ہو گیا پاس_ادب جوش_مسرت میں فنا

تابش روئے منور سے منور سہرا

نگہت زلف معنبر سے معنبر سہرا

شان ترجیح کی معدوم ہے ان جلووں میں

سہرے سے رخ کی ضیا رخ سے منور سہرا

ہو گیا پاس ادب جوش مسرت میں فنا

ورنہ کیوں ہے تری دستار کے اوپر سہرا

اللہ اللہ عجب شوق قدم بوسی ہے

پاؤں تک آیا ہے نوشہ کے لٹک کر سہرا

بارور شاخ محبت رہے دائم باہم

نیک ساعت میں بندھا ہو ترے سر پر سہرا

موجزن آج ہے دریائے مسرت میکشؔ

اس لئے لائے ہیں کشتی میں لگا کر سہرا