Aahu Shayari

had na pūchho hamārī vahshat kī

dil meñ har daaġh chashm-e-āhū hai

had na puchho hamari wahshat ki

dil mein har dagh chashm-e-ahu hai

are dil kyuuñ huā hai re abas tuuñ vahshī-e-dashtī

kisī āhū-nigāhāñ kī tuje achchhar kā chhar hai re

are dil kyun hua hai re abas tun wahshi-e-dashti

kisi aahu-nigahan ki tuje achchhar ka chhar hai re

is bhare shahar meñ kartā huuñ havā se bāteñ

paañv paḌtā hai zamīñ par mirā aahū kī tarah

is bhare shahar mein karta hun hawa se baaten

panw paDta hai zamin par mera aahu ki tarah

zarā kuchh aur bhī himmat nikal jaa.e merī hasrat

vo aatā hai nazar bāb-e-asar ai nātvāñ aahū

zara kuchh aur bhi himmat nikal jae meri hasrat

wo aata hai nazar bab-e-asar ai natwan aahu

raam kis tarah karegā koī sayyād use

apne saaye se bhī ram kartā hai aahū apnā

ram kis tarah karega koi sayyaad use

apne saye se bhi ram karta hai aahu apna

chalā aatā hai jo sayyād-e-zālim dām-e-gesū le

ki shāyad āhū-e-dil kuuñ karegā o shikār āḳhir

chala aata hai jo sayyaad-e-zalim dam-e-gesu le

ki shayad aahu-e-dil kun karega o shikar aaKHir