke diidaar kaa

bhuuk-piyaas ab had se guzrii aah-aah

bhuuke-piyaase par karam kii ho nigaah

assalaam ai shaafe'-e-mahshar laqab

assalaam ai qaasim-e-jannat laqab

ambiyaa me.n taaj vaale assalaam

ai mire me'raaj vaale assalaam

mere maulaa mere vaalii assalaam

aap hai.n maulal-mavaalii assalaam

assalaam ai paadshaah-e-daad-ras

assalaam ai KHalq ke fariyaad-ras

assalaam ai mehr-o-ai maah-e-tamaam

aap kaa din aap kii raat assalaam

assalaam ai dene vaale daad ke

sun.ne vaale aap hai.n fariyaad ke

assalaam ai ’izzat-e-farsh-e-zamii.n

assalaam ai ziinat-e-'arsh-e-barii.n

faKHr-e-aadam faKHr-e-havvaa assalaam

fakHr-e-mariyam fakHr-e-'iisaa assalaam

anta haamid anta ahmad assalaam

yaa-mohammad yaa-mohammad assalaam

assalaam ai sarvar-e-kaun-o-makaa.n

assalaam ai mufakHkHar-e-kaun-o-makaa.n

tum se aadam tum se havvaa assalaam

tum se muusaa tum se iisaa assalaam

rag-shanaas-e-nahnuu-aqrab assalaam

udnu-minnii ke muKHaatab assalaam

hai zabardast aap kaa diin-e-matii.n

aap ke as.haab hai.n rukn-e-rakiin

aap ke as.haab par paim salaam

aap ke ahbaab par har-dam salaam

aap par naazil kalaam allaah kaa

aap par har-dam salaam allaah kaa

aap kaa in.aam hai mash.huur-e-’aam

ho ataa jaagiir me.n daarussalaam

aap kaa jalva hai din-raat assalaam

aap hai.n nuur-e-samaavaat assalaam

assalaam ai mustafaa summaa assalaam

assalaam ai mujtabaa summaa assalaam

nuur-e-KHaaliq aap kaa nuur assalaam

aap hai.n nuurun 'alaa nuur assalaam

aap par qur.aan naazil assalaam

aap kaa hai diin kaamal assalaam

assalaam ai partav-e-mir.aat-e-haq

assalaam ai avval-e-aayaat-e-haq

assalaam ai aap hai.n mushkil-kushaa

assalaam ai aap hai.n haajat-ravaa

assalaam ai shaah-e-vaalaa assalaam

assalaam ai mere maulaa assalaam

assalaam ai sham’-e-aivaan-e-rusul

assalaam ai sadr-e-diivaan-e-rusul

assalaam ai faKHr-e-aadam assalaam

assalaam ai jaan-e-'aalam assalaam

tere ghar hai diin-o-iimaa.n assalaam

assalaam ai diin-o-iimaa.n assalaam

assalaam ai nuur-e-dil nuur-e-nazar

assalaam ai rab ke manzuur-e-nazar

qibla-e-dil kaa'ba-e-jaa.n assalaam

nuur-e-’irfaa.n nuur-e-iimaa.n assalaam

tujh se zeb-o-zain-e-iimaa.n assalaam

terii ulfat ain-e-iimaa.n assalaam

assalaam ai avval-e-kul ambiyaa

assalaam ai afzal-e-kul ambiyaa

assalaam ai bulbul-e-gulzaar-e-kun

assalaam ai nau-gul-e-gulzaar-e-kun

assalaam allaah kii shaan assalaam

dil tasadduq jaan qurbaa.n assalaam

naasikH-e-adyaan-e-maazii assalaam

aap se allaah raazii assalaam

assalaam ai ’arsh-e-manzil assalaam

laa-makaa.n ke sham’-e-mahfil assalaam

ai muqiim-e-aasmaa.n tum par salaam

ai kamiin-e-laa-makaa.n tum par salaam

assalaam ai hashr me.n sab ke shafii'

shaan terii pesh-e-haq sab se rafii'

