more piyā ghar aa.e
ai rī sakhī more piyā ghar aa.e
more piya ghar aae
ai ri sakhi more piya ghar aae
ham ko yaañ dar-dar phirāyā yaar ne
lā-makāñ meñ ghar banāyā yaar ne
hum ko yan dar-dar phiraya yar ne
la-makan mein ghar banaya yar ne
na to apne ghar meñ qarār hai na tirī galī meñ qayām hai
tirī zulf-o-ruḳh kā farefta kahīñ sub.h hai kahīñ shaam hai
na to apne ghar mein qarar hai na teri gali mein qayam hai
teri zulf-o-ruKH ka farefta kahin subh hai kahin sham hai
kis ghar meñ kis hijāb meñ ai jaañ nihāñ ho tum
ham raah dekhte haiñ tumhārī kahāñ ho tum
kis ghar mein kis hijab mein ai jaan nihan ho tum
hum rah dekhte hain tumhaari kahan ho tum
DhūñDhte haiñ aap se us ko pare
shaiḳh sāhib chhoḌ ghar, bāhar chale
DhūñDhte haiñ aap se us ko pare
shaiḳh sāhib chhoḌ ghar, bāhar chale
saayā koī maiñ apne hī paikar se nikālūñ
tanhā.ī batā kaise tujhe ghar se nikālūñ
saya koi main apne hi paikar se nikalun
tanhai bata kaise tujhe ghar se nikalun
apne hāthoñ mehñdī lagā.ī maañg bhī maiñ ne dekho sajā.ī
aa.e piyā ghar rim-jhim barse jaao batā do sāvan ko
apne hathon mehndi lagai mang bhi main ne dekho sajai
aae piya ghar rim-jhim barse jao bata do sawan ko
kal aate aate mire ghar gaye raqīb ke paas
huzūr aap hī kah deñ ye chaal hai ki nahīñ
kal aate aate mere ghar gaye raqib ke pas
huzur aap hi kah den ye chaal hai ki nahin
ajab e.ajāz hai terī nazar kā
ke ham bhūle haiñ rasta apne ghar kā
ajab eajaz hai teri nazar ka
ke hum bhule hain rasta apne ghar ka
tark-e-hastī se mirī ḳhāna-badoshī miT ga.ī
lā-makāñ pahuñchā to ghar apnā nazar aane lagā
tark-e-hasti se meri KHana-badoshi miT gai
la-makan pahuncha to ghar apna nazar aane laga
juġhrāfi.e ne kaaT diye rāste mire
tārīḳh ko gila hai ki maiñ ghar nahīñ gayā
jughrafie ne kaT diye raste mere
tariKH ko gila hai ki main ghar nahin gaya
Thaharnā dil meñ kuchh behtar na jaanā
bhare ghar ko unhoñ-ne ghar na jaanā
Thaharna dil mein kuchh behtar na jaana
bhare ghar ko unhon-ne ghar na jaana
ishq-e-but ka.aba-e-dil meñ hai ḳhudāyā jab se
terā ghar bhī mujhe but-ḳhāna nazar aatā hai
ishq-e-but kaba-e-dil mein hai KHudaya jab se
tera ghar bhi mujhe but-KHana nazar aata hai
mujhī se pūchte ho meñ hī batlā duuñ ki tum kyā ho
tajallī tūre-sīnā kī mere ghar kā ujālā ho
mujhi se puchte ho mein hi batla dun ki tum kya ho
tajalli ture-sina ki mere ghar ka ujala ho
pūchhā maiñ dard se ki batā tū sahī mujhe
ai ḳhānumāñ-ḳharāb hai tere bhī ghar kahīñ
pūchhā maiñ dard se ki batā tū sahī mujhe
ai ḳhānumāñ-ḳharāb hai tere bhī ghar kahīñ
dekh kar ka.abe ko ḳhālī maiñ ye kah kar aa gayā
aise ghar ko kyā karūñgā jis ke andar tū nahīñ
dekh kar kabe ko KHali main ye kah kar aa gaya
aise ghar ko kya karunga jis ke andar tu nahin
jaan kho baiThegā apnī ye 'nasīr'-e-ḳhasta-dil
us ke pahlū se ab uTh kar ghar ko kyā jaate ho tam
jaan kho baiThega apnī ye 'nasir'-e-KHasta-dil
us ke pahlu se ab uTh kar ghar ko kya jate ho tam
