salaam ai murshid-o-rahbar shah-e-’aalii guhar vaaris

salaam ai murshid-o-rahbar shah-e-'aalii-guhar vaaris

salaam ai maz.har-e-daavar shah-e-jinn-o-bashar vaaris

habiib-e-sayyad-e-'aalam shah-e-devaa salaamullah

fidaa tum par zamaana hai mire maulaa salaamullah

salaam ai nuur-e-chashmaa.n janaab-e-faatima vaaris

salaam ai jaanashiin-e-hazrat-e-mushkil-kushaa vaaris

salaam ai maz.har-e-husn-e-hasan sibt-e-rasuulullaah

husain ibn-e-'alii ke shaahzaade sad-salaamullaah

kahuu.n kyaa aap pe ruun hai jo dil kii tamannaa hai

binaa maa.nge diyaa tum jo har ik saa.il kaa kahnaa hai

ba-naam-e-mustafaa imdaad kiijiye yaa mire vaaris

tasadduq faatima fariyaad suniye yaa mire vaaris

zamaane me.n na rakhnaa Gair kaa muhtaaj yaa vaaris

gadaa-e-dar kii tere haath hai ab laaj yaa vaaris

huu.n mujrim be-'amal khoTaa shahaa 'afv-o-karam kar do

jo tum chaaho to pal me.n merii mushkil ko bhii hal kar do

giraftaar-e-musiibat kii KHabar lillaah ab liijiye

karam kiijiye karam kiijiye karam kiijiye karam kiijiye

sunaa.e.n haal-e-Gam kis ko hai kaun apnaa sivaa tere

miTaane par tulaa hai ye zamaana aap ke hote

mujhe bhii surkH-ruu kar do banaa do shaad-kaamo.n me.n

pukaaraa jaa.uu.n mahshar me.n shahaa tere Gulaamo.n me.n

chaluu.n mai.n raah-e-haq par aap kii nazar-e-'inaayat se

na ho.n Gaafil kabhii aadaab-e-arbaab-e-mohabbat se

sivaa tere rahe dil me.n na mere kuchh shahaa baaqii

nigaah-e-naaz suu-e-dil zaraa saaqii zaraa saaqii

ho dil me.n aap kii yaade.n nazar me.n aap kaa chehra

ye saa.nse.n aaKHrii jab ho.n zabaa.n par naam ho teraa

salaamii ko hai haazir 'yaadgaar'-e-mubtalaa teraa

faqiir-e-be-navaa teraa vo masruuf-e-sanaa teraa

tasadduq sayyada kaa iltijaa ko baaryaabii ho

karam se aap ke dono jahaa.n me.n kaamyaabii ho

salaam ai murshid-o-rahbar shah-e-'aalii-guhar vaaris

salaam ai maz.har-e-daavar shah-e-jinn-o-bashar vaaris

habiib-e-sayyad-e-'aalam shah-e-devaa salaamullah

fidaa tum par zamaana hai mire maulaa salaamullah

salaam ai nuur-e-chashmaa.n janaab-e-faatima vaaris

salaam ai jaanashiin-e-hazrat-e-mushkil-kushaa vaaris

salaam ai maz.har-e-husn-e-hasan sibt-e-rasuulullaah

husain ibn-e-'alii ke shaahzaade sad-salaamullaah

kahuu.n kyaa aap pe ruun hai jo dil kii tamannaa hai

binaa maa.nge diyaa tum jo har ik saa.il kaa kahnaa hai

ba-naam-e-mustafaa imdaad kiijiye yaa mire vaaris

tasadduq faatima fariyaad suniye yaa mire vaaris

zamaane me.n na rakhnaa Gair kaa muhtaaj yaa vaaris

gadaa-e-dar kii tere haath hai ab laaj yaa vaaris

huu.n mujrim be-'amal khoTaa shahaa 'afv-o-karam kar do

jo tum chaaho to pal me.n merii mushkil ko bhii hal kar do

giraftaar-e-musiibat kii KHabar lillaah ab liijiye

karam kiijiye karam kiijiye karam kiijiye karam kiijiye

sunaa.e.n haal-e-Gam kis ko hai kaun apnaa sivaa tere

miTaane par tulaa hai ye zamaana aap ke hote

mujhe bhii surkH-ruu kar do banaa do shaad-kaamo.n me.n

pukaaraa jaa.uu.n mahshar me.n shahaa tere Gulaamo.n me.n

chaluu.n mai.n raah-e-haq par aap kii nazar-e-'inaayat se

na ho.n Gaafil kabhii aadaab-e-arbaab-e-mohabbat se

sivaa tere rahe dil me.n na mere kuchh shahaa baaqii

nigaah-e-naaz suu-e-dil zaraa saaqii zaraa saaqii

ho dil me.n aap kii yaade.n nazar me.n aap kaa chehra

ye saa.nse.n aaKHrii jab ho.n zabaa.n par naam ho teraa

salaamii ko hai haazir 'yaadgaar'-e-mubtalaa teraa

faqiir-e-be-navaa teraa vo masruuf-e-sanaa teraa

tasadduq sayyada kaa iltijaa ko baaryaabii ho

karam se aap ke dono jahaa.n me.n kaamyaabii ho