taabish-e-ruu-e-munavvar se munavvar sehraa

taabish-e-ruu-e-munavvar se munavvar sehraa

nig.hat-e-zulf-e-mu.ambar se mu.ambar sehraa

shaan tarjiih kii maaduum hai in jalvo.n me.n

sehre se ruKH kii ziyaa ruKH se munavvar sehraa

ho gayaa paas-e-adab josh-e-masarrat me.n fanaa

varna kyuu.n hai tirii dastaar ke uupar sehraa

allaah allaah ajab shauq-e-qadam-bosii hai

paa.nv tak aayaa hai nausha ke laTak kar sehraa

baarvar shaaKH-e-mohabbat rahe daa.em baaham

nek saa.at me.n ba.ndhaa ho tire sar par sehraa

maujzan aaj hai dariyaa-e-masarrat 'maikash'

is liye laa.e hai.n kashtii me.n lagaa kar sehraa

taabish-e-ruu-e-munavvar se munavvar sehraa

nig.hat-e-zulf-e-mu.ambar se mu.ambar sehraa

shaan tarjiih kii maaduum hai in jalvo.n me.n

sehre se ruKH kii ziyaa ruKH se munavvar sehraa

ho gayaa paas-e-adab josh-e-masarrat me.n fanaa

varna kyuu.n hai tirii dastaar ke uupar sehraa

allaah allaah ajab shauq-e-qadam-bosii hai

paa.nv tak aayaa hai nausha ke laTak kar sehraa

baarvar shaaKH-e-mohabbat rahe daa.em baaham

nek saa.at me.n ba.ndhaa ho tire sar par sehraa

maujzan aaj hai dariyaa-e-masarrat 'maikash'

is liye laa.e hai.n kashtii me.n lagaa kar sehraa