sāġhar sharāb-e-ishq kā pī hī liyā jo ho so ho
sar ab kaTe yā ghar luTe fikr hī kyā jo ho so ho
saghar sharab-e-ishq ka pi hi liya jo ho so ho
sar ab kaTe ya ghar luTe fikr hi kya jo ho so ho
kū-ba-kū phirtā huuñ meñ ḳhāna-ḳharāboñ ki tarah
jaise saude kā tere sar meñ mere ghar ho gayā
ku-ba-ku phirta hun mein KHana-KHarabon ki tarah
jaise saude ka tere sar mein mere ghar ho gaya
maiñe baḳhsī hai tārīkiyoñ ko ziyā aur ḳhud ik tajllī kā muhtāj huuñ
raushnī dene vaalī ko bhī kam se kam ik diyā chāhiye apne ghar ke liye
maine baKHsi hai tarikiyon ko ziya aur KHud ek tajlli ka muhtaj hun
raushni dene wali ko bhi kam se kam ek diya chahiye apne ghar ke liye
'asar' in sulūkoñ pe kyā lutf hai
phir us be-muravvat ke ghar jā.iye
'asar' in sulukon pe kya lutf hai
phir us be-murawwat ke ghar jaiye
man paayā hai us ne dil merā ka.aba hai ghar allāh kā hai
ab khod ke us ko phikvā de vo but na kahīñ buniyād satī
man paya hai us ne dil mera kaba hai ghar allah ka hai
ab khod ke us ko phikwa de wo but na kahin buniyaad sati
maiñ ne pūchhā ġhair ke ghar aap kyā karte rahe
hañs ke farmāyā tumhārā rāstā dekhā kiye
main ne puchha ghair ke ghar aap kya karte rahe
hans ke farmaya tumhaara rasta dekha kiye
hameñ hai ghar se ta.alluq ab is qadar baaqī
kabhī jo aa.e to do-din ko mehmāñ kī tarah
hamein hai ghar se talluq ab is qadar baqi
kabhi jo aae to do-din ko mehman ki tarah
na pūchho kyuuñ maiñ ka.abe jā ke but-ḳhāne chalā aayā
akelā ghar to duniyā ko burā ma.alūm hotā hai
na puchho kyun main kabe ja ke but-KHane chala aaya
akela ghar to duniya ko bura malum hota hai
ye kah kar ḳhāna-e-turbat se ham mai-kash nikal bhāge
vo ghar kyā ḳhaak patthar hai jahāñ shīshe nahīñ rahte
ye kah kar KHana-e-turbat se hum mai-kash nikal bhage
wo ghar kya KHak patthar hai jahan shishe nahin rahte
gadā ko kyuuñ na sayyāhī kī lazzat ho ki hotā hai
nayā daana nayā paanī nayā ik aur ghar paidā
gada ko kyun na sayyahi ki lazzat ho ki hota hai
naya dana naya pani naya ek aur ghar paida
dil hamārā ki ghar ye terā thā
kyuuñ shikast is makān par aa.ī
dil hamara ki ghar ye tera tha
kyun shikast is makan par aai
ham ne ye tahzīb parindoñ se sīkhī hai
sub.h ko ghar se jaanā shaam ko ghar aa jaanā
hum ne ye tahzib parindon se sikhi hai
subh ko ghar se jaana sham ko ghar aa jaana
āñkhoñ meñ tire ghar kā naqsha nazar aatā hai
ka.abe kī siyah-poshī putlī se ayaañ kar dī
aankhon mein tere ghar ka naqsha nazar aata hai
kabe ki siyah-poshi putli se ayan kar di
tumhāre ghar se ham nikle ḳhudā ke ghar se tum nikle
tumhīñ īmān se kah do ki kāfir ham haiñ yā tum ho
tumhaare ghar se hum nikle KHuda ke ghar se tum nikle
tumhin iman se kah do ki kafir hum hain ya tum ho
kaun sā ghar hai ki ai jaañ nahīñ kāshāna tirā aur jalva-ḳhana tirā
mai-kada terā hai ka.aba tirā but-ḳhāna tirā sab hai jānāna tirā
kaun sa ghar hai ki ai jaan nahin kashana tera aur jalwa-KHana tera
mai-kada tera hai kaba tera but-KHana tera sab hai jaanana tera
