زیب ہے تجھ کو مرے چاند سے پرزر سہرا

زیب ہے تجھ کو مرے چاند سے پرزر سہرا

آج چمکا ہے ترا اوج پہ اختر سہرا

چشمِ بد دور عجب رنگ عجب ہے ساماں

خوب ہے صل علیٰ سر پہ منور سہرا

دوستو! تم کو مبارک ہو ہمارا نوشہ

آج باندھا ہے پیارے نے جو سر پر سہرا

باپ ماں کو ہو مبارک یہ سہانا دلبر

پھول شادی کا کھلاتا ہے یہ دل پر سہرا

ہو خسر کو بھی مبارک کہ بر آیا مقصود

نقدِ جاں ہے ترے اوپر سے نچھاور سہرا

لاؤ مہتاب جلا کر کے یہ نوشہ دیکھو

خوب سا دیکھ لو تم آج نظر بھر سہرا

خوب سہرا یہ فقیرؔ آج بنایا تو نے

شاد کر دے دلِ عشاق کو پڑھ کر سہرا