Aseer Shayari

pahchāntā vo ab nahīñ dushman ko dost se

kis qaid se asīr-e-mohabbat rihā huā

pahchanta wo ab nahin dushman ko dost se

kis qaid se asir-e-mohabbat riha hua

asīr-e-gesū-e-pur-ḳham banā.e pahle āshiq ko

nikāle phir vo pech-o-ḳham kabhī kuchh hai kabhī kuchh hai

asir-e-gesu-e-pur-KHam banae pahle aashiq ko

nikale phir wo pech-o-KHam kabhi kuchh hai kabhi kuchh hai

jahāñ meñ ḳhāna-zād-e-zulf ko kyā chhoḌ dete haiñ

ki tum ne chhoḌ rakhā mujh asīr-e-zulf-pechāñ ko

jahan mein KHana-zad-e-zulf ko kya chhoD dete hain

ki tum ne chhoD rakha mujh asir-e-zulf-pechan ko

maiñ hamesha asīr-e-alam hī rahā mire dil meñ sadā terā ġham hī rahā

mirā naḳhl-e-ummīd qalam hī rahā mere rone kā koī samar na milā

main hamesha asir-e-alam hi raha mere dil mein sada tera gham hi raha

mera naKHl-e-ummid qalam hi raha mere rone ka koi samar na mila

kyūñ-kar na qurb-e-haq kī taraf dil mirā kījiye

gardan asīr-e-halqa-e-habl-ul-varīd hai

kyun-kar na qurb-e-haq ki taraf dil mera kijiye

gardan asir-e-halqa-e-habl-ul-warid hai

nau-asīr-e-furqat huuñ vasl-e-yār mujh se pūchh

ho ga.ī ḳhizāñ dam meñ sab bahār mujh se pūchh

nau-asir-e-furqat hun wasl-e-yar mujh se puchh

ho gai KHizan dam mein sab bahaar mujh se puchh

asīr-e-kākul-e-ḳhamdār huuñ maiñ

giraftār-e-kamand-e-yār huuñ maiñ

asir-e-kakul-e-KHamdar hun main

giraftar-e-kamand-e-yar hun main

bahār aa.ī chaman meñ go mujhe kyā

giraftār-o-asīr-e-dām huuñ maiñ

bahaar aai chaman mein go mujhe kya

giraftar-o-asir-e-dam hun main

asīr-e-zauq ḳhudī jab yahāñ se guzre haiñ

to be-niyāz tire āstāñ se guzre haiñ

asir-e-zauq KHudi jab yahan se guzre hain

to be-niyaz tere aastan se guzre hain

ham ne maanā dām-e-gesū meñ nahīñ 'āsī' asiir

baaġh meñ nazzāra-e-sumbul se ghabrāte haiñ kyuuñ

hum ne mana dam-e-gesu mein nahin 'asi' asir

bagh mein nazzara-e-sumbul se ghabraate hain kyun

asīr-e-halqa-e-gesū-e-yār ham bhī haiñ

kisī ke tīr-e-nazar ke shikār ham bhī haiñ

asir-e-halqa-e-gesu-e-yar hum bhi hain

kisi ke tir-e-nazar ke shikar hum bhi hain

husn-e-asīr-e-rasm hai 'ishq hai iztirāb meñ

mumkin kahāñ sukūñ mile sāmnā ho hijāb meñ

husn-e-asir-e-rasm hai 'ishq hai iztirab mein

mumkin kahan sukun mile samna ho hijab mein

azal se murġh-e-dil ko ḳhatra-e-sayyād kyā hotā

ki us ko to asīr-e-halqa-e-fitrāk honā thā

azal se murgh-e-dil ko KHatra-e-sayyaad kya hota

ki us ko to asir-e-halqa-e-fitrak hona tha

laboñ per naam na aañsū hikāyat na shikāyat ho

asīr-e-zulf dīvāna hai dīvānā ye kiyā jaane

labon per nam na aansu hikayat na shikayat ho

asir-e-zulf diwana hai diwana ye kiya jaane

ho gayā dām-e-ḳhauf-e-ġham se rihā

jo tumhārā asīr-e-gesū hai

ho gaya dam-e-KHauf-e-gham se riha

jo tumhaara asir-e-gesu hai

qaidī-e-zulf kabhī gaah asīr-e-gesū

hamne is dil ko isī tarah kā saudā dekhā

qaidi-e-zulf kabhi gah asir-e-gesu

hamne is dil ko isi tarah ka sauda dekha

us bulbul-e-asīr kī hasrat pe daaġh huuñ

mar hī ga.ī qafas meñ sunī jab sadā-e-gul

us bulbul-e-asir ki hasrat pe dagh hun

mar hi gai qafas mein suni jab sada-e-gul

‘asīr’ aañkh dikhātā agar hameñ sayyād

qasam tū kiyā qafs-e-jism se nikal jaate

‘asir’ aankh dikhata agar hamein sayyaad

qasam tu kiya qafs-e-jism se nikal jate

tū paas thā to hijr thā ab duur hai to vasl

sab se alag hai rañg tire is asiir kā

tu pas tha to hijr tha ab dur hai to wasl

sab se alag hai rang tere is asir ka