assalaam ai 'aasiyo.n ke 'uzr-KHvaah

haafiz-e-be-dast-o-paa ke dast-gaah

assalaam ai har nihaa.n tum par 'ayaa.n

ho na zaahir Gair par dard-e-nihaa.n

be-dilo.n ke aap dildaar assalaam

Gamzado.n ke aap Gam-KHvaar assalaam

aap hai.n yaasiin-o-taahaa assalaam

qaabil-e-auhaa fa-auhaa assalaam

muntahii tum aur sab hai.n mubtadii

muqtadaa tum aur sab hai.n muqtadii

farsh kii me'raaj terii KHaak-e-paa

'arsh kii sartaaj terii KHaak-e-paa

aasmaano.n par tumhaarii aab-o-taab

mehr-o-mah zarre hai.n tum ho aaftaab

ho tumhii.n to nuur mehr-o-maah ke

tum se sab kuchh hai sivaa allāh ke

allaah allaah kyaa hai rahmat kii nigaah

ham gunahgaar aur tum ho 'uzr-KHvaah

baaG-e-taiba hai tumhaaraa KHaana-baaG

tum KHudaa ke ghar ke ho raushan charaaG

hai.n 'ayaa.n aa’maal-e-ummat aap par

aur haalii haal-e-ummat aap par

bekaso.n kaa kaun hai tere sivaa

be-baso.n kaa kaun hai tere sivaa

naa-tavaano.n kaa sahaaraa kaun hai

niim-jaano.n kaa sahaaraa kaun hai

hashr me.n kumba qabiila kuchh nahii.n

be-vasiile kaa vasiila kuchh nahii.n

hashr ke din kis ko kis kii fikr hai

jis ko dekho us ko apnii fikr hai

apne sab hai.n Gair sab kaa aap Gair

bhaa.ii beTaa biibayaa.n maa.n baap Gair

ek neze par kha.Daa hai aaftaab

ho rahaa hai zarre-zarre kaa hisaab

tole jaate hai.n taraazuu me.n 'amal

tol me.n mumkin nahii.n kuchh pech bal

baal se baariik hai raah-e-siraat

dekhiye kyuu.n kar ho tai raah-e-siraat

raah-e-pal hai tez-tar talvaar se

girte hai.n kaT-kaT ke jis kii dhaar se

pal ke niiche naar ke sho'le shadiid

tarjumaan-e-naa’ra-e-hal-mim maziid

al-madad ai mere Gam-KHvaar al-madad

al-madad mere madad-gaar al-madad

hai 'ayaa.n mushkil-kushaa.ii aap kii

mai.n huu.n mushkil me.n duhaa.ii aap kii

dene vaalaa kaun aa.e daad kaa

sun.ne vaalaa kaun hai fariyaad kaa

haa.n KHabar lo haafiz-e-mahjuur kii

ummatii hai ummatii hai ummatii

aap maulaa hai.n vo ek adnaa Gulaam

dast-basta ’arz kartaa hai salaam

dil fidaa-o-jaa.n-nisaar-o-sar-ba-kaf

gar qubuul uftad zahe ’izz-o-sharaf

ik guzaarish kii ijaazat diijiye

jo guzaarish mai.n karuu.n sun liijiye

kyuu.n huzuurii se mujhe rakkhaa hai duur

kyaa likhaa hai merii qismat me.n huzuur

hai bhii qismat me.n ziyaarat yaa nahii.n

hai bhii qismat me.n ye daulat yaa nahii.n

mubtalaa-e-janj-o-Gam kab tak rahuu.n

iltijaa kis se karuu.n kis se kahuu.n

yaa davaa lii yaa tabiibii al-Giyaas

yaa Giyaasii yaa habiibii al-Giyaas

kyaa dikhaa.e.n dekhiye mere nasiib

dekhiye kab tak rahuu.n mai.n be-nasiib

kab bulaa.e.n dekhiye sarkaar aap

kab dikhaa.e.n dekhiye diidaar aap

biis saal umiid-vaarii me.n kaTe

biis saal is be-qaraarii me.n kaTe

taa-kujaa ummiid-vaarii al-Giyaas

taa-kujaa ye be-qaraarii al-Giyaas

apne bas tak ham ne maare haath paa.nv

ab nahii.n chalte hamaare haath paa.nv

yaa-nabii ab taaqat-e-duurii nahii.n

yaa-nabii ab taab-e-mahjuurii nahii.n

hai judaa.ii kii ko.ii had al-amaa.n

yaa-Giyaasii yaa-mohammad al-amaa.n

dil ko ye kah kah ke samjhaataa huu.n mai.n

dekh ab jaataa huu.n ab jaataa huu.n mai.n

dekh pesh ab jaatii hai hikmat ko.ii

dekh ab ban aatii hai suurat ko.ii

ek-do din ho to kaam aa.e fareb

haa.e kab tak dil miraa khaa.e fareb

aise bahlaane kaa ho kyaa e'tibaar

ab nahii.n dil ko bhii meraa e'tibaar

kuchh ga.e kuchh ho bhii aa.e yaa nasiib

ik hamii.n jaane na paa.e yaa nasiib

jaane vaale jaa chuke ham rah ga.e

aane vaale aa chuke ham rah ga.e

dil nahii.n maayuus ab tak ziinhaar

aap kii rahmat kaa hai ummiid-vaar

naa-ummiidii kaam hai shaitaan kaa

naa-ummiidii me.n hai Dar iimaan kaa

dil me.n hai kuchh paas bhii kuchh aas bhii

aasre ke saath kuchh vasvaas bhii

go hai meraa TuuTaa phuuTaa aasraa

hai to aakHir aap hii kaa aasraa

yaa-nabii kuchh to sahaaraa diijiye

sharm merii aas kii rakh liijiye

TuuTe dil me.n shauq hai armaan hai

shauq kaa armaan kaa tuufaan hai

ab ke ye armaan dil me.n rah na jaa.e

ab ke ye tuufaan dil me.n rah na jaa.e

rah na jaa.e phir adhuuraa ye savaal

ab ke to ho jaa.e puuraa ye savaal

hind viiraana 'arab me.n zeb-o-zain

aur duuno.n me.n hai mashriqain

mai.n chaluu.n mashriq se maGrib kii taraf

pahle haj phir ho ziyaarat kaa sharaf

gi.Dgi.Daa kar kah rahaa huu.n ye savaal

iltijaa rad ho na jaa.e ab ke saal

yaa-nabii apne navaase kaa tufail

karbalaa ke bhuuke-pyaase kaa tufail

mai.n huu.n zaar-o-KHasta-jaan-o-be-navaa

bhuukaa-pyaasaa aap ke diidaar kaa

bhuuk-piyaas ab had se guzrii aah-aah

bhuuke-piyaase par karam kii ho nigaah