آہو پر اشعار

حد نہ پوچھو ہماری وحشت کی

دل میں ہر داغ چشم آہو ہے

ارے دل کیوں ہوا ہے رے عبث توں وحشیٔ دشتی

کسی آہو نگاہاں کی تجے اچھر کا چھر ہے رے

اس بھرے شہر میں کرتا ہوں ہوا سے باتیں

پاؤں پڑتا ہے زمیں پر مرا آہو کی طرح

ذرا کچھ اور بھی ہمت نکل جائے میری حسرت

وہ آتا ہے نظر باب اثر اے ناتواں آہو

رام کس طرح کریگا کوئی صیاد اسے

اپنے سائے سے بھی رم کرتا ہے آہو اپنا

چلا آتا ہے جو صیاد ظالم دام گیسو لے

کہ شاید آہوئے دل کوں کرے گا او شکار آخر