na tum aa.e na apnī yaad ko bhejā mire dil meñ
ye vo ghar hai ki jis ko tum ne rakhā be-makīñ barsoñ
na tum aae na apni yaad ko bheja mere dil mein
ye wo ghar hai ki jis ko tum ne rakha be-makin barson
chDh channā ke kar rushnā.ī kaalī raat hijr dī
shamhā jamāl kamāl sajjan dī aa ghar baal asāDe
chDh channa ke kar rushnai kali raat hijr di
shamha jamal kamal sajjan di aa ghar baal asaDe
ghere hue kashtī ko hai tūfāñ bhī bhañvar bhī
hāsil hai mujhe ghar bhī yahāñ lutf-e-safar bhī
ghere hue kashti ko hai tufan bhi bhanwar bhi
hasil hai mujhe ghar bhi yahan lutf-e-safar bhi
jamāl-e-yār pe yuuñ jaañ nisār kartā huuñ
fanā ke ba.ad 'fanā' ghar meñ raushnī hogī
jamāl-e-yār pe yuñ jañ nisār kartā huñ
fanā ke baad 'fanā' ghar meñ raushnī hogī
mere sar ko mere dil ko merī āñkhoñ ko rahe
tire dar kī tere ghar kī tere āñgan kī talāsh
mere sar ko mere dil ko meri aankhon ko rahe
tere dar ki tere ghar ki tere aangan ki talash
mujh se be-miqdār kā dil aur jalva aap kā
sach hai ai ḳhurshīd har zarre meñ ghar darkār thā
mujh se be-miqdar ka dil aur jalwa aap ka
sach hai ai KHurshid har zarre mein ghar darkar tha
mire ghar na aa.eñ na mujh ko balā.eñ
mulāqāt ab aur rāhoñ se hogī
mere ghar na aaen na mujh ko balaen
mulaqat ab aur rahon se hogi
merā ghar ghar nahīñ tum bin ye siyah-ḳhāna hai
ab siyah-ḳhāne meñ aa jaao ujālā ho kar
mera ghar ghar nahin tum bin ye siyah-KHana hai
ab siyah-KHane mein aa jao ujala ho kar
kyā tire ghar meñ raat thā 'bedār'
us gul-andām kī sī bū hai yahāñ
kya tere ghar mein raat tha 'bedar'
us gul-andam ki si bu hai yahan
dard-o-ġham aur udāsī ke sivā kaun aatā
jin ko bhejā thā mire ghar meñ ḳhudā ne aa.e
dard-o-gham aur udasi ke siwa kaun aata
jin ko bheja tha mere ghar mein KHuda ne aae
āshiq na ho to husn kā ghar be-charāġh hai
lailā ko qais sham.a ko parvāna chāhiye
aashiq na ho to husn ka ghar be-charagh hai
laila ko qais shama ko parwana chahiye
ghar ghar tajalliyāñ haiñ talabgār bhī to ho
muusā sā koī tālib-e-dīdār bhī to ho
ghar ghar tajalliyan hain talabgar bhi to ho
musa sa koi talib-e-didar bhi to ho
chain hī chain milā tum se mohabbat kar ke
daulat-e-ishq milī ghar kā kyā kuchh bhī nahīñ
chain hi chain mila tum se mohabbat kar ke
daulat-e-ishq mili ghar ka kya kuchh bhi nahin
ġhair ke ghar meñ bhī 'rāqim' aaj tum hote chalo
ek chhachhūñdar chhoḌ kar kuchh gul khilāte jā.iye
ghair ke ghar mein bhi 'raqim' aaj tum hote chalo
ek chhachhundar chhoD kar kuchh gul khilate jaiye
aa jā.iyo yaar ghar se jaldī
mat kushta-e-intizār kiijo
aa jaiyo yar ghar se jaldi
mat kushta-e-intizar kijo
divālī ToḌ kasrat kī jism se ab judā.ī kar
tajallā dekh vahdat kā ghar apne roshnā.ī kar
diwali ToD kasrat ki jism se ab judai kar
tajalla dekh wahdat ka ghar apne roshnai kar
vahīñ aa baiThā uTh kar udhar se
milā hai ghar mirā dushman ke ghar se
wahin aa baiTha uTh kar udhar se
mila hai ghar mera dushman ke ghar se
