Chehra Shayari

chādar se mauj ke na chhupe chehra aap kā

burqa habāb kā na ho burqa habāb kā

chadar se mauj ke na chhupe chehra aap ka

burqa habab ka na ho burqa habab ka

chehre pe jo tere nazar kar gayā

jaan se vo apnī guzar kar gayā

chehre pe jo tere nazar kar gaya

jaan se wo apni guzar kar gaya

nukta-e-īmān se vāqif ho

chehra-e-yār jā-ba-jā dekhā

nukta-e-iman se waqif ho

chehra-e-yar ja-ba-ja dekha

haaye kyā añdher hai kaisī ye chehrā kī chamak

sāmne to sab ke phir mahrūm sab dīdār se

haye kya andher hai kaisi ye chehra ki chamak

samne to sab ke phir mahrum sab didar se

ik chehre se pyaar karūñ maiñ ik se ḳhauf lage hai mujh ko

ik chehra ik ā.īna hai ik chehra patthar lagtā hai

ek chehre se pyar karun main ek se KHauf lage hai mujh ko

ek chehra ek aaina hai ek chehra patthar lagta hai

us kā chehra kab us kā apnā thā

jis ke chehre par mar miTe chehre

us ka chehra kab us ka apna tha

jis ke chehre par mar miTe chehre

apnā be-ḳhud mujhe lillah banā le saaqī

burqa phir chehra-e-anvar se haTā le saaqī

apna be-KHud mujhe lillah bana le saqi

burqa phir chehra-e-anwar se haTa le saqi